Әйнек, қол

"Шөп жеуге тура келді": қазақстандық әйел ауыр тағдыры туралы айтып берді видео

1188
(Жаңартылды 11:11 31.10.2019)
Сириядан оралған соң қазақстандық әйел жабық киімнен бас тартқан. Ол өзгелерге сабақ болуы үшін өзінің басынан өткен оқиғалармен бөлісті

НҰР-СҰЛТАН, 31 қазан — Sputnik. Қазақстандық Альбина Мансұрова Сириядан Қазақстанға оралғандардың бірі. Ол жат жерде басынан өткен оқиғаларды айтып берді. Әйел өзінің тағдыры өзгелерге сабақ болса дейді.

Ол осыған дейін паранжа киген. Қазақстанға оралған соң жабық киім киюді қойыпты, деп хабарлайды  "Астана" телеарнасы.

Альбинаның айтуынша, ол Сирияда алты жыл тұрған. Күйеуімен бірге кетіпті. Алайда қақтығыс аймағынан шығу оңай болмаған.

Тағы оқыңыз: "4 адамның басын кесіп алған": қазақ жігіттерінің Сириядағы қылмысы жарияланды

Ол аш қалмау үшін балаларымен бірге шөп жеуге тура келгенін айтады.

"Ол жерде әділетсіздік, қатыгездік, агрессия, жаппай өлім және аштық болды. Мен мұның бәрі саясат болғанын түсіндім. Дінге еш қатысы жоқ. Сондықтан ол жерден шығу жолын іздей бастадым. Қазақстанға оралып, өзімді және балаларымды құтқаруым керек болды", - дейді ол.

Әйел балаларымен бірге Қазақстанға қайтарылды. Енді ол Сирияға кетуді жоспарлап жүргендерді құтқармақ. 

Ішкі істер министрлігі қылмыстық-атқару жүйесі комитетінің мәліметіне сәйкес, екі жылда қамауда отырған 300 адам дәстүрлі діни көзқарасқа оралған. Олармен теологтар және психологтар жұмыс істеді. 

"Қақтығыс аймағынан оралғандармен жұмыс жүргізудің жаңа тәсілдері керек. Өйткені біздегі экстремистер мен террористер бөлек санатта, ал қақтығыс аймағынан оралғандары мүлдем басқаша. Құзырлы органдар оларға қатысты арнайы жұмыс әдістемесін әзірлейді", - деді Бас прокуратураның құқықтық статистика және арнайы есеп комитетінің төрағасы Қайрат Жақыпбаев.

Сәтті жүзеге асырылған үш "Жусан" гуманитарлық операциясының нәтижесінде Сириядан 600 қазақстандық қайтарылды. Олардың 30-ы ер адам, 137 әйел және 406 бала.

1188
Кілт сөздер:
тағдыр, видео, қазақстандық әйел
Тақырып бойынша
Сириядан оралған ақтөбелік әйелдің 5 жыл бұрын жасаған қылмысы әшкере болды
"Адам басына аяғын қойып, фотоға түсті": Сириядан келген жігіт әрекетін түсіндірді
Сириядан оралған жігіт содырлар үш досын не үшін атып тастағанын айтып берді
Сириядан қайтарылған қазақстандықтар сотталып жатыр – видео
Сириядан құтқарылған әйелдің арам пиғылы әшкере болды
Иманбек Зейкенов

"Грэммиге" ұсынылған ақсулық жігіт ойламаған жерден танымал болып кеткенін айтты

512
(Жаңартылды 21:07 25.11.2020)
Павлодар облысының тұрғыны Иманбек Зейкенов "Грэмми" музыкалық сыйлығын жеңіп алуға зор мүмкіндік бар деп санайды

НҰР-СҰЛТАН, 25 қараша – Sputnik. "Грэммиге" үміткер болған қазақстандық Иманбек Зейкенов Ақсудан ешқайда кетпей, музыка жазуды жалғастырып жатыр. Ол бұл туралы Sputnik Қазақстан тілшісіне айтып берді.

Иманбек Зейкенов ең беделді музыкалық сыйлыққа ұсынылғанын естігенде әуелі сенбегенін мойындады.

"Өзімнің тікелей эфирім кезінде білгендіктен сенбедім. Ақсу қаласында тұрамын, музыка жазамын. Жеңіске жетуге зор мүмкіндік бар", - деп Зейкенов Sputnik Қазақстанға қысқаша түсініктеме берді.   

Бұған дейін қазақ жігіті New York Times газетіне берген сұхбатында теміржолдағы жұмысын тастағанын айтқан болатын.

Иманбек Зейкеновтің Saint JHN есімді бруклиндік рэпердің Roses әніне жасаған ремиксі әлемдік чарттардың жоғарғы сатысына көтерілді. Қазақстандық мұндай танымалдылықты мүлде күтпегенін, жұлдызды әуен кездейсоқ жазылғанын мойындады.

Жұлдыз болып шыға келді: ақсулық жігіттің хитін әлемде 2,5 млн адам тыңдады

"Аудиожазбаларда Saint JHN әні болды. Тәжірибе жасағым келіп, екі сағаттың ішінде ремикс жаздым. Интернетте жарияладым, достарым лайк басты. Бар болғаны сол. Содан кейін бәрі тынышталды. Үш айдан кейін бұл ән қандай да бір топта жарияланған, ол жерде миллион жазылушы болған. Сол жерден адамдар ақырындап тыңдай бастады. Тағы бір-бір жарым айдан кейін маған продюсерлер шығып, ынтымақтастық орнатуға ұсыныс білдірді", - деді Зейкенов Sputnik Қазақстан тілшісіне.

Сыйлықты тапсыру салтанаты 2021 жылдың 31 қаңтарында өтеді.  

Ремикстер арасында сыйлыққа үміткерлер:  Phil Good - Do You Ever (Rac Mix), Deadmau5 - Imaginary Friends (Morgan Page Remix), Jasper Street Co. - Praying for You (Louie Vega Main Mix), Saint Jhn - Roses (Imanbek Remix), Bazzi - Young & Alive (Bazzi vs. Haywire Remix).

512
Қазақ-қырғыз шекарасы, архивтегі фото

Қазақстан Қырғызстанға гуманитарлық жүк жіберді

44
Жолға шыққан жүк көліктеріне жасанды тыныс алдыру аппараттары мен Қазақстанда жасалған маскалар тиелген

НҰР-СҰЛТАН, 25 қараша – Sputnik. Қазақстанның индустрия және инфрақұрылымдық даму министрлігі Қырғызстанға 389 миллион теңге немесе 916 мың доллардың гуманитарлық жүгін жіберді, деп хабарлайды Sputnik Қазақстан.

"Қырғыз Республикасына жүк көлігімен "Көкшетау-4П" жасанды тыныс алдыру мобильді аппараттарының 400 жинағы мен Қазақстан кәсіпорындарда өндірілген 2 миллион медициналық маска жөнелтілді", - деп хабарлады министрліктің баспасөз қызметі.   

Жіберілген гуманитарлық жүктің жалпы құны 390 миллион теңгеге жуықтайды, атап айтқанда "Тыныс" АҚ шығарған "Көкшетау-4П" аппараттарының құны 328 миллион теңгеге, "Dolce pharm" ЖШС және "Mega pharm" ЖШС шығарған медициналық маскалардың құны 61 миллион теңгеге бағаланды.

Оқи отырыңыз: Қырғызстан президенті Тоқаевқа алғыс білдірді 

Жүк мемлекет басшысы Қасым-Жомарт Тоқаевтың тапсырмасын және Қазақстан үкіметінің қаулысын орындау аясында жөнелтілді.

44
Кілт сөздер:
гуманитарлық көмек, Қырғызстан
Тақырып бойынша
Қырғызстан Қазақстан бөлген 100 млн доллардан бас тартатынын ресми түрде хабарлады
Қырғызстанға өтіп кеткен 23 мың адамның қаншасы елге оралғаны белгілі болды
Қазақстан Қырғызстанға 2 млн бетперде мен 400 аппарат жібереді
Теңге, доллар

Ұлттық банк теңгенің неліктен нығайып жатқанын түсіндірді

0
Инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр

НҰР-СҰЛТАН, 25 қараша – Sputnik. Теңге қыркүйектен бері алғаш рет 422,87 теңгеге дейін нығайды, деп хабарлады Ұлттық банктің баспасөз қызметі.

Қазақстан қор биржасындағы күндізгі сауда-саттықтың қорытындысы бойынша ұлттық валюта өткен күнмен салыстырғанда 1,79 теңгеге нығайды.

Ұлттық банктің 26 қарашаға бекіткен ресми бағамы – 422,87 теңге.

"25 қарашада биржада доллар теңгеге қатысты орта есеппен 422,90 деңгейінде саудаланады. Аптаның басынан бері ұлттық валютаның бағамы 5 теңгеден астам немесе 1,2%-ға нығайды. Теңгенің оң динамикасына қолайлы сыртқы конъюнктура, сондай-ақ экспорттаушылардың салық төлемдерін жүзеге асыру үшін шетел валютасын сатуы әсер етіп отыр", - деп атап өтті Ұлттық банктің монетарлық операциялар департаментінің директоры Нұржан Тұрсынханов.

Оның айтуынша, инвесторлар коронавирусқа қарсы әзірленіп жатқан вакциналардың тиімділігі туралы хабарламаларды оң бағалап жатыр, бұл экономикалық белсенділіктің тез қалыпқа келу ықтималдығын арттырады. Сонымен қатар, билікті Дональд Трамп әкімшілігінен сайланған президент Джо Байденге ресми түрде беру процесінің басталуы тәуекел дәрежесін демеп отыр.  

Сонымен бірге нарықтар ФРЖ-нің бұрынғы басшысы Джанет Йелленді АҚШ қаржы министрі лауазымына тағайындау перспективаларына оң жауап береді, бұл қаржылық ынталандыруға байланысты болып жатыр.

Оқи отырыңыз: Ұлттық банк қазан айында валюталық интервенция жүргізді 

Жедел вакцинация және отынға деген сұраныстың жедел қалпына келуі мұнай бағасын өсіруді қолдайды. Brent эталондық сұрыпты мұнайының әлемдік бағасы бірнеше күн қатарынан өсіп келеді және Азия нарықтарындағы бүгінгі сауда-саттық барысында наурыздың басынан бастап алғаш рет бір баррель үшін 48 доллар белгісінен асты. Осыған орай, Норвегия кроны мен Канада доллары сияқты шикізат елдерінің валюталары аптаның басынан бастап 1,3%-ке және тиісінше 0,6%-ке нығайды.

Сыртқы позитивтің әсерінен бөлек, осы апта салық аптасы болып қалады, бұның өзі нарықта валютаның ұсынысын едәуір күшейте түсті. Мысалы, 23 қараша күні биржадағы сауда көлемі 170 миллион долларға жетті, бұл – осы қарашада биржада тіркелген күндізгі орта көлемнен 1,5 есе көп дегенді көрсетеді.

"Дамушы елдердегі валюталар сыртқы нарықтағы жағдайларға мейілінше жақсы әсер етіп отыр. Апта басында оңтүстік африкалық ранд 1,3%-ке бекісе, Ресей рублі 1%-ке, Мексика песосы 0,3%-ке нығая түсті. Бұл жерде рубльдің өзі экспортерлердің тарапынан түскен салық есебінен нығайып отыр", - дейді Тұрсынханов.

Ал теңге сыртқы және ішкі факторлардың жайлылығынан, одан қалды тәуекел-сентимент пен нарықтағы энерготасымалдаушылардың позитивті жаңалықтарының және жер қойнауын пайдаланушылар тарапынан түскен көлемді салықтың арқасында бекіп тұр.

Бұл жерде мұнай бағасының көтерілуі – оны тұтыну деңгейін дер кезінде қалпына келтіруге себепші болып жататынын айта кету керек. Дегенмен АҚШ-тағы мұнай қорының есебі көрсетіп келгендей, тұтыну көлемі болжалды деңгейге көтеріле алмай отыр. Сол себепті, шынайы тұтынымның шамасына қарай көмірсутек бағасына да өзгерістер еніп тұруы мүмкін.

0
Кілт сөздер:
теңге, Ұлттық банк
Тақырып бойынша
Ұлттық банк теңге бағамы неліктен өзгергенін түсіндірді
Экономистер теңгенің болашағына болжам жасады
Теңгенің айырбас бағамы біршама өсті: қазақстандық валютаға не әсер етеді?
Досаев теңге бағамына теріс әсер ететін факторды атады