Әлия Назарбаева

Әлия Назарбаеваның бұрынғы күйеуі қайтыс болды

9147
(Жаңартылды 11:48 06.02.2020)
Әлия Назарбаева алғаш рет 18 жасында Қырғызстанның экс-президенті Асқар Ақаевтың ұлы Айдар Ақаевқа тұрмысқа шыққан болатын

АЛМАТЫ, 6 ақпан – Sputnik. Қырғызстанның бірінші президенті Асқар Ақаевтың ұлы Айдар Ақаев Мәскеуде қайтыс болды, деп хабарлады Sputnik Қырғызстан.

Алдын ала мәліметке сәйкес, 43 жастағы Айдар Ақаевтың жүрегі кенеттен ұстап қалған. Дәрігерлер өмірін құтқара алмады.

Айдар Ақаев Қазақстанның тұңғыш президенті Нұрсұлтан Назарбаевтың қызы Әлиямен үш жыл некеде болған. 1998 жылы 18 жасында Әлия Назарбаева экс-президент Асқар Ақаевтың ұлы Айдар Ақаевқа тұрмысқа шыққан болатын. Алайда екі жастың дәм-тұзы жараспай, 2001 жылы ажырасып кетті.

Молодожены Алия Назарбаева и Айдар Акайев со своими родителями Президентом Казахстана Нурсултаном Назарбаевым (слева) и его женой Сарой, а также президентом Кыргызстана Аскаром Акаевым (справа) и его женой Майрам позируют для семейной фотографии после официальной свадебной церемонии в небольшом курортном городке Чолпон- Ата, Кыргызстан, 19 июля. 18-летняя Алия и 23-летний Айдар провели официальную свадебную церемонию в Чолпон-Ате на озере Иссык-Куль, где они впервые встретились, и у Акаева есть резиденция.
© AFP 2019 / STR / RTR POOL / AFP
Айдар Ақаев пен Әлия Назарбаеваның үйлену тойы

Айта кетейік, Айдар Ақаев Қырғызстанның бірінші президентінің үлкен ұлы, одан кейін тағы үш баласы бар.

Бермет және Айдар Ақаевтар Жоғарғы Кеңеске кандидат болып, биліктің "Алға, Қырғызстан" партиясы атынан депутаттық мандат алды. Бұл оқиға ел арасында кеңінен наразылық тудырған болатын. 2005 жылы 24 наурызда "Ақ үйді" басып алу мақсатындағы митингтердің нәтижесінде Асқар Ақаев орнынан алынды. Ол отбасымен бірге Қырғызстаннан қашып кетті. Айдар Мәскеуде бизнеспен айналысқан.

Тағы оқыңыз: Назарбаевтың құдасы қайтыс болды

Айдар Ақаевтың кино саласында танымал Чокубаевтар әулетінің Сайкал есімді қызына үйленгені белгілі. Олардың екі баласы бар.

Ал Әлия Назарбаева Айдар Ақаевпен ажырасқаннан кейін Данияр Хасеновпен отбасын құрды. 2007 жылы Тиара, 2011 жылы Алсара есімді қыздары дүниеге келді. Алайда екі жастың отбасылық өмірі ұзаққа созылмады.

2015 жылы Димаш Досановқа күйеуге шықты. 2016 жылдың жазында Алдияр есімді ұлын өмірге әкелді.

9147
Кілт сөздер:
Әлия Назарбаева
Тақырып бойынша
Назарбаев өткізетін үлкен жиынның уақыты белгілі болды
"Көзіне жас алып шығарып салды": Әлия Назарбаева оқушы кезін еске алды
Әлия Назарбаева туралы не білеміз?
Әлия Назарбаева мемлекеттік сыйлық берген әкесіне алғыс айтты
Әлия Назарбаева жүлде алды
Индонезиядағы жер сілкінісі

Мемлекет басшысы Индонезия президентіне көңіл айтты

8
(Жаңартылды 19:49 15.01.2021)
Индонезияда соңғы тәулікте бірнеше рет жерасты дүмпуі болды. Салдарынан отыздан астам адам көз жұмып, 600-ден астам тұрғын зардап шекті

НҰР-СҰЛТАН, 15 қаңтар – Sputnik. Қазақстан президенті Қасым-Жомарт Тоқаев Индонезия президенті Джоко Видодоға көңіл айтты, деп хабарлайды Ақорда.

Мемлекет басшысы Сулавеси аралындағы күшті жер сілкінісі салдарынан көптеген адамның қаза болуына байланысты Индонезия Президенті Джоко Видодоға көңіл айту жеделхатын жолдады.

"Қазақстан халқының және жеке өзімнің атымнан қаза болған адамдардың жақындары мен туыстарына көңіл айтамын. Осындай қиын жағдайда біз индонезиялық достарымыздың қайғыларына ортақтасып, олармен бірге екенімізді жеткіземін. Сонымен қатар табиғат апатынан зардап шеккендердің тезірек сауығып, үйлеріне оралуына тілектестік білдіремін", – делінген жеделхатта.

Индонезиядағы жер сілкінісі

Индонезияда соңғы тәулікте бірнеше рет 5,7 және 6,2 магнитудалы жойқын жер сілкінісі болды. Салдарынан отыздан астам адам көз жұмып, 600-ден астам тұрғын зардап шекті.

Жер сілкінісі салдарынан жергілікті аурухана ғимараты құлап, медицина қызметкерлері мен емделушілер үйінді астында қалғаны белгілі болды.

Билік 15 мыңнан астам тұрғынды қауіпсіз жерге көшірді.

8
Тақырып бойынша
Тоқаев парламент отырысында қандай уәде берді – толық ақпарат
"Әділ болуы керек": Тоқаев зейнетақы жинағын пайдалану туралы айтты
Президент мәжіліске өтпеген саяси күштер туралы пікір білдірді
Бірнеше депутат премьер-министр кандидатурасын қолдамады – Тоқаев не деді
Ауылға баратын әрбір жол толығымен жөнделеді – Тоқаев
Құс пен қыс

Демалыс күндері ауа райы қандай болады

242
Қостанай облысының кей жерінде бұрқасын болып, тұман түседі. Оңтүстік-шығыс пен оңтүстіктен секундына 15-20 м/с жел соғады

АЛМАТЫ, 15 қаңтар – Sputnik. Қазгидромет синоптиктері 2021 жылдың 16-18 қаңтарында ауа райы қандай болатынын жариялады.

Сенбі, жексенбі күндері республиканың батысы мен солтүстігінде Жерорта теңізі циклонының әсерінен ауа райы тұрақсыз болады.

Кей жерлерде жауын-шашын түседі, батыста қар мен жаңбыр араласып, солтүстікте қар жауады.

Сондай-ақ кей жерлерде жел күшейіп, боран соғады, ауа температурасы көтеріледі. Қазақстанның қалған аумағында жауын-шашынсыз ауа райы сақталады. Республика бойынша кей жерлерде тұман түседі.

Мегаполистерде ауа райы қандай болады

Нұр-Сұлтанда түнде минус 13-15 градус, күндіз 4-6 градус аяз болады.

Алматыда түнде минус 8-10, күндіз плюс 5-7 градус.

Шымкентте түнде плюс 1-3, күндіз 15-17 градус жылы болады.

Дабылды ескерту жарияланды

Ақмола облысының кей жерлерінде бұрқасын болады. Оңтүстік-шығыстан, оңтүстіктен секундына 15-20 метр жел соғады.

"Ақтөбе облысының кей жерінде тұман, көктайғақ болады. Оңтүстік-шығыстан соққан жел оңтүстік-батысқа ауысып, секундына 18 метр жылдамдықпен жел соғады. Мұғалжар ауданында түнде желдің екпіні секундына 23 метрге дейін жетеді", – делінген хабарламада.

Батыс Қазақстан облысының кей жерінде тұман, көктайғақ, бұрқасын болады. Оңтүстік-батыстан соққан желдің жылдамдығы – 15-20 м/с, күндіз екпіні секундына 25 м/с жетеді.

16 қаңтарда Қызылорда облысының кей жерінде желдің жылдамдығы секундына 15-20 м/с-ке жетеді.

Қостанай облысының кей жерінде бұрқасын болып, тұман түседі. Күндіз кей жерлерде көктайғақ болады. Оңтүстік-шығыстан, оңтүстіктен секундына 15-20 м/с жел соғады.

Солтүстік Қазақстан облысының кей жерлерінде тұман түсіп, күндіз бұрқасын болады. Жел оңтүстік, оңтүстік-шығыстан секундына 15-20 метр жылдамдықпен соғады.

Петропавлда түнде оңтүстіктен, оңтүстік-шығыстан секундына 15-20 метр жылдамдықпен жел соғады.

242
Кілт сөздер:
табиғат, ауа райы