Рүстем Қайдаровпен қоштасу рәсімі

Алматыда халық ұшақ апатынан қаза болған генерал Қайдаровпен қоштасты - фото

1024
(Жаңартылды 17:02 29.12.2019)
27 желтоқсанда Алматы түбіндегі ұшақ апатынан көз жұмған генералдар кеңесінің төрағасы Кеңсай зиратында жерленді

АЛМАТЫ, 29 желтоқсан — Sputnik. Алматыда маңындағы ұшақ апатынан қаза болған Қазақстан генералдары кеңесінің төрағасы Рүстем Қайдаровты ақтық сапарға шығарып салу рәсімі өтті. Алматы қаласындағы Офицерлер үйінде өткен қаралы жиынға мыңға жуық алматылық келді. Қала тұрғындары марқұмның туыс-туғанына, жақындарына көңіл айтты.

Жиынға келген Алматы қаласының әкімі Бақытжан Сағынтаев мемлекет басшысы Қасым-Жомарт Тоқаевтың генералдар кеңесі қоғамдық бірлестігінің төрағасы, ішкі істер саласының ардагері, генерал-майор Рүстем Есімханұлы Қайдаровтың отбасына арнаған жеделхатын оқып берді.

Похороны генерала Рустема Кайдарова
© Sputnik / Тимур Батыршин
Алматыда Рүстем Қайдаровты ақтық сапарға шығарып салды

"Қадірлі Рүстем Есімханұлының ұшақ апатынан қаза болуына байланысты қайғыларыңызға ортақтасып, көңіл айтамын. Рүстем Қайдаров еліміздің ішкі істер саласының дамуына, құқық қорғау жүйесінің қалыптасуына, ұйымдасқан қылмыспен күресуде өте зор үлес қосты. Ол мемлекеттік іс жолында адал қызмет атқарды. Оның жарқын бейнесі қазақстандықтардың  жүрегінде мәңгі сақталады деп ойлаймын. Марқұмның жаны жәннатта, иманы саламат болсын," - делінген президент жеделхатында.

Бакытжан Сагинтаев
© Sputnik / Тимур Батыршин
Қала әкімі Бақытжан Сағынтаев Рүстем Қайдаровты шығарып салу рәсімінде

Алматы қаласы әкімі өз сөзінде ел президенті жарлығымен 28 желтоқсан – жалпыұлттық аза тұту күні болып жарияланғанын айтып өтті. Сондай-ақ, Рүстем Қайдаровтың еңбек жолын айта келіп, естеліктерімен бөлісті.

"Көненің көзін көрген, ескінің сөзін білген, өзіміз арқа тұтып жүрген аптал азамат, асыл ағамыздың қайғысы баршамызға ауыр тиді. Ағамыз еліміз егемендік алған жылдары көп еңбек сіңірді. Әсіресе, құқық қорғау саласының басы-қасында өзі болып, көптеген заңның қалыпқа келуіне атсалысты. Оны өзім көзіммен де көрдім. Кейінгі жылдары генералдардың басын қосып,  кеңес құрды", - деді қала әкімі.

м
© Sputnik / Тимур Батыршин
Алматыда Рүстем Қайдаровты ақтық сапарға шығарып салды

"Жақында ғана жұмыс орныма келіп, жоспарларын айтып, шығарған кітаптарын көрсеткен еді. "Демалмайсыз ба, аға?" дегенімде "Демалуға уақыт жоқ, жұмыс деген көп. Бәріне үлгеруім керек" деп айтып еді. Спорт, құқық қорғау саласы, ғылым-білім, экономика саласына да үлгергісі келіп, асығып жүргендей болды. Ағамыз нағыз генерал болып дүниеден өтті. Қайғыларыңыға ортақпын. Жаны жәннатта, иманы саламат болсын! Қош бол, ардақты аға!", - деді ол.

Похороны генерала Рустема Кайдарова
© Sputnik / Тимур Батыршин
Алматыда Рүстем Қайдаровты ақтық сапарға шығарып салды

Сондай-ақ, парламент сенаты төрағасының, Нұрсұлтан қаласы әкімі, Алматы облысы әкімінің, алыс-жақын шетелден, елшіліктерден келген көңіл айту жеделхаттары оқылып, марқұмның туыстарына тапсырылды.

Мәжілісінің депутаттары атынан генерал-лейтенант Абай Тасболатов марқұмның туыстарына көңіл айтты. Парламент мәжілісінің төрағасы Нұрлан Нығматулиннің жеделхатын оқып берді.

Похороны генерала Рустема Кайдарова
© Sputnik / Тимур Батыршин
Алматыда Рүстем Қайдаровты ақтық сапарға шығарып салды

"Егемен еліміздің қалыптасу, даму жолында өшпес із қалдырған ардақты азамат, қайраткер тұлға, ел ағасы Рүстем Есімханұлының кездейсоқ апаттан қайтыс болуына байланысты отбасына, туған-туыстарына орны толас ауыр қазаға ортақтасып көңіл айтамын. Рүстем ағамыз үлкен жүректі, ұлтжанды, ақыл-парасаты биік жандардың бірі еді. Ардақты ағамыз құқық қорғау саласын нығайтуға, осы бағытта сапалы заңдар қабылдауға үлесін қосқан, бірнеше буын ұрпақты ұлттық патриоттық бағытта тәрбиелеген халықтың қадірлі азаматы болды. Өмір бойы елімізге еңбек еткен қайсар тұлғаның еңбек жолы ұрпаққа өшпес өнеге. Рүстем Есімханұлының қадірлі есімі, ақжарқын бейнесі барша халықтың жүрегінде сақталары сөзсіз", - делінген мәжіліс төрағасының хатында.

Похороны генерала Рустема Кайдарова
© Sputnik / Тимур Батыршин
Алматыда Рүстем Қайдаровты ақтық сапарға шығарып салды

Рүстем Қайдаров 79 жасында дүниеден өтті. Бір ұл, бір қызы, үш немересі бар. Марқұм Кеңсай-2 зиратында жерленеді.

Рүстем Қайдаровтың өмірбаяны

Рүстем Есімханұлы Қайдаров 1940 жылы 18-мамырда Семей облысы Бесқарағай ауданы Сосновка ауылында дүниеге келген. Киров атындағы ҚазМУ-ді заңгер мамандығы бойынша бітірген. К

еңес Армиясының қатарында азаматтық борышын өтеп, КСРО ІІМ-нің Қазақстан және Қырзызстан бойынша ұйымдасқан қылмысқа және жемқорлыққа қарсы күрес жөніндегі аймақаралық басқармасының бастығы болған.

Ал 1992-1995 жылдары ҚР ішкі істер министрінің орынбасары - бас тергеу басқармасының бастығы. 2000 жылдан бері "Генералдар кеңесі" ҚБ төрағасы қызметін атқарды.

Алматыдағы ұшақ апаты

Қайғылы оқиға 27 желтоқсан таңертең болды. Bek Air әуе компаниясының "Алматы – Нұр-Сұлтан" бағытындағы Fokker 100 ұшағы құлады. Ұшақта 93 жолаушы мен 5 экипаж мүшесі болған. Апат 12 адамның өмірін қиды, қаза болғандардың ішінде ұшақ командирі бар. Екінші ұшқыш қазір ауруханада жатыр.

Әуелі полиция ұшақтың құлауына себеп болған екі жағдайды алға тартқан еді – техникалық ақаулық немесе ұшқыштың қателігі. Кейін үшінші себеп айтылды - метеорологиялық жағдай. 

Президентің тапсырмасымен премьер-министр жетекшілік ететін комиссия құрылды. Тоқаев апаттың себебін анықтап, кінәлілерді қатаң жазалауды тапсырды. 28 желтоқсан елімізде жалпыұлттық аза тұту күні болып жарияланды.

1024
Кілт сөздер:
фото, Алматы
Тақырып:
Алматы маңындағы ұшақ апаты (69)
Тақырып бойынша
Алматыдағы апат: сәбиді құтқарған полицей оқиғаның мән-жайын айтты - видео
Полиция Алматы түбіндегі ұшақ апатының үшінші себебін жария етті
Ұшақ апатынан аман қалған ұшқыш қамауға алынған жоқ – ІІМ
Алматы түбінде құлаған ұшақтың командирі туралы ақпарат жарияланды
Денесімен қорғаған: Ұшақ апаты кезінде жігіт аяғы ауыр әйелді құтқарып қалған
Ұшақтан адамдарды құтқарып жатқан кезде үйдің төбесі опырылып түскен
Тұрмыстық зорлық-зомбылық

"Сотқа жібереді": отбасында жанжал шығаратындар қалай жазаланады

468
Қазақстанда карантин кезінде тұрмыстық зорлық-зомбылық жағдайы көбейді. Мұны ресми статистика да растап отыр. Қазіргі заңнама отбасылық жанжал құрбандарын қалай қорғайды? Депутаттар жаңа заң жобасын не үшін әзірледі? Мәселені Sputnik Қазақстан тілшісі зерделеп шықты

НҰР-СҰЛТАН, 25 қазан – Sputnik. Бүгінгі заңнамада тұрмыстық зорлық-зомбылыққа қарсы бірнеше шара қарастырылған. Соның бірі – қорғау ұйғарымы. Оны учаскелік полицейлер жәбір көрген адамның арызы бойынша жазады және жанжал шығарған кісінің қолына тапсырады. Осы құжатта нақты шектеулер көрсетілген. Атап айтқанда, 30 күн бойы жәбір көрген адамды іздеуге, қысым жасауға, телефон және тағы басқа байланыс құралдары арқылы сөйлесуге тыйым салынған. Ал қорғау ұйғарымын бұзғаны үшін әкімшілік жаза бар.  

Хабар беруге қорқады

Әкімшілік құқықбұзушылық туралы кодекстің 461-бабына сәйкес, қорғау ұйғарымын бұзған адамға ескерту жасалады, я болмаса, бес тәулікке дейін әкімшілік қамауға алады. Ондай тәртіп бұзушылықтар бір жылдың ішінде қайталанса, 15-20 күнге дейін жауып тастайды. 

Дегенмен, дәл осы қорғау ұйғарымы көп жағдайда тұрмыстық зорлық-зомбылық құрбандарын қорғай алмай жатады. Себебі зардап шеккендердің көбі полицияға арыз жазғаны былай тұрсын, хабар беруге де қорқады. Ал құқық қорғаушыларды шақырған күннің өзінде артынан өз талаптарынан бас тартады. 

Ресми мәліметке сәйкес, биыл 8 айдың ішінде құқық қорғау органдарына тұрмыстық зорлық зомбылық белгісі бар оқиғалар туралы 130 мың рет хабар түскен. Соның бәрін тексере келе, 2,5 мың қылмыстық және 30 мың әкімшілік іс қозғалды. Ал қалған оқиғалар бойынша ешқандай шара қабылданған жоқ. Себебі жәбір көрген адамдар арыз-шағымнан бас тартты. Сонда 100 мыңға жуық адам өздеріне жұдырық алып жүгіргенді аяп, жазаға тартпауға шешім қабылдапты. 

Тағы оқыңыз: Шолпанның көз жасы: алты баласы бар 29 жастағы келіншек халықтан көмек сұрады

Енді, ондай адамдар жазадан құтыла алмайды. Жаңа заң жобасына сәйкес, тұрмыстық зорлық-зомбылық туралы арыз түспесе де, полицейлер қорғау ұйғарымын өз еркімен жаза береді. Әрине, құқық қорғаушы , алдымен, ондай қажеттіліктің бар-жоғын байқайды, яғни, жанжал шыққан үйдегі жағдайды қарайды. Беті көгерген немесе жарақат алғандар бар ма, жоқ па, соның бәрін зерделейді. Көршілердің пікірін сұрайды. Сөйтіп, тұрмыстық зорлық-зомбылық қаупі болса, бірден қорғау ұйғарымын шығарады. Ондай шара полицияға арыз беруге қорқатын адамдарды қорғауға көмектеседі деген болжам бар. 

Ақылға келеді

Бұдан бөлек, заң жобасында тағы бір ұсыныс бар. Оған сәйкес, қорғау ұйғарымын алған адамды 10 күнге үйден шығарып жіберу керек. Сонда ол отбасымен бір жарым апта бойы араласпай, ақылға келеді және жасаған қателігін түсінеді деген болжам бар. Бүгінгі заңнамада ондай шара қарастырылған. Бірақ оған тек соттың шешімімен міндеттей алады. Сосын тұрмыстық зорлық-зомбылық жасаған адамды үйден шығарып жіберу үшін оның тағы бір үйі болуы керек. Сот 30 күнге дейін отбасыдан бөлек тұруға шешім шығара алады.

Бұдан бөлек, судья ішімдік пен есірткі заттарын қолдануға тыйым салады. Ал соттың шектеулері бұзылса, 5 АЕК (13 890 теңге) көлемінде айыппұл немесе 7 күнге дейін әкімшілік қамау қарастырылған. Осы әрекет қайталанса, 10 күнге дейін ұзартылады. 

Негізі, осы уақытқа дейін тұрмыстық зорлық-зомбылыққа қарсы іс-қимыл заңнамасына біраз өзгеріс енгізілген. Мәселен, бұрын зардап шеккен адам барлық дәлелді өзі жинаса, қазір ондай айғақты полиция жинақтайды және сотқа жібереді. Сосын жүкті әйелдер мен кәмелет жасқа толмағандарды азаптағаны үшін жаза күшейтілді. Ондай әрекеттер үшін, кем дегенде, төрт жылға түрмеге қамап тастайды. 

Әкімшілік полиция комитетінің төрағасы Мұрат Баймұқашевтің айтуынша, пандемия кезінде полиция тарапынан қосымша шаралар қолға алынды. Мәселен, тұрмыстық зорлық-зомбылық туралы хабар беруге қорқатын адамдар телефон арқылы құпия сөз айтып, құқық қорғаушыларды шақыра алады. 

"Сосын пандемия жағдайында қашықтан бақылау жүйесі де енгізілді. Ондайда полицейлер жауапқа тартылған адамға әлеуметтік мессенджерлер арқылы бейнеқоңырау шалып, не істеп жүргенін бақылап отырады", - дейді Баймұқашев.  

Оның айтуынша, осы санаттағы тәртіп бұзушылықтардың басым бөлігі мас күйінде жасалады. Сосын жұмыссыз жүрген адамдар ұрыс-керіс жиі шығарады. Зардап шеккендердің жартысы әйелдер болса, 6 проценті – кәмелеттік жасқа толмаған балалар. Ал қалған 40 проценті – ер адамдар. Олар әкесінен, ағасынан және тағы басқа туған-туысынан жәбір көрген екен.

468
Кілт сөздер:
зорлық-зомбылық, отбасы
Тақырып бойынша
"Ол ешқашан тоқтамайды": оралдық әйел күйеуі туралы шындықты жайып салды
Күйеуі ұрып-соғатын әйелдер өзін қалай қорғай алады - мамандар кеңес берді
Елордада күйеуі өртеп жіберген әйелдің енесі оқиғаға не себеп болғанын айтты
Министр карантинде жатқан әйелдің бұрынғы күйеуі не істегенін айтып берді
Жылап тұрып көмек сұраған қостанайлық мұғалімнің бұрынғы күйеуі видео жариялады
Микроскоппен қараған кездегі коронавирус

Ғалымдар коронавирус қалай таралатынын видео арқылы көрсетті

1645
Мамандар Fugaku суперкомпьютері арқылы адам маска тақпаған кезде вирус бөліктері қалай қозғалатынын модельдеді

АЛМАТЫ, 25 қазан — Sputnik. Бетперде – коронавирустан қорғанудың ең тиімді жолы. Мұны жапониялық ғалымдар тағы бір мәрте дәлелдеді. Олар адам маскасыз сөйлескен кезде, ән айтқанда, жөтелгенде вирус қалай таралатынын көрсетті.

Коронавирустың таралуын көзбен көру мүмкін емес. Сондықтан инфекциядан маска арқылы қорғану тәсіліне адамдар жеңіл-желпі қарайды, деп жазады euronews.com.

COVID-19-дың таралуын анық көрсету үшін жапониялық ғалымдар жаңа технологиялар көмегіне жүгінді. Бұл үшін зерттеушілер Fugaku суперкомпьютерінің мүмкіндігін қолданды. Ол арқылы адам маскасыз сөйлеген кезде таралатын вирус бөліктерінің қозғалысын модельдеді.

"Егер вирус қалай таралатынын нақты көрсетсек, адамдар қауіп жоғары екенін түсінеді деп ойлаймын. Сондай-ақ, бұл процесті ғылым тұрғысынан көрсеткіміз келді", - деді Kobe University & RIKEN профессоры Макото Цубокуро.

Зерттеу қорытындысы ауаның жоғары ылғалдылығы салдарынан ұсақ аэрозольдік бөлшектер ұлғаяды. Сондықтан вирустан қорғану үшін маска ең тиімді тәсіл болып отыр.

Сондай-ақ, зерттеушілер әлеуметтік қашықтықты сақтау өте маңызды екенін атап өтті. Өйткені вирустың ірі бөлшектері жерге түседі де, ауа арқылы ұзақ қашықтыққа тарала алмайды.

1645
Кілт сөздер:
видео, ғалымдар, коронавирус
Тақырып:
Коронавирус эпидемиясы
Тақырып бойынша
"Әлем қорқынышты белеске жетті": БҰҰ Бас хатшысы коронавирусқа қатысты мәлімдеме жасады
"Коронавирустың екінші толқыны жоқ": ДДҰ мәлімдеме жасады
Коронавирустың екінші толқыны кезінде 160 мыңнан аса адам жұмыссыз қалуы мүмкін
Бразилияда коронавирусқа қарсы вакцина салдырған ерікті қайтыс болды
ДДҰ коронавирусқа қарсы екінші қазақстандық вакцинаны тізімге енгізді
Астана көрінісі

Қазақстанда 26 қазанда қандай маңызды оқиғалар болады

0
Sputnik Қазақстан 26 қазан мен 5 қараша аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

26 ҚАЗАНҒА ЖОСПАРЛАНҒАН ШАРАЛАР  

08.30 – Түркия қорғаныс министрі Хулуси Акардың Қазақстанға ресми сапары. Қазақстан Республикасы қорғаныс министрлігінде Қазақстан мен Түркияның қорғаныс ведомстволары басшыларының кездесуі өтеді. Орналасқан жері: Нұр-Сұлтан, Достық көш., 14. Түркістан көшесі жағынан кіру (2 өткізу пункті). Анықтама үшін телефон: 8 (7172) 72-18-69, 72-15-59. Тіркелу үшін: 8 (7172) 72-18-69, 72-15-59.

09.00 – Ақпарат және қоғамдық даму министрлігі "Жыл еріктісі" халықаралық сыйлығына байқау жариялайды. Байқауға қатысу үшін өтінім беріп, qazvolunteer.kz интернет-платформасында волонтерлік қызмет туралы мәліметтерді толтыру керек. Өтінішт қабылдау 2020 жылдың 15 қараша күнгі сағат 09:00-ге дейін жалғасады (қосымша мәліметтер мына сілтемеде).

10.00 – Қазақстан жастары конгресі мен Нұрсұлтан Назарбаев қоры ұйымдастырған әмбебап және конвергентті журналистерді даярлауға арналған "Jas Qalam" республикалық жобасының басталуы. Жоба дәстүрлі сипатқа ие болды және үшінші рет өткізіліп отыр. Биыл оқыту екі тілде өтеді: 26 қазаннан 20 қарашаға дейін – орыс тілді аудитория үшін, ал 16 қарашадан 11 желтоқсанға дейін – қазақтілді аудитория үшін. Орыс тілді аудиторияға өтінімдер қабылдау 22 қазанда, ал қазақтілді аудитория үшін 16 қарашада аяқталады (тіркелу мына сілтеме бойынша).

10.30 – БҰҰ комитеттерінің көзқарасы бойынша сарапшылар мен жол картасы авторларының қатысуымен "Әділ сот талқылауына құқық" тақырыбындағы брифинг. Брифинг бейнеконференция форматында өтеді. Сарапшылар – Адам құқығы және заңдылықты сақтау жөніндегі Қазақстандағы халықаралық бюроның директоры Евгений Жовтис, адвокат Светлана Ковлягина, Данияр Қанафин, Алматы қалалық адвокаттар алқасының адвокаты Анар Ибраева, "Қадір-Қасиет" ҮЕҰ сарапшысы – онлайн-форматта өз ұсыныстарын республика заңнамасына енгізеді (тіркелу +7 (7172) 45-76-21 телефоны немесе prestigeedu20@gmail.com электронды  почтасы арқылы жүргізіледі).

11.00 – Интернеттегі трансляция форматындағы алаяқтықпен күрес тақырыбында ІІМ брифинг өткізеді. Спикер: ІІМ криминалдық полиция департаменті бастығының орынбасары Ерлан Омарбеков. Тақырып бойынша сұрақтар mvd_pr@mail.ru поштасы немесе 8 (705) 440 83 65 WhatsApp арқылы қабылданады.

Нұр-Сұлтан

08.30 – Түркия Республикасының қорғаныс министрі Хулуси Акардың Қазақстанға ресми сапары. Қорғаныс министрлігінде Қазақстан мен Түркияның қорғаныс ведомстволары басшыларының кездесуі өтеді (Өтетін орны: Қорғаныс министрлігі, Достық көшесі, 14. Байланыс телефоны: +7 (7172) 72-18-69, 72-15-59).

Алматы

17.00 – "Счастливые поют" музыкалық қойылымы – қос сахна саңлағы – Фрэнк Синатра мен Эдит Пиафқа арналған қойылым (Лермонтов атындағы Мемлекеттік академиялық орыс драма театры).

28 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

19.00 – "Мадам Баттерфляй" операсының премьерасы, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

29 ҚАЗАНҒА ЖОСПАРЛАНҒАН ШАРАЛАР

19.00 – "Дикарь. Третье слово" қойылымы, Максим Горький атындағы Мемлекеттік академиялық орыс драма театры (Нұр-Сұлтан қаласы, Желтоқсан көшесі 11-13).

31 ҚАЗАНҒА ЖОСПАРЛАНҒАН ШАРАЛАР
Нұр-Сұлтан

18.00 – ХХ ғасырдың әйгілі хореографы Ролан Петидің Лео Делибес әуенімен сахналаған "Коппелия" комедиялық балеті. Либретто Эрнст Гофманның шебер Коппелиус жасаған механикалық қуыршаққа ғашық болған жас жігіт туралы "Песка" әңгімесінің негізінде жазылған ("Астана Опера" театры, Қонаев көшесі, 1. Байланыс телефоны: +7 (7172) 70 95 94).

5 ҚАРАШАҒА ЖОСПАРЛАНҒАН ШАРАЛАР
Нұр-Сұлтан

12.00 – Эрнст Гофманның ертегісі бойынша "Щелкунчик" балеті, "Астана Опера" театры (Қонаев көшесі, 1. Байланыс телефоны: +7 (7172) 70 95 94).

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0