Зарина Сабыржанова

"Басқа адам болғым келмейді": ДЦП-ға шалдыққан журналистің әңгімесі

334
Зарина Сабыржанова республикалық телеарналардың бірінде жұмыс істейді

НҰР-СҰЛТАН, 4 шілде — Sputnik. "Хабар 24" телеарнасының редакторы Зарина Сабыржанова сырқатқа қарамастан өмірге деген құштарлығын жоғалтпағанын, қиындықтарды қалай еңсеріп жүргенін, нені армандайтынын, журналистика саласына қалай келгенін Sputnik Қазақстан тілшісіне айтып берді.

Зарина Сабыржанова
© Sputnik / Абзал Калиев
Зарина бала кезінде дәрігер болуды армандапты. Алайда жас журналистер курсынан кейін осы салаға бет бұрды

Зарина Сабыржановаға дәрігерлер балалардағы церабралды паралич (ДЦП) диагнозын қойған. Сондықтан оған журналист боламын деген ой үш ұйықтаса түсіне де кірмепті. Себебі, Зарина кішкентайынан дәрігер болуды армандаған.

"Мен журналист боламын деп ойлаған жоқпын. Дәрігер болуды армандадым. Осы арманымды жүзеге асыру үшін 10-сыныпқа дейін еңбектендім. Адамдарға көмектескім келді. Себебі, дәрігер  ең жақсы мамандық қой. Бірақ жоғары сыныпта оқып жүргенде жас журналистердің курсына қатыстым. Осыдан соң бұл мамандыққа та маған қатты ұнап қалды. Сондықтан емтиханда әдебиет пәнін таңдап, журналистика факультетіне түсуді шештім", - дейді ол.

Зарина сырқаттың жазылмайтынына қарамастан, алдына мақсат қойып, журналистика факультетіне түсіпті. Оқуын үздік тәмамдап, қызыл диплом алған. Бірақ диплом бойжеткеннің жұмысқа орналасуына септігін тигізбеген.

29 жастағы Зарина журналистика саласына келмес бұрын БАҚ өкілдері әлем аралайды әрі күн сайын жаңа адаммен танысады деген пікірде болыпты. Бірақ жұмыс істей бастаған соң, іс жүзінде барлығы басқаша екенін түсінген. 

Зарина Сабыржанова
© Sputnik / Абзал Калиев
Журналистика саласына келмес бұрын БАҚ өкілдері әлемді аралап, күн сайын жаңа адаммен танысады деген пікірде болған

"18 жастағы адамдар осылай ойлайтын шығар. Маған журналистер орнында көп отырмайтын сияқты көрінетін. Кейін олар көп саяхат жасамайтынын, әрбір редакцияның болып жатқан жағдайға қатысты өзіннің көзқарасы бар екенін түсіндім. Яғни материалды беру стилін айтамын", - дейді журналист.

Оның пікірінше, журналистика – көп еңбекті талап ететін мамандық. Сапалы материал жазу үшін барынша тырысу қажет.

Жұмыс таба алмаймын деп ойладым

Зарина оқуды бітірген соң, мамандығы бойынша жұмыс табатынына күмән болыпты. Тіпті, студенттік практика кезінде ақпарат агенттігіндегі адамдар оған сырқатына байланысты аз тапсырма беретінін айтады.

"Мен университетті бітірген соң, жұмыс таба алмаймын деп ойладым. Себебі, адамдар мені ойлап, маған аз тапсырма беретін. Мысалы, практика жетекшілері мені аяйтын. Олар мені іс-шараға жіберсе, "келген соң, асықпай жазарсың" дейтін. Мүмкін мен шұғыл жағдайда басқалары сияқты тез қозғала алмайтындықтан болар. Бірақ мен ешқашан дертім маған кедергі болады деп ойлаған жоқпын", - дейді ол.

Телевизияға кездейсоқ келдім

Зарина еліміздегі беделді телеарналардың бірінде жұмыс істемес бұрын жеке агенттікте қызмет атқарғанын айтады. Сондай-ақ, ол аудармамен де айналысыпты.

"Мен жеке компанияның сайтында жұмыс істейтінмін. Тауарлар туралы жазып, сайтқа сол тауарлардың суретін жүктедім. Жұмыста көп отыратынбыз. Бірақ ешқандай шығармашылық болған жоқ. Онда барлығы талап бойынша жүргізілетін. Сондай-ақ қосымша корейлерге орыс тілінен сабақ бердім", - дейді Зарина Сабыржанова.

Зарина Сабыржанова
© Sputnik / Абзал Калиев
Зарина бес жылдан астам уақыт бойы "Хабар 24" телеарнасында істейді

Ұнамайтын ісімен бір жыл бойы айналысқан Заринаның денсаулығы сыр беріпті. Ол Қытайда ем қабылдауға баруға мәжбүр болды.

Елге оралған соң міндетті түрде өз мамандығым бойынша қызмет етемін деп шешіпті.

"Маған телефон соғып, "Хабар" агенттігіне жұмысқа шақырды. Бірден осы жерге келдім. Мені телеарнаның жаңалықтар сайтының шеф-редакторымен таныстырды. Ол мені өте жылы қабылдады", - деп еске алады Зарина.

"Басқа адам болғым келмейді"

Оның айтуынша, ата-анасы ешқашан мүгедек бала деп қарамаған. Талап бәрімен бірдей болатын.

"Мен өзімнің құрдастарымнан кем түспеуім керек еді. Өзімді мүгедек санаймын ба, жоқ па, қалай дегенмен бұл бар нәрсе. Аяғымның орнына басқасын қоя алмаймын ғой", - дейді ол.

Зарина Сабыржанова
© Sputnik / Абзал Калиев
Зарина өзінің жұмыс орны - "Қазмедиа" орталығында

Басқаша, денің сау болып тууды армандайсың ба? деген сұраққа Зарина бірден: "Жоқ" деп жауап берді.

"Басқа адам болып тусам, қазіргі отбасымның мүшесі болмайтын едім. Барға қанағат, мен бақыттымын", - деді Зарина.

Бұл материалды Sputnik Қазақстанның орысша нұсқасынан да оқи аласыздар.

334
Кілт сөздер:
журналист, адам
Тақырып бойынша
Нұр-Сұлтан журналистері өздеріне жұмақ мекен жасап алды – видео
Қазақстанда журналистердің құрметіне жаңа аллея ашылды
"Қазақпен қазақша сөйлесетін уақыт келді": Мәди Манатбек орыс тілді шенеуніктерді сынады
"Өзімді өте бақытты жан санаймын": Димаш өміріндегі қызықты сәттері туралы әңгімеледі
Жеңілмеген қазақстандық боксшы журналистің бетіне су шашып жіберді – видео
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

20
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

20
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы
Боран

Бұрқасын соғып, көктайғақ болады синоптиктер жұмаға болжам жасады

1031
Қазақстанның тоғыз өңірінде дабылды ескерту жарияланды, бұрқасын соғып, тұман түседі, көктайғақ болады деп болжанып отыр

НҰР-СҰЛТАН, 26 қараша – Sputnik. Синоптиктер жұмада ауа райы қандай болатынын хабарлады.

Қазгидрометтің мамандары Қазақстан аумағының басым бөлігінде жаңбыр, қар жауады деген болжам жасады, тек шығыста және оңтүстік-шығыста ауа райы жауын-шашынсыз болады. Республиканың кей жерлерінде тұман түсіп, көктайғақ болады, жел күшейеді, Қазақстанның солтүстігінде және орталық бөлігінде жаяу бұрқасын соғады.  

Дабылды ескерту

Ақтөбе облысында кей жерлерде тұман түседі.

Жұма күні Түркістан облысының кей жерлерінде тұман түсіп, секундына 15-20 метр жылдамдықпен жел соғады.

Ақмола облысында кей жерлерде тұман, жаяу бұрқасын соғады, секундына 15-20 метр жылдамдықпен жел соғады.

Жұма күні Маңғыстау, Қызылорда, Атырау, Қостанай облыстарында кей жерлерде тұман түсіп, көктайғақ болады.

Қараша айының жиырма жетісінде Солтүстік Қазақстан облысының кей жерлерінде тұман түсіп, бұрқасындатады.

Оқи отырыңыз: Биылғы қыс қандай болады – синоптиктер болжам жасады 

28 қарашада таңертең және күндіз Жамбыл облысында жауын-шашын қатты жауады (жаңбыр, қар), 27-29 қарашада кей жерлерде тұман түсіп, көктайғақ болады, 28 қарашада кей жерлерде жаяу бұрқасын соғады. 27 қарашада күндіз, 28 қарашада тәулік бойы секундына 15-20 метр жылдамдықпен жел соғады, 28 қарашада екпіні секундына 23-28 метрге жетеді.

Өңірлердегі ауа райы

Қарағанды ​​облысында кей жерлерде тұман түсіп, жаяу бұрқасын соғады.

Батыс Қазақстанда тұман түсіп, көктайғақ болады деп болжануда.

Ақтөбе, Шығыс Қазақстан облыстарында, түнде Павлодар облысында тұман түседі.

Алматы облысында, Жалаңашкөл маңында жел секундына 17-22 метрге күшейеді.

Мегаполистердегі ауа райы

Нұр-Сұлтанда түнде 14-16, күндіз 5-7 градус суық болады.

Алматыда түнде ауа температурасы минус 5-7 градусқа дейін төмендейді, күндіз плюс 4-6 градус болады.

Шымкентте дабылды ескерту жарияланды. 27 қарашада күндіз мұнда жел тұрып, екпіні секундына 15-20 метрге дейін жетеді. Түнде минус 1 - плюс 1, күндіз 7-9 градус жылы болады.

1031
Кілт сөздер:
ауа райы болжамы, көктайғақ, бұрқасын