Ноутбук

Нұр-Сұлтанда қазақ, ағылшын тілі курстары тегін оқытылады

170
Онлайн оқу үшін тіл үйренушілерге интернетке қосылған дербес компьютер мен Skype бағдарламасы қажет

НҰР-СҰЛТАН, 7 сәуір – Sputnik. Қашықтан оқу жүйесі қатысушыларға жұмыс бөлмесінде немесе үйде отырып ыңғайлы уақытта тіл үйренуге мүмкіндік береді.

Елдегі төтенше жағдайға байланысты 16 наурыздан бастап Нұр-Сұлтан қаласы әкімдігінің Тілдерді дамыту және архив ісі басқармасы, "Руханият" орталығы мемлекеттік қызметшілерге, түрлі сала мамандарына, ересек адамдарға тіл үйрену курстарын қашықтан оқу платформасы арқылы жүзеге асырады.

"Бүгінде 1326 тыңдаушыға ZOOM, Whatsapp және т.б. қосымшалар арқылы қазақ тілінен онлайн курс оқытылуда. Сонымен қатар, 110 мемлекеттік қызметкер ағылшын тілінен онлайн курсқа қатысып жатыр", - деп хабарлады елорда әкімдігінің ресми сайты.  

Ересек адамдарға білім берудің түрлі әдістерін қолдана отырып, тәжірибелі, білікті оқытушылар сабақ береді. 

Топта оқу мен сабақ кестесі өзіне тиімсіз деп санайтын ересектер үшін онлайн оқудың пайдасы орасан зор. Онлайн оқу үшін тіл үйренушілерге интернетке қосылған дербес компьютер мен Skype бағдарламасы қажет.

Оқи отырыңыз: Аймағамбетов неліктен қашықтан оқытудың сабақ кестесі болмайтынын түсіндірді

Оқу үдерісінде білім алушылардың деңгейі әртүрлі болуына байланысты, тіл үйренушілердің талабына, сұранысына бағытталған әдіс-тәсілдер қолданылады. Мәселен, елорданың № 8, 10 емхана қызметкерлері қазақ тілін үйрену курсына  жұмыстан бос уақытта қатысса, Халыққа қызмет көрсету орталығы мамандарына "Қолжетімді орта құру" жобасы аясында ағылшын тілінен онлайн курсқа қатысады.

170
Кілт сөздер:
қазақ тілі, ағылшын тілі
Тақырып:
Төтенше жағдай және карантин (675)
Тақырып бойынша
Білім министрі "Күнделікті" электронды үкіметпен салыстырды
Қашықтан оқу кезінде мұғалімдер есеп бермейді – министр
Қазақстанда 1 сәуірден бастап не өзгереді?
Карантиннің құрсауы: жаяу жүргіншілерді тіркеп жатыр
Интернет неге нашарлап кетті – министрлік түсініктеме берді
тор, архив

Сенаторлар түрмеде жазасын өтеп жатқандарға жұмыс тауып беруді сұрады

3
Тұтқындарды жұмыспен қамту еңбек дағдыларын дамытумен қатар, жәбірленушілерге келтірген зиянды төлеуге ақша табуға, сондай-ақ отбасына қаржылық көмек көрсетуге мүмкіндік береді, деп санайды депутаттар

НҰР-СҰЛТАН, 29 қазан – Sputnik. Сенаттың бір топ депутаты абақтыда жазасын өтеп жатқан тұтқындарды жұмыспен қамту мәселесін шешуді сұрады, деп хабарлайды Sputnik Қазақстан тілшісі.

Депутат Владимир Волковтың айтуынша, қылмыстық саясатты ізгілендірудің арқасында Қазақстанда түрме халқы 30 мың адамға дейін азайды. Ал түрме рейтингі бойынша еліміз әлемде 100-орында тұр.

Десе де, қабылданған шараларға қарамастан, бас бостандығынан айыру орындарында бірқатар мәселе әлі де шешімін таппаған. Солардың бірі – сотталғандарды жұмыспен қамту.

"Бүгінде түрмелерде сотталғандардың 30 проценті ғана жұмыс істейді. Ескірген өндірістік инфрақұрылым, оның ішінде қазіргі заманғы өндірістік қуаттардың болмауы, қомақты қаржы салудың қажеттігі, сондай-ақ, режимдік объектілердің жағдайы кәсіпкерлердің колонияда бизнесті дамытуға деген қызығушылығын оятпайды", - дейді мәжілісмен.

Волков тұтқындарды жұмыспен қамту еңбек дағдыларын дамытумен қатар, оларға талап-арыздарды өтеу және жәбірленушілерге келтірген зиянды төлеуге ақша табуға, сондай-ақ өз отбасына қаржылық көмек көрсетуге мүмкіндік береді деп санайды.

Депутат бас бостандығынан айыру түріндегі жазаны тиімді орындау және олармен жеке жұмысты ұйымдастыру үшін қамаудағыларды камерада ұстау қажет екенін атап өтті. Айтуынша, жұмыс істеп тұрған 66 түзеу мекемесінің тек 9-ында ғана камерада ұстауға жағдайы бар.

"Халықаралық стандарттардың басты талабы – отрядтық ұстаудан камералық жағдайға көшу. Түзету колонияларының көпшілігі өткен ғасырдағы кеңестік құрылыстың мұрасы болып табылады, ондағы барақ тәрізді жатақхана үлгісіндегі бір бөлмеде 100-120 адам тұрады. Ғимараттар мен құрылыстардың жай-күйін ескере отырып, 42 түзеу мекемесі қайта жаңартуды талап етеді", - деді мәжілісмен.

Сондай-ақ, сенаторлар түзету мекемелеріне бейнебақылау камераларын орнату қажет екенін айтты. Бүгінде түрмелердің небәрі 30%-ті ғана бейнекамералармен қамтылған.

Бұдан бөлек, Волков сотталғандарды медициналық көмекпен қамтамасыз ету проблемасына ерекше назар аударды.

Сенат депутаттары премьер-министрден бас бостандығынан айыру орындарындағы өзекті мәселелерді шешу үшін тиісті шаралар қабылдауды сұрады.

3
Аурухана, архивтегі фото

Коронавирус пен пневмониядан тағы алты қазақстандық қайтыс болды

31
3200-ден астам адам коронавирус инфекциясынан емделіп жатыр, оның ішінде 287 бала бар, 117 адамның жағдайы ауыр

АЛМАТЫ, 29 қазан – Sputnik. Қазақстанда өткен тәулікте коронавирус пен пневмониядан алты адам қайтыс болды.

Денсаулық сақтау министрлігінің хабарлауынша, бүгінде коронавирус инфекциясынан 3 201 адам емделіп жатыр. Оның ішінде 287 бала бар.

"Стационарларда 2 289 науқас, амбулаториялық деңгейде 912 пациент емделіп жатыр. 117 адамның жағдайы ауыр, ал 13 науқастың жағдайы аса ауыр деп бағаланып отыр. 15 адам жасанды тыныс алу аппаратына қосылған. Бір тәулікте коронавирустан бес адам, пневмониядан бір адам қайтыс болды", - деп хабарлады денсаулық сақтау министрлігі.

Оқи отырыңыз: Қазақстанда коронавирус жұқтырғандардың саны күрт өсті 

Айта кетейік, өткен тәулікте республикада 268 адамның коронавирус жұқтырғаны белгілі болды. Сонымен қатар 174 адамға коронавирус белгісі бар пневмония диагнозы қойылды.

Пандемия басталғаннан бері Қазақстанда 111 100 адам коронавирус инфекциясын жұқтырды, 1 840 адам қайтыс болды. 37 378 адам пневмониямен ауырып, 397 адам қайтыс болды.

31
Кілт сөздер:
коронавирус
Тақырып:
Коронавирус эпидемиясы
Тақырып бойынша
Тоқаев заңнамаға вакцинаны уақытша тіркеу түсінігін енгізуді тапсырды
Бекшин коронавирус жұқтырғандардың қай елдерден көп келетінін айтты
Қарашадан бастап бес уақыт намазды мешітте оқуға болады
Францияда жалпыұлттық карантин қайта енгізілетін болды
Алматылықтар Бораттың суреті салынған табытты АҚШ-тың Бас консулдығына алып келді

Алматылықтар Бораттың суреті салынған табытты АҚШ-тың Бас консулдығына алып келді

172
Белсенділер "Борат" фильмінің екі бөлімін де Америка Құрама Штаттарында көрсетуге тыйым салуды талап етті

АЛМАТЫ, 29 қазан – Sputnik. Алматыда белсенділер Америка Құрама Штаттарының Бас консулдығы ғимараты жанында плакат ұстап, ұрандатып, табыт әкеліп пикет ұйымдастырды. Осылайша АҚШ-та "Борат" фильмін көрсетуге тыйым салуға тырысып жатыр, деп хабарлайды Sputnik Қазақстан.

Алматинцы принесли гроб с фотографией Бората к генконсульству США
© Sputnik / Тимур Батыршин
Белсенділер "Борат" фильмінің екі бөлімін де АҚШ-та көрсетуге қарсы

Бір топ адам Американың Алматыдағы дипломатиялық миссиясының ғимаратына жиналды. Қолдарында үш тілде түрлі ұран жазылған плакаттар бар. Ол жерде Stop racism and discrimination against Kazakhs living in the USA (АҚШ-та тұратын қазақтарға қатысты нәсілшілдік пен кемсітушілікті тоқтатыңдар), құлап жатып сүрінгенге күлме, those that live in glass houses shouldn't throw stones (шыны үйдегі адам тас атпастан бұрын ойлануы керек) деп жазылған.

Сонымен қатар белсенділер өзімен бірге пенопластан жасалған табыт алып келді. Қақпағында "Америкаға әкетіп, Отанында жерлеңдер" деп жазылған.

Алматинцы принесли гроб с фотографией Бората к генконсульству США
© Sputnik / Тимур Батыршин
Табыттың қақпағында "Америкаға әкетіп, Отанында жерлеңдер" деп жазылған

Ал табыттың ішінде Бораттың фотосы бар, оны АҚШ туымен жауып қойған.

"Америкада фильмде көрсетілгеннің барлығы болып жатыр (...). Соған қарамастан Америкада тұратын қазақтарға қатысты нәсілшілдік мен кемсітушілік жайлы фильм шығарылып жатыр. Трамптың өзі Боратты сынға алды, бірақ өз елінде тыйым салмай отыр", - деді шараны ұйымдастырушы Сұлубике Жақсылықова.

Жиналғандар бір уақытта "Саша, өл. Фильмнің барлық актері өліп қалсын" деп айғайлады. Содан кейін өлген адамды жоқтағандай дыбыс шығарды.

Сонымен қатар белсенділер фильмді Америкада көрсетуге қарсы петиция алып келді. Ұйымдастырушылар егер фильмге тыйым салынбаса, нәсілшілдік пен кемсітушілік фактісін анықтау үшін сараптама жүргізетінін айтты. Содан кейін халықаралық сотқа шағым беру жоспары да бар.

Сонымен қатар белсенділер келесі аптада дәл осындай шараны Ұлыбритания консулдығында өткізуге уәде берді.

  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
  • Алматылықтар Бораттың суреті салынған табытты АҚШ-тың Бас консулдығына алып келді
    Алматылықтар Бораттың суреті салынған табытты АҚШ-тың Бас консулдығына алып келді
    © Sputnik / Тимур Батыршин
1 / 5
© Sputnik / Тимур Батыршин
Алматылықтар Бораттың суреті салынған табытты АҚШ-тың Бас консулдығына алып келді

Сол жерде қала әкімдігінің өкілдері де болды. Олар жиналғандарға пикетті ұйымдастыру үшін билікпен келісу қажет екенін ескертті. Ал бүгінгі пикетке рұқсат берілмеген.

Белсенділерге АҚШ Бас консулдығынан ешкім шыққан жоқ.

Айта кетейік, өткен аптада бір топ азамат АҚШ дипломатиялық миссиясының ғимаратына жиналып, фильмге қатысты наразылық білдірді.

172
Кілт сөздер:
АҚШ, Алматы, Борат