Зертхана, архивтегі сурет

Тұрғындар COVID-19-ды анықтау үшін ақылы тест тапсыра алады

97
(Жаңартылды 15:01 26.03.2020)
"Олимп" зертханасындағылар вирус жұқтырып-жұқтырмағанын жылдам тексеруге арналған тест күтіп отырғанын хабарлады. Олар жеткізілген кезде ресми жарияланады

НҰР-СҰЛТАН, 26 наурыз — Sputnik. Қазақстандықтар COVID-19-ды анықтау үшін жедел сынама тапсыра алады. Тұрғындардың бірі тегін тапсырма, өзгелері өз қалтасынан төлеуі керек. Бұл туралы денсаулық сақтау министрлігі комитетінің басшысы Людмила Бюрабекова "Минздрав сообщает" бағдарламасында айтты. 

"Біздің демеушілеріміз бар. Олар елге тестерді жеткізеді. Бірқатар компанияға рұқсат бердік. Алғашқы партия осы аптада келеді. Тест "Олимп" зертханасының базасында жасалады", - деді Бюрабекова.

Мұндай сынаманы жедел респираторлық вирустық инфекциясы бар адамдарға жасауға кеңес берілді. Кімдер тегін тест тапсыра алатыны талқыланып жатыр.

"Диспансерлік есепте тұрған немесе тыныс алу органдарының созылмалы сырқаты барлар тегін өтуі мүмкін. Сондай-ақ, қарттар мен 18 жасқа дейінгі балалар енгізілуі тиіс. Бірақ бұл мәселе талқыланып жатыр", - деді  Бюрабекова.

Ол "Олимп" жеке зертхана екенін атап өтті. Алайда ақылы тест жасай алады. 

Бірақ бұл тәсіл вирусты өте ерте немесе вирустан айыққандарды анықтау үшін арналған.

Егер де жедел респираторлық вирустық инфекциясы белгілері байқалса, жедел жәрдем шақыру керек екені ескетілді.

97
Кілт сөздер:
тұрғындар, коронавирус, тест
Тақырып:
Коронавирус эпидемиясы (2680)
Тақырып бойынша
Мәжіліс жасы 65-тен асқан депутаттарды жұмыстан шеттетті
"Павлодар жабылады": полиция WhatsApp-та тараған ақпарат туралы айтты
Қазақстанда тағы 9 адам коронавирус жұқтырды
Роза Рымбаева тікелей эфирде концерт береді
Қостанайда коронавирус туралы әзілдеген полицей жұмыстан қуылды
далада сауда-саттық жүргізіп отырғандар

Сатушыларға заңсыз айыппұл салған 87 полицей жазаланды Бас прокуратура

981
(Жаңартылды 16:27 27.11.2021)
Бас прокуратура белгіленбеген жерде сауда-саттық жасағандарды қандай жағдайда жазалауға болмайтынын түсіндірді

НҰР-СҰЛТАН, 27 қараша – Sputnik. Белгіленбеген жерде сауда жүргізгендерге заңсыз айыппұл салған полицейлер мен әкімдік қызметкерлері жазаланды.

Бас прокуратура белгіленбеген жерде сауда жүргізгені үшін бизнес және азаматтарды жазаға тартудың негізділігін зерделеген. Олардың көбінесе заңсыз жауапқа тартылғаны анықталды.

Бас прокурордың орынбасары Болат Дембаевтың айтуынша, сауда үшін арнайы орындар анықталған кезде ғана жауапкершілік белгіленеді.

"Оларды облыстық, қалалық және аудандық әкімдер анықтайды ("Жергілікті мемлекеттік басқару туралы" Заңның 27, 31-баптары). Алайда, көптеген өңірде мұндай орындар болған жоқ, бірақ адамдарға 12-ден 27 мың теңгеге дейін айыппұл салынды", - дейді ол.

Мысалы, Жезқазған қаласында сауда орны белгіленбеген, бұған қарамастан кәсіпкерлер жауапкершілікке тартылды. Прокуратураның қолға алған шаралары бойынша 38 іс тоқтатылып, қалада сауда орындары анықталған.

Еліміздің басқа өңірінде – Ақмола облысының Зеренді ауданында прокурордың актісі бойынша сауда орындары анықталды. Жауапқа тарту туралы 26 заңсыз қаулының күші жойылды.

Жалпы прокуратураның шаралары бойынша 14 мыңнан астам заңсыз әкімшілік іс тоқтатылды, әкімдіктердің шешімімен еліміздің барлық өңірінде 4126 сауда орны анықталды. Бұл жұмыс жалғасып жатыр.

Олқылыққа жол берген 87 полицей мен 26 әкімдік қызметкері тәртіптік жауапкершілікке тартылған.

Бас прокуратураның бастамасымен Сауда және интеграция министрлігі осы мәселені бақылауға алды.

981
Тақырып бойынша
Шығыс Қазақстанда рөлде ұйықтап кеткен полицей жол апатын жасады
150 мың теңге сұраған: көлікті себепсіз тоқтатқан екі полицей жұмыстан қуылды
Сыртынан жауып кеткен: полицей әйел өрт шыққан пәтердегі төрт баланы құтқарды
Коронавирустан 34 полицей қайтыс болды – Тұрғымбаев
сәбиідің аяғы, архивтегі сурет

Тоңазытқыштағы сәбидің өлімі: сотталған дәрігерлер колонияға ауыстырылды

427
(Жаңартылды 11:16 27.11.2021)
Перинаталды орталықтың бас дәрігері, акушер-гинеколог және акушер жаңа туған нәрестені өліміне кінәлі деп танылып, тиісінше 18, 16 және 15 жылға бас бостандығынан айырылған болатын

НҰР-СҰЛТАН, 27 қараша – Sputnik. Перинаталды орталықтың бас дәрігері Қуаныш Нысанбаев, акушер-гинеколог Асқар Қайыржан және акушер Жәмилә Құлбатырова тергеу абақтысынан колонияға ауыстырылды.

Қуаныш Нысанбаев пен Асқар Қайыржан Орал қаласындағы қатаң режимдегі колонияға ауыстырылды. Атышулы іс бойынша тағы бір айыпталушы Жәмилә Құлбатырова жазасын Алмагүл ықшам аудандағы әйелдер колониясында өтейтін болды. Неонатолог дәрігерлер Руслан Нұрмұхамбетов пен Дариға Жұмабаева пробация қызметінің бақылауына алынды, деп хабарлады "Ақжайық".  

Асқар Қайыржан басылым редакциясына сұхбат беру туралы ұсыныспен хат жолдады. Алайда қылмыстық атқару жүйесі департаменті мен облыстық сот тілшіні тергеу изоляторына кіргізуден бас тартты. 

Еске салсақ, перинаталды орталықтың бас дәрігері Қуаныш Нысанбаев, акушер-гинеколог Асқар Қайыржан және акушер Жәмилә Құлбатырова алдын ала сөз байласу арқылы жаңа туған нәрестені өліміне кінәлі деп танылып, тиісінше 18, 16 және 15 жылға бас бостандығынан айырылған болатын. Ал дәрігер-неонатологтар Руслан Нұрмұхамбетов пен Дариға Жұмабаева қылмыс туралы хабарламағаны үшін үш жылға бас бостандығын шектеу жазасын алды.

Жаңа туған нәрестенің өлімі

2019 жылдың 29 қыркүйегінде Атырау перинаталдық орталығында дүниеге келген нәресте қимылсыз жатқаннан кейін дәрігерлер оны өлі туды деп тіркеген. Алайда стоңазытқыш камераға апарған кезде аяғы қимылдай бастаған.

Сыбайлас жемқорлыққа қарсы қызметтің хабарлауынша, дәрігерлер құжатты түзетпеу үшін оны тоңазытқышта қалдыруға шешім қабылдаған. Сотта тергеуші Асқарбек Ермұқашев дәрігерлердің телефон арқылы сөйлескен стенограммасы бар екенін айтқан.

Филологиялық сараптаманың қорытындысы да жасалды. Сонда дәрігерлердің бір-бірімен кеңесіп, баланың тағдырын шешкені анық байқалады. Әңгіменің стенограммасында "Құдай бізді кешірсін" деген сөздер бар.

Дәрігерлерге сот үкімі шықты

2020 жылдың 18 қаңтарында Атырауда жаңа туған баланы алдын ала сөз байласу арқылы өлтірді деп айыпталған облыстық перинаталдық орталықтың дәрігерлеріне сот үкімі шықты.

Сот оларды кінәлі деп танып, перинаталдық орталықтың бұрынғы бас дәрігері Қуаныш Нысанбаевты 18 жылға, акушер-гинеколог Асқар Қайыржанды 16 жылға, акушер Жәмилә Құлбатырованы 15 жылға бас бостандығынан айырды.

Неонатолог-дәрігерлер Руслан Нұрмұхамбетов пен Дариға Жұмабаева қылмыс туралы хабарламағаны үшін кінәлі деп танылып, үш жылға бас бостандығы шектелді.

Оқи отырыңыз:

427
Кілт сөздер:
Атырау облысы, сәби, тоңазытқыш, дәрігерлер