14 қазақстандық сотталып жатыр

Сириядан оралған жігіт содырлар үш досын не үшін атып тастағанын айтып берді

1915
Айыпталушы қақтығыс аймағына барғанда қатты өкінгенін айтады. Ол шетелге отбасымен бірге шыққан. Бірақ әйеліне мәселенің мән-жайын орта жолда ғана түсіндіріпті

НҰР-СҰЛТАН, 22 қазан – Sputnik. Астанада ИГИЛ* террористік ұйымның құрамында болған 14 қазақстандыққа қатысты сот отырысы өтіп жатыр. Айыпталушы Аманжол Жансеңгіров өз жолдастарынан қалай айырылғанын айтып берді, деп хабарлайды Sputnik Қазақстан тілшісі.

Оның айтуынша, бас кезінде көп нәрсені түсінбеген. Әкімдікте жұмыс істепті. Одан кейін ислам косметикасын сатуымен айналысқан. Артынан видеонасихаттарды көріп, Шам еліндегі мұсылмандарға көмектесуге бел буды. Шетелге отбасымен бірге шыққан. Бірақ әйеліне мәселенің мән-жайын орта жолда ғана айтты. Ал қақтығыс аймағына барғанда қатты өкінген. Себебі жауласып жатқан топтар көп және әрбіреуі өз мүддесін көздейді. Соғыста да барлығы бірдей алдыңғы шепке шыға бермейді.

"Біз шетелден келгеннен кейін көп нәрсені білмедік. Сосын түсіндік. Түсінгеніміз, ирактық әмірлер бізді шеттететін, араб болмағасын көп сене бермейді. Олар "аманиятқа", яғни қауіпсіздік қызметіне, көбінесе, өз туыстарын алатын. Ал шетелден келгендерді аямайтын, сәл күдік болса, "тыңшысың" деп атып тастайтын", - дейді Жансеңгіров.

Айыпталушы Жансеңгіров бірнеше оқиғаны еске түсірді. Сол жақта оның жезғазғандық, ақтөбелік және астаналық үш жолдасы болған. Лақап аттары - Әли-Абдулла, Абабдулла-Ақтөбе және Әбдірахман-Астана.

"Бір төртеуіміз жол іздейміз деп келістік. Әли-Абдулла ылғи интернетке шығып жүретін. Ал интернетке шығу оңай емес, белгілі бір жерлер болатын. Соның бәрін қауіпсіздік қызметі бақылап отырды. Бір күні жезқазқандық досымды жаңағы қызмет ұстап алды да, еліне қашқысы келген тыңшысын деп, атып тастады", - дейді Жансеңгіров.

Тағы оқыңыз: Қазақ жігіттерінің Сирияда немен айналысқаны әшкере болды

Бір жылдан кейін үшеуі тағы қашудың амалын іздейді. Олар Түркияға барып, консулдан көмек сұрауды көздейді. Бірақ оған жету үшін ақша қажет. Жансеңгіров қаражат іздейді. Бірақ таба алмайды.

"Содан мен Абабдулла-Ақтөбе мен Әбдірахман-Астанаға ақша таппағанымды айттым. Олар күте алмаймыз деді. Сөйтіп, қашып бара жатқан жерінен аманиятқа ұсталды. Екі айдан кейін оларды да атып тастады. Мен оны көріп, қатты қорықтым", - деді Жансеңгіров.

*ДАИШ, ИГИЛ – Қазақстанда және басқа елдерде тыйым салынған террористік ұйым

1915
Кілт сөздер:
Сирия
Тақырып бойынша
"Адам басына аяғын қойып, фотоға түсті": Сириядан келген жігіт әрекетін түсіндірді
Сириядан қайтарылған қазақстандықтар сотталып жатыр – видео
Қазақ жігіттерінің Сирияда немен айналысқаны әшкере болды
"4 адамның басын кесіп алған": қазақ жігіттерінің Сириядағы қылмысы жарияланды
Ауыр қылмыс жасады: Сириядан қайтарылған 14 адамға бірнеше айып тағылды
Депутаттар, архивтегі фото

"Үкіметтің ақылы неге соған жетпейді?!": депутат жаңа бағдарлама қабылдауды ұсынды

255
Дүйсенбиновтің айтуынша, ірі қалалардың іргесіндегі халық саны көбейіп келе жатқан ауылдарда әлі күнге дейін мәдениет ошағы мен спортзал жоқ

НҰР-СҰЛТАН, 24 қараша – Sputnik. Мәжіліс депутаты Берік Дүйсенбинов қала маңында орналасқан ауылдарды қолжетімді мәдени және спорт нысандарымен қамтамасыз етудің жаңа бағдарламасын қабылдауды ұсынды, деп хабарлайды Sputnik Қазақстан тілшісі.

"Ақ жол" фракциясының депутаты үкімет басшысына жолдаған депутаттық сауалында елдегі ішкі миграциядан туындаған әлеуметтік мәселелерге тоқталды.

Айтуынша, астананың айналасындағы халық саны 25 мыңнан 50 мыңға дейін жететін жаңа ауылдарда әлі күнге дейін жастар бас қосатын, спортпен шұғылданатын бірде-бір спортзал немесе мәдениет ошағы салынбаған.

"Жеңіс пен жеңілістің дәмін татпаған, спортпен шынықпаған, тәрбиесі кем болған жасөспірім рухани да физикалық тұрғыдан  нашар, өзіне сенімсіз, осал болады. Өзі сияқтылардан топ құрып, қалтасына пышақ салып, қылмысқа баруының бір себебі де осы. Қараңғыда топталып көше кезбей, құрдастарымен бірге көкпар тартып, боз кілемде күресіп, алаңда футбол ойнап, спорттың ащы терін татқан бозбала қылмыскер болмас еді", - деп қапаланды Дүйсенбинов.

"Өйткені спорт деген – қарсыласын  құрметтей білуді үйрететін тәрбие көзі. Осыны біздің әлеуметтік және білім беру саласы ұмытқан сияқты", - деп толықтырды депутат. 

Ол ішкі миграция толқынына ілесе алмай, азаматтардың әлеуметтік сұранысына дер кезінде жауап бере алмай келе жатқан үкіметтің назарын тағы да осы мәселеге аударды.

"Бүгінде Нұр-Сұлтан қаласындағы жемқорлықтың ескерткішіне айналған, құны 2 миллиард долларлық ЛРТ жобасын жоспарлауға жеткен үкіметтің  ақылы неге ауылға керек шағын, қолжетімді спорт залдары мен алаңдарын салуға жетпейді?! Немесе Ақмола облысы Шортанды қаласындағы құны 30 миллиард, көпшілікке керегі жоқ, бүгінде қаңырап бос тұрған шаңғы трамплиннің орнына қазақ баласына қажет, ұлттық спортты жандандыратын жүздеген қысқы жабық ат манеждерін салуға болмас па еді?", - деп ашынды мәжілісмен.

"Полицейлердің өзі білмейді": Мыңбай жүргізуші куәлігін алу емтиханын сынға алды 

Ол қала маңындағы ауылдардың жастарына құны миллиардтан асатын салтанатты спорт сарайлары емес, қолжетімді, тегін істейтін спортзалдар қажет екенін айтты.

Осыған байланысты депутаттар Нұр-Сұлтан, Алматы, Шымкент агломерациясы мен облыс орталықтарын қоршаған ірі елді мекендердің даму концепциясын қайта қарауды және қала маңына орналасқан, халық саны көбейіп жатқан ауылдарды қолжетімді, пайдалануға ыңғайлы, қарапайым мәдени және спорт нысандарымен қамтамасыз етудің жаңа бағдарламасын қабылдауды ұсынды.

255
Кілт сөздер:
мәдениет, ауыл, спорт зал
Тақырып бойынша
Ауылда әр отбасының мойнында 900 мың теңге кредит бар – ҰКП төрағасы
"Басқаша сөйлесеміз": Сапарбаев жұмысы шикі басқарма басшыларына шүйлікті
"Мұны есептеуге білімнің де керегі жоқ": Ордабасы мақташылары жанайқайын жеткізді
Жүргізуші куәлігі

"Полицейлердің өзі білмейді": Мыңбай жүргізуші куәлігін алу емтиханын сынға алды

1221
(Жаңартылды 17:00 24.11.2020)
Тестілер қазіргі заманғы автомобильдердің бүгінгі техникалық сипаттамаларына емес, "Жигули", "Москвич" және бұрынғы КСРО-ның басқа автокөліктерінің техникалық мүмкіндіктеріне негізделген, деп мәлімдеді Дархан Мыңбай  

НҰР-СҰЛТАН, 24 қараша – Sputnik. Мәжіліс депутаты Дархан Мыңбай ішкі істер министрі Ерлан Тұрғымбаевтың атына жолдаған депутаттық сауалында жүргізуші куәлігін алу үшін өткізілетін емтихан сұрақтарын сынға алды, деп хабарлайды Sputnik Қазақстан тілшісі. 

Депутат қолданыстағы жол қозғалысы ережелерінің кейбір тармақтарын қайта қарап, оңтайландыру қажет деп санайды.

"Жүргізуші болам деген үміткерге арналған 1000 сұрақтың ішінде әрбір тесте 40 сұрақ бар. Олардың кем дегенде 34 сұрағына дұрыс жауап беру шарт. Өкінішке қарай, пайдасыз сұрақтар да жоқ емес. Кейбір жол полициясы қызметкерлерінің өздері де дұрыс жауабын айта алмайды", - деді Мыңбай.

Ескірген автокөліктер

Депутаттың айтуынша, тестілерде қазіргі заманғы автокөліктердің техникалық сипаттамасы туралы сауалдар қарастырылмаған.

"Тестілер қазіргі заманғы автомобильдердің бүгінгі техникалық сипаттамаларына емес, "Жигули", "Москвич" және бұрынғы КСРО-ның басқа автокөліктерінің техникалық мүмкіндіктеріне негізделген. Мысалы, қазіргі көліктерде ABS, SRS, ASC және басқа да жүйелер орнатылған. Болашақ жүргізушінің бұл жүйелер туралы білімін тексеретін сұрақтар жоқ", - деді депутат.

Сондай-ақ, мәжілісмен көлікті жүргізіп үйрену практикасына берілетін уақытты арттыру қажет деп ойлайды.

"Жекелеген өңірлерде мамандандырылған автодромдар мен емтихан машиналары моральдық және физикалық тұрғыдан ескірген. Бұл істе халықаралық тәжірибені де ескерген жөн. Біздіңше, бұл жерде мемлекеттік-жекешелік әріптестікті пайдалану үшін үлкен мүмкіндіктер бар", - деді Мыңбай.

Талапты қатаңдату керек

Бұдан бөлек, депутат жүргізуші куәлігінен айырылғандар үшін талаптарды күшейтуді ұсынды.

"Жүргізуші куәлігінен айырылған адамдар қайта емтихан тапсырған кезде, оларға жалпы негізде емес, айрықша қатаң талап қою қажет. Мұндай тәртіп бұзушыларға сақтандыру полисін бермеу үшін жол қозғалысы ережелерін бұзушылар туралы деректерді бірыңғай базаға біріктіру қажет", - деп есептейді ол.

Оқи отырңыз: Қазақстанда жүргізуші куәлігін беру қызметі жетілдірілді 

Айтуынша, базаға енбеген сақтандыру компаниялары жүргізуші куәлігінен айырылғандарға сақтандыру полисін беруді жалғастыруда.

"D" санатын алу қиындауы мүмкін

Сонымен қатар, жолаушылар таситын көлік пен автобусты жүргізуге рұқсат ететін "D" категориясын алуға талаптарды күшейту ұсынылды.

Қажет болса, бұл категория үшін үміткердің еңбек өтіліне, жасына, денсаулық жағдайына (анықтамаға қол қойған дәрігердің жеке жауапкершілігі болуы тиіс) ерекше талап қоюды міндеттеу керек, деп санайды Мыңбай.

1221
Кілт сөздер:
емтихан, депутат, жүргізуші куәлігі
Тақырып бойынша
Министр жүргізушілер үшін жақсы жаңалықты бөлісті
Көлігі барлар бір ғана құжатпен жүреді – заң жобасы әзірленді
"Құжатыңызды ауыстырыңыз": Қазақстандықтардың телефонына SMS жіберіледі
Нұр-Сұлтанда ХҚКО-да жүргізуші куәліктері заңсыз берілгені анықталды

Маскаңды тақ! Қатал аққу саябақтағы қауіпсіздікті қадағалап жүр видео

0
(Жаңартылды 18:04 24.11.2020)
Туристер коронавирус пандемиясы кезінде де дамыл табар емес – олар көрікті жерлерді аралап, жануарлармен қарым-қатынас жасағанды ұнатады

Дегенмен мына видеодан әдеттегіден өзгеше оқиғаны көруге болады. Турист қыз қорғаныш маскасын иегіне түсіріп, саябақтағы көгалда жүрген әсем аққуға жақындайды.

Осы кезде аққу "жауапсыз" келушіге күтпеген жерден тап беріп, оның маскасын тағып қояды.  

Қанатты бақылаушыдан мұндайды күтпеген қыз артқа шегініп, шалқасынан құлап түседі.  

0