Нұрлы жол вокзалындағы жолаушылар пойызы

Алдағы мереке күндері қосымша пойыздар қатынайды

285
Қазақстанда Тұңғыш президент күні, Тәуелсіздік күні және Жаңа жыл мерекесі күндері қосымша пойыздар жолға шығады

НҰР-СҰЛТАН, 25 қараша – Sputnik. Желтоқсандағы мереке күндері төрт бағыт бойынша қосымша пойыздар қатынайды. Бұл туралы Sputnik Қазақстан "Жолаушылар тасымалы" АҚ баспасөз қызметіне сілтеме жасап хабарлайды.

"Алматы-2 – Шымкент" бағыты бойынша 12 рейс "Алматы-2"-ден 28 қараша, 2, 5, 9, 12, 16, 19, 23, 26, 30 желтоқсан және 2, 6 қаңтарда шықса, сәйкесінше Шымкент қаласынан 29 қараша, 3, 6, 10, 13, 17, 20, 24, 27, 31 желтоқсан және 3, 7 қантар күндері кері бағытта аттанады.

"Алматы-2 – Түркістан" бағыты бойынша 4 рейс "Алматы-2"-ден 28 қараша және 5, 17, 24 желтоқсан күндері, ал Түркістаннан, сәйкесінше, 29 қараша және 6, 18, 25 желтоқсан күндері шығады.

"Маңғыстау-Бейнеу" бағыты бойынша күнара Маңғыстаудан 28 қарашадан бастап 6 қаңтарға дейін жұп күндері, ал Бейнеуден 29 қарашадан бастап 7 қаңтарға дейін тақ күндері жүреді.

Тағы оқыңыз: Қазақстандықтар желтоқсанда қанша күн демалады

"Нұр-Сұлтан-Шу" бағыты бойынша "Тұлпар-Тальго" вагондарынан жасақталған екі рейс 31 желтоқсан мен 2 қаңтарда жүреді. Сондай-ақ, №712/711 "Нұр-Сұлтан-Нұрлы жол – Шымкент" коммерциялық пойызы 8 желтоқсаннан бастап күн сайын қатынайды.

Барлық сұрақ бойынша "105" бірыңғай анықтама қызметінің нөміріне хабарласуға болады.

285
Кілт сөздер:
желтоқсан, пойыздар, қазақстандықтар
Ұшақ бортындағы жолаушылар

ПТР тестке қатысты талап өзгерді: ұшақпен қатынайтын жолаушылар нені білуі тиіс

10
Анықтамасы жоқ жолаушыны ұшаққа отырғызбау жөніндегі талап, тек шетелдік азаматтарға ғана қатысты

НҰР-СҰЛТАН, 27 қазан – Sputnik. Енді шетелде жүрген Қазақстан азаматтарында ПТР тест анықтамасы болмаса да, ұшақпен елге келе алады, деп хабарлады үкіметтің баспасөз қызметі.

"Алайда, анықтамасыз Қазақстанға келген отандастарымыз ПТР тест нәтижесін алғанға дейін карантинге жатқызылатын болады", – делінген ведомствоаралық комиссия хабарламасында.

Сол сияқты Қазақстанның ішкі рейстерімен қатынау кезінде ПТР сынағының нәтижесі талап етілмейді.

"Анықтамасы жоқ жолаушыны ұшаққа отырғызбау жөніндегі талап, тек шетелдік азаматтарға ғана қатысты", – деп атап көрсетілген ақпаратта.

Айта кетейік, 26 қазаннан бастап ПТР сынағының нәтижесі жоқ жолаушыларды, оның ішінде қазақстандықтарды да ұшақ бортына отырғызуға тыйым салынғаны хабарланған.

Оқи отырыңыз: "Қашып кетпек болды": Шетелден оралған 22 жолаушы ПТР тест тапсырудан бас тартты

Сондай-ақ, бұған дейін көліктегі мемлекеттік бас санитар дәрігер Сәдуақас Байғабылов коронавирус жоқтығы туралы анықтамасыз жолаушыларды ұшаққа отырғызғаны үшін әуекомпанияларына әкімшілік жауапкершілік енгізу қажеттігі туралы айтқан болатын.

10
Кілт сөздер:
коронавирус, жолаушылар, ұшақ
Тақырып:
Коронавирус эпидемиясы
Тақырып бойынша
Ұшақ шұғыл қонды: жолаушы біртүрлі әрекетімен жұртты дүрліктірді - видео
Алматыға қонған ұшақтан коронавирус табылды: бортта 130 жолаушы болған
Қостанайда карантин режимін бұзған жолаушы полицейдің құлағын тістеп алды   
Нұр-Сұлтанға келген 100-ден астам жолаушы карантинге жіберілді
Нұр-Сұлтанға келген 170 жолаушы карантинге жатқызылды
Орталық сайлау комиссиясының ғимараты

Орталық сайлау комиссиясы қазақстандықтарға үндеу жасады

132
Әрбір қазақстандық сайлау күні белгіленген кезден бастап тиісті жергілікті атқарушы органда сайлаушы ретінде тіркелуге құқылы, деп хабарлады орталық сайлау комиссиясы

НҰР-СҰЛТАН, 27 қазан – Sputnik. Орталық сайлау комиссиясы мәжіліс пен мәслихат депутаттарының сайлауы қарсаңында қазақстандықтарға үндеу жасады, деп хабарлайды Sputnik Қазақстан тілшісі.

Орталық сайлау комиссиясының отырысында белсенді сайлау құқығына ие Қазақстан азаматтарын сайлаушылар тізіміне енгізу бойынша үндеу қабылданды.

Мәжіліс пен мәслихат сайлауында 18 жасқа толған және белсенді сайлау құқығына ие кез келген қазақстандық дауыс бере алады.

"Сіздің сайлаушылар тізімінде болуыңыз – сайлауға қатысуға конституциялық құқығыңыздың кепілі. Сайлаушылар тізімдерін жергілікті атқарушы органдар жасайды. Сіздің нақты сайлау учаскесінің аумағындағы тұрғылықты жеріңіз бойынша тіркелуіңіз сізді сайлаушылар тізіміне енгізу үшін негіз болып табылады. Сайлау учаскелерінің шекаралары жергілікті бұқаралық ақпарат құралдарында 2020 жылы 5 қарашадан кешіктірілмей жарияланады", - делінген үндеуде.

Әрбір қазақстандық сайлау күні белгіленген кезден бастап тиісті жергілікті атқарушы органда сайлаушы ретінде тіркелуге құқылы. Егер азамат басқа өңірде жүріп, дауыс беретін күні сайлаушы ретінде тіркелген қаласына бара алмайтынын білсе, онда өзі жүрген қаланың әкімдігіне 10 желтоқсанға дейін жазбаша өтінішпен жүгіне алады. 

"26 желтоқсаннан бастап сізге өз сайлау учаскеңіздегі сайлаушылар тізімінен өзіңіз жайлы деректерді тексеру мүмкіндігі беріледі", - деді сайлау комитеті.

Айта кетсек, мәжіліс пен мәслихаттар сайлауы 2021 жылы 10 қаңтарда өтеді. Кандидаттарды ұсыну 10 қарашада басталып, 30 қараша күні кешкі сағат 18:00-де аяқталады.

10 желтоқсан күні сайлауалды үгіт-насихат басталып, 2021 жылы 9 қаңтарда 00:00-де аяқталады. 9 қаңтар – тыныштық күні.

Ал 10 қаңтарда қазақстандықтар таңғы жетіден кешкі сегізге дейін дауыс  береді.

Орталық сайлау комиссиясы дауыс беру аяқталғаннан кейін жеті күннің ішінде сайлаудың нәтижесін жариялайды.

132
Кілт сөздер:
сайлау
Тақырып:
Мәжіліс сайлауы