Национальная валюта Казахстана тенге

21 мың теңге неге төленбей қалды: атаулы әлеуметтік көмек енді қалай есептеледі?

7345
(Жаңартылды 12:18 12.01.2020)
Енді атаулы көмек кедейлік шегі мен отбасының жан басына шаққандағы табысының айырмашылығы мөлшерінде төленеді

НҰР-СҰЛТАН, 12 қаңтар – Sputnik. Еңбек және халықты әлеуметтік қорғау министрлігі 1 қаңтардан бастап атаулы әлеуметтік көмек қалай есептелетінін түсіндірді, деп хабарлайды Sputnik Қазақстан тілшісі.

Өткен жылдың сәуірінен бастап желтоқсан айына дейін атаулы әлеуметтік көмек әрбір балаға 21 мың теңге шамасында төленіп келді. Жаңа жылдан бастап әлеуметтік көмекті төлеу шарттары өзгерді. Енді атаулы көмек кедейлік шегі мен отбасының жан басына шаққандағы табысының айырмашылығы мөлшерінде төленеді.

"Сәуір айынан бастап әр балаға атаулы әлеуметтік көмек кедейлік шегінің толық мөлшері ретінде төленіп тұрса, қазір ол бұрынғы форматына қайта оралды. Енді кедейлік шегі мен отбасының жан басына шаққандағы табысының айырмашылығы ретінде төленеді. Әрбір балаға кепілдендірілген 21 мың теңге осы жылдың басынан бастап төленбейді", - деді еңбек және халықты әлеуметтік қорғау министрлігі әлеуметтік көмек саясатын дамыту департаментінің бас сарапшысы Нұрсәуле Елеуова Sputnik Қазақстан тілшісіне берген сұқбатында.

Айуынша, кедейлік шегінің мөлшері әрбір өңірде әртүрлі, тоқсан сайын жаңартылып тұрады.

"Ең төменгі күнкөріс деңгейінің 70 проценті қазір кедейлік шегі болып саналады. Бұл кедейлік шегі әрбір өңірде ерекше. Азық-түліктің бағасына қарай қалыптастырылады. Қазақстанда қазір күнкөріс деңгейінің мөлшері 30 432 теңге. Оның 70 проценті 21 302 теңге, яғни кедейлік шегі", - деп түсіндірді сарапшы.

Тағы оқыңыз: Жалақы, жәрдемақы және кредит: Қазақстанда 2020 жылдан бастап не өзгереді

Мәселен, бес бала тәрбиелеп отырған тұрмысы төмен отбасыны алайық. Жанұяда отағасы ғана жұмыс істейді, жалақысы 100 мың теңге делік.

Отбасының жан басына шаққандағы табысын білу үшін осы 100 мыңды 7 адамға бөлеміз. Әрбіріне шамамен 14 мың теңгеден келіп тұр. Атаулы әлеуметтік көмекті есептеу үшін 21 мыңнан (кедейлік шегі) 14 мыңды шегереміз. Әрбіріне 7 мыңнан келеді.

Сонда бұл отбасы ай сайын 49 мың теңге атаулы әлеуметтік көмек алып тұрады.

"Оның үстіне биылдан бастап барлық көпбалалы отбасыға табысына қарамастан жаңа жәрдемақы төленеді", - деп атап өтті Елеуова.

Жәрдемақы ай сайын әрбір баланың санына қарай төленеді.

Оның мөлшері:

  • 4 балаға – 42 496 теңге;
  • 5 балаға – 53 127 теңге;
  • 6 балаға – 63 757 теңге;
  • 7 және одан көп балаға – 74 388 теңге.

Жоғарыда мысал ретінде келтірген бес балалы отбасы атаулы әлеуметтік көмектен бөлек ай сайын 53 127 теңге алып тұрады. Отағасының 100 мың теңге жалақысы да бар. Барлығын есептей келе, бұл жанұяның ай сайынғы табысы 200 мың теңгеге жақын. 

Айта кетерлігі, көпбалалы отбасыларға төленетін мемлекеттік жәрдемақы атаулы әлеуметтік көмекті есептеу кезінде табыс көзі ретінде саналады.

Сарапшының айтуынша, жаңа жылдан бастап егер отбасының еңбекке қабілетті мүшесі мемлекет ұсынған жұмыстан бас тартса, атаулы әлеуметтік көмек бүкіл отбасыға тоқтатылады.

Сонымен қатар, атаулы әлеуметтік көмек алатын отбасылардың балалары кепілдендірілген әлеуметтік пакетпен қамтылады.

7345
Зейнеткер, архивтегі сурет

Депутат ерлер мен әйелдер үшін зейнетақы жасын төмендетуді ұсынды

3
(Жаңартылды 16:47 27.01.2021)
Мәжілісмен елде жұмыссыз жастар мәселесі өткір тұрғанда, зейнетке шығу жасын кезең-кезеңмен көтеру ақылға сыймайтынын айтты

НҰР-СҰЛТАН, 27 қаңтар – Sputnik. Қазақстан халық партиясының мәжілістегі фракция депутаттары ерлер мен әйелдер үшін зейнет жасын 60 жасқа дейін төмендетуді ұсынды, деп хабарлайды Sputnik Қазақстан тілшісі.

Депутат Александр Милютиннің ойынша, қазіргі зейнетақы жүйесі түбегейлі өзгертуді қажет етеді.

"Қазақстандықтардың көбінде жалақы аз болғандықтан, зейнетақы жинағы жеткілікті емес. Сол себепті біздің партия бұған дейінгі ынтымақты зейнетақы жүйесіне қайта оралуды ұсынады. Біздің басты ұсынысымыз –  еңбек жағдайларының қиындығына байланысты азаматтардың зейнетке шығу жасын қайта қарастыру. Зейнетке шығу жасын азаматтың жынысына қарамастан 60 жасқа дейін төмендету қажет ", - деді ол премьер-министрге жолдаған депутаттық сауалында.

Мәжілісмен елде жұмыссыз жастар мәселесі өткір тұрғанда, зейнетке шығу жасын кезең-кезеңмен көтеру ақылға сыймайтынын айтты.

Сондай-ақ, Милютиннің пікірінше, ең төменгі базалық зейнетақы жыл сайынғы түзетумен орташа жалақыға тең болуы тиіс.

"Қазақстан халық партиясы үкіметтен болашақ зейнеткерлер үшін қаржылық "қауіпсіздік жастығын" қалыптастыруға арналған тетіктер тізімін кеңейтуді талап ететін болады", - деді депутат.

Оның айтуынша, зейнетақыны жыл сайын индексациялау кезінде тек номиналды инфляцияны ғана емес, нақты тұтыну бағасының өсу индексін, сондай-ақ, жалақы өсімі индексін де ескеру қажет.

Милютин карантиндік шектеу шараларынан елде жұмыссыздық деңгейі өсіп жатқанына алаңдады.

Бұдан бөлек, жұмыс істейтіндердің зейнетақы, міндетті медициналық және әлеуметтік сақтандыру жүйелерінен шығып қалу қатері күшеюде.

БЖЗҚ-ға міндетті зейнетақы жарнасы бойынша зейнетақы жинақтары 5 жыл ішінде алғаш рет төмендеген.  2020 жылдың 1 сәуіріндегі жағдай бойынша ол 11 триллион 405 миллиард теңге, ал 2020 жылдың 1 маусымына қарай 11 триллион 388 млрд теңгеге дейін, яғни 17 миллиард теңгеге қысқарды.

3
Кілт сөздер:
әйелдер, депутат, зейнетақы
Тақырып бойынша
Зейнетақы жинағына өтінім қабылдау басталды: жұртты мазалаған 10 сұрақ жауабы
Тұрғын үй сатып алуға зейнетақы жинағын пайдалану ережесі жарияланды
Зейнетақы жинағын пайдалану: процентсіз ипотеканы қалай алуға болады
Зейнетақы жинағын пайдалану: өтінім беру сайтында жаңа функция іске қосылды
Тағы екі банк зейнетақы жинағын мерзімінен бұрын алу бойынша оператор атанды
Ермахан Ибраимов

Ермахан Ибраимовтың үстінен полицияға арыз түсті: боксшы не істейтінін айтты

43
Депутат Ермахан Ибраимов парламент сайлауынан кейін ел арасында тарап кеткен ақпаратқа қатысты өз ойын айтты

АЛМАТЫ, 27 қаңтар – Sputnik. Белсенді Әйгерім Тілеужан Сидней Олимпиадасының чемпионы, Алматы қалалық мәслихатының депутаты Ермахан Ибраимовтың үстінен полицияға арыз жазды. Алайда әлі іс қозғалған жоқ. Бұл туралы Алматы тұрғыны Sputnik Қазақстан тілшісіне хабарлады. Ал Ермахан Ибраимов дәрежесіне нұқсан келетін әрекет жасалса, белсенділердің өзін сотқа беретінін мәлімдеді.

"Алматы қаласының полиция департаменті арызды қабылдады. Бірақ әлі іс қозғалған жоқ. Куәгерлермен бірге қалалық полиция департаментіне келіп тұрмыз", - деді Sputnik Қазақстан тілшісіне Әйгерім Тілеужан.

Айтуынша, полиция арызды әкімшілік құқық бұзышылық туралы кодекстің 434-бабы "ұсақ бұзақылық" және 73-2-бабы "ұрып-соғу" бойынша қабылдады.

Айта кетсек, 10 қаңтарда өткен сайлау күні белсенділердің бірі Әйгерім Тілеужан жұртпен бірге алаңға шыққан. Айтуынша, сол кездегі қарбалас кезінде Ермахан Ибраимовтың жұдырығы бетіне тиген. Сондай-ақ, әлеуметтік желіде боксшы алаңға шыққандардың бірінің қолындағы плакатты жыртып тастады деген де ақпарат тарады.

Ермахан Ибраимов не дейді?

Sputnik Қазақстан тілшісі Ермахан Ибраимовке хабарласып, үстінен арыз жазылғанынан хабары бар-жоғын сұрады. Спортшы бұл туралы ештеңе білмейтінін айтты.

"Арыз жазып-жазбағанынан хабарым жоқ. Білмеймін. Егер менің үстімнен арыз жазып, жалған мағұлмат тарататын болса, мен олардың үстінен арыз жазамын. Психологиялық-моральдық тұрғыда менің дәрежемді төмендетуге әрекет жасағаны үшін сотқа беріп, 5 миллион теңге өндіретінімді де айтқанмын", - деді Ибраимов.

"Арыз жазамыз деп жүргеніне біраз уақыт болды. Менің адвокатым бар, өзім заң факультетін бітіргенмін. Мен заңды жақсы білемін", - дейді Олимпиада чемпионы.

Спортшы тарап жатқан ақпараттың бәрі жалған деп отыр.

"Саусағымның ұшы ешкімге тиген жоқ. Тарап жатқан әңгіменің бәрі – жалған мәлімет. Жерде жатқан плакаттарды көрдім... Мені балағаттап, менің намысыма тигеннен кейін жақын тұрған адамның плакатын жұлып алдым да, жыртып тастадым. Халықтың арасына арандатушылық салатын, ауызбіршілігін бұзатын неше түрлі сөздер жазған", - деді ол.

Алайда депутат намысына тиетін сөз айтқандардың үстінен бірінші болып арыз жазбайтынын айтты.

"Мен үлкен адаммын, Олимпиада чемпионымын. Ондай төмен дәрежеге түспеймін ғой. Олар сияқты емеспін. Мен өте жоғары дәрежедегі адаммын... Он шақты адам бар сияқты. Олардың әлеуметтік желіде неше түрлі пікір айтқаны менің абыройымды түсіре қоймайды", - дейді ол.

"Менің ойымша, оларға шетелде жүрген оппозиционерлер қаражат төлеп, сондай іс-әрекетке барып отыр. Олардың басты мақсаты – Қазақстан ішінде іріткі салып, ауызбіршілігін бұзу. Бұған Олимпиада чемпионы ретінде, Қазақстанның нағыз патриоты ретінде жол бермеймін",  - деп толықтырды ол.

Егер үстінен арыз жазатын болса, депутат өзінің азаматтық құқығын қорғауға мүдделі.

Еске сала кетсек, 10 қаңтарда өткен мәжіліс және мәслихаттар сайлауынан кейін Ермахан Ибраимов Алматы қалалық мәслихатының депутаты болып сайланды.

43