таңқурай

Өлімге әкелуі мүмкін: емделіп жүргенде жеуге болмайтын тағамдар

5312
Емделіп, дәрі-дәрмек қабылдап жүрген кезде кейбір азық-түлікке қызықпаған жөн. Мұндай дәрі мен тағамды бірге ішкен адам тіпті өліп кетуі мүмкін

НҰР-СҰЛТАН, 23 қыркүйек — Sputnik. Кейбір азық-түлік түрлері дәрі ішіп жүрген науқастың рационына кірмеуі тиіс. 

Бұндай пайдалы ақпаратпен Ресейдің ғылыми-медициналық терапевтер қоғамының мүшесі, фармаколог Андрей Кондрахин бөлісті, деп хабарлайды News.ru порталы.

Маманның мәліметінше, аспирин немесе ибупрофен ішкен кезде таңқурайдан бас тартқан дұрыс. Себебі бұл жидектің құрамында табиғи салицил қышқылы бар. Дәрігердің айтуынша, дәрі мен тағамның бұндай үйлесімінің салдарынан іштен қан кетуі мүмкін. 

Ал грейпфрут шырынын холестерин деңгейін төмендететін дәрімен бірге ішкен науқас өліп кетеді. Маман осындай жағдайлар болғанын алға тартты. Десек те, оны басқа дәрілермен де қабылдап керек емес, ол дәрмек құрамындағы заттың еруіне жауапты ферменттің жұмысын тежейді. Салдарынан ағзада зиянды заттар жиналып, ол науқасты біртіндеп улай бастайды.

Тағы оқыңыз: Қатерлі ісік пайда болады: ғалымдар ағза үшін ең қауіпті әдетті атады

Бұған қоса, ем-дом кезінде сүт ішуге болмайды. Оның құрамында кальций көп. Кальций дәрімен араласқан жағдайда тұз түріндегі ерімейтін тұнба қалыптасуы мүмкін. Ол осылайша ағзаға түсетін препараттың қажетті затының мөлшерін азайтады. Әсіресе, сүт пен антибиотиктерді қатар қабылдауға болмайтынын есте сақтаған жөн.

Сонымен қатар, шпинат, брокколи мен салатты варфарин секілді қанды сұйылтатын дәрі-дәрмекпен бірге қабылдамаған дұрыс. Ал шеңгел, қара шетен, бүлдірген мен қызылша қан қысымын түсіретін препараттардың әсерін біршама күшейтуі мүмкін. Ірімшік психотроптық дәрілерді қабылдау кезінде гипертониялық криз бен құрысуға әкеледі деген қауіп бар.

5312
Тақырып бойынша
Ғалымдар құбыр суының ешкім күтпеген қаупін анықтады
Ғалымдар ер адамның күш-қуатын арттыратын азық-түлікті атады
Ғалымдар жүректің кенеттен тоқтап қалуына әкеп соғатын 8 белгіні атады
Ғалымдар жас көріну үшін не жеу керек екенін айтты
Өмірді ұзартып, қартаюды баяулатады – ғалымдар ерекше жемісті атады
  Электронды үкімет мобильді қосымшасы

Электронды цифрлық қолтаңбаны заңсыз пайдалану фактілері  жиіледі

16
Электронды цифрлық қолтаңба қолмен қойылған қолтаңбаға теңестірілген және заңдық тұрғыда салдары онымен бірдей болады

НҰР-СҰЛТАН, 26 қараша – Sputnik. Қазақстанда электронды цифрлық қолтаңбаны (ЭЦҚ) заңсыз пайдалану фактілері  жиілеп кетті, деп хабарлады цифрлық даму, инновация және аэроғарыш өнеркәсібі министрлігі.

2015-2018 жылдар аралығында 640-бабы "Қазақстан Республикасының электронды құжаттар және электронды цифрлық қолтаңба туралы заңнамасын бұзу" бойынша 15 әкімшілік құқық бұзушылық тіркелді. 2019 жылы мұндай істердің саны күрт өсті – 52 іс қозғалды.  

Оқи отырыңыз: Енді электронды цифрлық қолтаңбаны компьютерде сақтау қажет емес 

"Осы жылдың 9 айында электронды цифрлық қолтаңбаны заңсыз берудің 30-дан астам фактісі және оны қорғау шараларын сақтамаудың бестен астам жағдайы анықталды. Бұл фактілер бойынша 10-нан 150 АЕК-ке (27 780-нен 416 700 теңгеге дейін – Sputnik) дейін айыппұл салынды", - деп нақтылады ведомство.

Соңғы кездері министрлікке жеке тұлғалардан және лауазымды адамдардан электронды цифрлық қолтаңбаны заңсыз беруге қатысты көптеген шағым түсіп жатыр.

"Электронды цифрлық қолтаңба қолмен қойылған қолтаңбаға теңестірілгенін және заңдық тұрғыда салдары онымен бірдей болатынын ұмытпау керек", - деп атап өтті ақпараттық қауіпсіздік комитетінің төрағасы Руслан Әбдіқалықов.

Өткен кезеңмен салыстырғанда мемлекеттік органдар мен ұйымдардың басшылары өздерінің ЭЦҚ-сын басқа қызметкерлерге беру жағдайлары, сондай-ақ жұмыс берушілер жұмыстан шығып кеткен қызметкерлердің ЭЦҚ-сын қайтарып алмайтын жағдайлар көбейді. Мұндай әрекеттер электронды цифрлық қолтаңбаны заңсыз қолдануға жол ашады, ал ол әкімшілік және тіпті қылмыстық жауапкершілікке әкеп соқтырады.

ЭЦҚ-ны қалай қорғауға болады

Өзіңді қорғау және алаяқтықтың құрбаны немесе керісінше заң бұзушы атанбау үшін министрлік мынадай кеңес береді:

  • ЭЦҚ-ны үшінші тұлғаларға беруге болмайды. Ұйымдарда құжаттарға қол қоюға жауапты қызметкерлерге жеке ЭСҚ беру керек;     
  • ЭСҚ-сы бар қызметкерлерді жұмыстан шығару фактілерін қадағалап, олардың ЭСҚ-сын дер кезінде қайтарып алған жөн;
  • ЭСҚ жоғалған жағдайда бұрынғысынан бас тарту арқылы дереу қайта шығарып, стандартты парольді күрделілеуіне ауыстыру қажет.

Айта кетейік, электронды цифрлық қолтаңбаны үйден шықпай-ақ алуға болады.  

16
Кілт сөздер:
электронды үкімет порталы, қолтаңба
Тақырып бойынша
Қазақстан премьері ЕАЭО үшін маңызды ұсыныс жасады
Электронды цифрлық қолтаңбаның мерзімін қалай ұзартуға болады – министр жауабы
Боран

Бұрқасын соғып, көктайғақ болады синоптиктер жұмаға болжам жасады

845
Қазақстанның тоғыз өңірінде дабылды ескерту жарияланды, бұрқасын соғып, тұман түседі, көктайғақ болады деп болжанып отыр

НҰР-СҰЛТАН, 26 қараша – Sputnik. Синоптиктер жұмада ауа райы қандай болатынын хабарлады.

Қазгидрометтің мамандары Қазақстан аумағының басым бөлігінде жаңбыр, қар жауады деген болжам жасады, тек шығыста және оңтүстік-шығыста ауа райы жауын-шашынсыз болады. Республиканың кей жерлерінде тұман түсіп, көктайғақ болады, жел күшейеді, Қазақстанның солтүстігінде және орталық бөлігінде жаяу бұрқасын соғады.  

Дабылды ескерту

Ақтөбе облысында кей жерлерде тұман түседі.

Жұма күні Түркістан облысының кей жерлерінде тұман түсіп, секундына 15-20 метр жылдамдықпен жел соғады.

Ақмола облысында кей жерлерде тұман, жаяу бұрқасын соғады, секундына 15-20 метр жылдамдықпен жел соғады.

Жұма күні Маңғыстау, Қызылорда, Атырау, Қостанай облыстарында кей жерлерде тұман түсіп, көктайғақ болады.

Қараша айының жиырма жетісінде Солтүстік Қазақстан облысының кей жерлерінде тұман түсіп, бұрқасындатады.

Оқи отырыңыз: Биылғы қыс қандай болады – синоптиктер болжам жасады 

28 қарашада таңертең және күндіз Жамбыл облысында жауын-шашын қатты жауады (жаңбыр, қар), 27-29 қарашада кей жерлерде тұман түсіп, көктайғақ болады, 28 қарашада кей жерлерде жаяу бұрқасын соғады. 27 қарашада күндіз, 28 қарашада тәулік бойы секундына 15-20 метр жылдамдықпен жел соғады, 28 қарашада екпіні секундына 23-28 метрге жетеді.

Өңірлердегі ауа райы

Қарағанды ​​облысында кей жерлерде тұман түсіп, жаяу бұрқасын соғады.

Батыс Қазақстанда тұман түсіп, көктайғақ болады деп болжануда.

Ақтөбе, Шығыс Қазақстан облыстарында, түнде Павлодар облысында тұман түседі.

Алматы облысында, Жалаңашкөл маңында жел секундына 17-22 метрге күшейеді.

Мегаполистердегі ауа райы

Нұр-Сұлтанда түнде 14-16, күндіз 5-7 градус суық болады.

Алматыда түнде ауа температурасы минус 5-7 градусқа дейін төмендейді, күндіз плюс 4-6 градус болады.

Шымкентте дабылды ескерту жарияланды. 27 қарашада күндіз мұнда жел тұрып, екпіні секундына 15-20 метрге дейін жетеді. Түнде минус 1 - плюс 1, күндіз 7-9 градус жылы болады.

845
Кілт сөздер:
ауа райы болжамы, көктайғақ, бұрқасын