Қасым-Жомарт Тоқаев

Қытайлық оқытушы студент Тоқаевтың қандай болғанын айтып берді - видео

5479
Тоқаев тілдік тағылымдамадан өткен Бейжің лингвистикалық университетінің оқытушысы жеке мұрағатында сақталған фотолармен бөлісті

НҰР-СҰЛТАН, 15 тамыз – Sputnik. Әлеуметтік желіде президент Қасым-Жомарт Тоқаевтың Бейжің лингвистикалық университетінде оқып жүрген кезде түскен сирек суреттері жарияланды. 

Видеоны президенттің баспасөз хатшысы Берік Уәли Facebook-тегі парақшасында жариялады. 

"Бұл роликте мемлекет басшысы Қасым-Жомарт Тоқаевтың 1983 жылы Бейжің лингвистикалық университетінде тілдік тағылымдамадан өтіп жүрген кезде түсірілген сирек фотосуреттері ұсынылған. Университет оқытушысы Лю Шицинь өзінің жеке мұрағатында сақталған бірегей фотосуреттермен бөлісіпті", - деп жазды ол. 

Лю Шицинь Тоқаев оқыған топта жаңалықтарды тыңдау курсынан сабақ берген. 

"Көпшіл, белсенді, ол аз уақытта үздік оқушылардың бірі болды. Ол газет оқуды жақсы көретін және өз көзқарасын ашық білдіретін. Білімді, оқыған-тоқығаны көп, өнегелі. Осы қасиеттер оған қазіргі жоғары жетістіктерге жетуге көмектесті", - деп еске алады қытайлық оқытушы. 

Айта кетсек, бұған дейін де желіде президенттің сирек фотолары жарияланған еді. Видеодан Қазақстан президенті Қасым-Жомарт Тоқаевтың жастық шағынан бастап президент ретінде халыққа ант беруіне дейінгі кезді көруге болады. Мемлекет басшысының алғашқы шетелдік сапарларының суреттері де бар.

5479
Кілт сөздер:
Қытай, Қасым-Жомарт Тоқаев
Тақырып бойынша
Тоқаев Құрбан айт қарсаңында болған жағдайға қатысты көңіл айтты
Атамбаевты ұстау операциясы: Тоқаев пікір білдірді
Тоқаев экс-министр мен бірнеше лауазымды қызметкерді қатаң жазалады
Тоқаев туралы не білеміз: президентпен ашық сұхбат – видео
Тоқаев Дариға Назарбаеваның қызметіне қатысты жарлыққа қол қойды
Тоқаев Бірғаным Әйтімованың өкілеттігін тоқтатты
Архивтегі фото

Екінші тоқсаннан бастап қандай мектептер дәстүрлі форматқа көшеді?

2028
(Жаңартылды 20:22 26.10.2020)
Екінші тоқсаннан бастап бала саны 300-ге жетпейтін қала және ауыл мектептерінің оқушылары сабаққа барады

НҰР-СҰЛТАН, 26 қазан – Sputnik. Коронавирус инфекциясының таралуына жол бермеу жөніндегі ведомствоаралық комиссия мектептерге қатысты шешім қабылдады. Бұл туралы үкімет басшысының баспасөз қызметі хабарлады.

Екінші тоқсаннан бастап оқушылар саны 300-ге жетпейтін қала және ауыл мектептерінің жұмысын дәстүрлі форматқа көшіру тапсырылды.  

Сондай-ақ ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

"Санитарлық-дезинфекциялық режимді, маска режимін, шахмат ретімен отырғызу және әлеуметтік арақашықтықты міндетті түрде сақтау қажет", - делінген хабарламада.

Өңірлердің әкімдері мектептер мен медицина ұйымдарында санитарлық режимді сақтау жөніндегі жұмысты жеке бақылауға алады.

Еске сала кетейік, қазақстандық оқушылар бірінші тоқсанды қашықтан оқып жатыр. Бастауыш сынып оқушылары кезекші сыныптарға бара алады (ата-ананың қалауы бойынша). Сондай-ақ, шалғай ауылдардағы шағын жинақты мектептер дәстүрлі форматта жұмыс істеуде.  

2028
Кілт сөздер:
оқушылар, мектеп
Тақырып бойынша
Бекшин Алматыдағы кинотеатрлардың жұмыс істеу тәртібін түсіндірді
Алматыда эпидемиологиялық жағдай күрделене түсті – Бекшин
Алматыда бас санитар дәрігердің жаңа қаулысы шықты
Тоқаев карантин енгізген кезде кәсіпкерлердің мүддесін ескеруді тапсырды
Кинотеатрдағы көрермендер залы

Бекшин Алматыдағы кинотеатрлардың жұмыс істеу тәртібін түсіндірді

40
Алматы қаласының мемлекеттік бас санитар дәрігерінің қаулысына сәйкес, көрермендер залда шахмат тақтасы тәртібімен отыратын болады

АЛМАТЫ, 26 қазан – Sputnik. Алматының бас санитар дәрігері Жандарбек Бекшин 26 қазаннан бастап қаладағы кинотеатрлар жұмысына рұқсат берілгенін мәлімдеп, олардың жұмыс істеу тәртібін түсіндірді, деп хабарлайды Sputnik Қазақстан тілшісі.

Алматы қаласының бас мемлекеттік санитарлық дәрігерінің қаулысына сәйкес, кинотеатрлардың жұмысына бүгіннен бастап рұқсат берілді.

"22 қазанда аурушаңдықтың өршуіне байланысты мониторинг жасап, үш күн бойы ахуалды қарап отырдық. Еліміздегі бас санитар дәрігердің қаулысында арнайы көрсеткіштер бар. Соны жан-жақтан қарап, ахуалды ескере отырып, бүгін рұқсат беріп жатырмыз", – деді Бекшин.

Айтуынша, кинотеатрлар жұмысы реттеледі. Залдағы орындықтың 30%-і ғана толтырылады. Бір кинотеатрға келетін көрермен саны 50 адамнан аспайды.

"Көрермендер залда шахмат тақтасы тәртібімен отырып, арақашықтықты сақтауға ден қояды. Осындай талаптар орындалса, кинотеатрлар жұмыс істейді. Ал егер ереже бұзу анықталса, қатаң іс-шара жүргізіледі", – деді қаланың бас санитар дәрігері.

Сонымен қатар Жандарбек Бекшин қаладағы эпидемиологиялық жағдайдың тұрақталып жатқанын айтты.

"Қаладағы эпидемологиялық жағдай тұрақты деп айтуға болады, бірақ осы аптада аурушаңдық деңгейі әртүрлі болды. Қазанда бірінші аптада қалада 3-4 адамның инфекция жұқтырғаны анықталды. Ал өткен аптада коронавирус жұқтырғандар саны тәулігіне 15-20 адамға дейін өсті. Қазіргі кезде өсім – 0,1%, инфекцияның таралу индексі – 1,88", – деді Бекшин.

Оқи отырыңыз: Қуаныш пен қобалжу: Алматыда ұзақ үзілістен кейін театрлар қайта ашылды – видео

Айта кетейік, пандемия басталғалы қалада 14 622 адам инфекция жұқтырды. Бірінші тамыздан бастап 998 адамға пневмония диагнозы қойылды.

40
Кілт сөздер:
карантин, Алматы, кинотеатр
Тақырып:
Төтенше жағдай және карантин
Тақырып бойынша
Пандемия кезіндегі театр: "Астана Операда" алғашқы концерт өтті
"Дәрігерлерге алғыс айтамыз": "Астана Балет" он қайырымдылық концертін өткізеді
Елордада кинотеатрлар қашан ашылуы мүмкін
Алматыдағы Медеу мұз айдыны қашан ашылатыны айтылды
Қазақстанда кинотеатрларды ашу жоспарланып отыр
Нұрсұлтан Назарбаев әуежайы, жолаушыларды тіркеу

Бекшин коронавирус жұқтырғандардың қай елдерден көп келетінін айтты

0
COVID-19 инфекциясын жұқтырғандардың барлығы демалыс орындарынан келіп жатыр, деп атап өтті Жандарбек Бекшин

АЛМАТЫ, 26 қазан – Sputnik. Алматының бас санитар дәрігері Жандарбек Бекшин шетелден коронавирус жұқтырып келгендердің көбісі Мысыр, Түркия және Біріккен Араб Әмірліктерінде болғанын айтты, деп хабарлайды Sputnik Қазақстан тілшісі.

"Инфекция жұқтырғандардың барлығы демалыс орындарынан келіп жатыр. Мысырдан келген 14 адамнан коронавирус табылды. Екінші орында Түркия тұр. Анталия, Ыстамбұл қаласынан келген сегіз адам ауру жұқтырған. Үшінші орында Біріккен Араб Әмірліктері тұр. Бұл жақтан оралған 6 қазақстандықтан инфекция табылды", - деді Жандарбек Бекшин.

Айтуынша, барлығы инфекциялық стационарға оқшауланған. Олармен байланыста болғандар тексеріліп, медициналық бақылауға алынды.

Оқи отырыңыз: Алматыда бас санитар дәрігердің жаңа қаулысы шықты 

Айта кетейік, 26 қазанда Алматының бас санитар дәрігері Жандарбек Бекшиннің жаңа қаулысы шықты. Оған сәйкес, шетелден дене қызуы көтеріліп келген жолаушылар стационарға жатқызылып, зертханалық тексерістен өтеді.

Сондай-ақ, коронавирустың бар-жоғын анықтайтын ПТР-тестен өтпеген қазақстандықтар карантиндік стационарларға орналастырылады.

0
Кілт сөздер:
коронавирус, Жандарбек Бекшин
Тақырып:
Коронавирус эпидемиясы
Тақырып бойынша
Кинотеатрға екі қаланың тұрғындары ғана бара алады  
Нұр-Сұлтанға келген 100-ден астам жолаушы карантинге жіберілді
Тоқаев карантин енгізген кезде кәсіпкерлердің мүддесін ескеруді тапсырды
Бекшин Алматыдағы кинотеатрлардың жұмыс істеу тәртібін түсіндірді