Митинг, полиция

Ішкі істер министрі полицейлердің басты кемшілігін атады

1607
(Жаңартылды 18:27 21.02.2020)
Қызметкерлер күнделікті өмірде өздерінің функционалды міндеттерін, белгілі бір бекетте не үшін тұрғанын түсіндіре алмайды, дейді ол

НҰР-СҰЛТАН, 21 ақпан – Sputnik. Ішкі істер министрі Ерлан Тұрғымбаев полицейлердің бойындағы басты кемшілікті мойындады, деп хабарлайды Sputnik Қазақстан тілшісі.

Министрдің айтуынша, құқық қорғаушыларды даярлау бағдарламасына жаңа пәндер енгізіліп отыр. Соның ішінде полицейдің арнайы тактикасы, психологиялық дайындық және ақпараттық-коммуникативті технологиялар бар.

"Енді, өзіңіз де жақсы білесіздер, біздің қызметкерлеріміз күнделікті өмірде өздерінің функционалды міндеттерін, белгілі бір бекетте не үшін тұрғанын түсіндіре алмай жатады. Осы кемшілікті жоюымыз керек. Сол себепті осындай тренингтер мен пәндер енгіздік. Сонда әрбір қызметкер қоғамдық тәртіпті күзетіп қана қоймай, өзінің міндеттері жайында қысқа әрі сауатты түрде айта алады", - деді Тұрғымбаев сенатта өткен үкімет сағатында.

Оның айтуынша, бұрын құқық қорғаушылар арнайы жоғары оқу орындарында даярланған. Қазіргі кезде үш академия ғана қалды. Ал жас мамандарды қатардағы университеттерден тартады. Олар 3-6 айлық курстардан өтеді. Ал дипломға дейінгі тәжірибені ішкі істер органдарында өткізеді.

Сол уақытта тиісті құжаттарды тапсырып, диплом алғаннан кейін бірден қызметке тұра алады. Ішкі істер органдарына қатардағы университеттерден бірден маман тартудың тиімділігі зор. Мысалы, жас маман казармада жатып оқымайды. Ондай оқытудың кемшін тұсы – маманның қоғам өмірінен алыстап кетуі. 

Тағы оқыңыз: Сыбайластары болуы мүмкін: ІІМ қару ұрлаған сарбаз ісіне қатысты ақпарат берді

"Қазірдің өзінде біз адамды казармада жатқызып, төрт жыл бойы оқытудың кемшін тұстары бар екеніне көз жеткіздік. Ол өмірден алыстап кетеді. Қоғам ішінде не болып жатқанын білмейді. Ақпараттық технологиялар саласындағы өзгерістерден тыс қалып жатады. Иә, ондай маман саптық даярлықты және атуды жақсы біледі. Жеке дайындығы да жоғары. Бірақ ол қоғамдық өмірден қол үзіп қалады", - деп атап көрсетті Ерлан Тұрғымбаев.

1607
Кілт сөздер:
маман, полиция, Ерлан Тұрғымбаев
Тақырып бойынша
Министр Жамбыл облысы полициясының жаңа басшысын таныстырды
Қазақстанның алты өңірінде басшылар ауысты
Тұрғымбаев полицейлер баспанамен қалай қамтамасыз етілетінін айтты
Тұрғымбаев құқық қорғаушыларды дайындау саласындағы өзгерістерді жария етті
Министр Қордайда ақсақалды ұрған адамның қандай жауапқа тартылғанын айтты
коронавирус, медбике

Ғалым коронавирус инфекциясын неге барлық адам жұқтырмайтынын түсіндірді

864
"Қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтыны анықталды

НҰР-СҰЛТАН, 29 қараша – Sputnik. Коронавирустан қорғануға тек антиденелер ғана көмектеспейді, деп мәлімдеді микробиолог Сергей Иванов "МК" газетіне берген сұхбатында.

Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.

"Осындай жағдайлар болды. Олардың ағзасы бұл коронавирусты қабылдамайды", - деді Иванов.

Пастер атындағы эпидемиология және микробиология институтының ғалымдары осындай қорытындыға келген.

"Ғалымдар "қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған", - дейді маман.

Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

864
Кілт сөздер:
ғалым, коронавирус
аурухана, коронавирус

Денсаулық министрлігі өткен тәулікте қанша адамның қайтыс болғанын жариялады

1866
(Жаңартылды 11:36 29.11.2020)
Қазіргі уақытта коронавирустық инфекциядан 12 651 адам ем қабылдауды жалғастыруда, оның ішінде 214 адамның жағдайы нашар

НҰР-СҰЛТАН, 29 қараша – Sputnik. Өткен тәулікте коронавирус пен пневмониядан 10 адам қайтыс болды, деп хабарлады денсаулық сақтау министрлігі.

Коронавирус инфекциясынан жеті адам, коронавирустық пневмониядан үш адам көз жұмған.

"Қазіргі уақытта коронавирустық инфекциядан 12 651 адам ем қабылдауды жалғастыруда. Олардың арасында 895 бала бар. Стационарларда 3 392 науқас жатыр.  9 259 адам амбулаториялық жағдайда емделуде", - деп хабарлады министрлік.

Науқастардың арасында 214 адамның ахуалы нашар. Соның ішінде 32 науқастың жағдайы аса ауыр деп бағалануда. 32 адам жасанды тыныс алдыру аппаратына қосылған.

Өткен тәулікте 826 адамның коронавирус инфекциясын жұқтырғаны расталды.

Жалпы, елімізде коронавирус жұқтырғандар саны 130 865 адамға жетті.

Оның ішінде:

  • Шығыс Қазақстан облысында - 16191 (+135),
  • Алматы қаласында - 16033(+73),
  • Нұр-Сұлтан қаласында -15989(+83),
  • Атырау облысында - 11616(+18),
  • Қарағанды облысында - 11077(+25),
  • Батыс Қазақстан облысында - 7994(+39),
  • Солтүстік Қазақстан облысында - 6291(+105),
  • Павлодар облысында - 6254(+120),
  • Алматы облысында - 5682(+33),
  • Шымкент қаласында -5361(+6),
  • Қостанай облысында - 5212(+85),
  • Ақмола облысында - 5072(+86),
  • Жамбыл облысында - 4411(+14),
  • Ақтөбе облысында -3481(+1),
  • Түркістан облысында - 3477(+2),
  • Маңғыстау облысында - 3434(+0),
  • Қызылорда облысында -3290(+1).
1866
кісен, архив

Қарағандылық полицейлер қауіпті банда ұсталған сәттің видеосын жариялады

47
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

47