Бекболат Тілеухан

"Депутаттықты тастап, хатшың болуға дайынмын": Тілеухан министрге өтініш жасады

3156
Бекболат Тілеухан білім жүйесін сынға алды, айтуынша, бұл саланы түбегейлі қайта қарайтын уақыт келді

НҰР-СҰЛТАН, 21 қазан – Sputnik. Мәжіліс депутаты Бекболат Тілеухан білім жүйесіндегі өзекті мәселелер шешілсе, депутаттықты тастап, білім министрінің көмекшісі болуға дайын екенін мәлімдеді, деп хабарлайды Sputnik Қазақстан тілшісі.

Депутат Бекболат Тілеухан білім саласындағы олқылықтарға тоқталды.

"Білім, оның ішінде орта білімнен маңызды нәрсені көріп тұрған жоқпын. Өйткені, бәрінің іргетасы сол. Үйді алтынмен аптап, күміспен күптесең де, мәрмәрдан қаласаң да, іргетасы шірік болған үй құлап қалады. Ал енді жасыратыны жоқ, орта білімдегі сорақылық, оқулық мәселесі қоғамның титығына әбден тиіп бітті. Бала түгіл, ата-ана түсінбейтін тақырып, шешілмейтін есеп қоғамда қандай сынға ұшыраса да, қандай нарызылыққа тап болса да, міз баққан жүйе жоқ. Мазақ па, енжарлық па, оны түсінбедік", -деді мәжілісмен үкімет сағатында.

Тілеухан білім министрлігіне қазақстандық ата-аналардың талабын жеткізді.

"Қазіргі ішкі жүйені өзгертпесе, оқулықтар шығарудағы жүйені шірік деп батыл айтуыма негіз бар. Біз ұрпақты азаптап жатырмыз. Біз орысша айтқанда, "мучить" етіп жатырмыз. Бір есепті бала емес, әке-шешесі шығара алмай отырған мұндай білім жүйесі барып тұрған қаскөй жүйе. Сорақылыққа жауап беретін нақты ешкім болған жоқ", - дейді ол.

Айтуынша, оқулықтағы олқылықтарды ешкім мойнына алғысы келмейді, бәрі бір-біріне сілтейді.

"Қысқасы, қайсының құйрығынан ұстауды білмейсіз. Бір айта кететін нәрсе, мектеп пен мұғалімдер дайындайтын оқу орындары арасында байланыстың жоқтығы. Мұғалім қайдан шығады? Ол университеттен шығады. Мектептің тірегі – мұғалім, мектептерде білім сапасын арттыру мұғалімнің кәсіби біліктілігімен өлшенеді. Ал кәсібилікті арттыратын, біріншіден, жоғары оқу орны десек, екіншіден, қайта білім беру, жетілдіру институттары. Ал сіз білесіз бе, қазіргі кадр дайындайтын жоғары оқу орындарының кітапханаларында жаңартылған мазмұндағы мектеп оқулықтары жоқ. Үкімет сағатының алдында арнайы барып, көз жеткізіп келдім. Мұғалім даярлайтын оқу орындарында қазіргі мектеп оқулықтары міндетті түрде болуы керек қой", - деп ашынды Тілеухан.

Бұдан бөлек, миллиардтаған ақшаға сатып алынған цифрлық зертханалар да бостан-босқа қаңырап тұр. Айтуынша, зертханаларда істейтін білікті маман жоқ.

Тағы оқыңыз: Тілеухан "халықты тізерлеткісі келген" әріптесінің сөзіне пікір білдірді

"Олардың бәрі мелшиіп, бостан-босқа ақша ұстап тұрғанын көргенде, ішің удай ашиды", - дейді депутат.

Осы орайда мәжілісмен вице-премьер мен білім министріне өтініш жасады.

"Бүгінгі білім жүйесін қарап отырсақ, құрдымға беттеп бара жатыр. Қай жағынан келсек те, сын көтермейді. Сондықтан жүйені түбегейлі қайта қарау керек. Оқулық шығару жүйесін, мұғалімдер даярлауды қайта қараған жөн. Бердібек Мәшбекұлы, сізге сенеміз. Бүкіл халық өзіңіздің бетіңізге қарап отыр. Асхат, жақсы жігітсің, азаматсың. Енді осы мәселелерге қажыр-қайратпен кірісейікші. Сенен жасым да, тәжірибем де аз емес. Тап осы мәселе шешілетін болса, депутаттық мандатымды беріп, сенің қабылдау бөлмеңе көмекші, хатшы болып баруға дайынмын", - деді Тілеухан.

3156
Кілт сөздер:
Асхат Аймағамбетов, Бекболат Тілеухан
Тақырып бойынша
Бекболат Тілеухан көп әйелін қалай тату ұстап отырғанын айтты
"Бүгінгі жүйе – қаскөй жүйе": Бекболат Тілеухан қатты кетті - видео
Бекболат Тілеухан қазақ көрермендерінің неге "аш" екенін түсіндірді
Бекболат Тілеухан: менде 11 емес, 14 бала бар
Бекболат Тілеухан Назарбаевтың кеткенін естігенде көзіне жас алды
Мен өзімді баяғыдан Нұрсұлтан қаласының тұрғыны сезінемін – Бекболат Тілеухан
кеспе

Министрлік корей кеспесі қандай жағдайда қайта сатыла бастайтынын айтты

0
Сырттан әкелінген тауар кеден одағының талаптарына сәйкестендірілген кезде Қазақстанда қайтадан Корей кеспесін сатуға рұқсат беріледі

АЛМАТЫ, 26 қазан – Sputnik. Денсаулық сақтау министрлігінің санитарлық-эпидемиологиялық бақылау комитеті корей кеспесі Қазақстан нарығын қандай жағдайда қайтарылатынын айтты, деп хабарлайды Sputnik Қазақстан.

Қазақстан аумағына әкелінетін өнім кеден одағының тамақ өнімдерінің қауіпсіздігі туралы техникалық регламенттеріне сәйкес келуі тиіс. Сонымен қатар генетикалық түрлендірілген организмдердің (ГМО) болуы туралы таңбалау талаптары бұзылмауы керек.

"Корея Республикасының уәкілетті органдарын санитарлық-эпидемиологиялық іс-шаралар жүргізу туралы хабардар ету және өнім өндірушіге қатысты бақылауды күшейту, сондай-ақ өнімнің Кеден одағының техникалық регламентіне сәйкестігін бақылау зерттеулерінің нәтижелері корей кеспесін әкелуге және өткізуге тыйым салуды жоюға негіз болады", - деп хабарлады ведомство.

Сонымен қатар комитет қазір республика бойынша сауда желісінде талапқа сәйкес келмейтін өнімді сатудан алып тастау бойынша жұмыс жүргізіліп жатқанын хабарлады.

Тыйымды бұзып, корей кеспесін сатуды жалғастыратын кәсіпкерлерге әкімшілік құқық бұзушылық туралы кодекстің 425-бабы ("халықтың санитарлық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу") бойынша айыппұл салынады.

Айта кетейік, 14 қазаннан бастап Қазақстанда генетикалық түрлендірілген сояның көп болуына байланысты "Оттоги Рамен" компаниясының оңтүстік кореялық тез дайындалатын кеспесін әкелуге және сатуға тыйым салынды.

Сонымен қатар санитар дәрігерлер Қытайда шығарылған Better Cokies Danish Pride печеньесіне де тыйым салды.

0
Қандастар, архивтегі сурет

Биыл 11 мыңға жуық этникалық қазақ қандас мәртебесін алды

7
(Жаңартылды 12:44 26.10.2020)
1991 жылдан бері елге 1 миллионнан астам этникалық қазақ оралды. Қандастардың жартысынан көбі еңбекке қабілетті

НҰР-СҰЛТАН, 26 қазан – Sputnik. 2020 жылы 11 мыңға жуық этникалық қазақ тарихи отанына оралды. Оларға қандас мәртебесі берілді (бұған дейін оралман - Sputnik). Бұл туралы Еңбек және халықты әлеуметтік қорғау министрлігі хабарлады.

1 қазандағы жағдай бойынша 10,9 мың адам Қазақстанға оралды. Жалпы 1991 жылдан бері елге 1 миллион 68,3 мың этникалық қазақ оралды.

"Осы жылы Қазақстанға келген қандастардың жартысынан көбі Қытайдан, 27,7%-і – Өзбекстаннан, 9,1% – Түрікменстаннан, 3,4% – Моңғолиядан және 2,9% басқа елдерден", - делінген хабарламада.

Келген этникалық қазақтар, негізінен, Алматы және Маңғыстау облыстарына, сондай-ақ Нұр-Сұлтан және Шымкент қалаларына қоныстанды.

Қандастардың жартысынан көбі еңбекке қабілетті. 10,3%-і - зейнеткерлер.

Еске сала кетсек, енді этникалық қазақтар 1991 жылға дейін шет мемлекетте тұрғанын растамайды. Сондай-ақ, "оралман" сөзінің орнына қандас термині қолданылады.

7
Кілт сөздер:
этникалық қазақ
Тақырып бойынша
АҚШ Қытайда қысым көрген этникалық қазақтарға қатысты мәлімдеме жасады
Оралман емес, қандас: сенат этникалық қазақтарға қатысты заң қабылдады 
Назарбаева Қытай елшісімен кездесуінде этникалық қазақтар проблемасын көтерді
Қазақстан бүкіл әлемдегі этникалық қазақтарға арнайы куәліктер береді
Оралман ба, әлде қандас па - министр өзіне қай сөз жақын екенін айтты