әуежай

Қытайдан жеткізілетін қазақстандықтар Алматыда карантинге жатқызылады

73
(Жаңартылды 12:21 12.02.2020)
Қазақстандықтар Алматы қаласына жеткізіледі, оларды қабылдайтын мекеме дайындалды. Ал астанада карантинге әзірленген госпитальдар толып қалған

НҰР-СҰЛТАН, 12 ақпан – Sputnik. Қытайдан тағы 155 қазақстандық жеткізіледі, олар Алматыда карантинге жатқызылады. Бұл туралы сыртқы істер министрі Мұхтар Тілеуберді мәлім етті деп хабарлайды Sputnik Қазақстан тілшісі.

"Бүгін кешке Қытайға ұшып шығады. Кейін Алматыға оралады. Алматыда қазақстандықтарды қабылдайтын мекеме дайындалған", - деді Тілеуберді БАҚ өкілдеріне.

Бұған дейін Қытайдан оралған қазақстандықтар Нұр-Сұлтанға жеткізілген еді. Министрдің айтуынша, астанада карантинге әзірленген госпитальдар толып қалған. Сол себепті келесі ұшақ Алматыға қонады.

Тілеуберді Қытайдағы қазақстандықтарды тасымалдауға ұшатын ұшақ чартерлік екенін айтты. Қазақстан азаматтары тегін жеткізіледі.

Жалпы, "Эйр Астана" ұшағы 220 орынға шақталған, алайда оралатындар саны 155 қана. Сондықтан елге қайтам деген басқа азаматтарға да орын бар, деп сендірді Тілеуберді.

"Осыдан кейін Қытай аумағында 343 Қазақстан азаматы қалады. Олар негізінен, біздің дипломатиялық мекемелерде істейтін қызметкерлер, олардың отбасы мүшелері, студенттер, өз шаруаларымен жүрген қазақстандықтар. Барлығымен елшілік тығыз байланыста. Әзірге олар қайтуға ниет білдірген жоқ", - деді ол.

Министр Қазақстанның Қытайдағы шетелдік мекемелері штаттық режимде жұмыс істеп тұрғанын айтты. Тек консулдық бөлімдердің жұмысы шектелген.

Бұған дейін 1 ақпанда коронавирус ошағы Ухань қаласынан 83 қазақстандық санавиациямен елге оралған еді. Сондай-ақ, 18 Қырғызстан азаматы, бес Беларусь азаматы мен бір Армения азаматы эвакуацияланды. Олардың арасында коронавирус жұқтырғандар тіркелген жоқ.

Ал 11 ақпан күні таңертең 217 қазақстандық Нұр-Сұлтанға жеткізілді.

Қытайдағы коронавирус

Әлемді дүрліктірген індет Қытайдың Ухань қаласында өткен жылдың соңында тарай бастады. Вирус Ухань қаласынан Қытайдың басқа өңірлеріне, кейін өзге елдерге де жылдам тарап кетті. 

12 ақпандағы мәлімет бойынша Қытайдан коронавирустан 1 113 адам көз жұмған, жұқтырғандар саны 44,6 мың адамға жетті, тек 4 740- і емделіп шыққан.

Қазақстан Қытаймен жолаушылар тасымалының барлық түрін тоқтатты. Алайда екі ел арасында тауар қозғалысы шектелген жоқ.

73
Тақырып бойынша
Министр Қытайдан тағы қанша қазақстандық жеткізілетінін айтты
Қытайдан қазақстандықтарды эвакуациялауға тағы екі рейс жіберіледі
Қытайдан эвакуацияланған студент Қазақстан халқына үндеу жасады
Қытайдан жеткізілгендер Нұр-Сұлтандағы "құпия" ауруханада жатыр - видео
Дәрігерлер Қытайдан Нұр-Сұлтанға келген студентке диагноз қойды
Қытайдан тағы 217 қазақстандық елге оралды
Кресло ұстап тұрған ер адам, иллюстративті фото

Тоқаев жаңа агенттік басшысының орынбасарларын тағайындады

219
Жаңа лауазымға тағайындалған үш шенеуніктің екеуі қайта құрылымдаудан өткен ведомствода қызмет еткен

АЛМАТЫ, 21 қазан – Sputnik. Мемлекет басшысы Қасым-Жомарт Тоқаев жаңа агенттік басшысының орынбасарларын тағайындады, деп хабарлайды Ақорда.

"Президент өкімімен Рустам Ахметов бәсекелестікті қорғау және дамыту агенттігі төрағасының бірінші орынбасары қызметіне тағайындалды. Ал Марат Омаров пен Болат Сәмбетов Қазақстан Республикасының бәсекелестікті қорғау және дамыту агенттігі төрағасының орынбасары қызметін атқаратын болады", – делінген хабарламада.

Айта кетейік, Болат Сәмбетов бұған дейін ұлттық экономика министрлігі табиғи монополияларды реттеу және бәсекелестікті қорғау комитетінің Алматы қаласы бойынша департамент басшысы қызметін атқарған.

Рустам Ахметов кім?

Рустам Нұрланұлы Ахметов 1978 жылы Қарағанды облысының Теміртау қаласында дүниеге келген.

1999 жылы Қазақ мемлекеттік заң университетін бітірген. Еңбек жолын мемлекеттік кірістер министрлігінің кінәрат-қуыным жұмысы бөлімінің жетекші маманы болып бастады.

2001 жылы Қазақстан Республикасы президент әкімшілігіндегі мемлекеттік-құқықтық бөлімнің аға референті қызметіне қабылданды.

Әр жылдары президент әкімшілігіндегі мемлекеттік-құқықтық бөлімінің кеңесшісі, заңнама және құқықтық сараптама бөлімінің бас сарапшысы, сектор меңгерушісі болып жұмыс істеген.

2011 жылы табиғи монополияларды реттеу агенттігінің жауапты хатшысы қызметіне тағайындалды.

2014 жылдың тамыз айы мен 2017 жылдың сәуір айы аралығында ұлттық экономика министрлігі табиғи монополияларды реттеу және бәсекелестікті қорғау комитеті төрағасының орынбасары болды.

2017 жылы ұлттық экономика министрлігінің табиғи ресурстарды реттеу, бәсекелестікті және тұтынушылардың құқықтарын қорғау комитеті төрағасының орынбасары қызметіне тағайындалды.

2019 жылы ұлттық экономика министрлігі бәсекелестікті қорғау және дамыту комитетінің төрағасы болды.

Марат Омаров жайлы не білеміз

Марат Талғатұлы Омаров 1988 жылы дүниеге келген. Лондон экономика және саяси ғылымдар мектебін бітірген.

Еңбек жолын 2009 жылы Лондон қаласында "Digiet Limited" IT компаниясында бизнес-сарапшы болып бастаған.

2010-2012 жылдары "Digiet Limited" IT компаниясының коммерциялық директоры болды.

2012-2014 жылдары экономикалық даму және сауда, экономика және бюджеттік жоспарлау, ұлттық экономика министрінің кеңесшісі қызметін атқарды.

2014-2016 жылдары ұлттық экономика министрлігі тарифтік және институционалдық саясатты қалыптастыру департаменті директорының орынбасары болды.

2016-2017 жылдары "Қазақтелеком" АҚ басқарушы директоры болған.

2017 жылы технологиялық даму жөніндегі ұлттық агенттік басшысы болып тағайындалды.

2019 жылы "Бәйтерек" холдингінің басқарушы директоры – басқарма мүшесі болды.

Жаңа агенттік туралы

Мемлекет басшысы 1 қыркүйектегі Қазақстан халқына жолдауында бәсекелестікті қорғау мен дамыту бойынша мықты және тәуелсіз орган қажет екенін мәлімдеді. Ол президентке тікелей есеп беретін бәсекелестікті қорғау және дамыту агенттігін құруды тапсырды.

Оқи отырыңыз: Тоқаев бәсекелестікті қорғау және дамыту агенттігінің құрылымын бекітті

Жаңа ведомствоны бұған дейін Еуразиялық экономикалық комиссияның бәсекелестік және монополияға қарсы реттеу жөніндегі алқа мүшесі (министрі) болып қызмет еткен Серік Жұманғарин басқарады.

219
Кілт сөздер:
Ақорда, шенеуніктер, лауазым
Тақырып бойынша
Қазақстанда екі облыс әкімінің орынбасарлары тағайындалды
Григорий Марченко жаңа қызметке тағайындалды
Қазақстанның төтенше жағдайлар вице-министрлері тағайындалды
Қазақстанның бұрынғы бас санитар дәрігері жаңа қызметке тағайындалды
Қорғаныс министрінің екі орынбасары тағайындалды
Портфель ұстаған ер адам

Екі министрліктің жауапты хатшысы қызметінен босатылды

207
Әнуар Ахметжанов жауапты хатшы лауазымында 1 жыл 6 ай отырса, Әсем Нүсіпова бұл қызметті 2,5 айдан астам уақыт қана атқарды

АЛМАТЫ, 21 қазан – Sputnik. Мемлекет басшысы Қасым-Жомарт Тоқаевтың өкімімен екі министрліктің жауапты хатшысы қызметінен бостатылды, деп хабарлады Ақорда.

"Әнуар Ахметжанов цифрлық даму, инновациялар және аэроғарыш өнеркәсібі министрлігінің жауапты хатшысы қызметінен, Әсем Нүсіпова денсаулық сақтау министрлігінің жауапты хатшысы қызметінен босатылды", – делінген хабарламада.

Айта кетейік, Әнуар Ахметжанов бұл қызметке 2019 жылдың сәуірінде тағайындалған болатын. Ал Әсем Нүсіпова министрліктің жауапты хатшы қызметіне 2020 жылдың 30 шілдесінде кіріскен.

Оқи отырыңыз: Министрліктерде жауапты хатшылар болмайды – Тоқаев тапсырма берді

207
Кілт сөздер:
Ақорда, лауазым
Тақырып бойынша
Алматыда ағаштарды кесуге рұқсат берген шенеунік қызметтен кетті
Қазақстанда екі вице-министр қызметінен босатылды
Министр Асқар Жұмағалиев қызметінен босатылды
Алматы метрополитенінің директоры қызметтен кетті
Қазнетті шулатқан сарысулық полиция бастығы қызметінен босатылды
Қазақстанда қар аралас жаңбыр жауып, түнде аяз болады

Қазақстанда қар аралас жаңбыр жауып, түнде аяз болады

2
(Жаңартылды 13:55 21.10.2020)
Скандинавия циклоны ылғалды және суық ауа массаларын әкеледі, соған байланысты өңілерде күн бұзылады

АЛМАТЫ, 21 қазан – Sputnik. Қазақстанда алдағы үш күнде күн суытады, деп хабарлады Қазгидромет мамандары.

Синоптиктердің болжамына сәйкес, елімізде 22-24 қазан күндері қар аралас жаңбыр жауады. Оңтүстік-шығыс пен шығыста жауын-шашын мол түседі.

Кей жерде тұман, көктайғақ болып, жел күшейеді. Шығыста таулы және тау бөктеріндегі аймақтарда апта соңында бұрқасын болуы мүмкін.

Еліміздің солтүстік және орталық аудандарында түнде ауа температурасы 5-13 аязға дейін төмендейді, ал оңтүстік өңірде 3 градус аяз болады.

Оқи отырыңыз: Биылғы қыс қандай болады – синоптиктер болжам жасады

 

2
Кілт сөздер:
аяз, жаңбыр, қар