Сара Назарбаева мен Людмила Путина

"Менің Назарбаевым адамды ешқашан қорламайды": Сара Алпысқызының сұхбаты - видео

17261
(Жаңартылды 18:43 12.02.2020)
Қазақстанның тұңғыш президенті Нұрсұлтан Назарбаевтың зайыбы, "Бөбек" қорының негізін салушы Сара Алпысқызы 12 ақпанда 79 жасқа толды. Sputnik Қазақстан туған күн иесінің 1994 жылы "Әйелдерге гүл сыйлаңдар" бағдарламасына берген сұхбатын ұсынады

АЛМАТЫ, 12 ақпан – Sputnik. Сары Алпысқызы елдегі экология, денсаулық саласы, қоғамдық қордың жұмысы мен отбасындағы ауызбіршілік, күйеуіне деген сүйіспеншілігі жайлы айтты.

"Халықтың ішінде ең қорғансызы – балалар. Сондықтан мүмкіндігінше сол балаларды қорғауды миссия етіп алдым. Бұл миссияны өз мойныма алуға, көмек көрсетуге менің жағдайым да рұқсат береді. Мүмкін мен соны пайдаланған шығармын. Ең алғаш "Бөбек" қайырымдылық қорын ашқанымда жұмысты еліміздегі тұрмыс жағдайы қиын облыстардан бастадық. Оның ішінде Семей, Арал секілді экологиялық елді мекендер бар", - деді Сары Алпысқызы.

Посмотреть эту публикацию в Instagram

Публикация от Aliya Nazarbayeva (@aliya_nazarbayeva_official)

1994 жылы Назарбаева сол кездегі АҚШ президенті Билл Клинтонның жары Хиллари Клинтонның қабылдауында болған. Кофе барысында екі елдің ханымы экология тақырыбында әңгімелесіпті.

"Мені АҚШ президенті Билл Клинтонның жары Хиллари Клинтон қабылдады. Кофе ішіп отырып, пікір алмастық. Ол біздің Қазақстандағы жағдайға қызыға қарады. Тіпті Семей қаласы жайлы өзі сұрады. Ол жақтағы экологиялық жағдайға байланысты науқас балалар дүниеге келетіні жайлы біледі екен. Менің басты миссиям осы болғандықтан, жаныма не бататынын айтып бердім", - деді Назарбаева.

Сара Назарбаева полигон орналасқан жердің тұрғындарымен кездескен.

"Семейде науқас балалардың анасымен, жергілікті халықпен кездестік. Көздеріне жас толған егде жастағы ер адамдар келіп, "Біздің келіндеріміз бала туудан қорқады" деп айтты. Себебі дүниеге науқас, кемтар балалар келеді. Осы жағдай жайлы Клинтонға айттым", - дейді Назарбаева сұхбатында.

"Өзімді бақытты адам санаймын"

Сара Алпысқызының айтуынша, Нұрсұлтан Әбішұлы екеуі бір-бірін үнсіз ұғып, рухани үндестікте жүреді. Ал өзі әділетсіздіктің алдында ешқашан бас имейтін адам.

"Нұрсұлтан Әбішұлы – біздің қорғанымыз, тірегіміз. Менің Назарбаевым адамды ешқашан қорламайды. Болмысы сондай. Отыз жылдан бері бірге тұрып келеміз. Осы уақытқа дейін ренжіссек те, ұрыссақ та бір ауыз сөз естіген емеспін. Әрине, ондай оқиғалар жас кезімізде болды. Ал қазір біз өмірі бір қалыпқа түскен, түсіністікпен қарайтын жастамыз. Мен табиғатымнан тәуелсіздікті ұнататын адаммын. Мен туралы әділетсіз шешім айтылып, жала жабылып жатса, дөрекі түрде жауап қатуым мүмкін", - дейді ол.

Назарбаева өзін бақытты адам санайтынын, махаббат сөзін айтудан ұялмайтынын және сезімнің арқасында рухани келісімде балаларын тәрбиелеп отырғанын айтты.

"Өзімді бақытты адам санаймын. Біздің махаббатымыз қуанышты да, қайғыны да бірге көрді. Барлығы өз ретімен өтіп жатыр. Иә, мен махаббат деген сөзден ұялмаймын. Біздің отбасыда екеуміздің арамызда түсінісу, рухани үндесу бар. Екеуміздің қарым-қатынасымыз жақсы болған соң балаларымыз да дәл солай. Қазақта "Ұяда не көрең, ұшқанда соны ілесің" деген сөз бар. Біздің балалар да осылай тәрбиеленген. Біздің шаңырақта "мен бастықпын" деген сөз ешқашан айтылған да, бұл тақырып көтерілген де емес", - деді Сара Назарбаева.

Сондай-ақ, Сара Назарбаева гүл өсіргенді жақсы көреді. Оларды бір-бірінен бөліп жарғысы келмейді. 8 наурыз халықаралық әйелдер күнінде алған ең үлкен сыйлық жайлы айтты.

"Маған барлық гүл ұнайды. Біреуін атап, қалғанын шетке ысырып қоя алмаймын. Мен үшін адамның көңілі маңызды. Мейрамда "маған мына затты сыйла" деп айтпаймын. Мен үшін балаларымның, жолдасымның көңіл бөлгені маңызды. Олар 8 наурызда мені қуантуға тырысады. Ештеңемен салыстыруға келмейтін, ең үлкен сыйлық – осы", - деді Назарбаева.

Сара Назарбаева 1941 жылы 12 ақпанда Қарағанды облысы Бұқар жырау ауданы Қызылжар ауылында дүниеге келген.  Қазақстанның тұңғыш президенті Нұрсұлтан Назарбаевтың зайыбы, білім беру саласының құрметті қызметкері әрі қоғам қайраткері.

Посмотреть эту публикацию в Instagram

Публикация от Aliya Nazarbayeva (@aliya_nazarbayeva_official)

1992 жылы ана мен баланы қорғауға, жетім балаларды қақморлыққа алып, олардың толыққанды білім алуына жәрдемдесетін "Бөбек" қорының негізін салды. Осылайша жағдайы төмен отбасылардан шыққан немесе жетім балаларға жәрдемдесудің жаңа жүйесін қалыптастырды.

17261
Кілт сөздер:
видео, Назарбаев, Сара Назарбаева
Тақырып бойынша
"Актриса болуды армандадым": Сара Алпысқызы бүгін туған күнін тойлап жатыр
Назарбаевтың жиендері туралы қызықты деректер
Дариға Назарбаеваның қызының тойы: жас жұбайлар туралы не білеміз?
Ерекше сыйлықтар. Дариға мен Әлия Назарбаевалар әкесіне қандай сый жасады?
Назарбаев кенже қызының бетінен сүйіп, мемлекеттік сыйлықпен марапаттады
Әлия Назарбаева мемлекеттік сыйлық берген әкесіне алғыс айтты
"Көзіне жас алып шығарып салды": Әлия Назарбаева оқушы кезін еске алды
коронавирус, медбике

Ғалым коронавирус инфекциясын неге барлық адам жұқтырмайтынын түсіндірді

583
"Қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтыны анықталды

НҰР-СҰЛТАН, 29 қараша – Sputnik. Коронавирустан қорғануға тек антиденелер ғана көмектеспейді, деп мәлімдеді микробиолог Сергей Иванов "МК" газетіне берген сұхбатында.

Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.

"Осындай жағдайлар болды. Олардың ағзасы бұл коронавирусты қабылдамайды", - деді Иванов.

Пастер атындағы эпидемиология және микробиология институтының ғалымдары осындай қорытындыға келген.

"Ғалымдар "қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған", - дейді маман.

Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

583
Кілт сөздер:
ғалым, коронавирус
аурухана, коронавирус

Денсаулық министрлігі өткен тәулікте қанша адамның қайтыс болғанын жариялады

1690
(Жаңартылды 11:36 29.11.2020)
Қазіргі уақытта коронавирустық инфекциядан 12 651 адам ем қабылдауды жалғастыруда, оның ішінде 214 адамның жағдайы нашар

НҰР-СҰЛТАН, 29 қараша – Sputnik. Өткен тәулікте коронавирус пен пневмониядан 10 адам қайтыс болды, деп хабарлады денсаулық сақтау министрлігі.

Коронавирус инфекциясынан жеті адам, коронавирустық пневмониядан үш адам көз жұмған.

"Қазіргі уақытта коронавирустық инфекциядан 12 651 адам ем қабылдауды жалғастыруда. Олардың арасында 895 бала бар. Стационарларда 3 392 науқас жатыр.  9 259 адам амбулаториялық жағдайда емделуде", - деп хабарлады министрлік.

Науқастардың арасында 214 адамның ахуалы нашар. Соның ішінде 32 науқастың жағдайы аса ауыр деп бағалануда. 32 адам жасанды тыныс алдыру аппаратына қосылған.

Өткен тәулікте 826 адамның коронавирус инфекциясын жұқтырғаны расталды.

Жалпы, елімізде коронавирус жұқтырғандар саны 130 865 адамға жетті.

Оның ішінде:

  • Шығыс Қазақстан облысында - 16191 (+135),
  • Алматы қаласында - 16033(+73),
  • Нұр-Сұлтан қаласында -15989(+83),
  • Атырау облысында - 11616(+18),
  • Қарағанды облысында - 11077(+25),
  • Батыс Қазақстан облысында - 7994(+39),
  • Солтүстік Қазақстан облысында - 6291(+105),
  • Павлодар облысында - 6254(+120),
  • Алматы облысында - 5682(+33),
  • Шымкент қаласында -5361(+6),
  • Қостанай облысында - 5212(+85),
  • Ақмола облысында - 5072(+86),
  • Жамбыл облысында - 4411(+14),
  • Ақтөбе облысында -3481(+1),
  • Түркістан облысында - 3477(+2),
  • Маңғыстау облысында - 3434(+0),
  • Қызылорда облысында -3290(+1).
1690
 Майк Тайсон мен кіші Рой Джонс

Майк Тайсон мен Рой Джонс шаршы алаңда кездесті жекпе-жектің толық видеосы

749
(Жаңартылды 12:52 29.11.2020)
Аты аңызға айналған боксшылардың жекпе-жегі бүгін қазақстандық уақыт бойынша таңертең АҚШ-та өтті

НҰР-СҰЛТАН, 29 қараша – Sputnik. Атақты америкалық боксшылар Майк Тайсон мен кіші Рой Джонс Лос-Анджелесте Staples Center аренасында жекпе-жек өткізді.

Бұл жекпе-жек "Аңыздар шайқасы" кешінің басты оқиғасы болды. Көптен күткен кездесу ерекше регламент бойынша өтті - әрбірі екі минутқа созылған сегіз раундтан тұрды. Жекпе-жек қорытындысы бойынша екі боксшы тең түсті. Бірақ бұл нәтиже спортшылардың көңілінен шықпады. Майк Тайсон наразылық білдіріп, рингтен кетіп қалды. 

Айта кетсек, Майк Тайсон соңғы рет 2005 жылы жұдырықтасқан болатын. Ол кезде Кевин Макбрайдтан жеңіліп қалған еді. Рой Джонс шаршы алаңға 2018 жылы шығып, Скотт Сигмонды жеңді.

749
Кілт сөздер:
видео, жекпе-жек