Елорда

Күн күрт жылынады: алдағы күндерге ауа райы болжамы шықты

8378
(Жаңартылды 15:09 24.02.2020)
Синоптиктер алдағы үш күнге ауа райы болжамын ұсынады. Еліміздің басым бөлігінде күн күрт жылынады

НҰР-СҰЛТАН, 24 ақпан — Sputnik. Қазгидромет мамандары 25-27 ақпандағы ауа райы болжамын ұсынады. Алдағы күндері сібір антициклонының ықпалымен жауын-шашынсыз ауа-райы сақталады. Бірақ Қазақстанның көптеген аймағында түнде және таңертең тұман түсіп, салдарынан жолдардың көрінуі нашарлайды.

Тағы оқыңыз: Қазақстанның астанасы мен жеті облысында дабылды ескерту жарияланды

"Ал республиканың батыс аймағына жауын-шашын мен көктайғақ әкелетін атмосфералық фронттар ығысады. Бұл фронттар кезекті атлантикалық циклонмен байланысты болғандықтан ауа температурасының жоғарылауына да алып келеді. Фронттардың батыстан шығысқа жылжуына байланысты жауын-шашын мен көктайғақ Қазақстанның қалған бөлігінде де күтіледі. Алдағы үш тәулікте ауа температурасы климаттық нормадан 4...12°C аномальды жоғары болады", - делінген мәліметте.

Ірі қалалардағы ауа райы

Нұр-Сұлтан

25-ші ақпанда түнде минус 13, күндіз минус 3 градус. Күн бұлтты, 5-8 м/с жел соғады.

26-шы ақпанда түнде минус 6, күндіз плюс 3 градус. Ауа райы жауын-шашынды, жел күші – 9-15 м/с.

27-ші ақпанда түнде минус 3, күндіз плюс 1 градус. Қар жауады. Жел 12-21 м/с дейін күшейеді.

Алматы

25-ші ақпанда түнде плюс 3, күндіз плюс 8 градус. Жаңбыр жауады.

26-шы ақпанда түнде плюс 1, күндіз плюс 11 градус. Күн ашық болады.

27-ші ақпанда түнде 0, күндіз плюс 10 градус. Ауа райы жауын-шашынды.

Шымкент

25-ші ақпанда түнде плюс 5, күндіз плюс 16 градус. Аздап жаңбыр жауады.

26-шы ақпанда түнде плюс 7, күндіз плюс  18 градус. Жауын-шашынды ауа райы қалыптасады.

27-ші ақпанда түнде 0, күндіз плюс 5 градус. Қар аралас жаңбыр жауады.

8378
Кілт сөздер:
ауа райы, Қазақстан, күн жылынады
Тақырып бойынша
Жолда адамдарды құтқарып жүрген полицейлердің үстіне мұз қатып қалды – фото
Елімізде жүргізушілерге тағы бір жаңа айыппұл салу қарастырылып жатыр
Ғалымдар жылы қыстың салдары туралы айтып берді
Жолаушылар ұшағын найзағай соққан сәт видеоға түсіп қалды
Қазақстанда наурызда ауа райы қандай болады
Игорь Сон

Олимпиада жүлдегері Игорь Сон мемлекет беретін қаржыны інісінің еміне жұмсайтынын айтты

410
Игорь Сон мүгедек бауырын аяққа тұрғызу үшін қолындағы қаржысын аямайтынын жеткізді

АЛМАТЫ, 30 шілде – Sputnik. Токиодағы XXXII жазғы Олимпиада ойындарының "қола" жүлдегері Игорь Сон мемлекет тарапынан берілетін қаржыны қайда жұмсайтынын айтты, деп хабарлайды Sputnik Қазақстан.

"Менің інім церебралды сал ауруымен ауырады, мүгедек. Отбасым Оңтүстік Кореяға емделу үшін кетті. Қазір әкем мен анам, ағам мен інім – барлығы Кореяда", - деді Игорь Сон Орталық коммуникациялар қызметінде өткен брифинг кезінде.

Олимпиада жүлдегері мемлекет тарапынан берілетін қаржыны сол інісінің еміне жұмсайтынын айтты.

"Менің міндетім – алдымен бауырымды аяққа тұрғызу. Інімнің емінен қалған қаржыға өмір сүремін", - деді ауыр атлетші.

Қазақстанда Олимпиада чемпионына 250 мың доллар, күміс жүлдегерге 150 мың доллар, қола жүлдегерге 75 мың доллар беріледі.

Айта кетейік, Игорь Сон Токио Олимпиадасында 61 килограмға дейінгі салмақ дәрежесінде қола медаль ұтып алды. Ол жарыс кезінде барлығы 294 (131+163) килограмм көтерді.

410
Алия Назарбаева

Назарбаевтың кенже қызы алғашқы кітабында не туралы жазғанын айтты

1608
(Жаңартылды 19:57 30.07.2021)
Әлия Назарбаева кітапта өзінің өмірлік ұстаздарының аты-жөнін атап, отбасы туралы әңгімелеуге уәде берді

НҰР-СҰЛТАН, 30 шілде – Sputnik. Қазақстанның тұңғыш президенті Нұрсұлтан Назарбаевтың кенже қызы Әлия Назарбаева өзінің алғашқы кітабын жазып бітірді.

Посмотреть эту публикацию в Instagram

Публикация от Aliya Nazarbayeva (@aliya_nazarbayeva_official)

"Қарапайым тілмен және жақсы ниетпен жазылған алғашқы кітабымды аяқтадым. Мен бір кездері бағалаған, жақсы көрген және осы күнге дейін жақсы көретін нәрселерді оқиғалар мен баяндау арқылы жеткізуге тырысып бақтым. Кітапта балалық шағым туралы, әпкем Динараның қалай менімен әлек болғанын, әкеммен не жайлы ұзақ сөйлескеніміз туралы, анамның кеңестері қалай көмектесіп, күш бергенін айтамын", - деп жазды Әлия Назарбаева өзінің Instagram парақшасында.

Ол "Место Силы" кітабынан оқырмандар оның ұстаздары туралы, достықта нені жоғары бағалайтынын, нені кешіріп, не үшін кешірім сұрай алатыны жөнінде білетінін атап өтті.

"Мен балаларымды қатты жақсы көремін және олардың кез келген таңдауын қолдаймын, бұл туралы кітапта жаздым және оны бұрын еш жерде жарияланбаған фотосуреттер арқылы білдірдім", - деді ол.

Назарбаева "Место Силы" кітабы қазір баспада басылып жатқанын хабарлады.

1608
Кілт сөздер:
Әлия Назарбаева, кітап, Назарбаев
Сириядағы журналистер. Архивтегі фото

Халед әл-Хатыб атындағы халықаралық сыйлыққа өтінім қабылдау басталды

0
(Жаңартылды 21:39 30.07.2021)
Жүлде 2017 жылы Сирияда қаза тапқан журналист Халед әл-Хатыбты еске алу үшін тағайындалған

НҰР-СҰЛТАН, 30 шілде – Sputnik. RT телеарнасы журналистерге қақтығыс аймағында дайындаған үздік жұмысы үшін берілетін жыл сайынғы Khaled Alkhateb International Memorial Awards халықаралық сыйлығына өтінім қабылдауды бастады. 

Сыйлық 2017 жылы 30 шілдеде Сирияда қаза тапқан журналист Халед әл-Хатыбты еске алу үшін тағайындалған. Биыл бұл жүлде төртінші рет өткізіліп отыр.

Халед әл-Хатыб атындағы Халықаралық сыйлық төмендегі аталымдар бойынша беріледі:

  • "Қақтығыс аймағында дайындалған үздік жұмыс: мәтін";
  • "Қақтығыс аймағында дайындалған үздік жұмыс: видео";
  • "Соғыстан кейін: мәтін/видео" - соғысты бастан өткерген және бейбіт өмірге оралған адамдардың және тұтас халықтың тағдыры туралы. Номинация алғаш рет ұсынылып отыр.   

Khaled Alkhateb International Memorial Awards — 2021 жүлдесінің жеңімпаздары 200 мың рубль көлемінде ақшалай сыйлық алады.

https://award.rt.com сайтында өтінім беруге болады. Жеңімпаздар 30 қарашада анықталады.

Алғашқы жылы Ирак, Ирландия және Сингапурдан қатысқан журналистер марапатталды. Қазылар алқасының құрамында шетелдік және ресейлік журналистер, оның ішінде Ирада Зейналова мен Евгений Поддубный болды.

2019 жылы 25 елден жолданған жұмыстар қаралды.

Сириядағы, Ирактағы және Ливиядағы қақтығыстар туралы айтқан Ресей, АҚШ, Италия және Үндістанның өкілдері лауреат атанды. 2020 жылы RT сыйлығын Ресей, Сирия және Үндістанның әскери корреспонденттері алды.

RT телеарнасы RT Arabic-пен ынтымақтастық орнатқан 25 жастағы журналист Халед әл-Хатыбты еске алуға арналған Khaled Alkhateb International Memorial Awards сыйлығын тағайындады.

Ол 2017 жылы Сирияның Хомс провинциясындағы содырлардың зымыран шабуылы салдарынан қаза тапты. Халед өз репортаждарында Сирияның үкіметтік күштерінің террористермен соғысын көрсетті.

0