Қазақстанда 12 600 отбасы арендалық баспанамен қамтылады
(Жаңартылды 10:08 07.04.2020)
Арендалық үй сатып алу құқығынсыз жалға беріледі. Ал баспана құрылысына және сатып алуға 90 миллиард теңге бөлінедіНҰР-СҰЛТАН, 7 сәуір – Sputnik. Қазақстанда 12 600 отбасын жалға берілетін баспанамен қамту жоспарланып отыр. Осы мақсатқа 90 миллиард теңге көзделген. Бұл туралы индустрия және инфрақұрылымдық даму бірінші вице-министрі Қайырбек Өскенбаев мәлімдеді, деп хабарлайды Sputnik Қазақстан тілшісі.
"Жалға берілетін тұрғын үймен 12 600 отбасын қамтамасыз ету жоспарланған. Оның ішінде 6 мыңы көп балалы отбасылар, бір мыңы жас мамандар, 5 600 халықтың тұрмысы төмен топтарының санатына жататын кезекте тұрған адамдар", – деді Өскенбаев үкімет отырысында.
Арендалық үй сатып алу құқығынсыз жалға беріледі. Баспана құрылысына және сатып алуға 90 миллиард теңге көзделген.
"Кредиттік тұрғын үй құрылысына 2017 жылдан бастап 207 миллиард теңге бағытталды. Осы қаражат әкімдіктерде револьверлік негізде айналымда, соның ішінде жыл сайын шамамен 101 миллиард теңге баспананы пайдалануға беруді қамтамасыз етеді", – деді вице-министр.
Ұлттық банк дағдарыс кезінде құрылыс саласын қолдау және халықты жұмыспен қамту үшін 180 миллиард теңге қосымша бөлді. Бұл ақшаны алу үшін әкімдіктер облигациялар шығаруға дайындалып жатыр.
Оқи отырыңыз: "7-20-25" және "Баспана Хит" бойынша ипотека алғандарға төлемді шегеруге болады
Облигация шығару 7 сәуірге жоспарланған. Айтуынша, 8 өңір, олар Нұр-Сұлтан қаласы, Шымкент қаласы, Жамбыл, Қызылорда, Қостанай, Алматы, Түркістан, ШҚО облыстары облигацияларды сатып алуға дайын.
"Осы жұмысты Алматы, Ақтөбе, Маңғыстау, Қарағанды, Ақмола, Батыс Қазақстан, Павлодар және Солтүстік Қазақстан облыстары әкімдіктерінің тездетуін сұраймын. Атырау облысы жобаны іске асырудан бас тартты", – деді Өскенбаев.
Барлығы кредиттік тұрғын үймен 25 700 отбасы қамтамасыз етіледі.
Кілт сөздер:
- Тақырып бойынша
- Барлық өңірде жастар үшін арендалық баспана салынады
Министрлік Мәскеуде өтетін әскери парадқа қатысты ақпарат таратты
(Жаңартылды 16:01 18.04.2021)
Өткен жылы қазақстандық әскерилер Ресей астанасында ұйымдастырылған Жеңіс парадына қатысқан болатын НҰР-СҰЛТАН, 18 сәуір – Sputnik. Биыл қазақстандық әскери қызметшілер Мәскеудегі Жеңіс парадына бармайды. Бұл туралы министрліктің тәрбие және идеологиялық жұмыстар департаментінің өкілі Виталий Адамович айтты.
"Биыл қазақстандық әскери қызметшілердің Қызыл алаңда өтетін парадқа қатысуы жоспарланбаған. Ал өткен жылы біздің әскери қызметшілер Ұлы Отан соғысындағы Жеңістің 75 жылдығы құрметіне орай ұйымдастырылған әскери шеруге қатысқаны белгілі", – деді қорғаныс министрлігінің өкілі.
Сонымен қатар Виталий Адамович Қазақстанда Отан қорғаушылар күні мен Жеңіс күнін мерекелеу туралы да айтып өтті.
Қарулы Күштер ардагерлеріне құрмет көрсету санитарлық-эпидемиологиялық талаптарды ескере отырып, еліміздің барлық аймақтарында онлайн режимде өтетін болады.
Сондай-ақ, "Жас сарбаз" қозғалысының бірқатар іс-шаралары жоспарлаған. Атап айтқанда, жас патриоттар Қарулы Күштер ардагерлерін құттықтайды. Әр аймақта эпидемиологиялық жағдайға байланысты салтанатты жиналыстар өтеді. Ардагерлер әскери бөлімдерге шақырылып, өз тәжірибелерімен бөлісіп, пікір алмасады.
Оқи отырыңыз: Ресейдің 30-ға жуық қаласында Жеңіс күні құрметіне әскери парад өтеді
7 және 9 мамырда ұйымдастырылатын мерекелік іс-шараларды республикалық телеарналар мен "Жас сарбаз" ұйымының және қорғаныс министрлігінің YouTube каналынан көруге болады.
Айта кетейік, биыл Қазақстанда Жеңіс күні мен Отан қорғаушылар күніне арналған парад болмайды.
Кілт сөздер:
Желіде Атырау облысындағы "қақтығыстың" видеосы тарады – ҰҚК түсініктеме берді
НҰР-СҰЛТАН, 18 сәуір – Sputnik. Қазақстанның ұлттық қауіпсіздік комитеті әлеуметтік желідегі Атырау облысында өтіп жатқан "акциялар" туралы ақпаратты жоққа шығарды.
"17 сәуірде жекелеген электронды ақпарат ресурстарында Атырау облысында өтіп жатқан акциялар туралы видео тарала бастады. Ұлттық қауіпсіздік комитеті бұл ақпараттың шындыққа жанаспайтынын ресми түрде хабарлайды. Әлеуметтік желілерде тараған видеода "Қалқан-2021" оқу-жаттығулары көрсетілген", – делінген ҰҚК хабарламасында.
Посмотреть эту публикацию в Instagram
Комитетттің баспасөз қызметі қазақстандықтарды жалған ақпарат таратпауға шақырды, ал отандық БАҚ-тан мұндай материалдарды қайта жариялағанда немесе оған сілтеме жасағанда ҰҚК-ға жүгініп, ақпаратты растауды немесе түсініктеме алуды сұрады.
Бұған дейін баспасөз қызметі оқу-жаттығуға дайындық барысында әскери іс-қимылдармен қатар асимметриялық шаралар қолданылатын, радиоэлектрондық күрес құралдары мен пилотсыз техника қолданылатын қазіргі заманғы қарулы қақтығыстардың мүмкіндіктері ескерілгенін хабарлаған еді.
Кілт сөздер:
Гүлнәр Кәрімовадан тәркіленген мүліктер сатуға шығарылды – фото
НҰР-СҰЛТАН, 18 сәуір – Sputnik. Мемлекеттік активтерді басқару жөніндегі агенттік жекешелендіру бағдарламасы аясында Ташкент облысында бірнеше нысандарды сатуға шығарды. Жарияланған лоттар қатарында бұрынғы Өзбекстан президентінің үлкен қызы Гүлнәр Кәрімоваға тиесілі "Сиджак" демалыс аймағы да бар.
Sputnik / Дильшода Рахматова
Гүлнәр Кәрімовадан тәркіленген нысандағы бассейін
Курорттық аймақтағы зәулім сарайлар теңіз деңгейінен 959 метр биіктікте орналасқан. Аумағы 5,4 гектар шамасындағы бұл жер халық арасында "Тянь-Шань маржаны" деп аталады.
Sputnik Өзбекстан агенттігінің хабарлауынша, кешен аумағында қонақ үй ғимараты мен бірнеше бассейн, амфитеатр, коттедж бен су мұнарасы және басқа да құрылыстар орналасқан.
Sputnik / Дильшода Рахматова
Гүлнәр Кәрімованың бұрынғы саяжайы
Сондай-ақ, шарап субұрқағы мен әйнек күмбезді қысқы бақ та бар.
Sputnik / Дильшода Рахматова
Шыны күмбездің астында орналасқан қысқы бақ
Аталған кешен Ташкент облысындағы тағы жеті объектімен бірге аукционға қойылды.
Sputnik / Дильшода Рахматова
Курорттық аймақтағы зәулім сарайлар теңіз деңгейінен 959 метр биіктікте орналасқан
Мемлекеттік активтерді басқару агенттігі аукционға қатысуға өтінімдерді ағымдағы жылдың 30 сәуіріне дейін қабылдайды.
Sputnik / Дильшода Рахматова
Аумағы 5,4 гектар шамасындағы бұл жер халық арасында "Тянь-Шань маржаны" деп аталады
Айта кетейік, наурыз айының ортасында интернетте Гүлнәр Кәрімованың өлең түрінде жазылған хабарламасы пайда болды. Оның қызы Иман Кәрімова туыстарының жазған хаты тұтқынға берілмейтінін, адвокаттардың кіруіне тыйым салынғанын, тіпті онымен телефонмен сөйлесуге де тыйым салынғанын айтқан.
Өзбекстанның экс-президенті Ислам Кәрімовтің үлкен қызы жазасын Ташкент маңындағы №21 Зәңгіата әйелдер колониясында өтеп жатыр.
Оқи отырыңыз: Астында қара Mercedes: Қазақстандық депутаттар таңертең жұмысқа қалай келеді
Ол қаржы жымқыру, салық төлеуден жалтару, бопсалау және ақшаны астыртын жолмен жылыстатуға кінәлі деп танылған.
Өзбекстанның Жоғарғы соты Гүлнәр Кәрімованы ұйымдасқан қылмыстық топ құрып, бопсалау және алаяқтық жасағаны үшін 13 жыл 4 айға бас бостандығынан айырды.
Кілт сөздер: