қылмыстық іс

Судьялардың жұмысы өзгереді - мәжіліс заң жобасын бірінші оқылымда мақұлдады

2460
Қазақстанда судьяның процестік рөлін түбегейлі өзгерту жоспарланып отыр, нәтижесінде іс жан-жақты қаралып, әділ шешім шығаруға талпыныс жасалмақшы

НҰР-СҰЛТАН, 26 ақпан – Sputnik. Парламент мәжілісі соттардың жұмысын заманауи форматта жүргізуді реттейтін заң жобасын бірінші оқылымда мақұлдады, деп хабарлайды Sputnik Қазақстан тілшісі.

Жоғарғы соттың азаматтық істер жөніндегі сот алқасының төрағасы Мейрамбек Таймерденовтың айтуынша, бүгінде халық тарапынан "Неге судья істің ақ-қарасына тереңірек үңілмейді? Неге басқа мән-жайларды зерттемейді? Неге тек ұсынылған дәлелдерге қанағаттанып, шешім шығарады?" деген сұрақтар жиі қойылады. Осы өкпе-реніштер орынды айтылып жүр. Бірақ қазіргі азаматтық-процестік кодекстің талаптары судьяға жұмысты басқаша жүргізуге мүмкіндік бермейді. Кодекс бойынша судья талап-арыздың шеңберінен шықпауы тиіс. Артық сұрақ қоюға болмайды. Қосымша дәлел де талап етуге мүмкіндік жоқ.

"Судья тараптар нені талап етсе, тек сол сұрақты ғана қарап, сол сұрақ бойынша ғана шешім қабылдауға міндетті. Өз бетінше басқа мән-жайды анықтауға, өзге дәлелдерді сұратуға судьялардың еш құқығы жоқ. Біреу өзінің талабын құқықтық тұрғыда дұрыс қоймаған жағдайда судья оны біліп тұрса да, өзінің көзқарасын айтып, заңды түсіндіре алмайды, көмек беруге мүмкіндік жоқ", - деді Таймерденов.

Жаңа заң жобасына сәйкес, судьяның процестік рөлін түбегейлі өзгерту жоспарланып отыр. Соның арқасында іс жан-жақты қаралып, әділ шешім шығарылады деген болжам бар.

"Әділ шешім шығару үшін дауды жан-жақты, бүге-шүгесіне дейін түсініп, бәрін анықтау қажет. Ол дегеніміз, судья процестік жағынан еркін болуы тиіс. Қандай уәжді немесе дәлелді зерттеу керек екенін өзі шешуі шарт. Бұл біз ашып отырған жаңалық емес, озық дамыған соттарда бұрыннан бері қалыптасқан тәжірибе. Осы түзетуді қабылдасаңыздар, істің ақиқатына жету үшін судья белсенді, ал сот процесі одан да жарыспалы болады", - деп атап көрсетті Таймерденов.

Мәжіліс депутаттары заң жобасын бірінші оқылымда бірауыздан мақұлдады.

Тағы оқыңыз: Алматыда судья қамауға алынды

2460
Кілт сөздер:
судья, заң жобасы
коронавирус, медбике

Ғалым коронавирус инфекциясын неге барлық адам жұқтырмайтынын түсіндірді

919
"Қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтыны анықталды

НҰР-СҰЛТАН, 29 қараша – Sputnik. Коронавирустан қорғануға тек антиденелер ғана көмектеспейді, деп мәлімдеді микробиолог Сергей Иванов "МК" газетіне берген сұхбатында.

Ғалымның айтуынша, кейбір адамдар коронавируспен ауырғандармен жақын қарым-қатынаста болса да, инфекция жұқтырмайды.

"Осындай жағдайлар болды. Олардың ағзасы бұл коронавирусты қабылдамайды", - деді Иванов.

Пастер атындағы эпидемиология және микробиология институтының ғалымдары осындай қорытындыға келген.

"Ғалымдар "қызыл аймақта" бірнеше ай бойы жұмыс істеп жүрген кейбір дәрігерлердің вирус жұқтырмайтынын байқаған", - дейді маман.

Коронавирус пандемиясы бүкіл әлемді қыспағына алды. 60 миллионнан астам адам вирус жұқтырса, оның 1,4 миллионнан астамы қайтыс болды. Коронавируспен ауырғандар саны бойынша АҚШ, Үндістан және Бразилия көш бастап тұр.

Оқи отырыңыз: Ғалымдар организмдегі коронавирусты 5 минуттың ішінде өлтіретін өнімді атады

Қазақстанда соңғы мәліметтер бойынша коронавирус жұқтырғандар саны 130 865 адамға жетті. Коронавирустық пневмониямен ауырғандар саны – 42 104. Қайтыс болғандар – 2 470.

919
Кілт сөздер:
ғалым, коронавирус
аурухана, коронавирус

Денсаулық министрлігі өткен тәулікте қанша адамның қайтыс болғанын жариялады

1903
(Жаңартылды 11:36 29.11.2020)
Қазіргі уақытта коронавирустық инфекциядан 12 651 адам ем қабылдауды жалғастыруда, оның ішінде 214 адамның жағдайы нашар

НҰР-СҰЛТАН, 29 қараша – Sputnik. Өткен тәулікте коронавирус пен пневмониядан 10 адам қайтыс болды, деп хабарлады денсаулық сақтау министрлігі.

Коронавирус инфекциясынан жеті адам, коронавирустық пневмониядан үш адам көз жұмған.

"Қазіргі уақытта коронавирустық инфекциядан 12 651 адам ем қабылдауды жалғастыруда. Олардың арасында 895 бала бар. Стационарларда 3 392 науқас жатыр.  9 259 адам амбулаториялық жағдайда емделуде", - деп хабарлады министрлік.

Науқастардың арасында 214 адамның ахуалы нашар. Соның ішінде 32 науқастың жағдайы аса ауыр деп бағалануда. 32 адам жасанды тыныс алдыру аппаратына қосылған.

Өткен тәулікте 826 адамның коронавирус инфекциясын жұқтырғаны расталды.

Жалпы, елімізде коронавирус жұқтырғандар саны 130 865 адамға жетті.

Оның ішінде:

  • Шығыс Қазақстан облысында - 16191 (+135),
  • Алматы қаласында - 16033(+73),
  • Нұр-Сұлтан қаласында -15989(+83),
  • Атырау облысында - 11616(+18),
  • Қарағанды облысында - 11077(+25),
  • Батыс Қазақстан облысында - 7994(+39),
  • Солтүстік Қазақстан облысында - 6291(+105),
  • Павлодар облысында - 6254(+120),
  • Алматы облысында - 5682(+33),
  • Шымкент қаласында -5361(+6),
  • Қостанай облысында - 5212(+85),
  • Ақмола облысында - 5072(+86),
  • Жамбыл облысында - 4411(+14),
  • Ақтөбе облысында -3481(+1),
  • Түркістан облысында - 3477(+2),
  • Маңғыстау облысында - 3434(+0),
  • Қызылорда облысында -3290(+1).
1903
кісен, архив

Қарағандылық полицейлер қауіпті банда ұсталған сәттің видеосын жариялады

244
(Жаңартылды 13:36 29.11.2020)
Банда мүшелерінен қару-жарақ пен оқ-дәрі тәркіленді. Қазіргі уақытта олар уақытша ұстау изоляторына қамалды

НҰР-СҰЛТАН, 29 қараша — Sputnik. Қарағанды облысының полицейлері адам өлтіріп, қарақшылық шабуыл жасаған төрт адамды ұстады, деп хабарлайды Polisia.kz.

32 жастағы Теміртау тұрғыны полицейлерге қарақшылық шабуыл туралы хабарлаған.

Әйелдің айтуынша, 20 қараша күні белгісіз екі  адам пистолетпен қорқытып, Момышұлы көшесіндегі пәтеріне кіреді. Үйде бірге тұрып жатқан 50 жастағы ер адам екеуі болған. Қаскөйлер екеуін байлап тастап, ұрып-соққан. Ер адам алған жарақаттан оқиға орнында көз жұмады. Бандиттер үйдегі ақша мен мүлікті алып кеткен.

Бұл фактілер қылмыстық кодекстің 99-бабының 2-бөлімі "Адам өлтіру" және 192-бабының 3-бөлімі "Қарақшылық" бойынша тіркелді.

"Қылмысты ашып, күдіктілерді ұстау үшін арнайы шұғыл-тергеу тобы құрылды. Оның құрамына департамент аппараты, Теміртау қаласы полиция басқармасының тәжірибелі мамандары кірді", - деді полициядағылар.

Тәртіп сақшылары төрт күдіктіні анықтады. Олар - 25, 29, 34 және 39-жастағы Жезқазған, Сәтбаев және Нұр-Сұлтан қаласының тұрғындары. Полиция қаскөйлерді 26 және 28 қарашада Нұр-Сұлтан мен Жезқазғанда ұстады.

Күдіктілердің пәтерін тінту кезінде түрлі қару-жарақ пен оқ-дәрі табылды. Қазіргі уақытта олар уақытша ұстау изоляторына қамалды. Тергеу жүргізіліп жатыр. Олардың басқа қылмыстарға қатысы анықталады.

244