Елордаға қараша айының соңында аяз келді

Синоптиктер ақпан айында ауа райы қандай болатынын айтты

11756
(Жаңартылды 15:40 27.01.2020)
Бірінші онкүндіктің ортасы мен екінші онкүндіктің соңында ауа температурасы айтарлықтай төмендейді деп болжанып отыр

НҰР-СҰЛТАН, 27 қаңтар – Sputnik. Қазгидромет елордалықтарды ақпан айында қандай ауа райы күтіп тұрғанын айтты, деп хабарлайды Sputnik Қазақстан.

Синоптиктердің болжамынша, қыстың екінші айы жауын-шашынмен және температураның жоғарылауымен басталады.

Бірінші онкүндіктің ортасы мен екінші онкүндіктің соңында ауа температурасы айтарлықтай төмендейді. Сынап бағанасы түнде -17-22°C, күндіз -12-20°C көрсетеді.

Айдың соңында ауа температурасы біртіндеп көтеріледі деп күтілуде.

Ақпан айындағы орташа температура -15°C болады деп болжанып отыр, бұл нормадан 1°С-қа төмен. Жауын-шашын мөлшері нормадан төмен, 15 мм құрайды.

Қазгидромет ұзақ мерзімді болжамдар әлі де өзгеруі мүмкін екенін ескертті.

Тағы оқыңыз: Нұр-Сұлтанда төтенше жағдай жарияланды

Бұған дейін синоптиктер қаңтардың соңында күн күрт суытатынын хабарлаған еді. Солтүстік, шығыс және орталық аймақтарда түнде ауа температурасы -20-30°С болады.

27 қаңтарда Нұр-Сұлтанда ауа райының қолайсыздығына байланысты төтенше жағдай режимі енгізілді. Рейстер тоқтатылып, жолдар жабылған.

11756
Кілт сөздер:
ауа температурасы, ауа райы болжамы, Қазгидромет
Тақырып бойынша
Синоптиктер қазақстандықтарды қандай қыс күтіп тұрғанын айтты
"Күн күрт суытады": алдағы күндері 30 градус аяз болады
Фотофакт: елордада 30 градус аязда жейдемен жүрген ер адам жұртты таңғалдырды
Қарағанды фармацевтика кешені

Қазақстанда өндірілген "Спутник V" вакцинасы Ресейде тексерістен өтті

38
Қарағанды ​​фармацевтика кешені "Спутник V" вакцинасының сапасына қатысты жауап алды. 6000 дозадан тұратын тәжірибелік партия желтоқсанда тексеріске жіберілген болатын

НҰР-СҰЛТАН, 18 қаңтар – Sputnik. Қарағанды ​​фармацевтика кешені ресейлік Гамалея институтынан "Спутник V" вакцинасының белгіленген талаптарға сәйкес келетіні туралы ауызша жауап алды. Sputnik Қазақстанға бұл туралы ҚФК бас директорының өндіріс жөніндегі орынбасары Владимир Фольмер хабарлады.   

"Бәрі сәйкес келетіні жөнінде ауызша жауап алғанымызға біраз уақыт болды. Енді бұл топтамалар үшін олардың паспортын күтіп отырмыз. Біз паспортты алғаннан кейін Қазақстанда шығарылған осы препаратты тіркейміз. Яғни, тіркеу куәлігін аламыз", - деді Владимир Волмер Sputnik Қазақстанға.

Ол 2021 жылдың ақпан айының соңына дейін алғашқы коммерциялық топтама өндіріледі деп жоспарланып отырғанын мәлімдеді.     

"Біз осы аптада топтаманы әзірлеп, бір айға созылатын талдауға жіберуді жоспарлап отырмыз. Келесі айдың соңында алғашқы коммерциялық топтаманы шығарамыз", - деп атап өтті Фольмер.

Барлық топтаманың үлгісі тексеру үшін Ресейге жіберіледі, деді ол.   

"Біз мұнда өз талдауымызды жүргіземіз. Оған қоса ресейліктер (Гамалея институты) қосымша бақылайды. Қазір шамамен 80-90 мың доза шығарамыз. Бәрін жібермейміз. Барлық партияның бір бөлігі таңдалып алынады", - деп түйіндеді ол.

Оқи отырыңыз: Қазақстанда он миллион адамға вакцина салу жоспарланып отыр 

Бұған дейін Қарағанды ​​фармацевтика зауытында өндірілген 6000 доза мөлшеріндегі "Спутник V" вакцинасының тәжірибелік партиясы Ресей Федерациясына сапаны тексеруге жіберілген болатын.

Қазақстанда "Спутник V" вакцинасын алдын ала тіркеу 2021 жылдың 26 ​​қаңтары мен 11 ақпаны аралығында өтеді деп жоспарланған. Вакцинаның өндірістік топтамасын  жеткізу 2021 жылдың 12 ақпанында басталмақ.    

38
Тақырып:
Коронавирус эпидемиясы
Тақырып бойынша
Тоқаевтың көмекшісі коронавирусқа қарсы вакцинаны екінші рет салдырды
Үшінші ұлттық карантин енгізіледі: Ұлыбританияда жаңа шаралар қабылданбақ
Денсаулық сақтау министрлігі қазақстандықтарға үндеу жасады
Вакцина әсері ме: желіде арқасы тұтас қызарған сәбидің суреті талқыланып жатыр
Министрлік отандық вакцинаға уақытша тіркеу куәлігін берді
COVID-19 он жылдан кейін қалай өзгеретіні белгілі болды
Қуат Хамитов

Спортшы Қуат Хамитов сотқа тартылды

777
(Жаңартылды 17:44 18.01.2021)
Спортшы қыркүйекте дезинфекция жасаушылар "халықты улап жатыр" деп мәлімдеп, оларды ұрып-соғуға үндеді

АЛМАТЫ, 18 қаңтар – Sputnik. Алматыда "Найман" лақап атымен танылған аралас жекпе-жек шебері Қуат Хамитовқа қатысты қылмыстық іс қаралып жатыр.

Сот талқылауы 18 қаңтарда Алмалы аудандық сотында өтті.

"Алмалы аудандық сотында Қылмыстық кодекстің 272-бабының 3-бөлігінде көзделген қылмыстық құқық бұзушылық жасады деген күдікпен Қуат Хамитовке қатысты қылмыстық іс қаралып жатыр", - деп хабарлады аудандық соттың баспасөз қызметі.

Аталған бапта азаматтың "билік өкiлдерiнiң заңды талаптарына белсенді түрде бағынбауға және жаппай тәртiпсiздiкке шақыру не жаппай тәртіпсіздікке арандату, сол сияқты азаматтарға зорлық-зомбылық жасауға шақыру" көзделген. Бұл бап бойынша үш жылға дейін бас бостандығын шектеу не сол мерзімге бас бостандығынан айыру жазасы қарастырылған.

Оқи отырыңыз: Қуат Хамитов дау тудырған видеосына қатысты мәлімдеме жасады 

Айта кетейік, 2020 жылы қыркүйекте спортшы дезинфекция жасаушылар "халықты улап жатыр" деп мәлімдеп, оларды ұрып-соғуға үндеді.

Кейіннен спортшы ол видеоның әзіл ретінде түсірілгенін айтты.

Посмотреть эту публикацию в Instagram

Публикация от Сетевое издание «ZTB.KZ» (@ztb_kz)

"Дезинфекция туралы тарап кеткен видеоға қатысты айтарым, ол – қалжың ретінде түсірілген видео. Мен ешкімді жаппай көтеріліске шақырмаймын. Ондай әрекет істеуге ешкімді шақырған емеспін және ондай әрекет істемеңіздер. Еліміз аман, жұртымыз тыныш болсын", - деді Хамитов.

777
Тақырып бойынша
Қуат "Найман" Сабина Алтынбекованың тұрмысқа шығуына қатысты пікір білдірді
Ішкі істер министрлігі Хамитовтың атышулы видеосына қатысты түсініктеме берді 
Қуат Хамитов ресейлік спортшыны тұншықтыру әдісімен жеңді – видео
Сабина Алтынбекова Қуат Хамитовтің ұсынысына жауап берді
Қуат Хамитов Алтынбекова жайлы: оған сол қажет болды
Полиция Қуат "Найман" Хамитов ұсталғанын хабарлады
Архивтегі фото

Павлодар облысы әкімдігінде қайта ұйымдастыру жұмыстары жүргізілді

0
Мемлекеттік мекемелер құрамына жаңа қызметкерлер тартылмайды. Ведомстволардың штат саны қолда бар қызметкерлер есебінен қалыптасады

НҰР-СҰЛТАН, 18 қаңтар — Sputnik. Павлодар облысында екі басқарма біріктіріліп, жаңа басқармалар құрылды, деп хабарлады өңір әкімінің баспасөз қызметі.

Кәсіпкерлік және сауда басқармасы мен индустриялық-инновациялық даму басқармасы біріктірілді.

"Кәсіпкерлік және индустриялық-инновациялық даму басқармасы Павлодар облысының бизнес, өнеркәсіп және инновациялар мәселелеріне бақылау жасайды", - делінген хабарламада.

Өңірде цифрландыруды дамытумен айналысатын цифрлық технологиялар басқармасы жеке құрылымға шығарылды.

Ауыл шаруашылығы басқармасында да өзгеріс болды. Бұрын бұл ведомство ветеринарияға да жауапты болса, енді онымен ветеринария басқармасы айналысады. Сонымен қатар Павлодар облысында дін істері басқармасы қайта құрылды. 

Оқи отырыңыз: 2021 жылы Нұр-Сұлтанда не өзгереді 

Басқарма құрылымдары бекітілді. Ведомстволардың штат саны қолда бар қызметкерлер есебінен қалыптасады. Мемлекеттік мекемелер құрамына жаңа қызметкерлер тартылмайды.

0