сотталушылар

Кешірім сұрады: мерзімінен бұрын бостандыққа шыққан жемқор басшылар кімдер?

4241
(Жаңартылды 11:09 13.12.2019)
Жемқорлық жасағаны үшін сотталып, мерзімінен бұрын бостандыққа шыққан жоғары лауазымды басшылар туралы Sputnik Қазақстан материалынан оқыңыз

Ержан Өтембаев

Ол – Қазақстан парламентінің сенат аппаратының бұрынғы жетекшісі. Ержан Өтембаев 2006 жылы 20 жылға сотталған болатын. Сот оны саясаткер Алтынбек Сәрсенбаев пен оның екі көмекшісін өлтіруге тапсырыс беруші деп таныды. Алайда 2013 жылдың желтоқсанында Бас прокуратура саясаткерді өлтіру туралы тапсырысты орындаған Рустам Ибрагимовтың нағыз тапсырыс берушілердің кім екенін айтқанын мәлімдеді.

2014 жылдың қаңтарында бұл қылмыстық іс бойынша сот қайта басталды. Нәтижесінде Алматы облысының қылмыстық істер жөніндегі мамандандырылған ауданаралық соты 59 жастағы Ержан Өтембаевтың жазасын 20 жылдан 13 жылға қысқарту туралы үкім шығарды. Осылайша, ол мерзімінен бұрын босатылуға өтініш беруге мүмкіндік алды. Кейін оның өтініші қанағаттандырылды.

Бұрынғы сенат аппаратының жетекшісі 4 жыл 2 ай 29 күнге ерте мерзімінен бұрын шартты түрде босатылды. Ал 2018 жылдың 24 маусымында 62 жастағы Ержан Өтембаев қайтыс болды.

Ержан Утембаев
Мирас НУРМУХАНБЕТОВ
Ержан Өтембаев

Жақсыбек Күлекеев

Ол 30 жылға жуық мемлекеттік қызмет атқарды. Түрлі жылдары экономика және сауда министрі, білім және ғылым министрі, "Қазақстан темір жолы" ҰК" АҚ президенті қызметтерін атқарды. 2008 жылдың 1-сәуірінде басшы 100 мың доллар пара алды деген күдікпен қамауға алынды. Ал 2008 жылдың 13-қарашасында Астана қаласының Сарыарқа аудандық соты Жақсыбек Күлекеевке "қызмет бабын асыра пайдаланғаны үшін" 3 жылға бас бостандығынан айыру туралы үкім шығарды.

Тағы оқыңыз: Жемқорлардың аты-жөні жұртқа жария етілді – видео 

Сот процесі барысында "Қазақстан темір жолы" ұлттық компаниясының басшысы 100 мың доллар пара алды деген айып дәлелденген жоқ.

Жақсыбек Күлекеев жазасын толық өтеместен 2009 жылы күзінде шартты түрде бостандыққа шықты. 2010 жылдың қаңтарында "Қазақ мұнай және газ институты" компаниясының корпорациялық даму жөніндегі басқарушы директоры қызметіне тағайындалды.

Судебное заседание
Максим МАСЛОВ
Жақсылық Досқалиев

Жақсылық Досқалиев

Танымал хирург 2001-2004 және 2008-2010 жылдары Қазақстанның денсаулық сақтау министрі болды. 2010 жылдың қыркүйегінде басшыға қатысты қылмыстық іс қозғалды. Оған қызметтік бабын асыра пайдаланды, ірі мөлшерде пара алды деген айып тағылды. Сол жылдың 5 тамызында қылмыстық істер бойынша мамандандырылған ауданаралық сот бұрынғы министрді 7 жылға бас бостандығынан айырды. Ол жазасын қатаң режимдегі колонияда өтейтін болды.

2012 жылдың қаңтарында президент үкімімен Досқалиевтің жазасын өтеу мерзімі 7 жылдан 2 жылға қысқарды.

2012 жылдың 29 қарашасында Астана қаласының соты Досқалиевті шартты түрде мерзімінен бұрын босату шешімін шығарды. 2012 жылдың 16 наурызында Жақсылық Досқалиев бостандыққа шықты. Қазіргі таңда танымал хирург республикалық трансплантация орталығында жұмыс істейді.

Серік Баймағанбетов

2009-2011 жылдары Қазақстанның Ішкі істер министрі, 2011-2012 жылдары кедендік бақылау комитетінің төрағасы қызметтерін атқарды.

2013 жылы бұрынғы министрге қатысты тергеу басталды. Оған ірі көлемде пара алды, қызметін асыра пайдаланды деген айып тағылды. 2013 жылдың 8 қаңтарында сотта оның кінәсі дәлелденді. Судья экс-министрдің мүлкін тәркілеп, 10 жылға бас бостандығынан айыру туралы үкім шығарды. Ол жазасын қатаң режимдегі колонияда өтейтін болды.

2014 жылдың қыркүйегінде Қазақстан президенті үкімімен Серік Баймағанбетов жазасын 5 жыл ғана өтейтін болды.

2015 жылдың 19 ақпанында Қарағанды қаласы Қазыбек би ауданы сотының үкімімен экс-министр шартты түрде мерзімінен бұрын босатылды.

Бауржан Абдишев
ИА Новости-Казахстан, Асем Миржекеева
Бауыржан Әбдішев

Бауыржан Әбдішев

2013 жылдың 29 қаңтарында Қарағанды облысы әкімі қызметіне тағайындалды. Алайда 2014 жылдың маусым айында облыс әкімі лауазымынан босатылды. Сол жылдың 23 қыркүйегінде экс-басшы өз үйінде ұсталып, Қарағанды қалалық ішкі істер басқармасының уақытша ұстау изоляторына қамалды. Оған "Қызметтік өкілеттігін теріс пайдаланды" және "кәсіпкерлік қызметпен заңсыз араласты" деген айып тағылды. Соттың үкімімен ол 5 жылға сотталды. Уақыт өте іс қайта қаралып, жазасын өтеу мерзімі 3 жылға қысқарды.

Кейін Қарағанды қаласы Қазыбек би аудандық соты бұрынғы өңір басшысын мерзімінен бұрын босату туралы шешім шығарды. Ол түрмеде 1 жыл 7 ай 25 күн отырды.

Серік Ахметов

2009-2012 жылдары Қарағанды облысының әкімі, 2012-2014 жылдары ҚР премьер-министрі, 2014 жылдың 22-қазанынан – 2 сәуіріне ҚР қорғаныс министрі болды. Сол жылы қызметінен кеткеннен соң, қараша айында ұсталды.

Бұрынғы министрге мүлікті талан-таражға салды, заңсыз кәсіпкерлікпен айналысты және қызметін асыра пайдаланды деген айып тағылды.

Тағы оқыңыз: Серік Ахметов бостандыққа шыққан соң не деді?

Бұл іс бойынша 100-ден аса адам тергелді, тергеу 4 айға созылды. Бұрынғы үкімет басшысы кінәсін ішінара мойындап, соттағы соңғы сөзінде Қазақстанның бұрынғы президенті Нұрсұлтан Назарбаевтың сенімін ақтай алмағын үшін одан кешірім сұрады. Сот процесіне 4 мемлекеттік айыптаушы және 42 адвокат қатысты. Қылмыстық іс 338 томнан тұрды.

2015 жылдың желтоқсанында Қарағанды облыстық соты Серік Ахметовті 10 жылға бас бостандығынан айырды, әрі мүлкін тәркілеп, 5 жыл бойы мемлекеттік қызмет атқаруына тыйым салды.

Апелляциялық отырыста басшының мемлекетке келтірілді деген 2,5 миллиард теңге шығынды өтегендіктен, мерзімі 8 жылға дейін қысқарды.

Серик Ахметов
© Sputnik / Асем Миржекеева
Серік Ахметов

Ол 2 жыл жазасын Қарағанды облысындағы Қарабас ауылында АК159/18 колониясында өтеді. Мемлекетке келген шығынды қайтаруына және рақымшылыққа ілігуіне байланысты жазасының 3,5 жылы қысқарып, қалған 4 жылы бостандығын шектеу жазасына ауысты. Экс-премьер 2017 жылдың 21 қыркүйегінде түрмеден босап шықты. Ол жазасының қалған бөлігін Қарағандыдағы үйінде өтейтін болды. Заң бойынша ол 4 жылдай қаладан шықпауы тиіс.

Қуандық Бишімбаев

2016 жылдың 6 мамырдан – 28 желтоқсанға дейін Қазақстанның ұлттық экономика министрі болған.

2016 жылы Қазақстанның бұрынғы президенті Нұрсұлтан Назарбаев экс-министр Қуандық Бишімбаевқа қатысты тергеу басталғанын мәлімдеді. 2017 жылдың қаңтар айында ол пара алды деген күдікпен ұсталды. 13 қаңтарда тұтқындалды. Оған бірнеше мәрте ірі көлемде пара алды, бюджет қаражатын жымқырғаны деген айып тағылды.

Тағы оқыңыз: Экс-министр Қуандық Бишімбаев бостандыққа шықты

2018 жылы наурыз айында Қуандық Бишімбаев 10 жылға бас бостандығынан айырылды. Сот төрт айдан астам уақытқа созылды. Бишімбаевпен бірге тағы 22 адамның ісі қаралды.

Экс-министр сотта сөйлеген соңғы сөзінде Елбасыдан сенімін ақтай алмағаны үшін кешірім сұрап, өзіне тағылған айыптарды мойындамаған болатын.

Предварительные слушания по делу Куандыка Бишимбаева
© Sputnik / Болат Шайхинов
Қуандық Бишімбаев

Соттың үкімімен экс-министр мемлекеттік қызметте жетекшілік ету құқығынан өмір бойына айырылды.

Алайда 2019 жылдың 11 қазанында Қуандық Бишімбаев мерзімінен бұрын бостандыққа шықты. Бұл ақпаратты Шымкент қаласының Абай аудандық соты растады.

4241
Кілт сөздер:
шенеунік, басшы, жемқорлық
Тақырып бойынша
Мерзімінен бұрын босанған әйел дәрігерлерге қомақты ақша қарыз болып қалды
Мемлекетке опасыздық жасаған қытайтанушы ғалым 10 жылға сотталып кетті
Адвокат: Бишімбаев тергеу изоляторында жанжалдасып қалды
Ақорда миллиардтаған қаражаттың жымқырылғанын хабарлады
Мұхтар Жәкішев мерзімінен бұрын бостандыққа шыға ма - апелляциялық сот шешімі
Иманбек Зейкенов

"Грэммиге" ұсынылған ақсулық жігіт ойламаған жерден танымал болып кеткенін айтты

332
(Жаңартылды 21:07 25.11.2020)
Павлодар облысының тұрғыны Иманбек Зейкенов "Грэмми" музыкалық сыйлығын жеңіп алуға зор мүмкіндік бар деп санайды

НҰР-СҰЛТАН, 25 қараша – Sputnik. "Грэммиге" үміткер болған қазақстандық Иманбек Зейкенов Ақсудан ешқайда кетпей, музыка жазуды жалғастырып жатыр. Ол бұл туралы Sputnik Қазақстан тілшісіне айтып берді.

Иманбек Зейкенов ең беделді музыкалық сыйлыққа ұсынылғанын естігенде әуелі сенбегенін мойындады.

"Өзімнің тікелей эфирім кезінде білгендіктен сенбедім. Ақсу қаласында тұрамын, музыка жазамын. Жеңіске жетуге зор мүмкіндік бар", - деп Зейкенов Sputnik Қазақстанға қысқаша түсініктеме берді.   

Бұған дейін қазақ жігіті New York Times газетіне берген сұхбатында теміржолдағы жұмысын тастағанын айтқан болатын.

Иманбек Зейкеновтің Saint JHN есімді бруклиндік рэпердің Roses әніне жасаған ремиксі әлемдік чарттардың жоғарғы сатысына көтерілді. Қазақстандық мұндай танымалдылықты мүлде күтпегенін, жұлдызды әуен кездейсоқ жазылғанын мойындады.

Жұлдыз болып шыға келді: ақсулық жігіттің хитін әлемде 2,5 млн адам тыңдады

"Аудиожазбаларда Saint JHN әні болды. Тәжірибе жасағым келіп, екі сағаттың ішінде ремикс жаздым. Интернетте жарияладым, достарым лайк басты. Бар болғаны сол. Содан кейін бәрі тынышталды. Үш айдан кейін бұл ән қандай да бір топта жарияланған, ол жерде миллион жазылушы болған. Сол жерден адамдар ақырындап тыңдай бастады. Тағы бір-бір жарым айдан кейін маған продюсерлер шығып, ынтымақтастық орнатуға ұсыныс білдірді", - деді Зейкенов Sputnik Қазақстан тілшісіне.

Сыйлықты тапсыру салтанаты 2021 жылдың 31 қаңтарында өтеді.  

Ремикстер арасында сыйлыққа үміткерлер:  Phil Good - Do You Ever (Rac Mix), Deadmau5 - Imaginary Friends (Morgan Page Remix), Jasper Street Co. - Praying for You (Louie Vega Main Mix), Saint Jhn - Roses (Imanbek Remix), Bazzi - Young & Alive (Bazzi vs. Haywire Remix).

332
Қазақ-қырғыз шекарасы, архивтегі фото

Қазақстан Қырғызстанға гуманитарлық жүк жіберді

21
Жолға шыққан жүк көліктеріне жасанды тыныс алдыру аппараттары мен Қазақстанда жасалған маскалар тиелген

НҰР-СҰЛТАН, 25 қараша – Sputnik. Қазақстанның индустрия және инфрақұрылымдық даму министрлігі Қырғызстанға 389 миллион теңге немесе 916 мың доллардың гуманитарлық жүгін жіберді, деп хабарлайды Sputnik Қазақстан.

"Қырғыз Республикасына жүк көлігімен "Көкшетау-4П" жасанды тыныс алдыру мобильді аппараттарының 400 жинағы мен Қазақстан кәсіпорындарда өндірілген 2 миллион медициналық маска жөнелтілді", - деп хабарлады министрліктің баспасөз қызметі.   

Жіберілген гуманитарлық жүктің жалпы құны 390 миллион теңгеге жуықтайды, атап айтқанда "Тыныс" АҚ шығарған "Көкшетау-4П" аппараттарының құны 328 миллион теңгеге, "Dolce pharm" ЖШС және "Mega pharm" ЖШС шығарған медициналық маскалардың құны 61 миллион теңгеге бағаланды.

Оқи отырыңыз: Қырғызстан президенті Тоқаевқа алғыс білдірді 

Жүк мемлекет басшысы Қасым-Жомарт Тоқаевтың тапсырмасын және Қазақстан үкіметінің қаулысын орындау аясында жөнелтілді.

21
Кілт сөздер:
гуманитарлық көмек, Қырғызстан
Тақырып бойынша
Қырғызстан Қазақстан бөлген 100 млн доллардан бас тартатынын ресми түрде хабарлады
Қырғызстанға өтіп кеткен 23 мың адамның қаншасы елге оралғаны белгілі болды
Қазақстан Қырғызстанға 2 млн бетперде мен 400 аппарат жібереді
Кісен, архивтегі фото

Нұр-Сұлтанда басқа өңірден қонаққа келген ер адам қылмыс үстінде ұсталды

0
Қарағанды ​​облысының тұрғыны дәмхананың кассасындағы ақшаны алу үшін есіктің әйнегін шаққан, осы кезде ғимараттағы дабыл жүйесі іске қосылған

НҰР-СҰЛТАН, 25 қараша – Sputnik. Елордада дәмханаға ұрлыққа түскен ер адам қылмыс үстінде ұсталды, деп хабарлайды Sputnik Қазақстан Нұр-Сұлтан қаласы полиция департаментінің баспасөз қызметіне сілтеме жасап.

Қарағанды ​​облысынан келген қонақ түнде дәмханаға кірмек болған. Ол кіреберістегі бірінші есіктің әйнегін шағып, екіншісін сындыра бастаған сәтте дабыл жүйесі іске қосылып кеткен.  

Ер адам сонда да қоймаған. Құлыпталған касса аппаратына барып, оны ашу үшін еденге лақтырады. Осылай бірнеше рет жасағаннан кейін касса ашылған, бірақ ондағы қағаз ақша мен тиын-тебен жан-жаққа ұшып түседі.

40 минут ішінде 3 дүкенді тонаған: Қарағандыда әккі ұрылар іздестіріліп жатыр – видео 

Ұры ақшаны жинап жатқанда дәмханаға қауіпсіздік фирмасының көлігі келіп үлгерген, олар қаскүнемді полицияға тапсырды.  

 

0
Кілт сөздер:
Нұр-Сұлтан, ұрлық
Тақырып бойынша
Отырар ауданының тұрғыны үйіне ұрлыққа түскен көршісі екенін білді
Парацетамол ұрлаған: Атырауда дәріхана тоналды
Талдықорғанда ұры жүргізушілерге үндеу жасады – видео  
Талдықорғанда 35 жыл түрмеде отырған баукеспе ұры ұсталды
Жалғыз жүрген қыздарды ғана тонаған: Алматыда әккі ұры ұсталды