Бетперде киген қыз

Ғалымдар коронавирустың белгілері неше күнде байқалатынын анықтады

8783
Бұған дейін коронавирустың инкубациялық кезеңіне байланысты алаңдаушылық болған. "COVID-19"-ды анықтау үшін 14 күн аз, карантин уақытын ұзарту қажет деген ұсыныстар айтылды

НҰР-СҰЛТАН, 11 наурыз – Sputnik. АҚШ ғалымдары өткізген соңғы зерттеулер бойынша жаңа коронавирустың инкубациялық кезеңі 5,1 күнді құрайды. Ал 11,5 күн өткеннен кейін 97,5 процент науқастың ауру белгілері анық байқалады. Зерттеудің нәтижесі Annals of Internal Medicine журналында жарияланды.

Ғалымдар COVID-19 атты жаңа коронавирустың қандай деңгейде адамнан адамға жұғатынын әлі толық анықтаған жоқ. Дегенмен, аурудың инкубациялық кезеңін, яғни, инфекцияны жұқтырғаннан бастап науқастың айналадағы адамдарға қауіп төндіретін уақытқа дейінгі аралықты атады. Соның арқасында ауруға қарсы стратегия жасап, карантиннің тиімді мерзімін есептеп шығаруға болады.

Бұған дейін коронавирустың инкубациялық кезеңіне байланысты алаңдаушылық болған. "COVID-19"-ды анықтау үшін 14 күн аз. Карантин уақытын 19 немесе 24 күнге ұзарту қажет" деген ұсыныстар да айтылды.

Джон Хопкинс университетінің ғалымдары Қытайдың Хубэй провинциясынан тыс жерде болған коронавирустың 181 жағдайын зерделеп шықты. Соның негізінде инкубациялық кезеңнің моделі жасалды.

Зерттеуге сәйкес, COVID-19 вирусының инкубациялық кезеңі орташа есеппен 5,1 күнге созылады. Осы уақыттың ішінде инфекцияны жұқтырғандардың жартысында аурудың белгілері көріне бастаған. Ал кейбір науқастарда (2,5 процент) вирус 2,2 күннің ішінде анықталды. Дегенмен, індетті жұқтырғандардың басым бөлігінде (97,5 процент) аурудың белгілері 11,5 күнде шықты. Осыған байланысты ғалымдар 14 күндік карантиннің болғаны дұрыс деп санайды.

Тағы оқыңыз: Бас санитар: 11-16 наурыз аралығында Қазақстанға коронавирус кіруі мүмкін

Дегенмен, он мың адамның ішінде 101 науқаста 14 күнде вирус анықталмауы да мүмкін. Бірақ олардың саны аз. Барлық науқастардың тек бір процентін ғана құрайды.

Ғалымдар қауіпті дерттің алдын алу шараларын да атап өтті. Басты кеңес – қолды жақсылап жуу керек. Қолды, кем дегенде, 20 секунд сабындау қажет.

8783
Кілт сөздер:
коронавирус, ғалымдар
Тақырып:
Коронавирус эпидемиясы (1638)
Тақырып бойынша
Қытай ғалымдары коронавирусқа қатысты күтпеген мәлімдеме жасады
Денсаулық сақтау министрлігі коронавирусқа байланысты жағдай туралы ақпарат берді
Нұр-Сұлтанда екі Қытай азаматы коронавирустан қайтыс болғаны рас па?
Коронавирустан кімдер жиі көз жұмады
Ұлыбританияда денсаулық сақтау министрінің орынбасары коронавирус жұқтырды
Кресло ұстап тұрған ер адам, иллюстративті фото

Тоқаев жаңа агенттік басшысының орынбасарларын тағайындады

15
Жаңа лауазымға тағайындалған үш шенеуніктің екеуі қайта құрылымдаудан өткен ведомствода қызмет еткен

АЛМАТЫ, 21 қазан – Sputnik. Мемлекет басшысы Қасым-Жомарт Тоқаев жаңа агенттік басшысының орынбасарларын тағайындады, деп хабарлайды Ақорда.

"Президент өкімімен Рустам Ахметов бәсекелестікті қорғау және дамыту агенттігі төрағасының бірінші орынбасары қызметіне тағайындалды. Ал Марат Омаров пен Болат Сәмбетов Қазақстан Республикасының бәсекелестікті қорғау және дамыту агенттігі төрағасының орынбасары қызметін атқаратын болады", – делінген хабарламада.

Айта кетейік, Болат Сәмбетов бұған дейін ұлттық экономика министрлігі табиғи монополияларды реттеу және бәсекелестікті қорғау комитетінің Алматы қаласы бойынша департамент басшысы қызметін атқарған.

Рустам Ахметов кім?

Рустам Нұрланұлы Ахметов 1978 жылы Қарағанды облысының Теміртау қаласында дүниеге келген.

1999 жылы Қазақ мемлекеттік заң университетін бітірген. Еңбек жолын мемлекеттік кірістер министрлігінің кінәрат-қуыным жұмысы бөлімінің жетекші маманы болып бастады.

2001 жылы Қазақстан Республикасы президент әкімшілігіндегі мемлекеттік-құқықтық бөлімнің аға референті қызметіне қабылданды.

Әр жылдары президент әкімшілігіндегі мемлекеттік-құқықтық бөлімінің кеңесшісі, заңнама және құқықтық сараптама бөлімінің бас сарапшысы, сектор меңгерушісі болып жұмыс істеген.

2011 жылы табиғи монополияларды реттеу агенттігінің жауапты хатшысы қызметіне тағайындалды.

2014 жылдың тамыз айы мен 2017 жылдың сәуір айы аралығында ұлттық экономика министрлігі табиғи монополияларды реттеу және бәсекелестікті қорғау комитеті төрағасының орынбасары болды.

2017 жылы ұлттық экономика министрлігінің табиғи ресурстарды реттеу, бәсекелестікті және тұтынушылардың құқықтарын қорғау комитеті төрағасының орынбасары қызметіне тағайындалды.

2019 жылы ұлттық экономика министрлігі бәсекелестікті қорғау және дамыту комитетінің төрағасы болды.

Марат Омаров жайлы не білеміз

Марат Талғатұлы Омаров 1988 жылы дүниеге келген. Лондон экономика және саяси ғылымдар мектебін бітірген.

Еңбек жолын 2009 жылы Лондон қаласында "Digiet Limited" IT компаниясында бизнес-сарапшы болып бастаған.

2010-2012 жылдары "Digiet Limited" IT компаниясының коммерциялық директоры болды.

2012-2014 жылдары экономикалық даму және сауда, экономика және бюджеттік жоспарлау, ұлттық экономика министрінің кеңесшісі қызметін атқарды.

2014-2016 жылдары ұлттық экономика министрлігі тарифтік және институционалдық саясатты қалыптастыру департаменті директорының орынбасары болды.

2016-2017 жылдары "Қазақтелеком" АҚ басқарушы директоры болған.

2017 жылы технологиялық даму жөніндегі ұлттық агенттік басшысы болып тағайындалды.

2019 жылы "Бәйтерек" холдингінің басқарушы директоры – басқарма мүшесі болды.

Жаңа агенттік туралы

Мемлекет басшысы 1 қыркүйектегі Қазақстан халқына жолдауында бәсекелестікті қорғау мен дамыту бойынша мықты және тәуелсіз орган қажет екенін мәлімдеді. Ол президентке тікелей есеп беретін бәсекелестікті қорғау және дамыту агенттігін құруды тапсырды.

Оқи отырыңыз: Тоқаев бәсекелестікті қорғау және дамыту агенттігінің құрылымын бекітті

Жаңа ведомствоны бұған дейін Еуразиялық экономикалық комиссияның бәсекелестік және монополияға қарсы реттеу жөніндегі алқа мүшесі (министрі) болып қызмет еткен Серік Жұманғарин басқарады.

15
Кілт сөздер:
Ақорда, шенеуніктер, лауазым
Тақырып бойынша
Қазақстанда екі облыс әкімінің орынбасарлары тағайындалды
Григорий Марченко жаңа қызметке тағайындалды
Қазақстанның төтенше жағдайлар вице-министрлері тағайындалды
Қазақстанның бұрынғы бас санитар дәрігері жаңа қызметке тағайындалды
Қорғаныс министрінің екі орынбасары тағайындалды
Портфель ұстаған ер адам

Екі министрліктің жауапты хатшысы қызметінен босатылды

156
Әнуар Ахметжанов жауапты хатшы лауазымында 1 жыл 6 ай отырса, Әсем Нүсіпова бұл қызметті 2,5 айдан астам уақыт қана атқарды

АЛМАТЫ, 21 қазан – Sputnik. Мемлекет басшысы Қасым-Жомарт Тоқаевтың өкімімен екі министрліктің жауапты хатшысы қызметінен бостатылды, деп хабарлады Ақорда.

"Әнуар Ахметжанов цифрлық даму, инновациялар және аэроғарыш өнеркәсібі министрлігінің жауапты хатшысы қызметінен, Әсем Нүсіпова денсаулық сақтау министрлігінің жауапты хатшысы қызметінен босатылды", – делінген хабарламада.

Айта кетейік, Әнуар Ахметжанов бұл қызметке 2019 жылдың сәуірінде тағайындалған болатын. Ал Әсем Нүсіпова министрліктің жауапты хатшы қызметіне 2020 жылдың 30 шілдесінде кіріскен.

Оқи отырыңыз: Министрліктерде жауапты хатшылар болмайды – Тоқаев тапсырма берді

156
Кілт сөздер:
Ақорда, лауазым
Тақырып бойынша
Алматыда ағаштарды кесуге рұқсат берген шенеунік қызметтен кетті
Қазақстанда екі вице-министр қызметінен босатылды
Министр Асқар Жұмағалиев қызметінен босатылды
Алматы метрополитенінің директоры қызметтен кетті
Қазнетті шулатқан сарысулық полиция бастығы қызметінен босатылды