Ақша, архивтегі сурет

Кредиттің 300 мың теңгесі неге өтелмей жатыр министрлік түсініктеме берді

7352
Еңбек вице-министрінің айтуынша, кредиттің өтелмеуіне бірнеше себеп болуы мүмкін

НҰР-СҰЛТАН, 9 қыркүйек – Sputnik. Елордада бір топ көпбалалы аналар кредиттің 300 теңгесін кешіру мәселесі бойынша арызданды. Еңбек және халықты әлеуметтік қорғау министрлігі осы мәселеге қатысты түсініктеме берді, деп хабарлайды Sputnik Қазақстан тілшісі.

Вице-министр Светлана Жақыпованың айтуынша, шағымданып жатқан азаматтардың ішінде тізімге енгендері бар. Бірақ кредиттері өтелмей жатыр.

"Біріншіден, кредит коллекторлық компанияға өтіп кетсе, ол кісілердің борышы өтелмейді. Сосын бізге келіп жатқан аналардың ішінде кредитті 1 маусымнан кейін алғандар да бар. Ал жарлық шыққаннан кейін алынған кредиттер өтеуге жатпайды", - деді Жақыпова астанада өткен баспасөз мәслихатында.

Оның сөзіне қарағанда, тізімде тұрған адамның кредиті өтелмей жатса, басқа да себептер бар. Атап айтқанда, тиісті құжаттар ақпараттық базада тіркелмей тұруы мүмкін. Ал кредиті өтелетін азаматтардың тізімі сол ақпараттық базаларда көрсетілген мәліметтің негізінде жасалады.

"Бірінші себеп, неке қию туралы куәліктер базада тіркелмеген болып шығады. Сол себепті біз ондай азаматтарды әділет министрлігінің ақпараттық жүйесіне тіркеуге жібереміз. Олар АХАЖ бөлімдері арқылы өз мәліметтерін тіркейді. Екінші себеп, асыраушысынан айырылған азаматтардың мәліметтері болмай шығады. Оларды да әділет министрлігіне жіберіп отырамыз", - деп атап өтті Жақыпова.

Тағы оқыңыз: Кредит бойынша қарыздың кешірілгенін қалай білуге болады?

Бұдан бөлек, көпбалалы отбасының балалары жоғары оқу орнында білім алып жатқаны туралы мәліметтің болмауы да кредиттің өтелмей жатқанына себеп болады. Білім және ғылым министрлігінің ақпараттық базасында асыраушысынан айырылған балалар туралы мәлімет те аз. Ондайда осы министрлікке барып, тиісті жеке мәліметті базаға енгізу керек. Сосын баланың туу туралы мәліметтері де ақпараттық базада жиі тіркелмей қалады. Ал ақпараттық базада оның мәліметі шықпаса, көпбалалы отбасының құрамына кіреді деп көрсетілмейді. Ондай отбасының кредиті де өтелмейді.

Айта кетейік, президенттің жарлығына сәйкес, кредиттің 300 мың теңгесі мен оған жазылған өсімпұлдарды кешірудің нақты талаптары бар. Қарыздың жалпы сомасы 3 миллионнан аспауы керек. Ал қарызы кешірілетін азаматтардың қатарына көпбалалы отбасылар, мүгедек баласы бар отбасылар, асырушысынан айырылғандар және атаулы әлеуметтік көмекті алатындар кіреді.

Тағы оқыңыз: Тоқаевтың жарлығы: енді кімдерге кредит берілмейді?

Бүгінде кредиті кешірілетін адамдардың тізімі электронды үкімет порталында бар. Сол жерде электронды-цифрлық қолтаңба арқылы кез келген адам тізімде бар-жоғын тексере алады. Сондай-ақ "111" байланыс орталығына хабарласып, қажетті ақыл-кеңесті алуға мүмкіндік бар.

7352
Кілт сөздер:
Еңбек және халықты әлеуметтік қорғау министрлігі, кредит
Тақырып бойынша
Досаев банктің "қара тізіміне" енгендер неден құр қалатынын айтты
Жеміс ағашы мен кредит те кіріс саналады: 21 мыңнан кімдер қағылады?
Тоқаевтың жарлығы: кредит қалай және қашан өтеледі
Қазақстанда кредит беру шарттары өзгереді
Қандастар, архивтегі сурет

Биыл 11 мыңға жуық этникалық қазақ қандас мәртебесін алды

1
(Жаңартылды 12:44 26.10.2020)
1991 жылдан бері елге 1 миллионнан астам этникалық қазақ оралды. Қандастардың жартысынан көбі еңбекке қабілетті

НҰР-СҰЛТАН, 26 қазан – Sputnik. 2020 жылы 11 мыңға жуық этникалық қазақ тарихи отанына оралды. Оларға қандас мәртебесі берілді (бұған дейін оралман - Sputnik). Бұл туралы Еңбек және халықты әлеуметтік қорғау министрлігі хабарлады.

1 қазандағы жағдай бойынша 10,9 мың адам Қазақстанға оралды. Жалпы 1991 жылдан бері елге 1 миллион 68,3 мың этникалық қазақ оралды.

"Осы жылы Қазақстанға келген қандастардың жартысынан көбі Қытайдан, 27,7%-і – Өзбекстаннан, 9,1% – Түрікменстаннан, 3,4% – Моңғолиядан және 2,9% басқа елдерден", - делінген хабарламада.

Келген этникалық қазақтар, негізінен, Алматы және Маңғыстау облыстарына, сондай-ақ Нұр-Сұлтан және Шымкент қалаларына қоныстанды.

Қандастардың жартысынан көбі еңбекке қабілетті. 10,3%-і - зейнеткерлер.

Еске сала кетсек, енді этникалық қазақтар 1991 жылға дейін шет мемлекетте тұрғанын растамайды. Сондай-ақ, "оралман" сөзінің орнына қандас термині қолданылады.

1
Кілт сөздер:
этникалық қазақ
Тақырып бойынша
АҚШ Қытайда қысым көрген этникалық қазақтарға қатысты мәлімдеме жасады
Оралман емес, қандас: сенат этникалық қазақтарға қатысты заң қабылдады 
Назарбаева Қытай елшісімен кездесуінде этникалық қазақтар проблемасын көтерді
Қазақстан бүкіл әлемдегі этникалық қазақтарға арнайы куәліктер береді
Оралман ба, әлде қандас па - министр өзіне қай сөз жақын екенін айтты
Бұл өтірік емес: Бүркіт Боратқа нағыз Қазақстанды көрсетпек

"Бұл өтірік емес": Бүркіт "Боратқа" нағыз Қазақстанды көрсетпек

393
(Жаңартылды 11:40 26.10.2020)
23 қазанда бір топ қазақ жігіті Алматыдағы АҚШ-тың Бас консулдығы алдында жиналды. Олар "Борат" фильмінің екінші бөлімін көрсетуге тыйым салуды талап етіп, петиция ұсынды

АЛМАТЫ, 26 қазан – Sputnik. Ел арасында Бүркіт ретінде танымал қазақстандық әнші Айбек Жансейітов атышулы кейіпкер Борат туралы фильм түсіріп жатыр. Бұл жайында әнші өзінің Instagram парақшасында хабарлады.

"Өкінішке қарай, кинотеатрлар әлі ашылған жоқ. Сол себепті көрерменге "Супер агенттер" фильмін көрсете алмаймыз. Алайда біздің команда бір орнында тұрмайды. "Супер агенттер - 2" сериалына кірісеміз", - деп жазды ол.

Посмотреть эту публикацию в Instagram

Публикация от B E R K U 🦅 (@berkut_aibekjan)

Бүркіттің айтуынша, бұл фильмде Боратты ұстау операциясы көрсетіледі.

"Бұл өтірік немесе вайн емес, бұл – нақты жоба. Сондықтан бізге сәттілік тілеп қойыңыздар. Біз Боратты ұстағаннан кейін оған нағыз Қазақстанды көрсеткіміз келеді", - деп жазды Жансейітов.

Сонымен қатар денсаулық сақтау министрлігінен кинотеатрларды ашуды сұрады.

Айта кетейік, бұған дейін Айбек Жансейітов бірнеше фильм түсірген еді. Алайда карантинге байланысты кейінгі фильмі кинотеатрда көрсетілген жоқ.

Ал 23 қазанда бір топ қазақ жігіті Алматыдағы АҚШ-тың Бас консулдығына "Борат" фильмінің екінші бөлімі шығуына байланысты жиналды. Олар фильмге тыйым салуды талап етіп, петиция ұсынды. Петицияға 50 адам қол қойған.

Казахстанская молодежь пришла к генконсульству США с требованием запретить фильм Борат-2
© Sputnik / Тимур Батыршин
Бір топ қазақ жігіті Алматыдағы АҚШ-тың Бас консулдығы алдында жиналды

Біраз уақыт өткен соң АҚШ-тың Қазақстандағы төтенше және өкілетті елшісі Уильям Мозер азаматтардың өз ойын бейбіт түрде білдіргенін қолдайтынын жеткізді. Сонымен қатар Америка құрама штаттары үкіметі бұл фильмді қаржыландыруға, түсіруге немесе шығуына қатыспағанын мәлімдеді.

"Борат" фильмі

Еске сала кетсек, "журналист" Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар кеткенімен, оны дайындағандар 261,5 миллион доллар пайда тауып, "Алтын глобус" иегері атанды және "Оскарға" ұсынылды.

Ал Қазақстанда фильм қоғам тарапынан наразылық тудырды. Фильмді түсіргендерге елді қорлады деген айып тағылды.

Екінші бөлімде де ойдан шығарылған кейіпкер, қазақстандық журналист Борат тағы да АҚШ-қа барады. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейді.

393
Кілт сөздер:
фильм, Қазақстан, Борат, Бүркіт пен Аиша
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
"Көрсетуге болмайды": "Борат-2" фильміне қарсы жастар АҚШ бас консулдығына барды
"Борат-2" фильміне қарсы петиция: АҚШ-тың Бас консулы жауап берді
"Борат-2": министр қандай шара қолға алынатынын айтты
АҚШ-тың Қазақстандағы елшісі "Борат" фильміне қатысты пікір білдірді
Зертхана қызметкері

Әлем елдерінде ПТР-тест қанша тұрады?

0
Қазіргі кезде ПТР-тесттің ең қымбаты Ұлыбритания астанасында –140 мың теңге болса, ең арзаны Бішкекте – 9 мың теңге

НҰР-СҰЛТАН, 26 қазан – Sputnik. Қазан айында Қазақстанда ПТР-тест бағасы 8 мың теңгеге дейін арзандады. 1,5 есеге төмендеген тесттің бағасы наурыз айында 20 мың теңге болатын.

Денсаулық сақтау министрлігі көктем айларында тест бағасының жоғары болуын шығын материалдарының құнымен және сұраныстың артуы жағдайындағы тапшылықпен байланысты деп түсіндірді. Күзге қарай, дүрлігу саябырсып, қажетті көлемде тестілеу мүмкіндіктері реттелген соң, мемлекеттік сатып алу қызметіндегі бағалар төмендеді.

26 қазаннан бері Қазақстанға халықаралық рейстермен келген жолаушылар қолында індет жұқтырмағаны жөнінде ПТР сынағының қорытындысы болса ғана, елге кіруге рұқсат етіледі. Ал ондай анықтаманың жарамдылық мерзімі Қазақстан шекарасынан өткенге дейінгі үш күн (72 сағат) деп саналады.

Анықтама болмаған жағдайда жолаушылар әуежайдың ұшу алаңынан, ұшаққа отырғызылмайды.

Sputnik Қазақстан әлем елдерінде тестілеу бағасы қанша тұратынын назарларыңызға ұсынады.

Туристер ПТР-ді қайда тапсыра алады

Қазақстанда әлемнің 11 еліне халықаралық рейстер ашылды. Олардың әрқайсысында шетелдіктердің ақылы ПТР тестілеуден өтуі қол жетімді. Кейбір жағдайларда туристердің қолында әуебилеттері болса, оларға жеңілдік беріледі. Ал зертханалық мекен жайлардың толық тізімі Air Astana сайтында жарияланған.

Ресей

Мәскеуде ПТР бағасы – 2 300 рубль немесе 12 913 теңгені құрайды.

Нәтижесі 24-тен 72 сағатқа дейінгі аралықта дайын болады.

Орыс және ағылшын тіліндегі анықтамалар поштаға электронды түрде жіберіледі. Ал түпнұсқа қағаз түрінде беріледі.

Қырғызстан

Бішкекте ПТР бағасы – 1 700-2 390 сом немесе 9 022-12 684 теңгені құрайды.

Нәтиже 24-48 сағатта шығады.

Орыс, ағылшын, қырғыз тіліндегі анықтаманы арнайы сайттан жүктеуге немесе қағаз үлгісіндегі түпнұсқасын алуға болады.

Өзбекстан

Ташкентте ПТР құны – 22-30 доллар. Бұл 250 000-300 000 сум немесе 9 414-12 838 теңгеге тең деген сөз.

Нәтижелер 24 сағатта дайын болады.

Ал анықтама орыс, ағылшын және өзбек тілінде беріледі.

Украина

Киевте ПТР бағасы – 950 гривен тұрады немесе 14 366 теңге.

Нәтиженің дайын болу мерзімі 12-24 сағат.

Ал әуежайдағы тест 45 евро немесе 22 844 теңгені құрайды. Оның нәтижесі 8 сағатта шығады.

Анықтама орыс, украин және ағылшын тілінде беріледі.

Түркия

Стамбулда ПТР бағасы – 250-ден 400 лира тұрады. Бұл 13 432 – 21 491 теңгені құрайды деген сөз.

Нәтижені күту уақыты 24 сағатқа дейін.

Стамбул әуежайында – 250 лира, күту уақыты – 4 сағат.

Ал Анталияда – 180 лира немесе 9 671 теңге.

Нәтижесі 24 сағатта дайын болады.

Анықтама тек ағылшын тілінде беріледі.

Оңтүстік Корея

Сеул қаласында немесе әуежайда да ПТР сынағы – 100-200 доллар тұрады. Яғни, 42 792 – 85 585 теңгені құрайды.

Нәтижені күту уақыты 12-48 сағат.

Анықтама тек ағылшын тілінде беріледі.

Египет

Шарм-әл-Шейхте ПТР құны – 180 египет фунты немесе 45 768 теңге тұрады.

Ал нәтижені күту уақыты 48 сағат.

Анықтама ағылшын тілінде, тек қағаз үлгіде беріледі.

БАӘ

Тестілеу Дубай, Шарджа, Абу-Даби, Әл-Айн, Ажман, Рас-әл-Хайма қалаларында қол жетімді.

ПТР құны – 150 дирхам немесе 17 475 теңгені құрайды.

Нәтижелерді күту уақыты 24-48 сағат.

Анықтамалар ағылшын тілінде беріледі.

Ұлыбритания

Лондон мен Манчестерде ПТР құны – 250 фунт немесе 139 567 теңгені құрайды (ең қымбат ПТР).

Нәтижелерді күту уақыты 48 сағат.

Анықтама ағылшын тілінде беріледі.

Германия

Франкфурт, Дюссельдорф және Мюнхен әуежайында да тест тапсыру мүмкіндіктері ұйымдастырылған.

Нәтижесі 12-24 сағатта дайын болатын ПТР құны – 59 еуро. Ал 6 сағатта ұсынылатын тест бағасы – 139 еуро. Мұны теңгеге шаққанда 29 951 немесе 70 562 теңге болады.

Бұл жерде өтініш берушілердің көптігіне байланысты интернет арқылы алдын-ала жазылу қажет.

Анықтама ағылшын тілінде беріледі.

Нидерланды

Алдын ала жазылу арқылы Амстердам әуежайында тест тапсыруға болады. Бағасы – 145 еуро немесе 73 608 теңге.

Нәтижені күту уақыты 24-32 сағат.

Анықтама ағылшын тілінде беріледі.

0
Кілт сөздер:
жолаушылар, коронавирус, тест
Тақырып:
Коронавирус эпидемиясы
Тақырып бойынша
Қазақстанда Қарулы күштердің алғашқы ПТР-зертханасы іске қосылады
Ұлттық сараптама орталығы коронавирусқа ақылы ПТР-тест жасауды тоқтатты
"Қашып кетпек болды": Шетелден оралған 22 жолаушы ПТР тест тапсырудан бас тартты
COVID-ке тексеретін ПТР-тестің қаншаға арзандайтыны қазанның соңында белгілі болады
Қазақстанда ПТР тестің бағасы арзандады