Архивтегі фото

Қазақстанда кімдер мемлекеттік қызметке конкурстан тыс алынуы мүмкін?

821
Сенат депутаттары "Қазақстанның кейбір заңнамалық актілеріне мемлекеттік қызмет және сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы" заң жобасын бірінші оқылымда қабылдады

НҰР-СҰЛТАН, 26 қыркүйек – Sputnik. Қазақстанда шетелде докторантураны тәмамдаған және халықаралық ұйымдарда жұмыс істеген азаматтар мемлекеттік қызметке конкурстан тыс кіруі мүмкін. Жаңа норма сенатта бірінші оқылымда қабылданған мемлекеттік қызмет және сыбайлас жемқорлыққа қарсы іс-қимыл мәселелері туралы заң жобасында көзделген, деп хабарлайды Sputnik Қазақстан тілшісі.

"Жетекші шетелдік жоғары оқу орындарында докторантура бағдарламасы бойынша оқыған, сондай-ақ, халықаралық ұйымдарда жұмыс тәжірибесі бар тұлғаларға мемлекеттік қызметке конкурстан тыс кіру мүмкіндігін жасау керек. Конкурстан тыс кіру деген конкурстан өтпеу деген сөз емес. Олар президенттің жанындағы ұлттық комиссияның конкурсынан өтеді. Ол азаматтар егжей-тегжей тексеріліп, арнайы тексерулерден өтіп, содан кейін қабылдануы мүмкін", - деп түсіндірді мәжіліс депутаты Ерсұлтан Бектұрғанов.

Сонымен қатар, заң жобасында тиісті өңірлік мемлекеттік органдардың басшысы лауазымына конкурстық іріктеуден ойдағыдай өткен кандидаттарды уәкілетті орталық мемлекеттік органдармен келісу практикасын алып тастау қажеттігі қарастырылған.

"Себебі мемлекеттік қызмет туралы жаңа заңға сәйкес, конкурстық комиссияның оң қорытындысын алған үміткер тиісі лауазымға сөзсіз орналасу мүмкіндігіне ие болады. Екіншіден, азаматтардың сынақ мерзімін анықтау мен арнайы тексеруден өткізу шараларын конкурстан өтіп, жұмысқа кірген күннен бастап қатар бастауды ұсынып отырмыз", - деді ол.

Үшіншіден, мәжілісменнің айтуынша, мемлекеттік қызметтен теріс себептермен емес жұмыстан босаған адамдарға жұмыстан шығарғаннан кейін тестен өтпей, 30 күн ішінде мемлекеттік қызмет конкурстарына қайтадан қатысуға мүмкіндік берілмек.

"Сондықтан бұрын мемлекеттік қызметте істеген, кейін қайтадан жұмысқа келген азаматтарға сынақ мерзімін қоймау жеңілдіктері көзделген. Төртіншіден, орталық мемлекеттік органдардың мемлекеттік қызметшілеріне, олардың ведомстволары мен аумақтық бөлімшелері өткізетін ішкі конкурстарға қатысу құқығын беру. Бесіншіден, мемлекеттік органдарға әрбір конкурсқа конкурстық комиссияны құрмай, тұрақты жұмыс істейтін комиссия құруға мүмкіндік жасау", - деп атап өтті Бектұрғанов.

Бұдан бөлек, заң жобасында бірінші басшылар үшін өздеріне тікелей бағынысты адамдарының сыбайлас жемқорлық қылмысын жасағаны үшін дербес тәртіптік жауапкершілікті енгізу нақтыланады.

"Заң жобасы мемлекеттік қызметшілердің әлеуметтік қорғалуын арттыруға, конкурстық рәсімдерді жетілдіруге, мемлекеттік органдардың кадр мәселесін шешу жөніндегі мобильдікті арттыруға, мемлекеттік қызметшілердің жеке жауапкершілігін жоғарылатуға, кадр тапшылығын азайтуға ықпал ететін болады", - деді депутат. 

Оның айтуынша, тек өткен жылдың ішінде мемлекеттік қызметке қызығушылық танытқандар саны 53 мың адамнан асып, 24 мыңнан астамы тестілеуден өткен. Қызметтегі ауыспалық екі есеге азайып, негізінен, бірінші басшылар ауысқанда, басқа мемлекеттік органдардан ауыстыру ретімен келетіндердің саны 18 есе қысқарған.

Сенат депутаттары заң жобасын бірінші оқылымда мақұлдады.

821
Кілт сөздер:
мемлекеттік қызметкер, Қазақстан
Тақырып бойынша
Туған күннен келе жатқан: Петропавлда мемқызметкер жұмбақ жағдайда жоғалып кетті
Қомақты қаражат қымқырған шенеуніктің бастығы отставкаға кетті
Перуашев жемқорларды елден шығаруға тыйым салуды ұсынды
Мемлекеттік қызметкерлердің саны 25 процентке қысқарады – президент жолдауы  
Байбек бірнеше депутатты Nur Otan қатарынан шығарып тастамақшы
коронавирус, медбике

Ғалым коронавирус инфекциясын неге барлық адам жұқтырмайтынын түсіндірді

477
"Қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтыны анықталды

НҰР-СҰЛТАН, 29 қараша – Sputnik. Коронавирустан қорғануға тек антиденелер ғана көмектеспейді, деп мәлімдеді микробиолог Сергей Иванов "МК" газетіне берген сұхбатында.

Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.

"Осындай жағдайлар болды. Олардың ағзасы бұл коронавирусты қабылдамайды", - деді Иванов.

Пастер атындағы эпидемиология және микробиология институтының ғалымдары осындай қорытындыға келген.

"Ғалымдар "қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған", - дейді маман.

Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

477
Кілт сөздер:
ғалым, коронавирус
аурухана, коронавирус

Денсаулық министрлігі өткен тәулікте қанша адамның қайтыс болғанын жариялады

1613
(Жаңартылды 11:36 29.11.2020)
Қазіргі уақытта коронавирустық инфекциядан 12 651 адам ем қабылдауды жалғастыруда, оның ішінде 214 адамның жағдайы нашар

НҰР-СҰЛТАН, 29 қараша – Sputnik. Өткен тәулікте коронавирус пен пневмониядан 10 адам қайтыс болды, деп хабарлады денсаулық сақтау министрлігі.

Коронавирус инфекциясынан жеті адам, коронавирустық пневмониядан үш адам көз жұмған.

"Қазіргі уақытта коронавирустық инфекциядан 12 651 адам ем қабылдауды жалғастыруда. Олардың арасында 895 бала бар. Стационарларда 3 392 науқас жатыр.  9 259 адам амбулаториялық жағдайда емделуде", - деп хабарлады министрлік.

Науқастардың арасында 214 адамның ахуалы нашар. Соның ішінде 32 науқастың жағдайы аса ауыр деп бағалануда. 32 адам жасанды тыныс алдыру аппаратына қосылған.

Өткен тәулікте 826 адамның коронавирус инфекциясын жұқтырғаны расталды.

Жалпы, елімізде коронавирус жұқтырғандар саны 130 865 адамға жетті.

Оның ішінде:

  • Шығыс Қазақстан облысында - 16191 (+135),
  • Алматы қаласында - 16033(+73),
  • Нұр-Сұлтан қаласында -15989(+83),
  • Атырау облысында - 11616(+18),
  • Қарағанды облысында - 11077(+25),
  • Батыс Қазақстан облысында - 7994(+39),
  • Солтүстік Қазақстан облысында - 6291(+105),
  • Павлодар облысында - 6254(+120),
  • Алматы облысында - 5682(+33),
  • Шымкент қаласында -5361(+6),
  • Қостанай облысында - 5212(+85),
  • Ақмола облысында - 5072(+86),
  • Жамбыл облысында - 4411(+14),
  • Ақтөбе облысында -3481(+1),
  • Түркістан облысында - 3477(+2),
  • Маңғыстау облысында - 3434(+0),
  • Қызылорда облысында -3290(+1).
1613
 Майк Тайсон мен кіші Рой Джонс

Майк Тайсон мен Рой Джонс шаршы алаңда кездесті жекпе-жектің толық видеосы

504
(Жаңартылды 12:52 29.11.2020)
Аты аңызға айналған боксшылардың жекпе-жегі бүгін қазақстандық уақыт бойынша таңертең АҚШ-та өтті

НҰР-СҰЛТАН, 29 қараша – Sputnik. Атақты америкалық боксшылар Майк Тайсон мен кіші Рой Джонс Лос-Анджелесте Staples Center аренасында жекпе-жек өткізді.

Бұл жекпе-жек "Аңыздар шайқасы" кешінің басты оқиғасы болды. Көптен күткен кездесу ерекше регламент бойынша өтті - әрбірі екі минутқа созылған сегіз раундтан тұрды. Жекпе-жек қорытындысы бойынша екі боксшы тең түсті. Бірақ бұл нәтиже спортшылардың көңілінен шықпады. Майк Тайсон наразылық білдіріп, рингтен кетіп қалды. 

Айта кетсек, Майк Тайсон соңғы рет 2005 жылы жұдырықтасқан болатын. Ол кезде Кевин Макбрайдтан жеңіліп қалған еді. Рой Джонс шаршы алаңға 2018 жылы шығып, Скотт Сигмонды жеңді.

504
Кілт сөздер:
видео, жекпе-жек