Архивтегі фото

"Менің ісім емес екен": Кәсібі бар жұлдыздар туралы не білеміз?

751
Бүгінде отандық шоу бизнесте "бренд" сөзі сәнге айналды. Олар өз есімдерін брендке айналдыру үшін барын салып, кәсіп ашып жатыр

НҰР-СҰЛТАН, 15 қазан – Sputnik, Дәурен Ерболат. Қазір танымал әншілер өнер мен кәсіпті қатар алып жүруге тырысады. Себебі кәсіптен түскен қаржы қосымша мүмкіндіктерге жол ашады. Бизнесте бағын сынап жүрген әншілер кімдер, олар қандай салада еңбектеніп жүр? Sputnik Қазақстан тілшісі бұл сұрақтарға жауап іздеп көрді.

Қайрат Нұртас: KN бренді

Халық арасында хит әндерімен танымал болған Қайрат Нұртас 2013 жылдың қазанында сән саласында бағын сынап көруге бел буды. Сол жылы Алматыдағы сауда орталықтарының бірінде Kairat Nurtas бутигі ашылды. Мұнда KN брендімен әншінің киімдері сатыла бастады.

Жаңа киім желісіне дайындық Қайрат Нұртастың өмірі мен шығармашылығын баяндайтын "Өкініш" фильмінің премьерасынан соң басталған.

Әншінің фирмалық бутиктерінде ерлер, әйелдер киімдерімен қатар, аяқкиімдер мен сөмкелер сатылады. Ондағы ең арзан зат шұлық екен. Оның бағасы – 1500 теңге. Мұндағы ең қымбат киім – әйелдерге арналған фрак, құны – 250 мың теңге.

Алайда 2014 жылдың шілдесінде Алматыдағы сауда орталықтарында орналасқан әншінің киім дүкендері жабылып қалды. Оған сауда орындарындағы жалға алу құнының өсуі себеп болған көрінеді.

2018 жылдың 28 желтоқсанында Қайрат Нұртастың анасы Гүлзира Айдарбекова Instagram желісіндегі жеке парақшасында киімдерін 50%-тік жеңілдікпен сататынын айтып, хабарландыру жасаған. Оның арасында KN брендінің киімдері де бар. Олар 70 және 90% жеңілдікпен сатылды.

"KN киімдері 70 және 90% жеңілдікпен сатылады. Мысалы 14 мыңның ерлер жейделері 2500 теңгеден, 25 мың теңгелік жемпірлер 5 мыңнан, әйелдер көйлектері 3000 теңгеден де табылады. Бұл жерге әлі ілінбегендері қаншама", - деп жазды әншінің анасы.

Димаш Құдайберген: Dimash шайы мен DQ Scent of Music әтірі

Әлемді ерекше дауысымен мойындатқан жас әнші Димаш Құдайберген де жеке кәсіпті қолға алды. 2018 жылдың күзінде Dimash шайын шығара бастады. Бұл жаңалықты әлеуметтік желіде эстрада жұлдыздары жарыса жазды.

"Ұлым екеуіміз Димаш шайының таныстырылымына келдік. Қанат, Света, Димаш сіздерді шын жүректен құттықтаймыз! Аллам тек тіл-көзден аман қылсын", - дейді Айгүл Иманбаева.

Ал осы жылдың күзінде Димаш Құдайберген француз парфюмерлерімен бірігіп DQ Scent of Music атты әтірді шығарды. Қазақстандық БАҚ таратқан мәліметке сәйкес, бір флаконның бағасы – 85 доллар (33 065 теңге, 1 доллар – 389 теңге).

Айдар Тұрғанбек: "Айдар" шайы 

"Жігіттер" квартетінің мүшесі Айдар Тұрғанбек 2016 жылдың жазында шай шығарумен айналыса бастағанын хабарлаған.

"Жақын арада еліміздің әр сауда орындарында "Айдар" шайы сатылымға шығады. Өнермен бірге қатар алып жүретін бұл менің жеке кәсібім. Бұл салада да біраз жетістікке жетсек деген жоспар бар. Кәсіпкерлік сапарыма сәттілік тілеп қойсаңыздар, қуанып қалар едім", - деп жазды әнші Instagram желісіндегі жеке парақшасында.

Тағы оқыңыз: Бағдат Сәмидинова "халтурщик" әншілер деп кімдерді айтты? 

Алайда 2017 жылдың жазында әнші бұл кәсібін тастап кетті. Оның айтуынша, оған уақыт тапшы болған.

"Бір жігіттің ұсынысымен шай өндірісін бастадық. Адам пенде, бір байып қалғысы келеді. Солай байып көреміз деп аштық, бір жылдай істедік. Соңғы жағында менің ісім емес екенін түсіндім. Өйткені ойым басқада болды. Өнерімнің қалып бара жатқанын түсіндім. Отбасыма да уақыт бөле алмай қалдым. Соңында мұны істемей-ақ қояйын деп шештім", – дейді Айдар Тұрғанбек "Медиаметрикс" радиосына берген сұқбатында.

Сондай-ақ ол бизнесін жүргізу барысында ешкімді алдамағанын, сапалы өнім шығарғанын атап өтті.

"Ең бастысы, сапалы шайларды алдырып, өнім шығардық. Халықты алдамайықшы дедім. Өйткені қиянат қой. Сондықтан бір алған адам қайта-қайта сұрай берді", – деді әнші.

Төрағали Төрәлі: Toresh бренді

Кәсібін ашпастан бұрын жұртшылыққа "Ұлы дала баласы" есімімен танылған Төреғали Төреәлі 2018 жылы "Ұлы дала комедиясы" атты фильм түсірді. Басты рөлді өзі сомдады. Сол жылдың 18 қазанынан Қазақстанның барлық кинотеатрында көрсетілді. Алайда әнші кино арқылы пайда табу қиын екенін журналистерге ашық айтты.

"Табыс көзі ретінде қарауға қиын. Шығын шықты. Өзіміздің маңдай терімізбен, табан етіміз мүжіліп, қажалып жүріп тапқан, Алланың бергенін жұмсап жатырмыз", - дейді ол 31 телеарнаның "Айта берсін" бағдарламасына берген сұқбатында.

Кейін әнші Toresh брендін дамытуға кірісті. Брендтің аясында шай, хош иісті иіссу, футболка, кепка, тақия кіреді. Журналистерге берген сұқбатында Төрағали Төрәлі иіссу шығару жобасы әкесінің, ал шай шығару анасының идеясы екенін хабарлаған. Тіпті, әнші Instagram желісіндегі жеке парақшасында әтірінің қымбат тұратынын жазған.

"Бұл әтір өте қымбат әрі сапалы май қоспаларынан жасалған. Хош иісін ұстап тұру мерзімі кем дегенде 2-3 күн", - делінген жазбасында.

Бағлан Әбдірайымов: той орталығы

"Жігіттер" квартетінің мүшесі 2017 жылдың жазында той орталығын ашты. Тіпті, оған өз есімін берген. Бұл туралы әлеуметтік желіде Айнұр Тұрсынбаева жазды.

"Адамның артынан артық әңгіме айтпайтын, бос сөзді бойына жуытпайтын, екіжүзділіктен ада, атағына абыройы сай, азамат деген атына лайықты тірлікпен ғана жүретін парасатты Бағлан бауырымыз үлкен той орталығын ашып жатыр. Оразадағы бастаманың игілігін көр!" – деп жазды ол жеке парақшасында.

Қыдырәлі мен Қарақат: Balbala және мектеп-студия

Отандық шоу бизнестегі алғашқы продюсерлердің бірі, әнші Қыдырәлі Болманов ойыншық бизнесінде де бағын сынап көрген еді. Кейін ол Balbala батереяларын шығарып, сата бастады. Оның айтуынша, бұл батереялар екі есе қуатты, әрі екі есе арзан.

Оның жұбайы Қарақат Әбділдина жеке мектеп-студиясы бар. Болмановтың Instagram желісіндегі жеке парақшасындағы мәліметіне сәйкес, алғашқы мектептің негізі осыдан 12 жыл бұрын Астанада қаланыпты. Ал бүгінде олардың саны 10-ға жуықтаған. Онда екі мыңға жуық шәкірт тәрбиеленіп жатыр. Мұнда оқушылар әртүрлі ұлттық аспаптарда ойнап үйреніп, би, актер шеберлігі сынды пәндерден тәлім алып, ән айтуды үйренеді.

Тағы қандай әншілердің жеке кәсібі бар

Ашық дереккөздердегі мәліметке сүйенсек, әнші Жазира Байырбекованың мерекелік көйлектерді жалға беретін салоны, әнші-сазгер Роза Әлқожаның орамал сататын дүкені бар.

KeshYou тобының бұрынғы мүшесі, әнші Айдана Меденова қызмет көрсету саласында кәсібін дөңгелетіп отыр. Ол Алматыда "Aidanamedenovabeauty" атты сән студиясын басқарады.

Әнші Інжу қыз-келіншектерге арналған фитнес орталығын ашып, осы салада кәсібін дөңгелетіп отыр.

Танымал әнші Ерлан Көкеевтің жеке мейрамханасы бар.

751
Кілт сөздер:
Гүлзира Айдарбекова, Димаш Құдайберген, Қарақат, Қыдырәлі Болманов, Төреғали Төреәлі, Қайрат Нұртас, қазақ әншілері
Тақырып бойынша
"Жүрегім ауырады": Қазақ әншілері қартаюға қатысты ойын айтты
Қазақстандық жұлдыздар балаларына қандай ерекше есімдер қойып жүр?
"Аузымыз аңқиып күтетінбіз" Әншілер бала кезде Аяз атадан қандай сыйлық сұрағанын айтты
2018 жылы ерекше образымен жұртты шулатқан қазақстандық жұлдыздар — фото
Назарбаевқа - қылыш, Қарақатқа - әшекей: танымал зергер бұйымдарының құны туралы айтты
"Басына бақ қонды": Қазақстанда қандай әншілер бір әнімен жұлдыз болды?
Индонезиядағы жер сілкінісі

Мемлекет басшысы Индонезия президентіне көңіл айтты

56
(Жаңартылды 19:49 15.01.2021)
Индонезияда соңғы тәулікте бірнеше рет жерасты дүмпуі болды. Салдарынан отыздан астам адам көз жұмып, 600-ден астам тұрғын зардап шекті

НҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев Индонезия президенті Джоко Видодоға көңіл айтты, деп хабарлайды Ақорда.

Мемлекет басшысы Сулавеси аралындағы күшті жер сілкінісі салдарынан көптеген адамның қаза болуына байланысты Индонезия Президенті Джоко Видодоға көңіл айту жеделхатын жолдады.

"Қазақстан халқының және жеке өзімнің атымнан қаза болған адамдардың жақындары мен туыстарына көңіл айтамын. Осындай қиын жағдайда біз индонезиялық достарымыздың қайғыларына ортақтасып, олармен бірге екенімізді жеткіземін. Сонымен қатар табиғат апатынан зардап шеккендердің тезірек сауығып, үйлеріне оралуына тілектестік білдіремін", – делінген жеделхатта.

Индонезиядағы жер сілкінісі

Индонезияда соңғы тәулікте бірнеше рет 5,7 және 6,2 магнитудалы жойқын жер сілкінісі болды. Салдарынан отыздан астам адам көз жұмып, 600-ден астам тұрғын зардап шекті.

Жер сілкінісі салдарынан жергілікті аурухана ғимараты құлап, медицина қызметкерлері мен емделушілер үйінді астында қалғаны белгілі болды.

Билік 15 мыңнан астам тұрғынды қауіпсіз жерге көшірді.

56
Тақырып бойынша
Тоқаев парламент отырысында қандай уәде берді – толық ақпарат
"Әділ болуы керек": Тоқаев зейнетақы жинағын пайдалану туралы айтты
Президент мәжіліске өтпеген саяси күштер туралы пікір білдірді
Бірнеше депутат премьер-министр кандидатурасын қолдамады – Тоқаев не деді
Ауылға баратын әрбір жол толығымен жөнделеді – Тоқаев
Құс пен қыс

Демалыс күндері ауа райы қандай болады

444
Қостанай облысының кей жерінде бұрқасын болып, тұман түседі. Оңтүстік-шығыс пен оңтүстіктен секундына 15-20 м/с жел соғады

АЛМАТЫ, 15 қаңтар – Sputnik. Қазгидромет синоптиктері 2021 жылдың 16-18 қаңтарында ауа райы қандай болатынын жариялады.

Сенбі, жексенбі күндері республиканың батысы мен солтүстігінде Жерорта теңізі циклонының әсерінен ауа райы тұрақсыз болады.

Кей жерлерде жауын-шашын түседі, батыста қар мен жаңбыр араласып, солтүстікте қар жауады.

Сондай-ақ кей жерлерде жел күшейіп, боран соғады, ауа температурасы көтеріледі. Қазақстанның қалған аумағында жауын-шашынсыз ауа райы сақталады. Республика бойынша кей жерлерде тұман түседі.

Мегаполистерде ауа райы қандай болады

Нұр-Сұлтанда түнде минус 13-15 градус, күндіз 4-6 градус аяз болады.

Алматыда түнде минус 8-10, күндіз плюс 5-7 градус.

Шымкентте түнде плюс 1-3, күндіз 15-17 градус жылы болады.

Дабылды ескерту жарияланды

Ақмола облысының кей жерлерінде бұрқасын болады. Оңтүстік-шығыстан, оңтүстіктен секундына 15-20 метр жел соғады.

"Ақтөбе облысының кей жерінде тұман, көктайғақ болады. Оңтүстік-шығыстан соққан жел оңтүстік-батысқа ауысып, секундына 18 метр жылдамдықпен жел соғады. Мұғалжар ауданында түнде желдің екпіні секундына 23 метрге дейін жетеді", – делінген хабарламада.

Батыс Қазақстан облысының кей жерінде тұман, көктайғақ, бұрқасын болады. Оңтүстік-батыстан соққан желдің жылдамдығы – 15-20 м/с, күндіз екпіні секундына 25 м/с жетеді.

16 қаңтарда Қызылорда облысының кей жерінде желдің жылдамдығы секундына 15-20 м/с-ке жетеді.

Қостанай облысының кей жерінде бұрқасын болып, тұман түседі. Күндіз кей жерлерде көктайғақ болады. Оңтүстік-шығыстан, оңтүстіктен секундына 15-20 м/с жел соғады.

Солтүстік Қазақстан облысының кей жерлерінде тұман түсіп, күндіз бұрқасын болады. Жел оңтүстік, оңтүстік-шығыстан секундына 15-20 метр жылдамдықпен соғады.

Петропавлда түнде оңтүстіктен, оңтүстік-шығыстан секундына 15-20 метр жылдамдықпен жел соғады.

444
Кілт сөздер:
табиғат, ауа райы
Газ құбыры

"Солтүстік ағын - 2" жобасы құрылысының кестесі нақтыланды

0
"Солтүстік ағын – 2" жобасына қатысқан даниялық Ramboll компаниясы Вашингтонның санкцияларынан сескенді, деп хабарлады БАҚ. Расында да, 1 қаңтардан бастап Америка құрама штаттары жобамен байланыстыларға қарсы шараларды күшейтті

Еуропада шиеленіс артып жатыр: немістер санкциялардан қорғайтын қор дайындап жатса, ағылшындар америкалықтардан үлгі алып жатыр, ал шведтер "газ соғысы" басталады деп секемденіп отыр. Газ құбырының тағдыры не болмақ?

"Солтүстік ағын -2" құбырының шетелдегі құрлықтағы бөлігінің құрылысы сәтті аяқталды. Қазір Германия суларында құбырлар төселуде. Одан кейін Даниядағы суларда салынады. Жоба аяқталуға бет бұрды. 1 қаңтардан бастап қорғаныс бюджеті туралы жаңа заң күшіне енді. Ол құжатта Ресейдің газ құбырына қарсы қосымша санкциялар қарастырылған.

Негізінен, мұнда мәселе тестілеу, инспекция немесе сертификаттау қызметтерін ұсынатын ұйымдарға қатысты болып отыр. Норвегиялық DNV GL компаниясы қазірдің өзінде газ құбырын тексеру бойынша барлық әрекеттерді тоқтататынын және оны сертификаттай алмайтынын мәлімдеді.

АҚШ Сенатындағы республикашылардың көшбасшысы Митч Макконнелл бұған дейін қорғаныс бюджеті туралы заң мемлекет қауіпсіздігінде және "Қытай мен Ресей сияқты қарсылас державалардың жолын кесуде" шешуші мәнге ие екенін мәлімдеді. Бұл құжат АҚШ-тың "теңіздегі, құрлықтағы, әуедегі, киберкеңістіктегі және ғарыштағы басымдылығын" бекітеді. 

"Газпром" енді шамамен 150 километр құбыр салуы керек (120 – Данияда және 30-дан астам Германияда). Газ құбыры 94%-ке дайын. 

11 қаңтарда Германияның аймақтық суларындағы жұмыс бір жылдық үзілістен кейін қайта жанданды. 15 қаңтардан бастап Дания жағалауында құбыр тқсеу басталады. 

"Фортуна" құбыр төсейтін кемеге "Мурман" және Ресейдің теңіздегі құтқару қызметінің "Балтийский исследователь" кемелері және тағы басқа қамсыздандыру кемелері көмектеседі. Теңізде құбыр төселетін аймақтың екі жағынан ені 200 метр уақытша шектеу орны құрылады. 

"Газпром экспорт" бас директоры Елена Бурмистрова теңіздегі учаскенің құрылысын аяқтау көпи жағдайға, соның ішінде, ауа райына байланысты болатынын мәлімдеді. 

Ал АҚШ СА-2 құрылысына қол ұшын беріп жатқан компанияларды қорытып-үркітуін тоқтатар емес. 

"Біз тәуекелдер жайлы хабардар етіп, кеш болмай тұрғанда серіктестіктен бас тартуға шақырып отырмыз", - деді Мемлекеттік департаменттегілер. Reuters агенттігінің ақапараты бойынша, алдағы күндері Ақ үй "тиімсіз компаниялар" тізімін жариялайды. 

Ресей СІМ "газпромның" шет елдердегі серіктестеріне АҚШ қанша қысым көрсетсе де, бұл жоба сәтті аяқталатынына Ресей еш күмән келтірмейтінін айтты. Германия "Солтүстік ағын -2" жобасын экономикалық жоба ретінде қарастыруды жалғастыруда және АҚШ-тың экстерриториялық санкцияларына қарсы. Германия парламенті " MV климатын және қоршаған ортасын қорғау" атты экологиялық қор құру туралы шешім қабылдады. 

Бұл қор америкалық санкцияларды айналып өтуге мүмкіндік береді. Мекеме жоба аясындағы қажетті жабдықтарды сатып алуға құқылы және ол ең алдымен газ құбырын экология үшін маңызды деп шешім шығарады. Санкциялар қупі төнген компаниялар осы кәсіпорын ұсынатын экономикалық құралдар арқылы ресейлік тараппен өзара әрекеттесе алады. 

Айта кету керек, немістер санкциялардан қорғанып үлгеретіні жөнінде сарапшылар екіұдай пікір білдіруде. Себебі, бір жағынан, қор Вашингтонның барлық күш салуын жоққа шығаруға жеткілікті инвестициялар мен құзыретке ие болды. Ал, екінші жағынан бұл қорды құру идеясы "жасыл экономиканы" жақтаушылардың наразылығын тудырды. Соондықтан, СА-2 жақтаушылары қоршаған орта үшін қауіпті жобаны "жасыл" деп жіктеуге қарсылық білдіргендермен келісімге келуі керек. 

Өнеркәсіптік сарапшы Леонид Хазанов қалай болғанда да Германия Вашингтонның жетегінде кетпейді. 

"Әрине, қор санкцияларға ұшырайды, бірақ олардың әсері болмайды. Оның мердігерлеріне қарсы олар жаңа заң жобасын дайындап, оны Конгресс арқылы қабылдауы және президенттің қол қоюын күтуі керек болады. Бұл процесс алты айға дейін созылуы мүмкін. Осы уақыт ішінде "Солтүстік ағын – 2" жобасының құрылысы аяқталып үлгереді", - деп санайды сарапшы. 

Британдық парламентші консерватор Дэниел Кочинскидің айтуынша, британдықтар Еуроодаққа мүше болмағандықтан, "америкалық достарының ізінен еріп, "Солтүстік ағын – 2" жобасына тартылған барлық компанияларға қарсы санкциялар енгізу керек". 

Ал, Швециядағылар Джо Байденнің президент болуы газ құбыры үшін елге жақын маңда "газ соғысының" басталуына ықпал етеді ме деп қорқуда. Жергілікті басылым, америкалық демократтың Дональд Трампқа қарағанда әлдеқайда қатал екенін атап көрсетті.

0