Емхана дәлізі, архивтегі сурет

Нұр-Сұлтанда коронавирус жұқтырған төрт адам ауыр хәлде жатыр

473
(Жаңартылды 18:41 26.03.2020)
Пациенттердің пневмониясы болғандықтан, тыныс алуы қиын, тиісті ем алып жатыр. Ал басқа науқастардың жағдайы қанағаттанарлық

НҰР-СҰЛТАН, 26 наурыз – Sputnik. Қазақстан астанасында індетке шалдыққан төрт адамның жағдайы ауыр. Бұл туралы Нұр-Сұлтан қаласы қоғамдық денсаулық сақтау басқармасының басшысы Сәуле Қисықова мәлімдеді, деп хабарлайды Sputnik Қазақстан тілшісі.

"Стационарда емделіп жатқан 61 пациенттің ішінде төртеуінің жағдайы тұрақты ауыр. Пневмониясы бар, тыныс алуы қиын. Тиісті ем алып жатыр. Ал қалғандарының жағдайы қанағаттанарлық, шағымы жоқ. Дене қызуы көтерілмеген," – деді Қисықова астанада өткен онлайн-брифингте.

Ол 26 наурызда тіркелген жиырма дерекке тоқталды.

"Он төрт адам стационарда ем алып жатқан. Кейбірі бұған дейін өткір респираторлық вирустық инфекция белгілерімен, қызуы көтеріліп және пневмония күдігімен ауруханаға түскен болатын. Енді бірі 24 және 25 наурызда тіркелген пациенттермен байланыста болғандар тобынан. Тағы бір топ басқа елдерден астанаға келіп оқшауланған адамдар", – деді ол.

Алты адам мониторинг жүргізу барысында анықталған.

Қазақстанда коронавирус жұқтырғандар саны 109 адамға жетті. Ең көбі Нұр-Сұлтан қаласында – 61 адам, одан кейін Алматы қаласында – 40 адам. 

Қарағанды қаласында – 2, Шымкентте – 2, Алматы облысында – 1, Ақтөбе облысында – 1, Жамбыл облысында – 1, Солтүстік Қазақстан облысында – 1 адам тіркелді.

473
Кілт сөздер:
Нұр-Сұлтан, коронавирус
Тақырып:
Коронавирус эпидемиясы (2031)
Тақырып бойынша
Коронавирус қаупі: әлемде не болып жатыр?
Қостанайда коронавирус туралы әзілдеген полицей жұмыстан қуылды
Коронавирус жұқтырған азаматпен Шымкентке бірге келгендер табылды  
Қазақстанда коронавирус жұқтырғандар саны 109 адамға жетті
Вакцина, коронавирус

COVID-19-ке қарсы вакцинаны 5 жағдайда салдыруға болмайды маман кеңесі

9
(Жаңартылды 15:49 27.01.2021)
АҚШ-тың Джордж Мэйсон университетінің жүйелі биология мектебі арнайы зерттеу жүргізген. Мамандар қорытындысын бөлісті

НҰР-СҰЛТАН, 27 қаңтар – Sputnik. Өткір респираторлық вирустық инфекция, коронавирус оң тесті, постковидтік жағдай, IgM антиденелері бар болғанда және ауыр сырқат кезінде вакцина салдыртуға болмайды. АҚШ-тың Джордж Мэйсон университеті жүйелі биология мектебінің мамандары осы бес жағдайда вакцина алуға болмайды деп отыр. 

"Мәселен, біз антиденеге қан тапсырып, М иммуноглобулиндері табылса, ағза вирусқа иммундық жауап беруді жалғастырып жатыр деген сөз. Демек, ПЦР-тест теріс нәтиже көрсетсе де, ағза вируспен байланыста. Вирус жасырын болуы мүмкін. Бұл жағдай персистенция деп аталады", - деді биологтар.

Ал постковидтік жағдай деген ағзада IgG, без IgM антиденелерінің болуы. Олар болса, вакцинациядан өтудің қажеттілігі жоқ.

"Иммуносупрессия немесе склероз сырқаты барлар да екпе салдырмас бұрын дәрігерге қаралуы тиіс. Бірақ дәрігерлер де мұндай жауапкершілік алғысы келмейді", - дейді мамандар.

9
Екпе

"Шешім қабылдаған жоқпын": министрлер мен депутаттар қандай вакцина салдыратынын айтты

203
(Жаңартылды 15:24 27.01.2021)
Наурыз айында COVID-19-ға қарсы қазақстандық вакцинамен жаппай егу басталады. Ал қазірге кезде QazCovid-in вакцинасын клиникалық сынақтан өткізудің соңғы ІІІ сатысы өтіп жатыр

НҰР-СҰЛТАН, 27 қаңтар – Sputnik. Қазақстандық депутаттар мен министрлер коронавирусқа қарсы вакцинаның тиімділігіне сенеді. Кейбірі тіпті отандық вакцинаны бірінші болып салдыруға дайын. Бұл туралы олар Sputnik Қазақстанға берген сұқбатында айтты.

Мәжіліс депутаты Дархан Мыңбай COVID-19-ға қарсы вакцина алуға дайын екенін жеткізді. Бірақ, әзірге ресейлік "Спутник V" немесе қазақстандық QazCovid-IN вакциналарының қайсысын егетінін шешпеген.

"Әзірге шешім қабылдаған жоқпын. Бірақ, қалай болғанда да, егер халыққа салынса, мен де шет қалмаймын. Өйткені бұл жаппай вакцинация ғой. Әрине, қарсы шығып жатқандар да бар. Бірақ біз бәрін түсіндіруіміз керек. Адамдар түсінеді деп ойлаймын. Қауіп жоқ емес, алайда вакцина болмаса, оның орнына басқа нәрсе қажет. Сол себепті бұл бағытта тиісті жұмыс жүріп жатыр", – деді мәжілісмен Sputnik Қазақстан тілшісіне.

Ол өзі де, жақындары да коронавируспен ауырмағанын айтты.

Ал ішкі істер министрі Ерлан Тұрғымбаев өз таңдауын жасап қойған. Тіпті, препаратты полицейлердің арасында бірінші болып аламын деп отыр.

"Мен қазақстандық вакцинаны салдырамын. Полиция қызметкерлері арасында бірінші болып қабылдаймын", – деп қысқа қайырды ведомство басшысы.

Әділет министрі Марат Бекетаев ақ халаттылардың кеңесімен вакцина алатынын жеткізді.

"Мен дәрігерлердің кеңесіне құлақ асамын. Дәрігерлерімізге сенемін, қандай ұсыныс айтса, соны істеймін", – деді министр.

Биліктен кімдер вакцина салдырды

Қазақстан президенті Қасым-Жомарт Тоқаев отандық вакцинаны салдыратынын мәлімдеді. Мемлекет басшысы қазақстандық препараттың сынақ нәтижелерін күтіп отыр.

"Егер жақсы нәтиже көрсетсе, мен дәл осы қазақстандық вакцинаны салдырамын", – деген болатын Тоқаев 26 қаңтарда өткен үкіметтің кеңейтілген отырысында.

Қазақстандық QazCovid-in вакцинасын алғаш салғызған шенеуніктердің бірі – білім және ғылым министрі Асхат Аймағамбетов. Ведомство басшысы екпені былтыр тамыз айында ектірді. Ол вакцинадан кейін дене қызуы көтерілмегенін, антидене пайда болғанын айтқан еді.

Коронавирусқа қарсы отандық вакцинаны Жамбыл облысының әкімі Бердібек Сапарбаев, Қазақстан президентінің көмекшісі Ерлан Қарин де салдырды.

Жаппай вакцинация

Қазақстанда биыл 1 ақпанда жаппай вакцинациялау басталады. Инфекцияны жұқтыру және тарату қаупі жоғары халықтың осал топтарына кезең-кезеңмен ресейлік "Спутник V" вакцинасы егіледі. Вакцинациялау ерікті түрде және тегін салынады.

Вакцина бірінші кезеңде:

Инфекциялық ауруханалар, жедел жәрдем, реанимация бөлімшелері, науқастарды қабылдау бөлмесі, алғашқы медициналық-санитарлық көмек қызметінің медицина қызметкерлері, санитарлық-эпидемиологиялық қызмет жұмысшылары – 2021 жылдың 1 ақпанынан бастап шамамен 100 мың адам;

екінші кезеңде:

жалпы білім беретін мектептер, жоғары оқу орындарының педагогтері, медициналық қызметтің жұмысшылары – 2021 жылдың наурызынан 150 мыңға жуық адам;

үшінші кезеңде:

мектеп-интернаттар, мектепке дейінгі мекемелердің педагогтері, созылмалы аурумен ауыратындар – сәуір айынан бастап 600 мың адам.

Айта кететін жәйт, "Спутник V" 18 жасқа дейінгі балаларға салынбайды. Яғни, екпе Қазақстанның кәмелет жасына толған азаматтарына ғана салынады.

Денсаулық сақтау министрлігі жыл соңына дейін 6 миллион қазақстандыққа вакцина салуды жоспарлап отыр.

Оқи отырыңыз: Төрт ай бұрын коронавирусқа қарсы екпе салдырған қазақстандық сұқбат берді

Ал 2021 жылдың наурыз айында COVID-19-ға қарсы қазақстандық вакцинамен жаппай егу басталады.

Қазір QazCovid-in вакцинасын клиникалық сынақтан өткізудің соңғы ІІІ сатысы өтіп жатыр. Оның аясында вакцина 3 мың еріктіге егілді.

203
Кілт сөздер:
вакцина, екпе
Тақырып:
Коронавирус эпидемиясы (2031)
Тақырып бойынша
Балаларға екпе салу қашан басталады?
Балаларға профилактикалық екпе салынып жатыр – денсаулық сақтау министрлігі
"Үкімет күшіне сенбей ме?": Бекболат Тілеухан екпе туралы заңға қарсы шықты
Тұмауға қарсы вакцинация: министр Цой өзіне екпе салдыруды жоспарлап отыр
Қазақстандағы екпе салу туралы шындық - денсаулық министрі жазба жариялады