Омархан Өксікбаев

"Қол қусырып отырмыз": депутат жұртты алаңдатқан мәселені көтерді

1770
(Жаңартылды 14:56 25.09.2019)
Омархан Өксікбаев елге контрафактілік тауарлардың көптеп әкелініп жатқанына алаңдаушылық білдірді. Ол үкімет шекарадан тауар өткізу саласындағы қайшылықтарды түбегейлі жоюы тиіс деп отыр

НҰР-СҰЛТАН, 25 қыркүйек – Sputnik. Мәжіліс депутаты Омархан Өксікбаев Қазақстанға басқа елдерден жеткізілетін контрафактілік тауарлар мәселесін көтерді, деп хабарлайды Sputnik Қазақстан тілшісі.

Өксікбаев еліміздің кеден саласында осы уақытқа дейін тиісті шешімін таппаған өзекті мәселелерге тоқталды.

"Қазақстан басқа елдерден әкелінетін контрафактілік тауарлардың салдарынан үлкен шығынға ұшырауда. Әкелінетін тауар туралы қазақстандық және шетелдік ақпарат арасында алшақтық бар. Бүгінде біздің нарығымызда растаушы құжаттар жоқ. Шығу тегі түсініксіз, қолдан жасалған тауарлар өте көп екені құпия емес", - деді депутат мәжілістің жалпы отырысында.

Айтуынша, бұл тоқыма өнімдері, косметика, тұрмыстық техника, байланыс құралдары, жеміс-жидек пен көкөніс, және тағы басқа.

"Олардың көбі адамдардың денсаулығына зиянды екені анықталып жатыр. Бұл тауарларды кедендік рәсімдеу саласында проблемалар барын көрсетеді. Өкінішке қарай, қолданыстағы тәртіп импорттаушыларға сертификаттау рәсімін өтпеуге мүмкіндік береді. Ал бұл елге сапасыз, сұр тауарлардың келуін арттыруда. Мұндай жағдай неліктен осы күнге дейін орын алып отыр деген сұрақ туындайды. Бұл, бірінші кезекте, еліміздің экономикалық қауіпсіздігі мәселесі. Сонымен қатар, мемлекеттік бюджетке қомақты қаражат толығымен түспей жүргенін де үнемі айтамыз", - дейді Өксікбаев.

Мәжілісмен 2015 жылы үкіметтің алдына Ұлт жоспары аясында қойылған міндеттемелер іске аспай жатқанын алға тартты. Атап айтсақ, экпорттаушылар мен импорттаушылар үшін кедендік рәсімдерін өту кезінде "бір терезе" қағидатын енгізу, электронды декларациялау жүйесін дамыту, кеден және салық жүйелерін интеграциялау, Еуразиялық трансконтиненталдық дәліз құру және тағы басқа.

Тағы оқыңыз: Қатерлі ісік пайда болады: дәрігерлер қандай тағамнан бас тарту керектігін айтты

"Осы міндеттердің барлығы еліміздің экспорттық әлеуетін арттыруға жұмыс істеуге тиіс еді. Алайда жағдай олай болмай отыр. Электронды декларациялау жүйесі енгізілсе де, сыртқы экономикалық қызметке қатысушылардан көптеген шағым түседі. Ал біз болсақ, барлық есік-тереземізді ашып қойып, қол қусырып отырмыз. Сондықтан ел үкіметі өз шекарамыздан тауар өткізу саласындағы қайшылықтарды түбегейлі жою шараларын қабылдайды деп үміттенеміз", - деді депутат.

Айта кетсек, төменгі палата депутаттары 1994 жылғы 15 сәуірдегі кеден істеріндегі ынтымақтастық және өзара көмек туралы келісмге өзгерістер енгізу туралы хаттаманы ратификациялау туралы заң жобасын мақұлдады.

Құжат ТМД-ға қатысушы елдердің үкіметтері арасында жасалған.

Заң жобасы ТМД-ға қатысушы мемлекеттердің кеден органдары арасында өз бастамасы немесе сұрау салу бойынша ақпарат алмасуға мүмкіндік береді. Хаттама ТМД-ға қатысушы мемлекеттердің үкіметтері арасында ынтымақтастықты кеңейтуге және тереңдетуге, жәрдемдесуге және өзара көмек көрсетуге бағытталған.

1770
Кілт сөздер:
тауар, денсаулық, депутат
Елжан Біртанов

Экс-министр Біртанов ұсталды деген ақпаратқа түсініктеме берілді

1939
(Жаңартылды 13:12 31.10.2020)
Қаржы мониторингі жөніндегі комитетте әлеуметтік желіде тарап жатқан ақпаратты жоққа шығарған жоқ

НҰР-СҰЛТАН, 31 қазан – Sputnik. Әлеуметтік желіде бұрынғы денсаулық сақтау министрі Елжан Біртанов бюджет қаржысын жымқырды деген күдікпен ұсталғаны туралы ақпарат тарап жатыр.

Әлеуметтік желіде Біртановты 30 қазанда Қаржы министрлігі қаржы мониторингі жөніндегі комитеті тергеу департаментінің қызметкерлері ұстады деген мәлімет пайда болды. Оның уақытша ұстау изоляторына қамалғаны айтылған.

Қаржы мониторингі жөніндегі комитетте әлеуметтік желіде тарап жатқан ақпаратты жоққа шығарған жоқ. 

"Қаржы мониторингі жөніндегі комитет бұрынғы денсаулық сақтау министріне қатысты тергеуге қатысты ақпарат 201-бапқа сәйкес жарияланбайтынын хабарлайды. Кейін ақпарат беретін боламыз", - деді комитеттің баспасөз хатшысы Арман Жүнісов.

Желідегі ақпарат бойынша экс-министр 526 миллион теңге бюджет қаржысын жымқырды деген күдікке ілінді. Ақша денсаулық сақтау жүйесінің байланысын қамтамасыз ету және ақпарат платформаларын сатып алуға бөлінген. Қылмыстық кодекстің 189-бабына сәйкес ("Сенiп тапсырылған бөтен мүлiктi иемденiп алу") тергеу жүргізіліп жатқаны айтылған. 

Елжан Біртанов денсаулық сақтау министрлігін үш жарым жыл, 2017 жылдың 25 қаңтарынан 2020 жылдың 25 маусымына дейін басқарды.

14 маусымда Елжан Біртановтың коронавирус жұқтырғаны хабарланды. Диагнозы расталғаннан кейін, ол бірден астанадағы жұқпалы аурулар ауруханасына жатқызылды.

25 маусым күні президент жарлығымен Біртанов министр қызметінен босатылды. Оның орнына Алексей Цой тағайындалды.

1939
Кілт сөздер:
денсаулық сақтау министрлігі, тергеу, Елжан Біртанов
Тақырып бойынша
Біртанов карантиннің қай уақытқа дейін созылатынын айтты 
"Үлкен қауіп бар": Біртанов коронавирус ауылдарға жеткенін айтты
"Бұл төтенше жағдай": Министр Біртанов неге алаңдап отырғанын айтты
Ауруханада жатқан министр Біртанов желіде дәрігерлер туралы жазба жариялады
Денсаулық министрі Біртанов қызметінен босатылды
Коронавирус сынамасы

Қазақстанда өткен тәулікте коронавирус жұқтырғандар саны артты

97
(Жаңартылды 14:14 31.10.2020)
Коронавирус инфекциясын жұқтырғандардың дені Шығыс Қазақстан облысында тіркелді. Сондай-ақ, Нұр-Сұлтан қаласы мен Ақмола және Павлодар облысында дертке шалдыққандар көп

НҰР-СҰЛТАН, 31 қазан – Sputnik. Қазақстанда өткен тәулікте 461 адамда коронавирус індеті ПТР арқылы расталып ауырғаны белгілі болды.

Қызылорда облысында бірде-бір адам вирус жұқтырған жоқ.

Аймақтар бойынша:

  • Нұр-Сұлтан қаласы - 31
  • Алматы қаласы - 21
  • Шымкент қаласы - 6
  • Ақмола облысы - 39
  • Ақтөбе облысы - 6
  • Алматы облысы - 14
  • Атырау облысы - 12
  • Шығыс Қазақстан облысы - 233
  • Жамбыл облысы - 2
  • Батыс Қазақстан облысы - 13
  • Қарағанды облысы - 16
  • Қостанай облысы - 12
  • Маңғыстау облысы - 6
  • Павлодар облысы - 25
  • Солтүстік Қазақстан облысы - 21
  • Түркістан облысы - 4.

Жалпы ел бойынша ауырғандар саны 111 953. 

 

97
Кілт сөздер:
коронавирус, Қазақстан
Тақырып:
Коронавирус эпидемиясы
Тақырып бойынша
"Әлем қорқынышты белеске жетті": БҰҰ Бас хатшысы коронавирусқа қатысты мәлімдеме жасады
Коронавирустың екінші толқынына дайын болайық – Тоқаев
Ғалымдар коронавирусқа қарсы дәрінің өлімге әкеп соғатын қаупін анықтады
Коронавирустың екінші толқыны кезінде 160 мыңнан аса адам жұмыссыз қалуы мүмкін
Коронавирустың екінші толқыны: азық-түлік бағасы қандай болады
Қырау басқан жапырақтар

Тұман, жаңбыр және қатты жел ертеңге ауа райы болжамы жарияланды

55
Республиканың басым аумағында ауа райы жауын-шашынсыз болады, солтүстікте жаңбыр жауады деп болжануда

НҰР-СҰЛТАН, 31 қазан – Sputnik. Қазақстанда, синоптиктердің болжамынша, 1 қарашада күн ашық болады.

Қазақстанның басым аумағында антициклон әсерінен ауа райы жауын-шашынсыз болады. Тек елдің солтүстігінде жаңбыр жауады деп болжануда. Республиканың кей жерлерінде тұман түсіп, оңтүстік және оңтүстік-шығыста жел күшейеді.

Өңірлердегі ауа райы

Алматы облысында түнде және таңертең кей жерлерде тұман түседі, күндіз Жалаңашкөл ауданында секундына 15-20 метр жылдамдықпен жел соғады.

Тағы оқыңыз: Төтенше жағдайлар министрлігі автокөлік иелеріне үндеу жасады

Жамбыл, Ақмола, Батыс Қазақстан, Павлодар, Шығыс Қазақстан, Солтүстік Қазақстан облыстарында кей жерлерді тұман басады, Жамбыл облысында түнде желдің екпіні 15-20 м/c дейін күшейеді.

Дабылды ескерту

Қызылорда облысында күндіз желдің жылдамдығы секундына 15-20 метрге дейін барады.

Ақмола облысында 1 қарашада тұман түседі деп болжанып отыр.

Мегаполистерде ауа райы қандай болады

Нұр-Сұлтанда күн ашық болады. 3-5 м/c жел тұрады. Түнде ауа температурасы -3-4 градус, ал күндіз – 5-8 градус жылы.

Алматыда да ауа райы жауын-шашынсыз. Секундына 1-8 метр жылдамдықпен жел соғады. Сынап бағанасы түнде +4... +5 градусты, ал күндіз +9... +10 градусты көрсетеді.

Шымкентте күн жылы әрі ашық,  2-5 м/c жел соғады. Ауа температурасы түнде +3... +5, күндіз +17... +19 градус болады.

55
Кілт сөздер:
ауа райы болжамы