Елордада қар жауып тұр

Синоптиктер Қазақстанда тағы да күн суытатынын ескертті

3112
"Қазгидромет" РМК алдағы үш күндегі ауа райына болжам ұсынды. Синоптиктердің айтуынша, алдағы күндері қар және жаңбыр жауып, көктайғақ болады

НҰР-СҰЛТАН, 8 қараша – Sputnik. Синоптиктердің болжамынша, республиканың басым аумағында қар және жаңбыр жауып, көктайғақ болып, тұман түседі, деп хабарлайды Sputnik Қазақстан.

Қазгидрометтің ақпаратынша, демалыс күндері Қазақстан аумағы арқылы оңтүстік-шығыс бағытта атмосфералық ауа ағымдары ығысады. Соның әсерінен көптеген облыста ауа райы жауын-шашынды болады. Қар және жаңбыр жауып, көктайғақ болады, тұман түседі.

"Атлантикалық жылы ауа массалары батыс бағыттан біртіндеп солтүстік-батысқа ауысады. Соған байланысты арктикалық теңіздерден суық ауа массалары ығысып, республикада күн тағы да суытады", - деп ескертті синоптиктер.

Ірі қалалардағы ауа райы

Нұр-Сұлтан

  • 9 қарашада күн бұлтты, таңертең жаңбыр, ал кешке қар жауады. Сынап бағанасы түнде +2 ℃, күндіз +1℃ көрсетеді.
  • 10 қарашада күн ашық, таңертең аздаған қар жаууы мүмкін. Ауа температурасы –  түнде -4℃, күндіз -10℃.
  • 11 қарашада күн бұлтты, түнде -17℃, күндіз -12℃ суық болады.

Алматы

  • 9 қарашада күн ашық, күндіз +11℃, түнде +3℃ жылы.
  • 10 қарашада күн ала бұлтты, күндіз сынап бағанасы +11℃, түнде +8℃ көрсетеді.
  • 11 қарашада күн бұлтты, жаңбыр жауады. Түнде +5℃, күндіз +3℃.

Шымкент

  • 9 қарашада күн ашық, күндіз +13℃, түнде +4℃ жылы.
  • 10 қарашада да ауа райы жауын-шашынсыз. Сынап бағанасы күндіз +10℃, түнде +3℃ көрсетеді.
  • 11 қарашада күн ашық, ауа температурасы +11℃, түнде +2℃ жылы болады.
3112
Кілт сөздер:
ауа райы, синоптиктер, Қазгидромет
Қарағанды фармацевтика кешені

Қазақстанда өндірілген "Спутник V" вакцинасы Ресейде тексерістен өтті

35
Қарағанды ​​фармацевтика кешені "Спутник V" вакцинасының сапасына қатысты жауап алды. 6000 дозадан тұратын тәжірибелік партия желтоқсанда тексеріске жіберілген болатын

НҰР-СҰЛТАН, 18 қаңтар – Sputnik. Қарағанды ​​фармацевтика кешені ресейлік Гамалея институтынан "Спутник V" вакцинасының белгіленген талаптарға сәйкес келетіні туралы ауызша жауап алды. Sputnik Қазақстанға бұл туралы ҚФК бас директорының өндіріс жөніндегі орынбасары Владимир Фольмер хабарлады.   

"Бәрі сәйкес келетіні жөнінде ауызша жауап алғанымызға біраз уақыт болды. Енді бұл топтамалар үшін олардың паспортын күтіп отырмыз. Біз паспортты алғаннан кейін Қазақстанда шығарылған осы препаратты тіркейміз. Яғни, тіркеу куәлігін аламыз", - деді Владимир Волмер Sputnik Қазақстанға.

Ол 2021 жылдың ақпан айының соңына дейін алғашқы коммерциялық топтама өндіріледі деп жоспарланып отырғанын мәлімдеді.     

"Біз осы аптада топтаманы әзірлеп, бір айға созылатын талдауға жіберуді жоспарлап отырмыз. Келесі айдың соңында алғашқы коммерциялық топтаманы шығарамыз", - деп атап өтті Фольмер.

Барлық топтаманың үлгісі тексеру үшін Ресейге жіберіледі, деді ол.   

"Біз мұнда өз талдауымызды жүргіземіз. Оған қоса ресейліктер (Гамалея институты) қосымша бақылайды. Қазір шамамен 80-90 мың доза шығарамыз. Бәрін жібермейміз. Барлық партияның бір бөлігі таңдалып алынады", - деп түйіндеді ол.

Оқи отырыңыз: Қазақстанда он миллион адамға вакцина салу жоспарланып отыр 

Бұған дейін Қарағанды ​​фармацевтика зауытында өндірілген 6000 доза мөлшеріндегі "Спутник V" вакцинасының тәжірибелік партиясы Ресей Федерациясына сапаны тексеруге жіберілген болатын.

Қазақстанда "Спутник V" вакцинасын алдын ала тіркеу 2021 жылдың 26 ​​қаңтары мен 11 ақпаны аралығында өтеді деп жоспарланған. Вакцинаның өндірістік топтамасын  жеткізу 2021 жылдың 12 ақпанында басталмақ.    

35
Тақырып:
Коронавирус эпидемиясы
Тақырып бойынша
Тоқаевтың көмекшісі коронавирусқа қарсы вакцинаны екінші рет салдырды
Үшінші ұлттық карантин енгізіледі: Ұлыбританияда жаңа шаралар қабылданбақ
Денсаулық сақтау министрлігі қазақстандықтарға үндеу жасады
Вакцина әсері ме: желіде арқасы тұтас қызарған сәбидің суреті талқыланып жатыр
Министрлік отандық вакцинаға уақытша тіркеу куәлігін берді
COVID-19 он жылдан кейін қалай өзгеретіні белгілі болды
Қуат Хамитов

Спортшы Қуат Хамитов сотқа тартылды

745
(Жаңартылды 17:44 18.01.2021)
Спортшы қыркүйекте дезинфекция жасаушылар "халықты улап жатыр" деп мәлімдеп, оларды ұрып-соғуға үндеді

АЛМАТЫ, 18 қаңтар – Sputnik. Алматыда "Найман" лақап атымен танылған аралас жекпе-жек шебері Қуат Хамитовқа қатысты қылмыстық іс қаралып жатыр.

Сот талқылауы 18 қаңтарда Алмалы аудандық сотында өтті.

"Алмалы аудандық сотында Қылмыстық кодекстің 272-бабының 3-бөлігінде көзделген қылмыстық құқық бұзушылық жасады деген күдікпен Қуат Хамитовке қатысты қылмыстық іс қаралып жатыр", - деп хабарлады аудандық соттың баспасөз қызметі.

Аталған бапта азаматтың "билік өкiлдерiнiң заңды талаптарына белсенді түрде бағынбауға және жаппай тәртiпсiздiкке шақыру не жаппай тәртіпсіздікке арандату, сол сияқты азаматтарға зорлық-зомбылық жасауға шақыру" көзделген. Бұл бап бойынша үш жылға дейін бас бостандығын шектеу не сол мерзімге бас бостандығынан айыру жазасы қарастырылған.

Оқи отырыңыз: Қуат Хамитов дау тудырған видеосына қатысты мәлімдеме жасады 

Айта кетейік, 2020 жылы қыркүйекте спортшы дезинфекция жасаушылар "халықты улап жатыр" деп мәлімдеп, оларды ұрып-соғуға үндеді.

Кейіннен спортшы ол видеоның әзіл ретінде түсірілгенін айтты.

Посмотреть эту публикацию в Instagram

Публикация от Сетевое издание «ZTB.KZ» (@ztb_kz)

"Дезинфекция туралы тарап кеткен видеоға қатысты айтарым, ол – қалжың ретінде түсірілген видео. Мен ешкімді жаппай көтеріліске шақырмаймын. Ондай әрекет істеуге ешкімді шақырған емеспін және ондай әрекет істемеңіздер. Еліміз аман, жұртымыз тыныш болсын", - деді Хамитов.

745
Тақырып бойынша
Қуат "Найман" Сабина Алтынбекованың тұрмысқа шығуына қатысты пікір білдірді
Ішкі істер министрлігі Хамитовтың атышулы видеосына қатысты түсініктеме берді 
Қуат Хамитов ресейлік спортшыны тұншықтыру әдісімен жеңді – видео
Сабина Алтынбекова Қуат Хамитовтің ұсынысына жауап берді
Қуат Хамитов Алтынбекова жайлы: оған сол қажет болды
Полиция Қуат "Найман" Хамитов ұсталғанын хабарлады
Спутник V вакцинасы

Еуропалық басылым "Спутник V" вакцинасына қолдау білдірді

0
АҚШ пен Еуропалық Одақ елдеріне қарағанда Ресей ақша табуды көздеп отырған жоқ, деп жазды "Monde diplomatique"француз газеті

НҰР-СҰЛТАН, 18 қаңтар – Sputnik. Ресей коронавирус пандемиясын бәсеңдетуге қабілетті препарат әзірледі. Батыс ресейлік ғылымды қаралаудан танар емес, деп жазды "Monde diplomatique"француз газетінің Испаниядағы өкілдігі.  

Мақала авторы Федерико Кусконың пікірінше, Батыс орыстың ғылыми дәстүрін білмегендіктен, "Спутник V" вакцинасына немқұрайлы қарап, сенбеді.

"Тілдік, мәдени пен саяси айырмашылықтан туындаған бұл білімсіздік ресейлік бастамаға күдікпен қарауға себеп болып отыр", - деді журналист.  

Ол препаратты әзірлеу Ресейдегі ғылыми дамудың бүкіл тарихи тізбегінің нәтижесі екенін баса айтты. Алайда, оның пікірінше, батыстықтар көп жыл бойы Ресейдің ғылыми жетістіктерін жоққа шығарып келді де, енді вакцина ойлап табу туралы хабарландыруға таңғалуда.

"Фармацевтикалық зертханалары дәрі-дәрмекке удай қымбат баға белгілейтін АҚШ пен Еуропалық Одақ елдеріне қарағанда Ресей ақша табуды көздеп отырған жоқ", - деді Куско.

Кусконың пікірінше, шамамен 50 жыл өткен соң қазір әлемнің түрлі еліне таралып жатқан "Спутник V" вакцинасына қатысты күдік ешкімнің есіне түспейді.

 

0
Тақырып бойынша
Тоқаевтың көмекшісі коронавирусқа қарсы вакцинаны екінші рет салдырды
2021 жылы коронавирусқа қарсы жаппай вакцинациялау басталады
Министрлік отандық вакцинаға уақытша тіркеу куәлігін берді
Қазақстанда он миллион адамға вакцина салу жоспарланып отыр
Ресейде коронавирустан жаппай вакцинациялау басталғалы жатыр