Қазақстанда үш террористік актінің жолы кесілді

Қазақстанда үш террористік актінің жолы кесілді

165
Мамандар бүгінде халықаралық террористік ұйымдар интернет арқылы үгіт-насихатты азайтса да, радикалды көзқарасы бар адамдарды өз елінде терракт жасауға үндеп отыратынын айтады

НҰР-СҰЛТАН, 12 желтоқсан – Sputnik. Ұлттық қауіпсіздік комитетінің құрылымдары 7 радикалды топ пен 34 жеке азаматтың радикалды әрекетін әшкереледі, деп хабарлайды Sputnik Қазақстан тілшісі.

Антитеррористік орталық штабы басшысының бірінші орынбасары Сергей Швейкиннің айтуынша, бүгінде халықаралық террористік ұйымдар интернет арқылы үгіт-насихатты азайтса да, радикалды көзқарасы бар азаматтарды өз елінде терракт жасауға үндеп отырады. Олардың сөзіне сенген Қазақстан азаматтары да бар.

"Биыл ұлттық қауіпсіздік комитетінің құрылымдары 3 террористік актіні дайындық кезінде анықтады. Радикалдар екі терактіні Алматыда іске асыруды көздесе, біреуін Қарағанды облысында жасамақ болған. Олардың бір бөлігі террористік ұйымдардың қатарына өтіп кеткен таныстардың сөзіне ерсе, басқалары өздігімен интернетте көрген материалдардың әсерінен радикализацияға түсіп қалған", - деді Швейкин астанада өткен баспасөз мәслихатында.

Оның айтуынша, ұсталғандардан атыс пен травматикалық қару-жарақ, сондай-ақ, жарылғыш заттардың компонеттері тәркіленді.

Тағы оқыңыз: ҰҚК Ақмола облысының төрт тұрғынын ұстады

"Олар құқық қорғау, діни, қаржы және ірі сауда ғимараттарына шабуыл жасауды жоспарлаған. Кепілге адам алуды да ойлаған. Террористік актілерді дайындауға қатысқан барлық азаматтар 6-18 жылға дейін бас бостандығынан айырылды. Жалпы, биыл 7 радикалды топ пен 34 жеке азаматтың радикалды әрекеті әшкереленді", - деп атап көрсетті Швейкин.

165
Кілт сөздер:
террорлық акт, Қазақстан
Тақырып бойынша
"Адам басына аяғын қойып, фотоға түсті": Сириядан келген жігіт әрекетін түсіндірді
"Жусан" операциясы жалғаса ма - Ұлттық қауіпсіздік комитеті жауап берді
Сириядан қайтарылған 14 қазақстандықтың ісі бойынша соттың шешімі шықты
Қылмыс үстінде ұсталды – ҰҚК арнайы операция өткізді
ҰҚК "Олимп" букмекерлік кеңсесіне қатысты тергеу жүргізе бастады – видео
Еңбек және халықты әлеуметтік қорғау министрі Біржан Нұрымбетов

Нұрымбетов жәрдемақы төлеу кезінде әділетсіздікке жол беріліп жатқанын айтты

37
Қазақстанда кейбір заңнамалық актілерге әлеуметтік қорғау мәселелері бойынша өзгерістер мен толықтырулар енгізу жоспарланып отыр   

НҰР-СҰЛТАН, 24 қараша – Sputnik. Еңбек және халықты әлеуметтік қорғау министрлігі мүгедектерге екі жәрдемақыны қатар алуға құқық беруді ұсынып отыр, деп хабарлайды Sputnik Қазақстан.

Министр Біржан Нұрымбетов азаматтардың жекелеген санаттарын әлеуметтік қорғау мәселелері бойынша кейбір заңнамалық актілерге өзгерістер мен толықтырулар енгізу туралы заң жобасы туралы айтып берді.  

Оқи отырыңыз: Депутат Бектаев әр балаға 18 жасқа дейін қаржы бөлуді ұсынды 

"Өкінішке қарай, біздің қолданыстағы заңнамамызда әлеуметтік тұрғыдан әділетсіз нормалар бар. Бірнеше мысал келтірейін. Бізде бірінші топтағы мүгедекті күтуге жәрдемақы қарастырылған. Бірақ неге екені белгісіз, бұл жәрдемақы адам бала кезінен мүгедек болса ғана беріледі. Ал ересек кезінде мүгедек болып қалғандар не істейді? Бірінші топтағы мүгедектерге күтім жасау жәрдемақысын барлығы алу үшін біз мұны түбегейлі өзгерткіміз келеді", - деді Нұрымбетов Азаматтық форумда.

Ол мүгедек баланы тәрбиелеп отырған отбасыға қатысты тағы бір мысал келтірді.   

"Отбасы асыраушысынан айырылған жағдайда мемлекет тарапынан балаларға жәрдемақы беріледі. Ал мүгедек баланы тәрбиелеп отырған отбасы бұдан құр қалады – мұндай кезде заң мүгедектік бойынша жәрдемақы алып отырсың дейді. Біз бұл әділетсіз деп санаймыз. Сондықтан осы заң жобасында бұл жағдайда мүгедектігі бойынша жәрдемақы мен  асыраушысынан айрылғандарға берілетін жәрдемақыны қатар алу жағын қарастырамыз", - деп толықтырды министр.

Сондай-ақ, мүгедек деген ұғымды "мүгедектігі бар адамға" ауыстыру, мүгедектіктің 1-2 тобы анықталған жағдайда, мүгедек балаларды тәрбиелеп отырған және 18 жасқа дейін тұрғын үй алған отбасылардың баспана алу кезегін сақтау ұсынылып отыр.

Сонымен қатар, заң жобасында 2023 жылдан бастап инватакси қызметін көрсету, 7 жастан 16 жасқа дейінгі мүгедек балаларды жәрдемақы мөлшерін қайта қарастыра отырып, мүгедектік топтарына бөлу қарастырылады.

37
Кілт сөздер:
мүгедектер, жәрдемақы
Тақырып бойынша
Солтүстікке қоныс аударатындарға берілетін жәрдемақы екі есе артады
Перуашев зейнетақы мен жәрдемақыны басқаша есептеуді талап етті
Елорда әкімдігі 44,5 мың теңге әлеуметтік көмек кімдерге берілетінін түсіндірді
Депутаттар, архивтегі фото

"Үкіметтің ақылы неге соған жетпейді?!": депутат жаңа бағдарлама қабылдауды ұсынды

470
Дүйсенбиновтің айтуынша, ірі қалалардың іргесіндегі халық саны көбейіп келе жатқан ауылдарда әлі күнге дейін мәдениет ошағы мен спортзал жоқ

НҰР-СҰЛТАН, 24 қараша – Sputnik. Мәжіліс депутаты Берік Дүйсенбинов қала маңында орналасқан ауылдарды қолжетімді мәдени және спорт нысандарымен қамтамасыз етудің жаңа бағдарламасын қабылдауды ұсынды, деп хабарлайды Sputnik Қазақстан тілшісі.

"Ақ жол" фракциясының депутаты үкімет басшысына жолдаған депутаттық сауалында елдегі ішкі миграциядан туындаған әлеуметтік мәселелерге тоқталды.

Айтуынша, астананың айналасындағы халық саны 25 мыңнан 50 мыңға дейін жететін жаңа ауылдарда әлі күнге дейін жастар бас қосатын, спортпен шұғылданатын бірде-бір спортзал немесе мәдениет ошағы салынбаған.

"Жеңіс пен жеңілістің дәмін татпаған, спортпен шынықпаған, тәрбиесі кем болған жасөспірім рухани да физикалық тұрғыдан  нашар, өзіне сенімсіз, осал болады. Өзі сияқтылардан топ құрып, қалтасына пышақ салып, қылмысқа баруының бір себебі де осы. Қараңғыда топталып көше кезбей, құрдастарымен бірге көкпар тартып, боз кілемде күресіп, алаңда футбол ойнап, спорттың ащы терін татқан бозбала қылмыскер болмас еді", - деп қапаланды Дүйсенбинов.

"Өйткені спорт деген – қарсыласын  құрметтей білуді үйрететін тәрбие көзі. Осыны біздің әлеуметтік және білім беру саласы ұмытқан сияқты", - деп толықтырды депутат. 

Ол ішкі миграция толқынына ілесе алмай, азаматтардың әлеуметтік сұранысына дер кезінде жауап бере алмай келе жатқан үкіметтің назарын тағы да осы мәселеге аударды.

"Бүгінде Нұр-Сұлтан қаласындағы жемқорлықтың ескерткішіне айналған, құны 2 миллиард долларлық ЛРТ жобасын жоспарлауға жеткен үкіметтің  ақылы неге ауылға керек шағын, қолжетімді спорт залдары мен алаңдарын салуға жетпейді?! Немесе Ақмола облысы Шортанды қаласындағы құны 30 миллиард, көпшілікке керегі жоқ, бүгінде қаңырап бос тұрған шаңғы трамплиннің орнына қазақ баласына қажет, ұлттық спортты жандандыратын жүздеген қысқы жабық ат манеждерін салуға болмас па еді?", - деп ашынды мәжілісмен.

"Полицейлердің өзі білмейді": Мыңбай жүргізуші куәлігін алу емтиханын сынға алды 

Ол қала маңындағы ауылдардың жастарына құны миллиардтан асатын салтанатты спорт сарайлары емес, қолжетімді, тегін істейтін спортзалдар қажет екенін айтты.

Осыған байланысты депутаттар Нұр-Сұлтан, Алматы, Шымкент агломерациясы мен облыс орталықтарын қоршаған ірі елді мекендердің даму концепциясын қайта қарауды және қала маңына орналасқан, халық саны көбейіп жатқан ауылдарды қолжетімді, пайдалануға ыңғайлы, қарапайым мәдени және спорт нысандарымен қамтамасыз етудің жаңа бағдарламасын қабылдауды ұсынды.

470
Кілт сөздер:
мәдениет, ауыл, спорт зал
Тақырып бойынша
Ауылда әр отбасының мойнында 900 мың теңге кредит бар – ҰКП төрағасы
"Басқаша сөйлесеміз": Сапарбаев жұмысы шикі басқарма басшыларына шүйлікті
"Мұны есептеуге білімнің де керегі жоқ": Ордабасы мақташылары жанайқайын жеткізді