Депутаттар, архивтегі сурет

Депутаттардың демалысын қысқарту қажет пе қаржы министрінің пікірі

807
(Жаңартылды 15:22 23.07.2019)
Бүгінде депутаттар жазда екі ай демалады. Бұдан бөлек, өңірлерді аралау бар. Бірақ оған көп уақыт қарастырылмаған

НҰР-СҰЛТАН, 23 шілде – Sputnik. Премьер-министрдің орынбасары – қаржы министрі Әлихан Смайылов депутаттардың демалысын қысқартуға қатысты пікір білдірді, деп хабарлайды Sputnik Қазақстан тілшісі.

Үкіметте өткен баспасөз мәслихатында журналист депутаттардың демалысын қысқартуға қатысты сауал қойды.

"Қазіргі әлеуметтік-экономикалық жағдайда қазақстандықтар депутаттарға екі ай демалыс беру тым көп деп санайды. Неге депутаттар бәрімен бірдей бір айға ғана демалысқа жіберілмейді? Ал екінші айда өз ақшасына демалсын. Осыған байланысты қаржы министрі ретінде сіздің жеке ойыңызды білейік деп едік?", - деді тілші.

Бас қаржыгердің ойынша, депутаттар өз жалақысына сай жұмыс істеп жатыр.

"Негізі, парламенттің қызметіне қатысты мәселелердің бәрі арнайы конституциялық заңда жазылған. Меніңше, біздің парламентіміз өз жұмысын кәсіби әрі тиімді атқарып жатыр. Ал парламентке түсетін барлық заң уақытында қаралып қабылданады. Сондықтан олар өз жалақысына сай жұмыс істеп жатыр деп ойлаймын. Оған күмәнім жоқ", - деді Смайылов үкімет үйінде өткен баспасөз мәслихатында.

Оның айтуынша, депутаттар демалыс уақытында өңірлерді аралап, халықтың ұсынысы мен өтінішін тыңдайды.

"Соның нәтижесінде заңдарға тиісті өзгеріс енгізуге болады. Сондықтан депутаттарға берілген демалыс жұмысты тиімді жүргізуге ықпал етеді. Олардың демалысын қысқартатын жоспарымыз жоқ", - деді Смайылов.

807
Кілт сөздер:
демалыс, депутат, ақша
Тақырып бойынша
"Кейін көреміз оны": Нығматулин қарсы дауыс берген депутат жайлы пікір білдірді
"Маған ренжімесін": Нығматулин кімге көңілі толмайтынын айтты
Қайрат Нұртасқа депутаттар атақ берді: ол енді қоғамдық көлікте тегін жүреді
Дариға Назарбаева Елбасыға "Құрметті сенатор" төсбелгісін табыстады
Мәжіліс төрағасы үкіметтің жұмысын сынға алды
Депутаттың жұмыс үстелі

Мәжіліс отырысы бір минут үнсіздікпен басталды

1
2016 жылы алтыншы сайланған мәжіліс депутаты атанған Глеб Щегельский экология мәселелері және табиғат пайдалану комитетінің төрағасы болды

НҰР-СҰЛТАН, 21 қазан – Sputnik. Парламент мәжілісінің бүгінгі жалпы отырысы бір минут үнсіздікпен басталды. Депутаттар әріптесі Глеб Щегельскийді еске алды, деп хабарлайды Sputnik Қазақстан тілшісі.

Мәжіліс төрағасы Нұрлан Нығматулин экология және табиғатты пайдалану комитетін басқарған Глеб Щегельскийдің мезгілсіз қазасына байланысты палата өкілдері мен отырысқа қатысқан үкімет мүшелерінің атынан тағы да көңіл айтып, қайғыға ортақтасатынын жеткізі. 

"Глеб Анатольевич өзінің бар күш-жігерін мен тәжірибесін ел игілігіне жұмсады. Ол үкіметпен тығыз жұмыс істеді, нағыз патриот болды. Біз оны ешқашан ұмытпаймыз", – деді Нығматулин. 

Мәжіліс депутаты Глеб Щегельский 2020 жылдың 17 қазанында 51 жасында кенеттен қайтыс болды.

Глеб Щегельский туралы

Ол 1969 жылы Целиноград облысының Степногорск қаласында туған. Мәскеудің С.Орджоникидзе атындағы Авиация институтын бітірген.

Еңбек жолын Ақтөбе ферроқорытпалар зауытында балқытушы, инженер болып бастаған. Әр жылдары Ақтөбе қаласы әкімінің бірінші орынбасары, "Рика ТВ" ЖШС директорының орынбасары, индустрия және сауда министрлігінің Ақтөбе техникалық реттеу және метрология департаментінің директоры болып еңбек еткен.

Глеб Щегельский
Глеб Щегельский

2012 жылдан бесінші сайланған парламент мәжілісінің депутаты. Мәжілістің қаржы және бюджет комитеті мен "Нұр Отан" партиясы фракциясының мүшесі. 2016 жылы алтыншы сайланған мәжіліс депутаты атанған ол экология мәселелері және табиғат пайдалану комитетінің төрағасы болды.

Астанаға 10 жыл, "Нұр Отан", Қазақстан Республикасы Тәуелсіздігінің 20 жылдығы медальдерімен, "Құрмет" орденімен марапатталған.

Төрт баласы бар.

1
Кілт сөздер:
депутат, еске алу шарасы, мәжіліс отырысы
Тақырып бойынша
Депутаттар белгісіз заттан уланған баланы еске алды
Әйелінің хаты оқтан құтқарды - әнші атасының майдандағы оқиғасын еске алды
Министр Абаев еден жуған жылдарын еске алды  
Нұр-Сұлтанда Қазақстанның бірінші қорғаныс министрі Нұрмағамбетовті еске алды
Бір минут үнсіздік: Тоқаев пандемия құрбандарын еске алды – видео
Қасым-Жомарт Тоқаев

Тоқаев қазақстандықтарға үндеу жолдады

483
(Жаңартылды 09:47 21.10.2020)
Жаңа сайлау науқанына дейін саяси жаңғыру, көппартиялықты дамыту және еліміздің қоғамдық-саяси өміріне азаматтардың қатысу аясын кеңейту жөнінде шаралар қабылданады

НҰР-СҰЛТАН, 21 қазан – Sputnik. Мемлекет басшысы Қасым-Жомарт Тоқаевтың қазақстандықтарға жолдаған үндеуінің толық мәтіні Ақорда сайтында жарияланды.

Құрметті отандастар!

Бүгін мен Парламент Мәжілісі депутаттарының сайлауын тағайындау туралы Жарлыққа қол қойдым. Орталық сайлау комиссиясының қаулысымен барлық деңгейдегі мәслихат депутаттарының сайлауы тағайындалды.

Алдағы сайлау конституциялық мерзімге сәйкес, 2021 жылдың 10 қаңтарында өтеді. Барлық саяси партиялардың бұл сайлау науқанына қатысуға дайындалуына, сайлау алдындағы платформасын әзірлеуіне, партиялық инфрақұрылымдарды жетілдіруіне уақыты жеткілікті болды.

Орталық сайлау комиссиясы мен Бас прокуратура сайлаудың заңдылығын, ашықтығын және әділдігін сақтау үшін тұрақты бақылау жүргізіп отырады.

Жаңа сайлау науқанына дейін саяси жаңғыру, көппартиялықты дамыту және еліміздің қоғамдық-саяси өміріне азаматтардың қатысу аясын кеңейту жөнінде шаралар қабылданды.

Бірінші. "Қазақстан Республикасының Парламенті және оның депутаттарының мәртебесі туралы" конституциялық заңға және "Қазақстан Республикасы Парламентінің комитеттері мен комиссиялары туралы" заңға түзетулер енгізу арқылы парламенттік оппозиция институтын құру мәселесін қарастыратын және оның қызметін регламенттейтін өзгерістер мен толықтырулар жасалды.

Енді Парламент Мәжілісі тұрақты комитеттерінің бір төрағасы мен екі хатшысы парламенттік оппозиция депутаттары арасынан сайланады.

Сонымен қатар, парламенттік оппозиция бір сессия кезінде кемінде бір рет парламенттік тыңдау өткізу жөнінде бастама көтеру құқығын иеленеді. Сондай-ақ бір сессия кезінде кемінде екі рет үкімет сағатының күн тәртібін айқындайтын болады.

Бұдан бөлек, саяси партиялар фракцияларының жетекшілеріне Парламент палаталарының бірлескен отырыстарында, Парламент Мәжілісінің пленарлық отырыстарында, тұрақты комитеттердің, жұмыс топтарының отырыстарында, парламенттік тыңдауларда және басқа іс-шараларда сөз сөйлеуге кепілді құқық беріледі.

Екінші. "Қазақстан Республикасындағы сайлау туралы" конституциялық заңда және "Саяси партиялар туралы" заңда қарастырылған ережелер бойынша парламенттік тәжірибемізде алғаш рет партиялық тізімге әйелдер мен жастар үшін 30 пайыздық квота енгізілді. Бұл норма Парламентке және жергілікті өкілді органдарға әйелдер мен жастарды тартудың тиімді жолы ретінде олардың еліміздегі қоғамдық-саяси үдерістерге белсенді қатысуына септігін тигізеді.

Үшінші. Алдағы мәслихаттар сайлауы алғаш рет партиялық тізім бойынша өтеді. Пропорционалды модель әлемдік демократиялық тәжірибеге толық сай келеді, саяси жүйені нығайтуға, демократияны дамытуға ықпал етеді, саяси партиялардың жұмысын жандандырады.

Бұл жаңа бастамалар партияларға еліміздің саяси жүйесіндегі ұстанымын нығайту үшін қосымша мүмкіндіктер береді.

***

Коронавирус пандемиясы салдарынан туындаған күрделі экономикалық дағдарыс көптеген елді қамтыды, сондай-ақ, бүкіл әлемдік экономикаға кері әсер етті.

Қазіргі күрделі кезеңде Қазақстанның алдында дағдарысқа қарсы тиімді шаралар қабылдау, орнықты экономикалық дамуды және азаматтарымыздың әлеуметтік игілігін қамтамасыз ету, халықтың әл-ауқатын арттыру міндеті тұр.

Осы басымдықтар жөнінде менің Қазақстан халқына арнаған Жолдауымда айтылды.

Парламенттің және жергілікті өкілді органдардың жаңартылған құрамы еліміздегі әлеуметтік-экономикалық реформаларды сапалы әрі заңнамалық тұрғыдан қамтамасыз етуге баса мән береді.

Алдағы сайлау еліміздің саяси жүйесін жаңартуды қамтамасыз ететін саяси институттарды дәйекті түрде демократияландыруға және жаңғыртуға Қазақстанның аса ықыласты екенін тағы да бір дәлелдейтін болады.

Біздің ортақ миссиямыз – Қазақстанды өркендету, азаматтарымыздың игілігі үшін қызмет ету. Қазақстан халқы аса маңызды тарихи сындарлы сәттерде бір жеңнен қол, бір жағадан бас шығара білді. Халқымыз осы жолы да елімізді жан-жақты жаңғырту бағытындағы жаңа тарихи миссиясын лайықты атқарады деп сенемін. Тәуелсіздіктің 30 жылдығы қарсаңында еліміз кемелдене түсіп, дамудың жаңа кезеңіне шығатынымыз анық.

Мемлекетіміздің барлық азаматтарын белсенді азаматтық ұстанымын танытуға, Парламент Мәжілісінің және мәслихаттардың алдағы сайлауына ұйымшылдықпен қатысуға шақырамын.

483
Кілт сөздер:
сайлау, депутат, парламент
Тақырып бойынша
Сарапшылар ауыл әкімін сайлау кезінде қандай қиындықтар болуы мүмкін екенін айтты
Тоқаев Орталық сайлау комиссиясының төрағасына тапсырма берді
Мәжіліс сайлауы: Назарбаев дайындықты бастауды тапсырды
Мәжіліс сайлауы өтетін күнді кім және қалай белгілейді
Мәжіліс сайлауы қашан өтеді