Сириядан келген қазақстандықтарға қатысты сот отырысы

Қазақ жігіттерінің Сирияда немен айналысқаны әшкере болды

3126
(Жаңартылды 16:30 22.10.2019)
Астанада қылмыстық істер бойынша ауданаралық сотта "Жусан" операциясы аясында елге қайтарылған 14 адамның аты-жөні жарияланды

НҰР-СҰЛТАН, 22 қазан – Sputnik. Содырлардың бәрі ДАИШ* террористік ұйымының мүшесі болған, деп хабарлайды Sputnik Қазақстан тілшісі.

Тергеу материалдарына сәйкес, айыпталушылардың біреуі - 1992 жылы туған Данияр Әлтаев. 2013 жылы Бішкек арқылы Сирияға барған. Лақап аты - "Әбу Юсуф". Екіншісі – 1997 жылғы Абзал Амангелді. Осыдан төрт жыл бұрын ата-анасымен бірге Сирияға көшіп кеткен. Сол жақта ИГИЛ*-дың құрамына кіретін "қазақ жамағатына" қосылған. Былтыр Абзал Амангелді террористік ұйым құрамынан шығып, қашып кетті. Оның бес баласы бар.

Суд над обвиняемыми в терроризме
© Sputnik / Абзал Калиев
Сириядан қайтарылған 14 қазақстандыққа қатысты сот отырысы

Ал Тұрлан Әбілқайыров 25 жасында әйелі мен баласын алып, алдымен Ресейге, одан кейін Түркияға барған. Сол жақтан Сирияға заңсыз өтіп кеткен. Сөйтіп террористік топтың құрамына қосылды. Оның лақап аты - "Әбу Сейфуллах". Тағы бір сотталушы Жандос Әжмәмбетов Сирияда "Хасан" деген атымен танылған. Жасы – 29-да. 1985 жылы туған Ермұхан Айыпқалиевтың лақап аты - "Исмайл". Ол жарақат алып, мүгедек болып қалған. Айыпқалиев бүгінгі сот отырысына бейнебайланыс арқылы қатысты. Себебі өзі жүре алмайды.

56 жастағы Газинұр Бақытжанов Сирияда екі бірдей лақап атпен танылған. Біреуі - "Әбу Сүлейман", екіншісі - "Бабай". Ол ИГИЛ*-дың ішкі қауіпсіздік қызметіне кірген және әскер қатарынан қашқан Қазақстан азаматтарын құрықтауға көмектескен. Онымен бірге 1986 жылғы Аманжол Жансеңгіров жүрген. Ол 8 жыл бұрын алдымен Ауғанстанға барған. Ал екі жылдан кейін Сирияға заңсыз өтті. 

Суд, дело. Архивное фото
© Sputnik / Абзал Калиев
Сириядан оралған қазақстандықтарға қатысты тергеу материалдары

35 жастағы Бақтияр Ибраев та алдымен ауған жеріне барды. Бертін келе, Сирияға ауысып, сол жерде әскери тактика мен снайперлік өнер бойынша инструктор болған. Содырлар оны "Әбу әли" деп атаған. Ал 1978 жылғы Нұрлан Қамаловтың бірнеше лақап аты болған. Олар - "Абдулла", "Қожеке" және "Әбуотбасы туралы Абдулла". Ол "қазақ жамағаты" құрамында "әмір" қызметін атқарған. 28 жастағы Руслан Қуановты "Аббас" деп атаған. Ол Мысырда діни білім алып жүргенде ИГИЛ*-дың ықпалына түскен. Сөйтіп, Сирияға кетіп қалған. Сол жақта ұлты қазақ жігіттеріне дәріс оқыды.

Тағы оқыңыз: "4 адамның басын кесіп алған": қазақ жігіттерінің Сириядағы қылмысы жарияланды

Бұдан бөлек, сотталушылардың арасында 1986 жылы туған Алмаз Нарбутин (лақап аты - "Солих медик"), 1988 жылғы Дәурен Сәбитұлы, 1990 жылғы Думан Сәдуақасов және 1987 жылы туған Данабек Төреханов бар. Сотта барлығы өздерінің отбасы жайында айтып берді. Мәселен, Алмаз Нарбутиннің екі баласы бар. Екі рет үйленген, бірақ заңды неке қимаған. Оның бір әйелі Сирияда жүргенде қайтыс болды.

*ДАИШ, ИГ (Ислам мемлекеті) - Қазақстанда тыйым салынған террористік ұйым

3126
Кілт сөздер:
тергеу, Сирия, жігіттер
Тақырып бойынша
Сириядан оралған ақтөбелік әйелдің 5 жыл бұрын жасаған қылмысы әшкере болды
"33 бала жетім қалды": Сириядан қайтарылған балалардың нақты саны жарияланды
Күйеуіне хабарлама жазып жіберген: Сириядан оралған әйелдің тағдыры не болмақ
Ауыр қылмыс жасады: Сириядан қайтарылған 14 адамға бірнеше айып тағылды
Сириядан оралды: Нұр-Сұлтан колониясында 14 қазақстандыққа қатысты сот басталды
Депутаттар, архивтегі фото

"Үкіметтің ақылы неге соған жетпейді?!": депутат жаңа бағдарлама қабылдауды ұсынды

176
Дүйсенбиновтің айтуынша, ірі қалалардың іргесіндегі халық саны көбейіп келе жатқан ауылдарда әлі күнге дейін мәдениет ошағы мен спортзал жоқ

НҰР-СҰЛТАН, 24 қараша – Sputnik. Мәжіліс депутаты Берік Дүйсенбинов қала маңында орналасқан ауылдарды қолжетімді мәдени және спорт нысандарымен қамтамасыз етудің жаңа бағдарламасын қабылдауды ұсынды, деп хабарлайды Sputnik Қазақстан тілшісі.

"Ақ жол" фракциясының депутаты үкімет басшысына жолдаған депутаттық сауалында елдегі ішкі миграциядан туындаған әлеуметтік мәселелерге тоқталды.

Айтуынша, астананың айналасындағы халық саны 25 мыңнан 50 мыңға дейін жететін жаңа ауылдарда әлі күнге дейін жастар бас қосатын, спортпен шұғылданатын бірде-бір спортзал немесе мәдениет ошағы салынбаған.

"Жеңіс пен жеңілістің дәмін татпаған, спортпен шынықпаған, тәрбиесі кем болған жасөспірім рухани да физикалық тұрғыдан  нашар, өзіне сенімсіз, осал болады. Өзі сияқтылардан топ құрып, қалтасына пышақ салып, қылмысқа баруының бір себебі де осы. Қараңғыда топталып көше кезбей, құрдастарымен бірге көкпар тартып, боз кілемде күресіп, алаңда футбол ойнап, спорттың ащы терін татқан бозбала қылмыскер болмас еді", - деп қапаланды Дүйсенбинов.

"Өйткені спорт деген – қарсыласын  құрметтей білуді үйрететін тәрбие көзі. Осыны біздің әлеуметтік және білім беру саласы ұмытқан сияқты", - деп толықтырды депутат. 

Ол ішкі миграция толқынына ілесе алмай, азаматтардың әлеуметтік сұранысына дер кезінде жауап бере алмай келе жатқан үкіметтің назарын тағы да осы мәселеге аударды.

"Бүгінде Нұр-Сұлтан қаласындағы жемқорлықтың ескерткішіне айналған, құны 2 миллиард долларлық ЛРТ жобасын жоспарлауға жеткен үкіметтің  ақылы неге ауылға керек шағын, қолжетімді спорт залдары мен алаңдарын салуға жетпейді?! Немесе Ақмола облысы Шортанды қаласындағы құны 30 миллиард, көпшілікке керегі жоқ, бүгінде қаңырап бос тұрған шаңғы трамплиннің орнына қазақ баласына қажет, ұлттық спортты жандандыратын жүздеген қысқы жабық ат манеждерін салуға болмас па еді?", - деп ашынды мәжілісмен.

"Полицейлердің өзі білмейді": Мыңбай жүргізуші куәлігін алу емтиханын сынға алды 

Ол қала маңындағы ауылдардың жастарына құны миллиардтан асатын салтанатты спорт сарайлары емес, қолжетімді, тегін істейтін спортзалдар қажет екенін айтты.

Осыған байланысты депутаттар Нұр-Сұлтан, Алматы, Шымкент агломерациясы мен облыс орталықтарын қоршаған ірі елді мекендердің даму концепциясын қайта қарауды және қала маңына орналасқан, халық саны көбейіп жатқан ауылдарды қолжетімді, пайдалануға ыңғайлы, қарапайым мәдени және спорт нысандарымен қамтамасыз етудің жаңа бағдарламасын қабылдауды ұсынды.

176
Кілт сөздер:
мәдениет, ауыл, спорт зал
Тақырып бойынша
Ауылда әр отбасының мойнында 900 мың теңге кредит бар – ҰКП төрағасы
"Басқаша сөйлесеміз": Сапарбаев жұмысы шикі басқарма басшыларына шүйлікті
"Мұны есептеуге білімнің де керегі жоқ": Ордабасы мақташылары жанайқайын жеткізді
Жүргізуші куәлігі

"Полицейлердің өзі білмейді": Мыңбай жүргізуші куәлігін алу емтиханын сынға алды

1027
(Жаңартылды 17:00 24.11.2020)
Тестілер қазіргі заманғы автомобильдердің бүгінгі техникалық сипаттамаларына емес, "Жигули", "Москвич" және бұрынғы КСРО-ның басқа автокөліктерінің техникалық мүмкіндіктеріне негізделген, деп мәлімдеді Дархан Мыңбай  

НҰР-СҰЛТАН, 24 қараша – Sputnik. Мәжіліс депутаты Дархан Мыңбай ішкі істер министрі Ерлан Тұрғымбаевтың атына жолдаған депутаттық сауалында жүргізуші куәлігін алу үшін өткізілетін емтихан сұрақтарын сынға алды, деп хабарлайды Sputnik Қазақстан тілшісі. 

Депутат қолданыстағы жол қозғалысы ережелерінің кейбір тармақтарын қайта қарап, оңтайландыру қажет деп санайды.

"Жүргізуші болам деген үміткерге арналған 1000 сұрақтың ішінде әрбір тесте 40 сұрақ бар. Олардың кем дегенде 34 сұрағына дұрыс жауап беру шарт. Өкінішке қарай, пайдасыз сұрақтар да жоқ емес. Кейбір жол полициясы қызметкерлерінің өздері де дұрыс жауабын айта алмайды", - деді Мыңбай.

Ескірген автокөліктер

Депутаттың айтуынша, тестілерде қазіргі заманғы автокөліктердің техникалық сипаттамасы туралы сауалдар қарастырылмаған.

"Тестілер қазіргі заманғы автомобильдердің бүгінгі техникалық сипаттамаларына емес, "Жигули", "Москвич" және бұрынғы КСРО-ның басқа автокөліктерінің техникалық мүмкіндіктеріне негізделген. Мысалы, қазіргі көліктерде ABS, SRS, ASC және басқа да жүйелер орнатылған. Болашақ жүргізушінің бұл жүйелер туралы білімін тексеретін сұрақтар жоқ", - деді депутат.

Сондай-ақ, мәжілісмен көлікті жүргізіп үйрену практикасына берілетін уақытты арттыру қажет деп ойлайды.

"Жекелеген өңірлерде мамандандырылған автодромдар мен емтихан машиналары моральдық және физикалық тұрғыдан ескірген. Бұл істе халықаралық тәжірибені де ескерген жөн. Біздіңше, бұл жерде мемлекеттік-жекешелік әріптестікті пайдалану үшін үлкен мүмкіндіктер бар", - деді Мыңбай.

Талапты қатаңдату керек

Бұдан бөлек, депутат жүргізуші куәлігінен айырылғандар үшін талаптарды күшейтуді ұсынды.

"Жүргізуші куәлігінен айырылған адамдар қайта емтихан тапсырған кезде, оларға жалпы негізде емес, айрықша қатаң талап қою қажет. Мұндай тәртіп бұзушыларға сақтандыру полисін бермеу үшін жол қозғалысы ережелерін бұзушылар туралы деректерді бірыңғай базаға біріктіру қажет", - деп есептейді ол.

Оқи отырңыз: Қазақстанда жүргізуші куәлігін беру қызметі жетілдірілді 

Айтуынша, базаға енбеген сақтандыру компаниялары жүргізуші куәлігінен айырылғандарға сақтандыру полисін беруді жалғастыруда.

"D" санатын алу қиындауы мүмкін

Сонымен қатар, жолаушылар таситын көлік пен автобусты жүргізуге рұқсат ететін "D" категориясын алуға талаптарды күшейту ұсынылды.

Қажет болса, бұл категория үшін үміткердің еңбек өтіліне, жасына, денсаулық жағдайына (анықтамаға қол қойған дәрігердің жеке жауапкершілігі болуы тиіс) ерекше талап қоюды міндеттеу керек, деп санайды Мыңбай.

1027
Кілт сөздер:
емтихан, депутат, жүргізуші куәлігі
Тақырып бойынша
Министр жүргізушілер үшін жақсы жаңалықты бөлісті
Көлігі барлар бір ғана құжатпен жүреді – заң жобасы әзірленді
"Құжатыңызды ауыстырыңыз": Қазақстандықтардың телефонына SMS жіберіледі
Нұр-Сұлтанда ХҚКО-да жүргізуші куәліктері заңсыз берілгені анықталды
Терезе алдында тұрған бала, архивтегі сурет

Балтасы бар: Ресейде ер адам алты баланы кепілге алды

0
Полицияға ер адамның әйелі хабар берген, қаскөйдің мұндай әрекетке не себепті барғаны әзірге белгісіз

НҰР-СҰЛТАН, 24 қараша – Sputnik. Санкт-Петербург түбіндегі Колпино қаласында балтамен қаруланған ер адам алты баланы кепілге алды.

"Колпинодағы пәтерде ер адам алты баланы кепілге алды", - деді РИА Новости-ге куәгер.

Оның айтуынша, қаскөй мас және балтамен қаруланған. Төтенше жағдай орнына құқық қорғау органдарының қызметкерлері келді.

Сондай-ақ, бірқатар БАҚ-тың ақпаратынша, ер адам балаларды өлтіремін деп қорқытқан. Оның не себепті мұндай әрекетке барғаны және қандай талап қойып отырғаны әзірге белгісіз.

Полицияға ер адамның әйелі қоңырау шалып, көмек сұраған. Ол балалары жылап жатқан пәтерге кіре алмағанын айтты.

0
Кілт сөздер:
балалар, ер адам, балта, Ресей