Сабақ, оқушылар

"Нүкте қоятын кез келді": білім министрі маңызды мәселенің тоқетерін айтты

5983
Асхат Аймағамбетов мұғалімдерді сарапшылық жұмыс жүргізуге үйрету мәселесіне тоқталды

НҰР-СҰЛТАН, 8 тамыз – Sputnik. Білім және ғылым министрі Асхат Аймағамбетов оқулық сапасына қатысты мәселені қалай шешетінін айтты, деп хабарлайды Sputnik Қазақстан тілшісі.

"Оқулықтардың сапасына қатысты мәселе жыл сайын көтеріледі. Неге? Себебі оқулықтарды асығыс даярлаймыз. Сынақтан өткізу жұмысы да жарты жыл жүреді. Ал жарты жылда бәрін тексеріп шығу мүмкін емес", - деді Аймағамбетов астанада өткен жиында.

Министрдің айтуынша, оқулықтарға сараптама жасау мәселесі де өзекті болып тұр. Себебі кез келген мұғалім сараптама жасай алмайды. Ал осы жұмысқа көп жағдайда нағыз сарапшылар тартылмайды. Соның салдарынан бір проблема жыл сайын қайталана береді.

"Мұғалімдерді сарапшылық жұмыс жүргізуге үйрету керек. Оларға арнайы куәлік берген дұрыс. Дәл осы сарапшылар оқулықтарды тексеруі тиіс. Сонда сараптаманың сапасы да, оқулықтардың сапасы да жақсарады. Әйтпесе, бүгінде сараптама тек қағаз жүзінде ғана жүргізіледі. Бірақ оның тиімділігі төмен", - деді Аймағамбетов.

Білім министрі оқулық авторларына да талап қоюды ұсынып отыр. Өйткені әрбір автордың оқулық жазу мәнері әртүрлі. Соның барлығы баланың материалды қабылдауына әсер етеді.

"Біз сарапшыларды үйретеміз. Қазір ең үздік деген мың мұғалімді іріктеп, олар үшін арнайы курс өткіземіз. Арнайы куәлік береміз. Солардың ішінен жыл сайын сарапшыларды таңдап, оқулықтарды тексертетін боламыз. Сондай-ақ, оқулық авторларын да дайындықтан өткіземіз", - дейді Аймағамбетов.

Тағы оқыңыз: 1 қыркүйек жексенбіге түсіп тұр: Білім министрлігі мәлімдеме жасады

Оның сөзіне қарағанда, оқулықтардың сараптамасы үшін арнайы электронды жүйе жасалады. Сол арқылы оқулықтар мамандардың қарауына алдын ала беріледі. Ал сарапшылар өз ескертпелерін бірден көрсетіп отырады. Баспалар болса, кеткен қателік үшін жауап беруі керек.

"Осы мәселеге нүкте қоятын кез келді. Біз нақты әрі жүйелі шараyы қолға алуымыз қажет. Бүгінде оқулықтарда өрескел қателер жоқ. Дегенмен, біз ондай олқылықтарды толығымен жоюымыз керек", - деді министр.

5983
Кілт сөздер:
Асхат Аймағамбетов, білім министрлігі
Тақырып бойынша
Білім министрі биылғы оқу жылына дейінгі басты міндетті атады
Білім министрі оқытушылардың жаппай жұмыстан қуылуына қатысты түсініктеме берді
Жаңа оқу жылында оқушыларды қандай жаңашылдық күтіп тұр?
Білім министрі Аймағамбетов оқулықтан қате тапты
Оқуға түсе алмағандарға тағы үш мың грант бөлінеді
Индонезиядағы жер сілкінісі

Мемлекет басшысы Индонезия президентіне көңіл айтты

7
(Жаңартылды 19:49 15.01.2021)
Индонезияда соңғы тәулікте бірнеше рет жерасты дүмпуі болды. Салдарынан отыздан астам адам көз жұмып, 600-ден астам тұрғын зардап шекті

НҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев Индонезия президенті Джоко Видодоға көңіл айтты, деп хабарлайды Ақорда.

Мемлекет басшысы Сулавеси аралындағы күшті жер сілкінісі салдарынан көптеген адамның қаза болуына байланысты Индонезия Президенті Джоко Видодоға көңіл айту жеделхатын жолдады.

"Қазақстан халқының және жеке өзімнің атымнан қаза болған адамдардың жақындары мен туыстарына көңіл айтамын. Осындай қиын жағдайда біз индонезиялық достарымыздың қайғыларына ортақтасып, олармен бірге екенімізді жеткіземін. Сонымен қатар табиғат апатынан зардап шеккендердің тезірек сауығып, үйлеріне оралуына тілектестік білдіремін", – делінген жеделхатта.

Индонезиядағы жер сілкінісі

Индонезияда соңғы тәулікте бірнеше рет 5,7 және 6,2 магнитудалы жойқын жер сілкінісі болды. Салдарынан отыздан астам адам көз жұмып, 600-ден астам тұрғын зардап шекті.

Жер сілкінісі салдарынан жергілікті аурухана ғимараты құлап, медицина қызметкерлері мен емделушілер үйінді астында қалғаны белгілі болды.

Билік 15 мыңнан астам тұрғынды қауіпсіз жерге көшірді.

7
Тақырып бойынша
Тоқаев парламент отырысында қандай уәде берді – толық ақпарат
"Әділ болуы керек": Тоқаев зейнетақы жинағын пайдалану туралы айтты
Президент мәжіліске өтпеген саяси күштер туралы пікір білдірді
Бірнеше депутат премьер-министр кандидатурасын қолдамады – Тоқаев не деді
Ауылға баратын әрбір жол толығымен жөнделеді – Тоқаев
Құс пен қыс

Демалыс күндері ауа райы қандай болады

239
Қостанай облысының кей жерінде бұрқасын болып, тұман түседі. Оңтүстік-шығыс пен оңтүстіктен секундына 15-20 м/с жел соғады

АЛМАТЫ, 15 қаңтар – Sputnik. Қазгидромет синоптиктері 2021 жылдың 16-18 қаңтарында ауа райы қандай болатынын жариялады.

Сенбі, жексенбі күндері республиканың батысы мен солтүстігінде Жерорта теңізі циклонының әсерінен ауа райы тұрақсыз болады.

Кей жерлерде жауын-шашын түседі, батыста қар мен жаңбыр араласып, солтүстікте қар жауады.

Сондай-ақ кей жерлерде жел күшейіп, боран соғады, ауа температурасы көтеріледі. Қазақстанның қалған аумағында жауын-шашынсыз ауа райы сақталады. Республика бойынша кей жерлерде тұман түседі.

Мегаполистерде ауа райы қандай болады

Нұр-Сұлтанда түнде минус 13-15 градус, күндіз 4-6 градус аяз болады.

Алматыда түнде минус 8-10, күндіз плюс 5-7 градус.

Шымкентте түнде плюс 1-3, күндіз 15-17 градус жылы болады.

Дабылды ескерту жарияланды

Ақмола облысының кей жерлерінде бұрқасын болады. Оңтүстік-шығыстан, оңтүстіктен секундына 15-20 метр жел соғады.

"Ақтөбе облысының кей жерінде тұман, көктайғақ болады. Оңтүстік-шығыстан соққан жел оңтүстік-батысқа ауысып, секундына 18 метр жылдамдықпен жел соғады. Мұғалжар ауданында түнде желдің екпіні секундына 23 метрге дейін жетеді", – делінген хабарламада.

Батыс Қазақстан облысының кей жерінде тұман, көктайғақ, бұрқасын болады. Оңтүстік-батыстан соққан желдің жылдамдығы – 15-20 м/с, күндіз екпіні секундына 25 м/с жетеді.

16 қаңтарда Қызылорда облысының кей жерінде желдің жылдамдығы секундына 15-20 м/с-ке жетеді.

Қостанай облысының кей жерінде бұрқасын болып, тұман түседі. Күндіз кей жерлерде көктайғақ болады. Оңтүстік-шығыстан, оңтүстіктен секундына 15-20 м/с жел соғады.

Солтүстік Қазақстан облысының кей жерлерінде тұман түсіп, күндіз бұрқасын болады. Жел оңтүстік, оңтүстік-шығыстан секундына 15-20 метр жылдамдықпен соғады.

Петропавлда түнде оңтүстіктен, оңтүстік-шығыстан секундына 15-20 метр жылдамдықпен жел соғады.

239
Кілт сөздер:
табиғат, ауа райы