Беларусь суретшісінің Қазақстандағы көрмесі

Нұр-Сұлтанда Беларусь елінің тарихынан сыр шертетін сирек фотолар көрмесі ашылды

66
"Жеңіске қадам" көрмесі ҚР тұңғыш президентінің музейінде 2 тамызға дейін өтеді

НҰР-СҰЛТАН, 3 шілде – Sputnik. Елордада танымал фотосуретші Сергей Ларенковтың "Крок да Перамогi" ("Жеңіске қадам") атты көрмесі ашылды, деп хабарлайды Sputnik Қазақстан тілшісі.

Көрме Беларусь елінің фашистік Германиядан азат етілуінің 75 жылдығына орай ұйымдастырылған. Онда Миниск пен Брест қалаларының тарихынан сыр шертетін фотолар қойылған.

Выставка фотохудожника Сергея Ларенкова Крок да Перамогi (Шаг к Победе), посвященная 75-летию освобождения Беларуси от немецко-фашистских захватчиков открылась в столице
© Sputnik / Владислав Воднев
Экспозицияға Минск және Брест қалалары фотореконструкциясының екі сериясы ұсынылған

Шараны астанадағы Ресейдің ғылым және мәдениет орталығы өкілдігінің қолдауымен Қазақстандағы Беларусь елшілігі ұйымдастырған. Көрме ҚР тұңғыш президенті – Елбасының кітапханасының "Мәдениет арқылы диалог" жобасы аясында өтуде.

Көрмеге сұрапыл соғыс жылдары бейнеленген 41 туынды қойылған. Фотосуретші Сергей Ларенков тарихи суреттерді жаңа фотолармен шебер үйлестіре білген.

Выставка фотохудожника Сергея Ларенкова Крок да Перамогi (Шаг к Победе), посвященная 75-летию освобождения Беларуси от немецко-фашистских захватчиков открылась в столице
© Sputnik / Владислав Воднев
Көрме Беларусьтің фашистік Германиядан азат етілуінің 75 жылдығына орай ұйымдастырылып отыр

Шара Беларусь мемлекетінің тәуелсіздік мерекеге орай ұйымдастырылып отыр. 3 шілдеде Минск қаласы фашистерден азат етілген болатын. Бұл – Беларусь мемлекетінің басты мерекесі саналады.

Выставка фотохудожника Сергея Ларенкова Крок да Перамогi (Шаг к Победе), посвященная 75-летию освобождения Беларуси от немецко-фашистских захватчиков открылась в столице
© Sputnik / Владислав Воднев
Сергей Ларенковтың Қазақстандағы "Крок да Перамогi" атты көрмесі

"1944 жылы 3 шілдеде Беларусь астанасы басқыншылардан азат етілді. Бұл тарихи күн Беларусь халқы, парламент және Беларусь президентінің шешімімен тәуелсіздік мерекесі ретінде таңдалды. Осыдан 75 жыл бұрын 1943 жылдың 23 қыркүйегінде кеңес әскерлері фашист басқыншыларынан Беларусьтегі бірінші елді мекенді азат етті. Ол Комарино аудан орталығындағы Полесской, қазіргі Гомель облысы. Осы күннен Беларусь жерінен басқыншыларды ығыстыру операциясы басталды. Кеңес әскері партизандардың, сұрапыл соғыстың зардабын көрген Беларусь халқының қолдауымен батысқа беттеді", - дейді Қазақстандағы Беларусь Республикасының төтенше және өкілетті елшісі Анатолий Ничкасов.

Тағы оқыңыз: Анатолий Карповтың сирек маркалар коллекциясының көрмесі

Қазақстандағы Ресейдің төтенше және өкілетті елшісі Алексей Бородавкиннің айтуынша, "Багратион" операциясы барысында Беларусь фашистік басқыншаларынан азат етілген. Оның пікірінше, бұл Ұлы отан соғысындағы ең маңызды күндердің бірі екен.

"Минск пен Брестің тарихи және заманауи фотоларын бір-бірімен салыстыру арқылы кеңес халқының – орыс, беларусь, украиналықтар, грузиндер, армяндар, қазақстандықтар туған жерінің бір бөлігін асқан ерлікпен қорғанын көруге болады. Минск соғыстан толығыман қирады ғой. Қаланы қалпына келтіруге Кеңес одағының құрамында болған барша республика көмектескен. Мен соғысқа аттанып, жеңіске өз үлесін қосып, мемлекетті қалпына келтіруге барын салған ардагерлерге алғысымды білдіремін", - дейді елші.

Выставка фотохудожника Сергея Ларенкова Крок да Перамогi (Шаг к Победе), посвященная 75-летию освобождения Беларуси от немецко-фашистских захватчиков открылась в столице
© Sputnik / Владислав Воднев
Сергей Ларенковтың Қазақстан астанасындағы "Крок да Перамогi" көрмесі

"Сергей Ларенков біздің ұйымға осыдан он жыл бұрын келген болатын. Ол кезде фотосуретші әлі танымал емес еді. Сергейдің балалық шағында әжесі блокаданы көрген. Отбасы архивіндегі суреттерді көрсеткен", - деді Нұр-Сұлтан қаласындағы Ресейдің ғылым және мәдениет орталығының жетекшісі Константин Воробьев.

Руководитель Российского центра науки и культуры в Нур-Султане Константин Воробьев
© Sputnik / Владислав Воднев
Нұр-Сұлтан қаласындағы Ресейдің ғылым және мәдениет орталығының жетекшісі Константин Воробьев

Айта кетейік, фотосуретші Сергей Ларенковтың көрмесіне кіру тегін. Сирек фотоларды ҚР тұңғыш президент музейінен тамашалауға болады. Музей дүйсенбі күні жұмыс істемейді. Ал қалған күндері сағат 10:00-ден кешкі 17:00-ге дейін ашық.

Бұл материалды Sputnik Қазақстанның орысша нұсқасынан да оқи аласыз.

66
Кілт сөздер:
көрме, фото, тарих, Беларусь, елорда
Тақырып бойынша
Меккеде Қағбаның қисуасына арналған көрме ашылды
Анатолий Карпов Нұр-Сұлтанға өзінің сирек маркалар коллекциясын әкелді
70-80 жылдардағы Қазақстан жастары қандай болды – ескі суреттер
Ғаламшардағы ең үлкен құс мүсіні қалай көрінеді – видео  
Жер беті ғарыштан қалай көрінеді - таңғажайып 20 сурет
Борат-2 фильміне қарсы петиция

"Борат-2" фильміне қарсы петиция: АҚШ-тың Бас консулы жауап берді

3755
(Жаңартылды 20:31 23.10.2020)
"Борат" фильмінің екінші бөлімі тыйым салуды талап еткен бір топ жас петиция ұсыну АҚШ-тың Бас консулдығына барған болатын

АЛМАТЫ, 23 қазан – Sputnik. Алматыдағы АҚШ-тың Бас консулдығы "Борат-2" фильміне қарсы шыққан азаматтардың өтінішіне жауап берді, деп хабарлайды Sputnik Қазақстан.

Дипломатиялық миссия 23 қазанда "Борат-2" фильмінің шығуына қарсы наразылық білдірушілер тобынан петиция түскенін айтты. Сонымен қатар Америка құрама штаттары үкіметі бұл фильмді қаржыландыруға, түсіруге немесе шығуына қатыспағанын мәлімдеді.

"Өз ойын білдіру бостандығы мен бейбіт жиындарға еркіндік беру – АҚШ Конституциясында көрсетілген құқықтар. Сондай-ақ АҚШ үшін де, Қазақстан үшін де негізгі құндылық болып табылады. Біз азаматтардың өз ойын бейбіт түрде білдіру қабілетін қолдаймыз. Дәл осы мүмкіндік біздің елдерді мықты етеді", - делінген хабарламада.

Сонымен қатар хабарламада АҚШ-тың Қазақстандағы төтенше және өкілетті елшісі Уильям Мозердің екі ел арасындағы қарым-қатынасына анықтама берді.

"АҚШ пен Қазақстан арасындағы қарым-қатынас – штаттарда оқып, жұмыс істейтін көптеген қазақстандықтың, сондай-ақ Қазақстанның бай мәдениеті мен дәстүрімен танысуға мүмкіндік алған көптеген америкалықтың тәжірибесі", - деді АҚШ елшісі.

Айта кетейік, 23 қазанда бір топ жас АҚШ Бас консулдығына жиналып, "Борат-2" фильмінің шығуына қарсы шықты. Олар фильмге тыйым салуды талап етіп, петициясын ұсынды.
Ұйымдастырушылар бұл петиция арқылы қоғамда теріс реакция тудырған фильмнің көрсетілуіне тыйым салуды сұрайды, олардың пікірінше, ол бүкіл мемлекеттің беделін түсіреді.

Бұған дейін Қазақстанның мәдениет және спорт министрі Ақтоты Райымқұлова британдық актер және режиссер Саша Барон Коэннің атышулы "Борат-2" фильмі туралы пікір білдірген еді

Министрдің айтуынша, сенсациялық фильмнің Қазақстанда пайда болуы фактісін елемеуге болмайды. 

"Борат" тарихы

Еске сала кетсек, "журналист" Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар кеткенімен, оны дайындағандар 261,5 миллион доллар пайда тауып, "Алтын глобус" иегері атанды және "Оскарға" ұсынылды.

Ал Қазақстанда фильм қоғам тарапынан наразылық тудырды. Фильм түсірушілерге елді қорлады деген айып тағылды.

Екінші бөлімнің сюжеті бойынша, ойдан шығарылған кейіпкер, қазақстандық журналист Бораттың тағы да АҚШ-қа жолы түседі. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейтін болады.

Жаңа трейлер шыққаннан кейін көптеген қазақстандық фильмді теріс бағалады. Осыдан кейін әлеуметтік желіде "Бораттың" жалғасының шығуына қарсы флешмоб ұйымдастырылды. Оған әлемнің түкпір-түкпіріндегі қолданушылар қосылды, олар #СancelBorat хэштегімен фильмге қарсы шығып жатыр.

3755
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
"Көрсетуге болмайды": "Борат-2" фильміне қарсы жастар АҚШ бас консулдығына барды
"Борат-2": министр қандай шара қолға алынатынын айтты
АҚШ-тың Қазақстандағы елшісі "Борат" фильміне қатысты пікір білдірді
Саша Барон Коэн Астанада "Бораттың киімімен" суретке түскен туристерге араша түсті
Борат-2 фильміне наразылық танытқан жастар АҚШ елшілігіне барды

"Көрсетуге болмайды": "Борат-2" фильміне қарсы жастар АҚШ бас консулдығына барды

3904
(Жаңартылды 15:54 23.10.2020)
Жастар "Борат-2" фильмінің қазақстандық мәдениетті қорлайтынына, оны шығару мүлдем дұрыс емес екендігіне сенімді. Бұған дейін әлеуметтік желіде көптеген қазақстандық атышулы фильмге қатысты өз наразылығын білдірді

АЛМАТЫ, 23 қазан - Sputnik. Бір топ жас АҚШ-тың Бас консулдығына "Борат" фильмінің екінші бөлімі шыққан күні келді. Олар фильмге тыйым салуды талап етіп, петициясын ұсыну үшін ғимаратқа кірді. 

Қазақстанның патриот жастарының өкілдері Американың дипломатиялық өкілдігінің ғимаратына фильмге қатысты наразылығын жеткізу мақсатында арнайы барды. Жастар фильмге қарсы петиция жазды.

Петиция против фильма Борат-2 от казахстанской молодежи, переданная генконсулу США
© Sputnik / Тимур Ниталиев
"Борат-2" фильміне наразылық танытқан жастар АҚШ-тың бас консулдығына барды

Ұйымдастырушылар бұл петиция арқылы қоғамда теріс реакция тудырған фильмнің көрсетілуіне тыйым салуды сұрайды, олардың пікірінше, ол бүкіл мемлекеттің беделін түсіреді.

"Көп адам жиналуы керек еді, бірақ пандемия кезінде бұған тыйым салынып отыр. Заң бар. Соған сәйкес, көп адам шоғырланбауы керек. "Намыс" клубынан Азамат Жолданбаев, Мақсат Мамадияров және бір топ жігіт келді. Біздің бар тілегіміз – осы фильмді заңды түрде тоқтату. Бұл фильмді көрсетуге болмайды. Күні кеше олар қазақтың намысын аяққа таптады. Сондықтан біз үйімізде отыра алмадық, бұл жерге өз наразылығымызды білдіру үшін келдік", - деді "Намыс" клубының жетекшісі Азамат Ғалымжанұлы.

Петицияға 50 адам қол қойды. Қол қойған тараптардың өкілдері бас консулға петицияны куәгерлер мен журналистердің көзінше ұсынғысы келетінін жеткізді. Консулдық қызметкерлері ішке тек бір адамды ғана шақыра алатынын жеткізгендіктен, Азамат Ғалымжанұлы өз әріптесімен бірге бас ғимаратқа кірді. Кейін олар қандай нәтижеге қол жеткізгендерін айтты.

"Дипломаттар біздің петициямызды қабылдады, пікірімізге құлақ асты, наразылығымызды түсінді. Олар құжатты қарау үшін бас консулға тапсыратынын айтты. Ең бастысы, олар бізді және көздеген мақсатымызды түсінді. Мақсатымыз - осы фильмнің біздің елде таралуына жол бермеу", - деді Ғалымжанұлы.

Оның айтуынша, өтінішті қарағаннан кейін консулдық қызметкерлері олармен байланысқа шығуға уәде берген.

"Борат-2" төңірегіндегі дау

Бұған дейін Қазақстанның мәдениет және спорт министрі Ақтоты Райымқұлова британдық актер және режиссер Саша Барон Коэннің атышулы "Борат-2" фильмі туралы пікір білдірген еді.

Министрдің айтуынша, сенсациялық фильмнің Қазақстанда пайда болуы фактісін елемеуге болмайды. 

Казахстанская молодежь пришла к генконсульству США с требованием запретить фильм Борат-2
© Sputnik / Тимур Батыршин
"Мақсатымыз - осы фильмнің біздің елде таралуына жол бермеу", - дейді консулдық алдында жиналған жастар

АҚШ-тың Қазақстандағы елшісі де атышулы "Борат" туралы өз ойымен бөлісті. Ол АҚШ-та Қазақстанды танытып жүрген дарынды азаматтар көп екенін атап өтті.

"Олар кез келген фильмнен гөрі ұзақ есте қалады", - деп түйіндеді өз сөзін Мозер.

"Борат" тарихы

Еске сала кетсек, "журналист" Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар кеткенімен, оны дайындағандар 261,5 миллион доллар пайда тауып, "Алтын глобус" иегері атанды және "Оскарға" ұсынылды.

Ал Қазақстанда фильм қоғам тарапынан наразылық тудырды. Фильм түсірушілерге елді қорлады деген айып тағылды.

Екінші бөлімнің сюжеті бойынша, ойдан шығарылған кейіпкер, қазақстандық журналист Бораттың тағы да АҚШ-қа жолы түседі. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейтін болады.

Жаңа трейлер шыққаннан кейін көптеген қазақстандық фильмді теріс бағалайды. Осыдан кейін әлеуметтік желіде "Бораттың" жалғасының шығуына қарсы флешмоб ұйымдастырылды. Оған әлемнің түкпір-түкпіріндегі қолданушылар қосылды, олар #СancelBorat хэштегімен өздерінің ашу-ызасын білдіруде.

3904
Кілт сөздер:
наразылық, жастар, консул, АҚШ, фильм, Борат
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
АҚШ-тың Қазақстандағы елшісі "Борат" фильміне қатысты пікір білдірді
"Борат-2": министр қандай шара қолға алынатынын айтты
Шетелдіктер Астанада "Бораттың киімімен" суретке түсті
Саша Барон Коэн Астанада "Бораттың киімімен" суретке түскен туристерге араша түсті
Дүниежүзілік денсаулық сақтау ұйымының басшысы Тедрос Адханом Гебрейесус

ДДҰ басшысы пандемия туралы: алдағы бірнеше ай өте қиын болады

0
(Жаңартылды 09:25 24.10.2020)
Бүкіл әлем коронавирус пандемиясының өте қиын кезеңінде тұр, деп атап өтті Тедрос Адханом Гебрейесус

НҰР-СҰЛТАН, 24 қазан – Sputnik. Дүниежүзілік денсаулық сақтау ұйымының басшысы Тедрос Адханом Гебрейесус коронавирустың таралуына байланысты әлемде қиын жағдай туындағанын хабарлады.  

"Әлем, әсіресе Солтүстік жарты шар бұл пандемияның күрделі кезеңінде тұр. Алдағы бірнеше ай өте қиын болады және кейбір елдер қауіпті жолға түседі. Көптеген елде сырқаттанған адамдар саны күрт өсіп жатыр", - деп мәлімдеді ДДҰ басшысы брифинг барысында.

Ол мемлекет басшыларын өлім-жітім өсіп, денсаулық сақтаудың негізгі қызметінде дағдарыс болып, мектептер қайта жабылмау үшін шұғыл шаралар қабылдауға шақырды, деп хабарлады РИА Новости.

Ал ДДҰ бас ғылыми қызметкері Сумия Сваминатан қарашаның соңына қарай бір немесе екі Covid-19 вакцинасы сынақтың үшінші кезеңінен өткізілетінін мәлімдеді. Айтуынша, сол кезде препаратты төтенше жағдайлар кезінде қолдануға кеңес беруге болады.

Оқи отырыңыз: Қазақстанда коронавируспен ауырған адамдар саны 110 мыңнан асты 

23 қазанда Covid-19 індетінің әлемдегі күн сайынғы өсімі бойынша жаңа рекорд тіркелді – 445 419 адам ауырған. Жалпы, пандемия басталғаннан бері 41 570 883 адам коронавирус жұқтырғаны анықталып, оның 1 134 940-ы қайтыс болды.

0
Кілт сөздер:
ДДҰ, коронавирус
Тақырып бойынша
Қысқы қолғап коронавирустан қорғай ма – вирусолог жауап берді
Көпті мазалаған сұрақ: екінші тоқсанда қашықтан оқу жалғаса ма?
Қазақстанда бір аптада коронавирустан 28 адам қайтыс болды
Дәрігерлерге өтемақы төлеу тәртібі өзгерді – министрлік түсініктеме берді 
Бекшин Алматыда инфекция жұқтырғандар неге көбейгенін айтты