Айсұлтан Назарбаев

"Анасының трагедиясы": Билік Айсұлтан Назарбаевтың шулы жазбаларына баға берді

16871
(Жаңартылды 15:47 14.02.2020)
Соңғы кездері Айсұлтан Назарбаев Facebook-тегі парақшасында қоғамда резонанс туғызған бірнеше жазба жариялады

НҰР-СҰЛТАН, 14 ақпан – Sputnik. Ақпарат және қоғамдық даму министрі Дәурен Абаев Айсұлтан Назарбаевтың әлеуметтік желідегі жазбаларына қатысты пікір білдірді.

Министр есірткіге тәуелділіктен емделіп жатқан адамның әңгімесін талқылау этикаға жатпайтынын атап өтті.

Ол қазір қоғамда өтірік пен шынды ажырату үлкен мәселе болып тұрғанын айтты.

"Кейбір топтар жалған ақпарат таратып, үлкен компаниялардың, жеке адамдардың, тіпті бүтін бір елдің абыройына нұқсан келтіріп жүргенін көріп жүрміз. Бірақ оның артында жымысқы ой, пайда көру пиғылы тұрады және мұндай мысалдар соңғы уақытта біздің елде де көбейіп келеді. Мұның соңы арандап қалуға әкелуі мүмкін. Айсұлтанға қатысты да осыны айтқым келеді. Ағайын, бұл бірінші кезекте оның анасының трагедиясы. Ана үшін баласынан асқан қымбат жан жоқ", - деді Абаев "Хабар" телеарнасындағы "Ашық диалог" бағдарламасында.

Айтуынша, кейбіреулер осы оқиғаға тұңғыш президент Назарбаевты да араластырғысы келеді. Шу жасап, елді дүрліктіруге тырысады.

"Бірақ халықтың бағына туған жақсымызды қаңқу сөзге қалай қиямыз? Өзіңіз ойлаңызшы, экономикасы құлдыраған, өндірісі тоқтаған елді 30 жылда қазіргідей деңгейге көтеру кімнің қолынан келеді?! Қазақ қашан да елі үшін туған ерлерді бағалаған, төбесіне көтерген, абыройын сақтаған. Ағайын, сондықтан берекемізді бағалайық. Жел сөзге еріп, жақсы істі жоққа шығармайық", - деді министр.

Тағы оқыңыз: Назарбаевтың жиендері туралы қызықты деректер

Айсұлтан Назарбаев – Елбасы Нұрсұлтан Назарбаевтың үлкен қызы Дариға мен Қазақстанның Австриядағы бұрынғы елшісі марқұм Рахат Әлиевтің ұлы. Соңғы кездері ол әлеуметтік желідегі парақшасында қоғамда резонанс туғызған бірнеше пост жариялады.

16871
Тақырып бойынша
Назарбаев Қауіпсіздік кеңесінде кадрлық ауыс-түйіс жасады
Айсұлтан Назарбаев тегін өзгертті
"Жағдай өзгеріп жатыр": Назарбаев Донақовты қабылдады
Назарбаев: Қордайдағы жағдай мені қатты алаңдатып отыр
Айсұлтан Назарбаев қызметінен босатылды
Айсұлтан Назарбаев: өмірдегі ең сорақы әлсіздікке бой алдырдым
Вакцинация

Онкологиясы бар науқастарды коронавирусқа қарсы вакцинациялауға бола ма?

3
Маман пікірінше, екпені қолданудың өз ерекшеліктері бар. Яғни, емделуші мұндай топқа жататын болса, емдеуші дәрігермен кеңесуі керек

НҰР-СҰЛТАН, 25 қаңтар – Sputnik. Қатерлі ісік ауруы бар науқастар "Спутник V" коронавирусына қарсы вакцинаны абайлап қолдануы керек, деп мәлімдеді Гамалея орталығының директоры Александр Гинцбург.

Сондай-ақ, ол "Спутник V" нұсқауында онкологиялық науқастарға вакцинация жасауға тыйым салынбайтынын атап өтті, деп хабарлайды РИА Новости.

Маман пікірінше, екпені қолданудың өз ерекшеліктері бар. Яғни, емделуші мұндай топқа жататын болса сақтықпен, емдеуші дәрігермен кеңесуі керек.

"Бұл тұжырымдама "Спутник V" вакцинасының қауіпсіздігі мәселесімен байланысты емес. Себебі, онкологиялық науқастар түрлі химиялық терапия курсынан, соның ішінде қуатты цитостатикадан өткен болуы мүмкін (ісікке қарсы дәрі-дәрмектер тобы – Sputnik). Мұның бәрі иммундық функцияны төмендететіні анық", – дейді Александр Гинцбург.

Бұған дейін қатерлі ісігі бар науқастар "Спутник V" вакцинасын абайлап қолдану керектігін хабарланған болатын. Өйткені оның мұндай науқастарға әсері туралы ақпарат әлі де жеткіліксіз. Сондықтан да медициналық преапаратты қолдану жөніндегі жаңа нұсқаулықтың шыққанын күтуге тура келеді.

Орталық басшысының айтуынша, мұндай жағдайларда вакцинация туралы шешім емдеуші дәрігермен кеңескеннен кейін қабылдануы тиіс. Алайда, бұл "Спутник V" вакцинасының қауіпсіздігіне ешқандай қатысы жоқтығын немесе пациенттердің бұл тобына иммундауға тыйым салуды білдірмейді.

Оқи отырыңыз: "Үкімет күшіне сенбей ме?": Бекболат Тілеухан екпе туралы заңға қарсы шықты

Сонымен қатар, Гинцбург "Спутник V" рак ауруын тудыруы мүмкін емес деп санайды. Өйткені, ол адамның аденовирусының дәлелденген және шимпанзе аденовирусы мен РНҚ платформасына негізделген бірқатар басқа дәрілерден айырмашылығы жақсы зерттелген. Бірақ оның ұзақ мерзімді әсерлеріне зерттеу жүргізілмеген.

3
Кілт сөздер:
коронавирус, онкология, вакцина
Тақырып бойынша
Қазақстандағы екпе салу туралы шындық - денсаулық министрі жазба жариялады
Төрт ай бұрын коронавирусқа қарсы екпе салдырған қазақстандық сұқбат берді
Тұмауға қарсы вакцинация: министр Цой өзіне екпе салдыруды жоспарлап отыр
Үкіметте вакцинация мен маска тағудың нәтижесі жарияланды 
Қазақстанда COVID-19-ға қарсы жаппай вакцинация 2021 жылдың ақпан айында басталады
Мүгедек арбасын ұстап тұрған бойжеткен

Мүгедек қызды зорлау ісі: Шымкент әкімдігі тексерістің нәтижесін жариялады

492
(Жаңартылды 18:18 25.01.2021)
Сотқа дейінгі тергеу аясында мекемеде жұмыс істейтін барлық ер адамдар мен бұрын жұмыс істеген азаматтардан жауап алынып жатыр

НҰР-СҰЛТАН, 25 қаңтар – Sputnik. Шымкент әкімдігі президенттен көмек сұраған мүгедек қыздың анасының мәселесі бойынша мәлімдеме жасады. Онда тексерістің нәтижесі жарияланған, деп хабарлайды Sputnik Қазақстан. 

Әкімдіктің хабарлауынша, 28 жастағы Толғанай Батыршаева әкімдікке қарасты №2 арнаулы әлеуметтік қызмет көрсету орталығының қамқорлығына 2010 жылы тапсырылған болатын. Ал өткен жылы қарашаның 13-і күні оның анасы Әлия Мамұтова жұмыспен қамту және әлеуметтік қорғау басқармасына ауызша арызданып, орталық мамандарының туған қызына жүктіліктің алдын алатын спираль құралын салып қойғанын айтты.

Осыдан кейін Батыршаеваның анасымен бірге Шымкент қалалық жұмыспен қамту және әлеуметтік қорғау басқармасындағы бөлім басшысының міндетін атқарушы Оспанова мән-жайды анықтау үшін орталыққа барған.

"Тексеру кезінде ол қыздың жеке мұрағаттық деректерімен танысты. 2012 жылы гинеколог-дәрігердің жыл сайынғы профилактикалық тексеруінде Батыршаеваның пәктігінің бұзылғаны туралы мәлім болған", – делінген мәлімдемеде.

Ал 19 қарашада қалалық полиция департаменті тергеу шараларын бастады. Сот-медициналық сараптамасы өткізілетін болды. Оған мүгедек қыздың анасы, Абай ауданының полиция бөлімінің қызметкері және интернаттың психиатр-дәрігері қатысты.

"Сонымен қатар, сот-психиатриялық, сот-биологиялық және кешенді сот-психологиялық-психиатриялық сараптамалар тағайындалды. Мәселенің мән-жайы аталған сараптамалар қорытындысы шыққаннан кейін мәлім болатынын хабарлаймыз", – дейді жұмыспен қамту және әлеуметтік қорғау басқармасының қызметкерлері.

Жалғызбасты ананың жанайқайы

Шымкент қаласының тұрғыны Әлия Мамұтованың бейнеүндеуі Telegram-арнасында жарияланған болатын. Мүгедек қыздың анасы арнайы интернатта тұратын қызына спираль жасырын түрде салынғанын мәлімдеді.

Оны өткен жылы қараша айында қызын көруге барғанда білген. Ал Гүлмира есімді психолог оны растады.

"Иә, салып қоятынымыз рас. Бұдан басқа, 43 қызға салып қойғанбыз. Егер спираль салып қоймасақ, бұлар екіқабат болып қала береді", – деді ол.

Жалғызбасты ана интернатта, көбінесе, I-II топ мүгедектердің жатқанын еске салып, олардың кімнен және қалай екіқабат болатынын түсінбей отыр.

"Неге олар спиральді жасырын салады? Оны не үшін салады? Біз неге білмейміз? Анау 43 қыздың ата-анасы да білмейді. Ешкім естіген жоқ. Қызым айтпағанда білмей, жүре беретін едім. Сонда медициналық картада 2011 жылы қыз болып жазылған, ал 2012 жылы "спираль салынған" деп жазылып тұр", – деп атап көрсетті Мамұтова.

Оқи отырыңыз: Көлік тізгіндеген 6 жасар бала әйелді қағып, мүгедек қылды: оқиғаның мән-жайы

Жалғызбасты ана полицияға арыз түсірген. Бірақ тергеу шараларына көңілі толмайды. Үш айдын кейін ол видео арқылы мәселенің мән-жайын жариялап, президенттен көмек сұрауды жөн көрді.

"Осы тергеу басталғалы қоғамдық шу шығармаңыз, ешқайда жарияламаңыз деп мені ұстап келді. Қазіргі тергеуге көңілім толмайды. Тергеу жүріп жатқан жоқ. Үш ай болды. Мен бұдан артық шыдай алмаймын", – деді Мамұтова.

Полиция не дейді?

Шымкент қаласының полиция департаменті бірнеше рет жасалған зорлау әрекеті бойынша қылмыстық іс қозғалғанын хабарлады.

"Полиция департаментінің қызметкерлері жергілікті тұрғынның қызына қатысты заңсыз әрекеттер жасалғаны туралы арызы бойынша қылмыстық кодекстің 120-бабы, 2-бөлігінің 4-тармағы (бірнеше рет жасалған зорлау) бойынша сотқа дейінгі тергеп-тексеру амалдарын жалғастыруда. Тергеу барысында тиісті сараптамалар және бірқатар тергеп-тексеру жұмыстары жүргізілді", – делінген ресми хабарламада.

Сотқа дейінгі тергеу аясында мекемеде жұмыс істейтін барлық ер адамдар мен 2010 жылдан бері жұмыс істеген азаматтардан жауап алынып жатыр.

492
Кілт сөздер:
мүгедек, зорлау
Тақырып бойынша
Мүгедек балаларды азаптаған: Павлодарда орталық қызметкерлері сотталды – видео
Мүгедек ұлы үйде қалып қойған: Қостанай облысында қайғылы оқиға болды
Депутаттар мүгедек баласы бар ата-аналарға жалақы төлеуді ұсынды 
Оралда зейнеткер мен мүгедек ұлын өлтірген қылмыскерлерге үкім шықты
Көкшетауда кішкентай қызды құтқарған ер адам мүгедек болып қалды – видео
Нұрсұлтан Назарбаев

Назарбаев білім министрі Аймағамбетовты қабылдады

1
Асхат Аймағамбетов "Nur Otan" партиясының  сайлауалды бағдарламасының ғылымды дамыту мен жастар тәрбиесі бағыттарын жүзеге асыру жоспарлары туралы айтты  

АЛМАТЫ, 25 қаңтар – Sputnik. Елбасы Нұрсұлтан Назарбаев білім және ғылым министрі Асхат Аймағамбетов пен жоғары сот кеңесінің төрағасы Талғат Донақовты қабылдады, деп хабарлайды Sputnik Қазақстан.

Елбасының ресми сайтының хабарлауынша, Асхат Аймағамбетов білім және ғылым саласының қазіргі ахуалын баяндады. Сонымен қатар "Nur Otan" партиясының  сайлауалды бағдарламасының ғылымды дамыту мен жастар тәрбиесі бағыттарын жүзеге асыру жоспарлары туралы айтты.

Ал Талғат Донақов Нұрсұлтан Назарбаевқа "100 нақты қадам" ұлт жоспарын жүзеге асыру аясында судьяларды іріктеу жүйесін жетілдіру бойынша қабылданған шаралар жайында ақпарат берді.

1
Кілт сөздер:
Асхат Аймағамбетов, Назарбаев
Тақырып бойынша
Назарбаев Әлімғазы Райымбековтің отбасына көңіл айтты
Nur Otan-ның жас депутаты неге жұрттың сынына ұшырады
Назарбаев Нығматулиннің кандидатурасын басшылық қызметке ұсынды
Дариға Назарбаева мәжілісте немен айналысады
Назарбаевтың биыл қандай шараларға қатысатыны нақтыланды
Назарбаев Алтай Көлгіновті қабылдады