Асылжан Мамытбеков

"Жоққа шығару дұрыс емес": экс-министр Назарбаеваның мәлімдемесімен келіспеді

10332
(Жаңартылды 17:56 28.02.2020)
Сенат спикері ауыл шаруашылығы саласы он жылда тоқырауға ұшырағанын айтқан болатын, экс-министр мұнымен келіспейді

НҰР-СҰЛТАН, 28 ақпан – Sputnik. Бұрынғы ауыл шаруашылығы министрі, Қазақстан ет одағы басқармасының төрағасы Асылжан Мамытбеков сенат төрағасы Дариға Назарбаеваның сынына жауап берді, деп хабарлайды Sputnik Қазақстан.

Бұған дейін Назарбаева сандық және пайыздық көрсеткіштерге қарамастан, соңғы он жылда ауыл шаруашылығы тоқырауға ұшырағанын мәлімдеген еді. Айтуынша, ауыл шаруашылығының ЖІӨ-дегі үлесі 10 жыл ішінде 5%-тен аспаған, ал кейінгі жылдары тұрақты түрде төмендеп барады.

Бұл ретте кезінде ауыл шаруашылығы министрлігін басқарған Асылжан Мамытбеков үнсіз қалмады.

"Соңғы 10 жылда ауыл шаруашылығы саласы тоқырауға ұшырағаны айтылды. Бұл салада проблема жоқ деп айта алмаймын. Мәселе көп, бірақ өсім мен динамиканы жоққа шығару дұрыс емес", - деп жазды ол әлеуметтік желідегі парақшасында.

Сөзінің дәлелі ретінде экс-министр бірнеше цифр келтірді.

2010-2018 жылдар аралығындағы экономика салаларының өсімі (2019 жылдың көрсеткіштері әлі шықпаған):

  • өнеркәсіп –  2,25 есе;
  • құрылыс – 1,98;
  • көлік – 1,7;
  • ауыл шаруашылығы – 2,45;

Оның айтуынша, 2010 жылы жалпы өнім көлемі 1,822 триллион теңгені құраған. 2018 жылдың қорытындысы бойынша, бұл көрсеткіш 4,474 триллион теңгеге жетті. Өсім 2,45 есе, бұл жоғарыда айтылған экономиканың негізгі салаларының барлығынан көп.

"Жалпы ішкі өнімдегі үлесі туралы мен бұған дейін жазған болатынмын: ауыл шаруашылығы секторының ЖІӨ-дегі үлесі бойынша Африканың кедей елдері алда келеді. Гвинея-Бисауда –  62%, Сомалиде –  65%, Либерияда –76,9 %. Ал жетекші аграрлық державаларда бұл саланың үлесі 2% шамасында. АҚШ-та – 1,2 %, Германияда – 0,9 %, Нидерландыда –1,7 %. Яғни, бізден де аз. Сол себепті ЖІӨ-дегі үлес ауыл шаруашылығын дамыту үшін ұмтылатын көрсеткіш емес", - деді Мамытбеков.

Тағы оқыңыз: "Жерді ешкімге де бермейміз": Назарбаева қазақстандықтардың басты жауын атады

Асылжан Мамытбеков 2011 жылдың сәуірінен 2016 жылдың мамырына дейін ауыл шаруашылығы министрі қызметін атқарды. Жер мәселесіне қатысты толқулардан кейін отставкаға кетті.

2018 жылдың басынан бері Қазақстанның ет одағын басқарады.

10332
Кілт сөздер:
Асылжан Мамытбеков, Дариға Назарбаева, ауыл шаруашылығы
Тақырып бойынша
Дариға Назарбаева: Халықтың тамағы тоқ болуы тиіс
Дариға Назарбаева банктердің неден қорқатынын айтып берді
Дариға Назарбаева сенат отырысын маңызды мәлімдемемен ашты
"Кетпеңізші деп жалынамыз": кәсіпкер депутаттар алдында жанайқайын жеткізді
"Бұдан жағдай жақсармайды": Дариға Назарбаева сенатта маңызды мәселені көтерді
"Бұл қалай болғаны?": Дариға Назарбаева үкіметтің жұмысын сынға алды
Кресло ұстап тұрған ер адам, иллюстративті фото

Тоқаев жаңа агенттік басшысының орынбасарларын тағайындады

223
Жаңа лауазымға тағайындалған үш шенеуніктің екеуі қайта құрылымдаудан өткен ведомствода қызмет еткен

АЛМАТЫ, 21 қазан – Sputnik. Мемлекет басшысы Қасым-Жомарт Тоқаев жаңа агенттік басшысының орынбасарларын тағайындады, деп хабарлайды Ақорда.

"Президент өкімімен Рустам Ахметов бәсекелестікті қорғау және дамыту агенттігі төрағасының бірінші орынбасары қызметіне тағайындалды. Ал Марат Омаров пен Болат Сәмбетов Қазақстан Республикасының бәсекелестікті қорғау және дамыту агенттігі төрағасының орынбасары қызметін атқаратын болады", – делінген хабарламада.

Айта кетейік, Болат Сәмбетов бұған дейін ұлттық экономика министрлігі табиғи монополияларды реттеу және бәсекелестікті қорғау комитетінің Алматы қаласы бойынша департамент басшысы қызметін атқарған.

Рустам Ахметов кім?

Рустам Нұрланұлы Ахметов 1978 жылы Қарағанды облысының Теміртау қаласында дүниеге келген.

1999 жылы Қазақ мемлекеттік заң университетін бітірген. Еңбек жолын мемлекеттік кірістер министрлігінің кінәрат-қуыным жұмысы бөлімінің жетекші маманы болып бастады.

2001 жылы Қазақстан Республикасы президент әкімшілігіндегі мемлекеттік-құқықтық бөлімнің аға референті қызметіне қабылданды.

Әр жылдары президент әкімшілігіндегі мемлекеттік-құқықтық бөлімінің кеңесшісі, заңнама және құқықтық сараптама бөлімінің бас сарапшысы, сектор меңгерушісі болып жұмыс істеген.

2011 жылы табиғи монополияларды реттеу агенттігінің жауапты хатшысы қызметіне тағайындалды.

2014 жылдың тамыз айы мен 2017 жылдың сәуір айы аралығында ұлттық экономика министрлігі табиғи монополияларды реттеу және бәсекелестікті қорғау комитеті төрағасының орынбасары болды.

2017 жылы ұлттық экономика министрлігінің табиғи ресурстарды реттеу, бәсекелестікті және тұтынушылардың құқықтарын қорғау комитеті төрағасының орынбасары қызметіне тағайындалды.

2019 жылы ұлттық экономика министрлігі бәсекелестікті қорғау және дамыту комитетінің төрағасы болды.

Марат Омаров жайлы не білеміз

Марат Талғатұлы Омаров 1988 жылы дүниеге келген. Лондон экономика және саяси ғылымдар мектебін бітірген.

Еңбек жолын 2009 жылы Лондон қаласында "Digiet Limited" IT компаниясында бизнес-сарапшы болып бастаған.

2010-2012 жылдары "Digiet Limited" IT компаниясының коммерциялық директоры болды.

2012-2014 жылдары экономикалық даму және сауда, экономика және бюджеттік жоспарлау, ұлттық экономика министрінің кеңесшісі қызметін атқарды.

2014-2016 жылдары ұлттық экономика министрлігі тарифтік және институционалдық саясатты қалыптастыру департаменті директорының орынбасары болды.

2016-2017 жылдары "Қазақтелеком" АҚ басқарушы директоры болған.

2017 жылы технологиялық даму жөніндегі ұлттық агенттік басшысы болып тағайындалды.

2019 жылы "Бәйтерек" холдингінің басқарушы директоры – басқарма мүшесі болды.

Жаңа агенттік туралы

Мемлекет басшысы 1 қыркүйектегі Қазақстан халқына жолдауында бәсекелестікті қорғау мен дамыту бойынша мықты және тәуелсіз орган қажет екенін мәлімдеді. Ол президентке тікелей есеп беретін бәсекелестікті қорғау және дамыту агенттігін құруды тапсырды.

Оқи отырыңыз: Тоқаев бәсекелестікті қорғау және дамыту агенттігінің құрылымын бекітті

Жаңа ведомствоны бұған дейін Еуразиялық экономикалық комиссияның бәсекелестік және монополияға қарсы реттеу жөніндегі алқа мүшесі (министрі) болып қызмет еткен Серік Жұманғарин басқарады.

223
Кілт сөздер:
Ақорда, шенеуніктер, лауазым
Тақырып бойынша
Қазақстанда екі облыс әкімінің орынбасарлары тағайындалды
Григорий Марченко жаңа қызметке тағайындалды
Қазақстанның төтенше жағдайлар вице-министрлері тағайындалды
Қазақстанның бұрынғы бас санитар дәрігері жаңа қызметке тағайындалды
Қорғаныс министрінің екі орынбасары тағайындалды
Портфель ұстаған ер адам

Екі министрліктің жауапты хатшысы қызметінен босатылды

208
Әнуар Ахметжанов жауапты хатшы лауазымында 1 жыл 6 ай отырса, Әсем Нүсіпова бұл қызметті 2,5 айдан астам уақыт қана атқарды

АЛМАТЫ, 21 қазан – Sputnik. Мемлекет басшысы Қасым-Жомарт Тоқаевтың өкімімен екі министрліктің жауапты хатшысы қызметінен бостатылды, деп хабарлады Ақорда.

"Әнуар Ахметжанов цифрлық даму, инновациялар және аэроғарыш өнеркәсібі министрлігінің жауапты хатшысы қызметінен, Әсем Нүсіпова денсаулық сақтау министрлігінің жауапты хатшысы қызметінен босатылды", – делінген хабарламада.

Айта кетейік, Әнуар Ахметжанов бұл қызметке 2019 жылдың сәуірінде тағайындалған болатын. Ал Әсем Нүсіпова министрліктің жауапты хатшы қызметіне 2020 жылдың 30 шілдесінде кіріскен.

Оқи отырыңыз: Министрліктерде жауапты хатшылар болмайды – Тоқаев тапсырма берді

208
Кілт сөздер:
Ақорда, лауазым
Тақырып бойынша
Алматыда ағаштарды кесуге рұқсат берген шенеунік қызметтен кетті
Қазақстанда екі вице-министр қызметінен босатылды
Министр Асқар Жұмағалиев қызметінен босатылды
Алматы метрополитенінің директоры қызметтен кетті
Қазнетті шулатқан сарысулық полиция бастығы қызметінен босатылды
Қазақстанда қар аралас жаңбыр жауып, түнде аяз болады

Қазақстанда қар аралас жаңбыр жауып, түнде аяз болады

2
(Жаңартылды 13:55 21.10.2020)
Скандинавия циклоны ылғалды және суық ауа массаларын әкеледі, соған байланысты өңілерде күн бұзылады

АЛМАТЫ, 21 қазан – Sputnik. Қазақстанда алдағы үш күнде күн суытады, деп хабарлады Қазгидромет мамандары.

Синоптиктердің болжамына сәйкес, елімізде 22-24 қазан күндері қар аралас жаңбыр жауады. Оңтүстік-шығыс пен шығыста жауын-шашын мол түседі.

Кей жерде тұман, көктайғақ болып, жел күшейеді. Шығыста таулы және тау бөктеріндегі аймақтарда апта соңында бұрқасын болуы мүмкін.

Еліміздің солтүстік және орталық аудандарында түнде ауа температурасы 5-13 аязға дейін төмендейді, ал оңтүстік өңірде 3 градус аяз болады.

Оқи отырыңыз: Биылғы қыс қандай болады – синоптиктер болжам жасады

 

2
Кілт сөздер:
аяз, жаңбыр, қар