Газдалған сусындар

Тәтті және газдалған сусын қандай ауруға шалдықтырады дәрігер жауабы

1128
(Жаңартылды 14:56 30.09.2019)
Репродуктолог бедеулік пен белсіздіктің алдын алу үшін бала кезден дұрыс тамақтанып, үнемі қимыл-қозғалыста болуға кеңес берді

НҰР-СҰЛТАН, 30 қыркүйек – Sputnik. Бала кезде тәтті және газдалған сусындарды шамадан тыс көп ішу ересек өмірде қант диабеті мен жүрек-қантамыр ауруларына әкеп соғуы мүмкін. Бұл туралы Алматыдағы репродуктивті медицина институты экстрокорпоралды ұрықтандыру орталығының жетекші маманы, жоғары санатты дәрігер-репродуктолог Людмила Бадельбаева айтып берді.

Дәрігер адамның репродуктивті денсаулығын нашарлататын факторларды атады. Біріншісі – тамақтану болса, екіншісі – қимыл-қозғалыстың аздығы.

"Дұрыс тамақтанбау қыздарда етеккір циклінің бұзылуына әкелсе, ұлдарда жыныстық даму процесіне кері әсерін тигізеді. Осы тұста экологияның әсері мен тұтынатын өнімдердің сапасы туралы ұмытпаған жөн. Балалық шақта тәтті және газдалған сусындарды шамадан тыс көп ішу ересек өмірде қант диабеті мен жүрек-қантамыр аурулары сияқты көптеген дертке әкеп соғуы мүмкін", - дейді Бадельбаева.

Бұдан бөлек, маман балаларға көбірек қозғалып, таза ауада жүруге кеңес берді.

Тағы оқыңыз: Мұндай дертке шалдығу қаупі 35 жастан кейін артады  – дәрігерлер дабыл қақты

"Қазір, өкінішке қарай, ата-аналар өзінің мазасын алмас үшін балаларға ерте жастан түрлі гаджет ұстатып қояды. Балалар заманауи техникамен сағаттап отырады. Әлемдік практикада бір орында тапжылмай ұзақ отыру иммунитеттің төмендеуіне, жалпы физикалық дамудың тежелуіне әкелетіндігі дәлелденді. Мұндай балалардың есте сақтау қабілеті нашарлайды. Бұл бос сөз емес, адам ағзасының физиологиясына қатысты шындық", - дейді дәрігер-репродуктолог.

Бадельдаева бүгінде бүкіл әлемде адамдардың репродуктивті денсаулығы нашарлап бара жатқанын атап өтті. Айтуынша, бұл мәселені қазір тек дәрігерлер ғана емес, психологтар мен әлеуметтанушылар да жиі көтереді.

Тағы оқыңыз: Сүтті шайдың ешкім күтпеген зияны анықталды

"Ұлдар мен қыздар арасында дұрыс қарым-қатынас қалыптастыру балалық шақтан бастау алады. Жасөспірім кезінде тәрбиеге ерекше көңіл бөлу керек. Өйткені осы жаста жыныстық жетілу кезеңі басталады. Отбасында рухани тәрбие болуы қажет. Ата-аналар балаларына барынша жақын болғаны абзал. Қазір әке-шеше мен бала арасында байланыс жоғалып барады", - деп алаңдады дәрігер.

Маман ата-аналардың қиын сұрақтарға жауап беруден жалтармауы, сабырлық сақтап, өзін-өзі ұстай білуі бала тәрбиесінде үлкен маңызға ие екенін жеткізді.

1128
Кілт сөздер:
денсаулық, дәрігер, сусын
Сыртқы істер министрлігінің ғимараты

"Дүрліктіруге ниетті": министрлік атышулы фильмге қатысты түсініктеме берді

76
Сыртқы істер министрлігінің мәлімдемесінде ел азаматтары ашық нәсілшіл шабуылдарға наразы екені айтылады

НҰР-СҰЛТАН, 24 қазан – Sputnik. Фильм авторлары арандату жолымен Қазақстанның мемлекеттік рәміздерін мазақ етіп, дүрліктіруге ниетті, деп хабарлады сыртқы істер министрлігі.

"Арандатушылық мақсатта Қазақстан халқы да, оның мемлекеттік рәміздері де мазаққа ұшыруда. Наразылық нота жолдау мағынасыз, өйткені оның адресаты жоқ. Неғұрлым дүрліктіре берсек, соғұрлым фильм авторлары пайда табады. Үлкен пайда табу авторларды фильмді жалғастыруға итермелейді. Негізінде, фильмде нәсілшілдік пен ксенофобияның айқын формасы бар. Біздің азаматтарымыз ашық нәсілшіл шабуылдарға әділ наразы", – делінген хабарламада.

Айта кетейік, 23 қазанда бір топ жас АҚШ Бас консулдығына жиналып, "Борат-2" фильмінің шығуына қарсы шықты. Олар фильмге тыйым салуды талап етіп, петициясын ұсынды.
Ұйымдастырушылар бұл петиция арқылы қоғамда теріс реакция тудырған фильмнің көрсетілуіне тыйым салуды сұрайды, олардың пікірінше, ол бүкіл мемлекеттің беделін түсіреді.

Бұған дейін Қазақстанның мәдениет және спорт министрі Ақтоты Райымқұлова британдық актер және режиссер Саша Барон Коэннің атышулы "Борат-2" фильмі туралы пікір білдірген еді. 

Министрдің айтуынша, сенсациялық фильмнің Қазақстанда пайда болуы фактісін елемеуге болмайды. 

"Борат" тарихы

"Журналист" Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар жұмсап, оны дайындағандар 261,5 миллион доллар пайда тапты. Тіпті, "Алтын глобус" иегері атанды және "Оскарға" ұсынылды.

Ал Қазақстанда фильм қоғам тарапынан наразылық тудырды. Фильм түсірушілерге елді қорлады деген айып тағылды.

Екінші бөлімнің сюжеті бойынша, ойдан шығарылған кейіпкер, қазақстандық журналист Бораттың тағы да АҚШ-қа жолы түседі. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейтін болады.

Оқи отырыңыз: АҚШ-тың Қазақстандағы елшісі "Борат" фильміне қатысты пікір білдірді

Жаңа трейлер шыққаннан кейін көптеген қазақстандық фильмді теріс бағалады. Осыдан кейін әлеуметтік желіде "Бораттың" жалғасының шығуына қарсы флешмоб ұйымдастырылды. Оған әлемнің түкпір-түкпіріндегі қолданушылар қосылды, олар #СancelBorat хэштегімен фильмге қарсы шығып жатыр.

76
Кілт сөздер:
сыртқы істер министрлігі, Борат
Қорғаныш киіміндегі адамдар

Қазақстанның бірқатар өңірлерінде карантин күшейтілді не өзгерді

932
Өңірлердің мемлекеттік бас санитар дәрігерлері қалыптасқан эпидемиологиялық жағдайға байланысты жаңа қаулыларды жария етті

НҰР-СҰЛТАН, 24 қазан – Sputnik. Шымкент қаласы мен Ақмола және Қарағанды ​​облысында мемлекеттік бас санитар дәрігер бұйрықтары жарияланды.

Шымкентте карантин мерзімі ұзартылды

Шымкент қаласының мемлекеттік бас санитар дәрігері Әбдіманап Төлебаев карантиндік шектеулерді 2020 жылдың 9 қарашасына дейін ұзарту туралы шешім қабылдады.

Қаулының толық мәтінімен мына жерден танысуға болады.

Ақмола облысында түнде көшеде жүруге болмайды

Ақмола облысының мемлекеттік бас санитар дәрігері Айнагүл Мусина 23:00-ден 6:00-ге дейінгі аралықта облыс аумағындағы елді-мекен тұрғындарының қозғалысын шектеу туралы қаулы шығарды.

Жаңа қаулыдағы бұл ерекшеліктер әкімдік пен полиция, жедел жәрдем мен төтенше жағдайлар қызметі, ауруханалар, санитарлық-эпидемиологиялық қызметтер, өрт сөндіру, әскери қызметшілер, сондай-ақ стратегиялық нысандар мен тіршілікті қамтамасыз ету нысандарын күтіп-ұстауды қамтамасыз ететін жұмысшыларға қатысты емес.

Ал қаулының толық мәтінін мына сілтемеден таба аласыз.

Қарағанды ​​облысында демалыс күндері қандай нысандар жұмыс істейді 

Қарағанды ​​облысының мемлекеттік бас санитар дәрігері Юрий Залыгиннің жаңа қаулысымен қаладағы сауда үйлері мен сауда орталықтарына демалыс күндері 17:00-ге дейін жұмыс істеуіне рұқсат берілді.

Сондай-ақ, жалпы сыйымдылықтың 30%-тен артық мөлшерде адамдардың  шоғырлануына жол берілмейді.

Оқи отырыңыз: Алматыда карантин күшейтіле ме – бас санитар дәрігердің жауабы

Сонымен қатар, сенбі күндері азық-түлік және азық-түліктік емес жабық базарлардың жұмыс істеуіне де рұқсат етіледі.

Қаулының толық мәтінін мына сілтемеден көруге болады.

932
Кілт сөздер:
шектеу, қозғалысты шектеу, карантин
Тақырып:
Төтенше жағдай және карантин
Тақырып бойынша
Қазақстанның облыстары мен қалаларында карантин күшейтілді: неге тыйым салынды
Алматыда екі күнде карантин талабын бұзған 65 нысан анықталды
Қазақстандағы карантин: комиссия жаңа шешімді жариялады
Маңғыстау облысында карантин жеңілдетілді
Нұр-Сұлтанда карантин күшейтіле ме – әкім астаналықтарға үндеу жасады