Медициналық қызметкер, архивтегі фото

"Бастығыңыз біледі, төменге түсіңіз деді" карантинге жатқызылған еріктілердің әңгімесі  

10958
(Жаңартылды 09:57 03.04.2020)
Нұр-Сұлтанда карантиндік нысанда жұмыс істеген бір еріктінің сынамасы оң нәтиже көрсеткеннен кейін қызметкерлердің бәрін тексерген

НҰР-СҰЛТАН, 2 сәуір – Sputnik, Арман Асқар. Қазақстанда коронавирусқа шалдыққандардың саны күн сайын артып келеді. Науқастармен бір ұшақта, бір үйде отырып, індетті жұқтырғандар да аз емес. Бүгінде мыңдаған адам карантиндік нысандарда жатыр. Ал дәрігерлер күн-түн демей, олардың бәрін тексеріп жүреді, дүдәмал ойдың жауабын тездетіп беруге тырысады. Өкінішке қарай, дәрігерлердің өздері де коронавирусты жұқтырып жатыр. Sputnik Қазақстан тілшісі карантиндік нысанға өз еркімен көмекке барған екі жас маманды іздеп тапты. Бүгінде екеуі де "коронавирус жұқтырды" деген күдікпен ауруханаға жатқызылған.  

Шамамен 900 адамды карантинге жатқызған

Шымкент қаласының тумасы Нұриддин Розмат астанадағы медициналық университеттің соңғы курсында оқып жүр. Мамандығы – педиатрия. Ол оқуға түскеннен бері еріктілердің барлық бастамасына қатысып келеді. Осы жолы да үнсіз қалмады. "Рамада Плаза" қонақ үйінің бұрынғы ғимаратында карантиндік нысан ашылады" дегенді естіген бойда дәрігерлерге көмектесуге аттанған.

"Біз ол жерге 21 наурызда бардық. Сонда шетелден келген адамдардың бәрін тіркеп, карантинге орналастырдық. Анкета толтыруға көмектестік. Әсіресе, Қытай, Германия, Италия сияқты мемлекеттерден келгендерге баса назар аударылды. Сосын жөтел немесе дене қызуы бар ма, жоқ па, соның бәрін өлшеп, жазып отырдық. Тіпті, туыстарының денсаулығына қатысты мәліметтерді де тіркедік", - дейді Розмат.

Оның айтуынша, 21 наурызда бұрынғы қонақ үйдің ғимараты карантинге толығымен дайын болған. Ал ертесін адамдарды қабылдау басталған.  

"Ол жерге 8-ші қабаттан бастап 21-қабатқа дейін, шамамен, 900 адамды карантинге жатқызды. Ал 8-ші қабатқа дейін дәрігерлер мен еріктілер орналасты. Бәріміз сол жерде жаттық, тамақ іштік, күні-түні адамдарды қарап жүрдік", - деп атап өтті Розмат.

Тест оң нәтиже көрсетті

25 жастағы жас маман карантиндік нысанның 10-шы қабатында дәрігер қызметін атқарыпты. Оның бақылауында болған адамдардың ішінен коронавирус жұқтырғандар шықпаған. Ал басқа қабаттарда науқастар анықталған. Дегенмен Нұриддин олардың бәрін тіркеу шараларына қатысқаннан кейін карантинге жатқызылады.    

"Жылай бастаймын": Елордалық дәрігер ауруханада не болып жатқанын айтып берді

"Басқа қабаттарда екі-үш науқастан анықталды. Оларды ешкімге айтпай, бірден инфекциялық ауруханаға апарды. Бәрі білсе, дүрлігіп кетеді ғой. Біз болсақ, бас кезінде бірінші қабатта бәрін тіркедік. Сол кезде ауруды қалай жұқтырғанымызды білмеймін, тест оң нәтиже көрсетті. 26 наурызда жұтқыншақтан анализ алды да, ертесінде кешке қарай коронавирус бар деп хабарлады. Сөйтіп, бірден туберкулез диспансеріне жатқызды", - дейді Розмат.

Хамидин Тілеужан (сол жақта) мен Нұриддин Розмат
© Sputnik / Арман Асқар
Хамидин Тілеужан (сол жақта) мен Нұриддин Розмат

Оның айтуынша, диспансерде жатқанына жеті күн болған. Палатадан шығуға болмайды. Күнде вирусқа қарсы дәрі ішеді. Басқа палаталарда өзі сияқты еріктілер емделіп жүр.  

"Біз жас болғасын аурудың белгілері анық байқалмайды дейді. Содан тек таблетка ғана ішіп жүрміз. Иммунитетіміз жақсы болғасын аурудың белгілері сезілмейді. Дегенмен, Шымкентте қалған ата-анам қатты уайымдап жүр. Күнде қоңырау шалып, денсаулығымды біліп тұрады", - деп атап өтті Розмат.

Негізгі міндет – халыққа көмектесу

Нұриддинмен бір палатада жатқан Хамидин Тілеужан да өз еркімен көмекке барған. Сол жерде дәрігерлерге көмектесіпті.

"Мен қай жерде адам жетіспеді, сол жерде жүрдім. Әр қабатта болдым. Бас кезінде медицина мамандары жетіспей жатты. Дәрігерлер кіші лауазымды қызметкерлердің жұмысын атқаруға мәжбүр болды. Еріктілермен бірге тамақ таратты, зат тасыды. Сондай жұмыстың бәрін істеді", - дейді Тілеужан.

Оның айтуынша, бас кезінде карантинге жатқызылған адамдардан аурудың белгілері байқалмаған. Артынан сынаманың оң қорытындысы келе бастайды.

"Қызметкерлердің ішінен де шықты. Кіші, орташа, тіпті, лауазымды жоғары адамдардан да табылды. Көбінесе еріктілерден анықталды. Бір еріктінің сынамасы оң нәтиже көрсеткеннен кейін бәрімізді тексерді. Содан жұма күні – 27 наурызда телефон шалып, уайымдамаңыз, бастығыңыз бәрін біледі, төменге түсіңіз, қазір сізді жедел жәрдем алып кетеді деді. Сөйтіп, осында алып келді", - дейді Тілеужан.

Жас маманның сөзіне қарағанда, оның алғашқы сынамасы коронавирустың бар екенін көрсеткен. Алайда кейінгісінен ештеңе шықпаған. Бір аптаның ішінде аурудың белгілері де көрінбепті. Енді, олардан тағы бір сынама алып көрмекші.       

Карантиндік нысанға келген еріктілер еш өкінбейтінін жеткізді.

"Біз – болашақ дәрігерміз. Ал дәрігердің негізгі міндеті – халыққа көмектесу", - дейді еріктілер.

10958
Кілт сөздер:
еріктілер, коронавирус
Тақырып:
Коронавирус эпидемиясы (1795)
Тақырып бойынша
Атырауда облыстық аурухана карантинге жабылды
Нұр-Сұлтанда індетке шалдыққан 6 адам ауыр хәлде жатыр
Медицина қызметкерлеріне 850 мың теңгеге дейін үстемеақы төленеді
Коронавирус жұқтырған медицина қызметкерлеріне 2 млн теңге төленеді 
Коронавирустан көз жұмған әйелге неге қате сынама жасалды – министр жауабы 
Қазақстанның үш қаласында дәрігерлер коронавирус жұқтырды
Депутаттар, архивтегі фото

"Үкіметтің ақылы неге соған жетпейді?!": депутат жаңа бағдарлама қабылдауды ұсынды

406
Дүйсенбиновтің айтуынша, ірі қалалардың іргесіндегі халық саны көбейіп келе жатқан ауылдарда әлі күнге дейін мәдениет ошағы мен спортзал жоқ

НҰР-СҰЛТАН, 24 қараша – Sputnik. Мәжіліс депутаты Берік Дүйсенбинов қала маңында орналасқан ауылдарды қолжетімді мәдени және спорт нысандарымен қамтамасыз етудің жаңа бағдарламасын қабылдауды ұсынды, деп хабарлайды Sputnik Қазақстан тілшісі.

"Ақ жол" фракциясының депутаты үкімет басшысына жолдаған депутаттық сауалында елдегі ішкі миграциядан туындаған әлеуметтік мәселелерге тоқталды.

Айтуынша, астананың айналасындағы халық саны 25 мыңнан 50 мыңға дейін жететін жаңа ауылдарда әлі күнге дейін жастар бас қосатын, спортпен шұғылданатын бірде-бір спортзал немесе мәдениет ошағы салынбаған.

"Жеңіс пен жеңілістің дәмін татпаған, спортпен шынықпаған, тәрбиесі кем болған жасөспірім рухани да физикалық тұрғыдан  нашар, өзіне сенімсіз, осал болады. Өзі сияқтылардан топ құрып, қалтасына пышақ салып, қылмысқа баруының бір себебі де осы. Қараңғыда топталып көше кезбей, құрдастарымен бірге көкпар тартып, боз кілемде күресіп, алаңда футбол ойнап, спорттың ащы терін татқан бозбала қылмыскер болмас еді", - деп қапаланды Дүйсенбинов.

"Өйткені спорт деген – қарсыласын  құрметтей білуді үйрететін тәрбие көзі. Осыны біздің әлеуметтік және білім беру саласы ұмытқан сияқты", - деп толықтырды депутат. 

Ол ішкі миграция толқынына ілесе алмай, азаматтардың әлеуметтік сұранысына дер кезінде жауап бере алмай келе жатқан үкіметтің назарын тағы да осы мәселеге аударды.

"Бүгінде Нұр-Сұлтан қаласындағы жемқорлықтың ескерткішіне айналған, құны 2 миллиард долларлық ЛРТ жобасын жоспарлауға жеткен үкіметтің  ақылы неге ауылға керек шағын, қолжетімді спорт залдары мен алаңдарын салуға жетпейді?! Немесе Ақмола облысы Шортанды қаласындағы құны 30 миллиард, көпшілікке керегі жоқ, бүгінде қаңырап бос тұрған шаңғы трамплиннің орнына қазақ баласына қажет, ұлттық спортты жандандыратын жүздеген қысқы жабық ат манеждерін салуға болмас па еді?", - деп ашынды мәжілісмен.

"Полицейлердің өзі білмейді": Мыңбай жүргізуші куәлігін алу емтиханын сынға алды 

Ол қала маңындағы ауылдардың жастарына құны миллиардтан асатын салтанатты спорт сарайлары емес, қолжетімді, тегін істейтін спортзалдар қажет екенін айтты.

Осыған байланысты депутаттар Нұр-Сұлтан, Алматы, Шымкент агломерациясы мен облыс орталықтарын қоршаған ірі елді мекендердің даму концепциясын қайта қарауды және қала маңына орналасқан, халық саны көбейіп жатқан ауылдарды қолжетімді, пайдалануға ыңғайлы, қарапайым мәдени және спорт нысандарымен қамтамасыз етудің жаңа бағдарламасын қабылдауды ұсынды.

406
Кілт сөздер:
мәдениет, ауыл, спорт зал
Тақырып бойынша
Ауылда әр отбасының мойнында 900 мың теңге кредит бар – ҰКП төрағасы
"Басқаша сөйлесеміз": Сапарбаев жұмысы шикі басқарма басшыларына шүйлікті
"Мұны есептеуге білімнің де керегі жоқ": Ордабасы мақташылары жанайқайын жеткізді
Жүргізуші куәлігі

"Полицейлердің өзі білмейді": Мыңбай жүргізуші куәлігін алу емтиханын сынға алды

1528
(Жаңартылды 17:00 24.11.2020)
Тестілер қазіргі заманғы автомобильдердің бүгінгі техникалық сипаттамаларына емес, "Жигули", "Москвич" және бұрынғы КСРО-ның басқа автокөліктерінің техникалық мүмкіндіктеріне негізделген, деп мәлімдеді Дархан Мыңбай  

НҰР-СҰЛТАН, 24 қараша – Sputnik. Мәжіліс депутаты Дархан Мыңбай ішкі істер министрі Ерлан Тұрғымбаевтың атына жолдаған депутаттық сауалында жүргізуші куәлігін алу үшін өткізілетін емтихан сұрақтарын сынға алды, деп хабарлайды Sputnik Қазақстан тілшісі. 

Депутат қолданыстағы жол қозғалысы ережелерінің кейбір тармақтарын қайта қарап, оңтайландыру қажет деп санайды.

"Жүргізуші болам деген үміткерге арналған 1000 сұрақтың ішінде әрбір тесте 40 сұрақ бар. Олардың кем дегенде 34 сұрағына дұрыс жауап беру шарт. Өкінішке қарай, пайдасыз сұрақтар да жоқ емес. Кейбір жол полициясы қызметкерлерінің өздері де дұрыс жауабын айта алмайды", - деді Мыңбай.

Ескірген автокөліктер

Депутаттың айтуынша, тестілерде қазіргі заманғы автокөліктердің техникалық сипаттамасы туралы сауалдар қарастырылмаған.

"Тестілер қазіргі заманғы автомобильдердің бүгінгі техникалық сипаттамаларына емес, "Жигули", "Москвич" және бұрынғы КСРО-ның басқа автокөліктерінің техникалық мүмкіндіктеріне негізделген. Мысалы, қазіргі көліктерде ABS, SRS, ASC және басқа да жүйелер орнатылған. Болашақ жүргізушінің бұл жүйелер туралы білімін тексеретін сұрақтар жоқ", - деді депутат.

Сондай-ақ, мәжілісмен көлікті жүргізіп үйрену практикасына берілетін уақытты арттыру қажет деп ойлайды.

"Жекелеген өңірлерде мамандандырылған автодромдар мен емтихан машиналары моральдық және физикалық тұрғыдан ескірген. Бұл істе халықаралық тәжірибені де ескерген жөн. Біздіңше, бұл жерде мемлекеттік-жекешелік әріптестікті пайдалану үшін үлкен мүмкіндіктер бар", - деді Мыңбай.

Талапты қатаңдату керек

Бұдан бөлек, депутат жүргізуші куәлігінен айырылғандар үшін талаптарды күшейтуді ұсынды.

"Жүргізуші куәлігінен айырылған адамдар қайта емтихан тапсырған кезде, оларға жалпы негізде емес, айрықша қатаң талап қою қажет. Мұндай тәртіп бұзушыларға сақтандыру полисін бермеу үшін жол қозғалысы ережелерін бұзушылар туралы деректерді бірыңғай базаға біріктіру қажет", - деп есептейді ол.

Оқи отырңыз: Қазақстанда жүргізуші куәлігін беру қызметі жетілдірілді 

Айтуынша, базаға енбеген сақтандыру компаниялары жүргізуші куәлігінен айырылғандарға сақтандыру полисін беруді жалғастыруда.

"D" санатын алу қиындауы мүмкін

Сонымен қатар, жолаушылар таситын көлік пен автобусты жүргізуге рұқсат ететін "D" категориясын алуға талаптарды күшейту ұсынылды.

Қажет болса, бұл категория үшін үміткердің еңбек өтіліне, жасына, денсаулық жағдайына (анықтамаға қол қойған дәрігердің жеке жауапкершілігі болуы тиіс) ерекше талап қоюды міндеттеу керек, деп санайды Мыңбай.

1528
Кілт сөздер:
емтихан, депутат, жүргізуші куәлігі
Тақырып бойынша
Министр жүргізушілер үшін жақсы жаңалықты бөлісті
Көлігі барлар бір ғана құжатпен жүреді – заң жобасы әзірленді
"Құжатыңызды ауыстырыңыз": Қазақстандықтардың телефонына SMS жіберіледі
Нұр-Сұлтанда ХҚКО-да жүргізуші куәліктері заңсыз берілгені анықталды
Теңізде орналасқан Қашаған мұнай кеніші

Министр Қашағанда мұнай өндіруді шектеудің себебін түсіндірді

0
Министрдің айтуынша, Атырау облысында ілеспе газды өңдейтін тағы бір зауыт салу жоспарланып отыр

НҰР-СҰЛТАН, 24 қараша – Sputnik. Қашағандағы мұнай өндіру көлемі ілеспе газды кәдеге жаратуға байланысты шектелетін болды. Бұл туралы энергетика министрі Нұрлан Ноғаев мәлімдеді, деп хабарлайды Sputnik Қазақстан.

"Қашаған кен орнында өндірісті шектеудің негізгі себебі – ілеспе газды кәдеге жарату", – деді министр.

Осы мақсатта North Caspian Operating Company (NCOC) Атырау облысындағы "Болашақ" газ өңдеу зауытының жанынан қуаттылығы 1 миллиард текше метр болатын газ өңдеу зауытын салу туралы инвесторлармен келісімге келді.

"Болашақта тараптар барлық көрсеткіштер бойынша келісімді мақұлдаған соң, оның қуаттылығын 5 миллиард текше метрге дейін ұлғайту жоспарланып отыр", – деп атап өтті Ноғаев.

Оқи отырыңыз: Қазақстан Қашаған кен орнынан қанша мұнай алуды көздейді

Министрдің айтуынша, қазіргі кезде жұмыс белсенді жүргізілуде және келіссөздер аяқталуға жақын.

0
Кілт сөздер:
мұнай өңдеу зауыты, мұнай
Тақырып бойынша
Тұрымов ОПЕК+ келісімі мұнай өндірісіне қалай әсер еткенін айтты
Қазақстанда мұнай-сервис компанияларына қатысты талаптар өзгеруі мүмкін
Қашаған мұнайы әлемдік нарыққа шығарылды
Қашаған кен орнында ірі зауыт салынады
COVID-19 вакцинасына қатысты жаңалықтан соң мұнай 10%-ке қымбаттады