Бекболат Тілеухан, мәжіліс депутаты

Бекболат Тілеухан партия құрмақ болған келініне қатысты пікір білдірді

2148
(Жаңартылды 18:16 20.12.2019)
Депутат Бекболат Тілеуханның келіні Тоғжан Қожалиева "Хақ" партиясын құрғалы жатыр деген әңгіме тараған еді

НҰР-СҰЛТАН, 20 желтоқсан – Sputnik. Бір партиядан екінші партияға секіре беретін адам емеспін, деп мәлімдеді мәжіліс депутаты Бекболат Тілеухан. Бұл туралы ол ұлттық қоғамдық сенім кеңесінің екінші отырысының қорытындысы бойынша өткен баспасөз мәслихатында айтты, деп хабарлайды Sputnik Қазақстан тілшісі.

Бұған дейін әлеуметтік желілерде депутат Бекболат Тілеуханның келіні Тоғжан Қожалиева "Хақ" партиясын құрғалы жатыр деген әңгіме тараған еді.

"Он адам болса, он түрлі пікір болады. Ол менің келінім екені рас. Өзінің саяси көзқарасы, өмірлік ұстанымы бар. Бірақ мен бір партияда жүріп, екінші партияға секіре беретін адам емеспін. Nur Otan" партиясының белді мүшесімін. Белді мүшесі ғана емес, сол партия гимнінің авторымын. Партияның төрағасы Назарбаевтың ұстанған саясатын жалғастыруға, былайша айтқанда, соның насихатшысы болған адаммын", - деді Тілеухан.

Депутат бір партиядан шығып, екіншісіне ауысу адамгершілікке де, саяси мәдениетке де жатпайтынын атап өтті.

"Келін дегенімен, туған балам емес. Сосын келін түгілі ішіңнен шыққан балаң да тіліңді ала ма, алмай ма, өзінің көзқарасы. Қазір сондай заман, демократияның заманы. Біреу тауар өндіремін дейді, біреу партия құрамын дейді. Басқа қылам деп жатады. Оның да көзқарасына құрметпен қарау міндетіміз. Оның да өз көзқарасы бар шығар. Бірақ бұл жерге келген кезде, біздің саяси көзқарасымыз екі жаққа кетіп қалғанын жасырмаймын", - деп ағынан жарылды ол.

Тағы оқыңыз: Бекболат Тілеухан көп әйелін қалай тату ұстап отырғанын айтты

Айта кетсек, қазіргі заңнамаға сәйкес, саяси партияны тіркеу үшін партия мүшелерінің саны 40 мыңнан кем болмауы тиіс. Бүгін президент Қасым-Жомарт Тоқаев ұлттық қоғамдық сенім кеңесінің екінші отырысында мұны 20 мыңға дейін азайтуды ұсынды.

Сонымен қатар мемлекет басшысының пікірінше, ел парламентіне оппозиция қажет. Тоқаев парламенттегі саяси азшылықтың негізін заң жүзінде бекіту керектігін атап өтті. Үкімет президент әкімшілігімен бірлесіп, тиісті заң жобаларын әзірлеп, парламентке енгізуі тиіс.

2148
Кілт сөздер:
Бекболат Тілеухан
Тақырып бойынша
Бекболат Тілеухан "халықты тізерлеткісі келген" әріптесінің сөзіне пікір білдірді
Бекболат Тілеухан қазақ көрермендерінің неге "аш" екенін түсіндірді
Бекболат Тілеухан: менде 11 емес, 14 бала бар
"Қайтып келген қыз жаман": Бекболат Тілеухан жастар проблемасын шешудің жолын көрсетті
Бекболат Тілеухан Назарбаевтың кеткенін естігенде көзіне жас алды
"Бүгінгі жүйе – қаскөй жүйе": Бекболат Тілеухан қатты кетті - видео
Қандастар, архивтегі сурет

Биыл 11 мыңға жуық этникалық қазақ қандас мәртебесін алды

1
1991 жылдан бері елге 1 миллионнан астам этникалық қазақ оралды. Қандастардың жартысынан көбі еңбекке қабілетті

НҰР-СҰЛТАН, 26 қазан – Sputnik. 2020 жылы 11 мыңға жуық этникалық қазақ тарихи отанына оралды. Оларға қандас мәртебесі берілді (бұған дейін оралман - Sputnik).

1 қазандағы жағдай бойынша 10,9 мың адам Қазақстанға оралды. Жалпы 1991 жылдан бері елге 1 миллион 68,3 мың этникалық қазақ оралды.

Осы жылы Қазақстанға келген қандастардың жартысынан көбі Қытайдан, 27,7%-і – Өзбекстаннан, 9,1% – Түрікменстаннан, 3,4% – Моңғолиядан және 2,9% басқа елдерден.

Келген этникалық қазақтар, негізінен, Алматы және Маңғыстау облыстарына, сондай-ақ Нұр-Сұлтан және Шымкент қалаларына қоныстанды.

Қандастардың жартысынан көбі еңбекке қабілетті. 10,3%-і зейнеткерлер.

Еске сала кетсек, енді этникалық қазақтар 1991 жылға дейін шет мемлекетте тұрғанын растамайды. Сондай-ақ, "оралман" сөзінің орнына қандас термині қолданылады.

1
Бұл өтірік емес: Бүркіт Боратқа нағыз Қазақстанды көрсетпек

"Бұл өтірік емес": Бүркіт "Боратқа" нағыз Қазақстанды көрсетпек

338
(Жаңартылды 11:40 26.10.2020)
23 қазанда бір топ қазақ жігіті Алматыдағы АҚШ-тың Бас консулдығы алдында жиналды. Олар "Борат" фильмінің екінші бөлімін көрсетуге тыйым салуды талап етіп, петиция ұсынды

АЛМАТЫ, 26 қазан – Sputnik. Ел арасында Бүркіт ретінде танымал қазақстандық әнші Айбек Жансейітов атышулы кейіпкер Борат туралы фильм түсіріп жатыр. Бұл жайында әнші өзінің Instagram парақшасында хабарлады.

"Өкінішке қарай, кинотеатрлар әлі ашылған жоқ. Сол себепті көрерменге "Супер агенттер" фильмін көрсете алмаймыз. Алайда біздің команда бір орнында тұрмайды. "Супер агенттер - 2" сериалына кірісеміз", - деп жазды ол.

Посмотреть эту публикацию в Instagram

Публикация от B E R K U 🦅 (@berkut_aibekjan)

Бүркіттің айтуынша, бұл фильмде Боратты ұстау операциясы көрсетіледі.

"Бұл өтірік немесе вайн емес, бұл – нақты жоба. Сондықтан бізге сәттілік тілеп қойыңыздар. Біз Боратты ұстағаннан кейін оған нағыз Қазақстанды көрсеткіміз келеді", - деп жазды Жансейітов.

Сонымен қатар денсаулық сақтау министрлігінен кинотеатрларды ашуды сұрады.

Айта кетейік, бұған дейін Айбек Жансейітов бірнеше фильм түсірген еді. Алайда карантинге байланысты кейінгі фильмі кинотеатрда көрсетілген жоқ.

Ал 23 қазанда бір топ қазақ жігіті Алматыдағы АҚШ-тың Бас консулдығына "Борат" фильмінің екінші бөлімі шығуына байланысты жиналды. Олар фильмге тыйым салуды талап етіп, петиция ұсынды. Петицияға 50 адам қол қойған.

Казахстанская молодежь пришла к генконсульству США с требованием запретить фильм Борат-2
© Sputnik / Тимур Батыршин
Бір топ қазақ жігіті Алматыдағы АҚШ-тың Бас консулдығы алдында жиналды

Біраз уақыт өткен соң АҚШ-тың Қазақстандағы төтенше және өкілетті елшісі Уильям Мозер азаматтардың өз ойын бейбіт түрде білдіргенін қолдайтынын жеткізді. Сонымен қатар Америка құрама штаттары үкіметі бұл фильмді қаржыландыруға, түсіруге немесе шығуына қатыспағанын мәлімдеді.

"Борат" фильмі

Еске сала кетсек, "журналист" Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар кеткенімен, оны дайындағандар 261,5 миллион доллар пайда тауып, "Алтын глобус" иегері атанды және "Оскарға" ұсынылды.

Ал Қазақстанда фильм қоғам тарапынан наразылық тудырды. Фильмді түсіргендерге елді қорлады деген айып тағылды.

Екінші бөлімде де ойдан шығарылған кейіпкер, қазақстандық журналист Борат тағы да АҚШ-қа барады. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейді.

338
Кілт сөздер:
фильм, Қазақстан, Борат, Бүркіт пен Аиша
Тақырып бойынша
Әлімханұлы өзін Боратқа теңеген қарсыласын жойқын нокаутпен жеңді – видео
"Көрсетуге болмайды": "Борат-2" фильміне қарсы жастар АҚШ бас консулдығына барды
"Борат-2" фильміне қарсы петиция: АҚШ-тың Бас консулы жауап берді
"Борат-2": министр қандай шара қолға алынатынын айтты
АҚШ-тың Қазақстандағы елшісі "Борат" фильміне қатысты пікір білдірді