Diamond Princess лайнері

Министрлік лайнерде қамалып қалған қазақстандықтар туралы ақпарат берді

137
Сыртқы істер министрі коронавирус тараған кемеде қамалып қалған қазақстандықтар өздері ұшып келетінін мәлімдеді

НҰР-СҰЛТАН, 19 ақпан – Sputnik. Сыртқы істер министрі Мұхтар Тілеуберді Diamond Princess лайнерінде қамалып отырған төрт қазақстандықтың елге қалай қайтарылатынын түсіндірді, деп хабарлайды Sputnik Қазақстан тілшісі.

"Лайнерде біздің төрт азаматымыз бар. Олар коронавирус жұқтырмаған. Оны арнайы тест те растап отыр", - деді Тілеуберді журналистерге берген сұхбатында.

Оқи отырыңыз: Коронавирус таралған кемеде 4 қазақстандық бар екені анықталды

Оның айтуынша, бүгін лайнердегі карантиннің мерзімі аяқталды. Енді барлығы лайнерден шығарылады. Бірақ қосымша сынамалар алынады.

"Жерде тағы тестер өткізіледі. Содан өтсе, біз оларды елге қайтарамыз. Жақын күндері бастаймыз", - деп атап өтті министр.

Тілеубердінің сөзіне қарағанда, коронавирус анықталған жағдайда олар Жапонияда емделеді. Содан кейін елге қайтады.  

"Қазақстан мен Жапонияның арасында тікелей рейстер бар. Олар өздері ұшып келеді. Ал елге келгеннен кейін қосымша карантиннен өткізу мәселесін денсаулық сақтау министрлігі пысықтайды. Негізі олар он төрт күндік карантиннен өтті", - дейді Тілеуберді.

Лайнерге коронавирус қалай өтті?

5 ақпанда Жапонияның жағасында круиздік лайнердің карантинге қойылғаны туралы хабар тараған болатын. Себебі бір адамнан коронавирус анықталды. Жолаушылардың жалпы саны – 3 700 адам. Үш күннен кейін ауруға шалдыққандардың саны 70-ке жетті. Ал 10 ақпанда 130 адамның ауырып қалғаны белгілі болды.

12 ақпанда Жапонияның денсаулық сақтау министрлігі коронавирусқа тағы 39 адамның шалдыққанын жариялады. Олардың ішінде карантин қызметінің бір маманы да болған. Ол қорғаныс шараларын сақтамай, вирусты жұқтырған.

Карантин 19 ақпанға дейін жалғасады. Кеме 20 қаңтарда Иокогамадан шығып, 3 ақпанда қайтып келген. Бортта Қытайдың бір азаматы болған. Ол Гонконгтен түсіп, ауырып қалған. 

 

137
Кілт сөздер:
қазақстандықтар, кеме
Тақырып бойынша
Коронавирусты емдеудің тиімді әдісі табылды
Уханьдағы аурухананың бас дәрігері коронавирустан көз жұмды
Коронавирус қаупі: карантинде болған қазақстандық студенттер ашық сұхбат берді
Қытай дәрігерлері бетперде кигеннен кейінгі түрін көрсетті – фото
Коронавирус тараған кемедегі қазақстандықтар елге қайтарыла ма – министрдің жауабы
Коронавирус тараған лайнердегі қазақстандықтарға қатысты тың дерек айтылды
коронавирус, медбике

Ғалым коронавирус инфекциясын неге барлық адам жұқтырмайтынын түсіндірді

725
"Қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтыны анықталды

НҰР-СҰЛТАН, 29 қараша – Sputnik. Коронавирустан қорғануға тек антиденелер ғана көмектеспейді, деп мәлімдеді микробиолог Сергей Иванов "МК" газетіне берген сұхбатында.

Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.

"Осындай жағдайлар болды. Олардың ағзасы бұл коронавирусты қабылдамайды", - деді Иванов.

Пастер атындағы эпидемиология және микробиология институтының ғалымдары осындай қорытындыға келген.

"Ғалымдар "қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған", - дейді маман.

Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

725
Кілт сөздер:
ғалым, коронавирус
аурухана, коронавирус

Денсаулық министрлігі өткен тәулікте қанша адамның қайтыс болғанын жариялады

1780
(Жаңартылды 11:36 29.11.2020)
Қазіргі уақытта коронавирустық инфекциядан 12 651 адам ем қабылдауды жалғастыруда, оның ішінде 214 адамның жағдайы нашар

НҰР-СҰЛТАН, 29 қараша – Sputnik. Өткен тәулікте коронавирус пен пневмониядан 10 адам қайтыс болды, деп хабарлады денсаулық сақтау министрлігі.

Коронавирус инфекциясынан жеті адам, коронавирустық пневмониядан үш адам көз жұмған.

"Қазіргі уақытта коронавирустық инфекциядан 12 651 адам ем қабылдауды жалғастыруда. Олардың арасында 895 бала бар. Стационарларда 3 392 науқас жатыр.  9 259 адам амбулаториялық жағдайда емделуде", - деп хабарлады министрлік.

Науқастардың арасында 214 адамның ахуалы нашар. Соның ішінде 32 науқастың жағдайы аса ауыр деп бағалануда. 32 адам жасанды тыныс алдыру аппаратына қосылған.

Өткен тәулікте 826 адамның коронавирус инфекциясын жұқтырғаны расталды.

Жалпы, елімізде коронавирус жұқтырғандар саны 130 865 адамға жетті.

Оның ішінде:

  • Шығыс Қазақстан облысында - 16191 (+135),
  • Алматы қаласында - 16033(+73),
  • Нұр-Сұлтан қаласында -15989(+83),
  • Атырау облысында - 11616(+18),
  • Қарағанды облысында - 11077(+25),
  • Батыс Қазақстан облысында - 7994(+39),
  • Солтүстік Қазақстан облысында - 6291(+105),
  • Павлодар облысында - 6254(+120),
  • Алматы облысында - 5682(+33),
  • Шымкент қаласында -5361(+6),
  • Қостанай облысында - 5212(+85),
  • Ақмола облысында - 5072(+86),
  • Жамбыл облысында - 4411(+14),
  • Ақтөбе облысында -3481(+1),
  • Түркістан облысында - 3477(+2),
  • Маңғыстау облысында - 3434(+0),
  • Қызылорда облысында -3290(+1).
1780
 Майк Тайсон мен кіші Рой Джонс

Майк Тайсон мен Рой Джонс шаршы алаңда кездесті жекпе-жектің толық видеосы

1006
(Жаңартылды 12:52 29.11.2020)
Аты аңызға айналған боксшылардың жекпе-жегі бүгін қазақстандық уақыт бойынша таңертең АҚШ-та өтті

НҰР-СҰЛТАН, 29 қараша – Sputnik. Атақты америкалық боксшылар Майк Тайсон мен кіші Рой Джонс Лос-Анджелесте Staples Center аренасында жекпе-жек өткізді.

Бұл жекпе-жек "Аңыздар шайқасы" кешінің басты оқиғасы болды. Көптен күткен кездесу ерекше регламент бойынша өтті - әрбірі екі минутқа созылған сегіз раундтан тұрды. Жекпе-жек қорытындысы бойынша екі боксшы тең түсті. Бірақ бұл нәтиже спортшылардың көңілінен шықпады. Майк Тайсон наразылық білдіріп, рингтен кетіп қалды. 

Айта кетсек, Майк Тайсон соңғы рет 2005 жылы жұдырықтасқан болатын. Ол кезде Кевин Макбрайдтан жеңіліп қалған еді. Рой Джонс шаршы алаңға 2018 жылы шығып, Скотт Сигмонды жеңді.

1006
Кілт сөздер:
видео, жекпе-жек