Коронавирус, тест

Коронавирусқа жаппай тест жасалады кімдер тапсыруы тиіс?

1748
(Жаңартылды 18:43 15.04.2020)
Вице-министрдің айтуынша, коронавирусты жұқтыру қаупі бар топтарды жаппай тестілеуден өткізу арқылы нақты ошақтарды анықтап, індетті ауыздықтауға болады

НҰР-СҰЛТАН, 15 сәуір – Sputnik. Денсаулық сақтау министрлігі коранавиурсқа жаппай тестілеу өткізеді. Одан дәрігерлер ғана емес, азық-түлік дүкенінің сатушылары да өтеді,  деп хабарлайды Sputnik Қазақстан тілшісі.

Вице-министр Қамалжан Надыровтың айтуынша, бүгінде коронавирус жұқтырған әрбір бесінші адам – медицина қызметкері. Осыған байланысты министрлік медициналық мекемелердің сақтық шараларын тексеруге кірісті. 

"Кеше біз Алматы облысында Қарасай ауданының орталық ауруханасында болдық. Өкінішке қарай, ешқандай сақтық шаралары байқалмайды. Карантин енгізілді. Төтенше жағдай жарияланды. Соған қарамастан, ауруханада жатқан пациенттерге адам көп келед. Ондайға жол беруге болмайды", - дейді Надыров. 

Оның сөзіне қарағанда, елімізде аурухана мамандарын жаппай тестен өткізеді. Себебі олардың арасында коронавирустың жұқтыру көрсеткіші өсіп кетті.

"Әрине, статистика әлі де өседі. Өкінішке қарай, әріптестеріміздің арасында немесе пациенттердің ішінде коронавирусты жұқтырудың жаңа жағдайлары анықталуы мүмкін. Басқа жол жоқ. Барлық ошақтарды ауыздықтаймыз десек, барлық әріптесімізді жаппай тестілеуден өткізуіміз керек. Бұдан бөлек, блок-бекеттерде жүрген полицейлер және тағы басқа мамандар тест тапсырады. Сосын азық-түлік дүкендерінің қызметкерлері де бар", - деді Надыров. 

Вице-министрдің айтуынша, коронавирусты жұқтыру қаупі бар топтарды жаппай тестілеуден өткізу арқылы нақты ошақтарды анықтап, індетті ауыздықтауға болады. 

"Сонда ғана біз аурудың тізбегін үзе аламыз. Осыны ертерек істесек, қазіргі дағдарыстан тезірек шыға аламыз", - деп атап көрсетті Надыров.

 

1748
Кілт сөздер:
тест, коронавирус
Тақырып:
Коронавирус эпидемиясы (1835)
Тақырып бойынша
Комиссия шешімі: 20 сәуірден бастап қандай кәсіпорындардың жұмысы жанданады
"Неге өтірік айтасың?": желіде қазақстандық әкімнің видеосы қызу талқыланып жатыр
"Коронавирустан да жылдам таралуда": депутат кредит мәселесін қозғады
COVID-19 жұқтырғандар саны қаншаға артқаны айтылды
Алматының бас дәрігері кабинетінде түнеп жүр
Қазақстан президенті Қасым-Жомарт Тоқаев Birgemiz еріктілер фронт кеңсесінің ашылуында

Тоқаев қазақстандық еріктілерге алғыс айтты

6
Мемлекет басшысы 2020 жыл Қазақстанда Волонтерлар жылы деп жарияланғанын еске салып, волонтерлік нағыз патриотизмнің көрінісі екенін айтты

НҰР-СҰЛТАН, 5 желтоқсан – Sputnik. Қазақстан президенті Қасым-Жомарт Тоқаев Twitter-де еріктілерді Халықаралық волонтерлар күнімен құттықтады.

Мемлекет басшысы осы жылды Қазақстанда Волонтерлар жылы деп жариялағанын еске салды.

"Еріктілерімізді мақтан тұтамын және олардың орасан зор әрі пайдалы жұмыстарына, әсіресе, пандемия кезіндегі еңбектері үшін ризашылығымды білдіремін. Волонтерлік уақытша науқан емес, ол он мыңдаған азаматтарымыздың жан тебіренісі. Біз әрқашанда біргеміз!", - деп жазды президент.

Тағы оқыңыз: Қазақстанда "Жыл волонтері" халықаралық сыйлығы бекітілді

Тоқаев еріктілер, шын мәнінде, қарапайым адамдардың мүдделері үшін қайырымдылықтың, шынайылықтың, имандылықтың символына айналғанын атап өтті.

Президент волонтерлік нағыз патриотизмнің көрінісі екенін айтты.

6
Кілт сөздер:
еріктілер, Қасым-Жомарт Тоқаев
Тақырып бойынша
Мемлекеттік қызметшілердің бойында уайымдау сезімі болуы керек – Тоқаев
Жәрдемақыны оңды-солды таратуды доғару қажет – Тоқаев
Сарымсақ, архивтегі сурет

Сарымсақ қандай жағдайда ағзаға қауіпті болады

936
(Жаңартылды 12:12 05.12.2020)
Дәрігер-диетолог түрлі дерттерден сақтану үшін сарымсақты қалай жеу керек екенін айтты. Тиісті мөлшерде ғана пайдалану панкреатит, асқазан жарасы сияқты аурулардан сақтануға мүмкіндік береді

НҰР-СҰЛТАН, 5 желтоқсан – Sputnik. Сарымсақ пайдалы, алайда оны көп мөлшерде жеуге болмайды. Асқазан жарасы, панкреатит, өттегі тас сынды ауруларға әкеліп соғуы мүмкін, деп жазады РИА Новости.

Дәрігер-диетолог Инна Заикина сарымсақты мөлшерден артық жеу салдарынан асқазан сөлі бөлінетінін айтты. Бұл өз кезегінде түрлі дерттердің белгілерін ушықтырады. 

Алайда бұл оны жемеу керек деген сөз емес. Бастысы, тиісті мөлшерден асып кетпеу қажет.

Сарымсақтың құрамында аллил сульфидтер деп аталатын қосылыс бар. Соның арқасында тамаққа сарымсақты пайдалану адамның ішек микрофлорасын сақтауға және қарт адамдардың ойлау қабілетін жақсартуға септігін тигізеді.

Тағы оқыңыз: Сүзбенің ешкім күтпеген пайдасы анықталды

936
Кілт сөздер:
адам ағзасы
Тақырып бойынша
Таптырмас ем: құйрық майдың біз білмейтін қандай пайдасы бар?
Ғалым сарысудың адам денсаулығына қандай пайдасы бар екенін айтты
Судың ағза үшін қауіпті екенін қалай білуге болады
Автокөлік орындығын қыздыру неге қауіпті - видео
Малышева балалардың маска тағуы неге қауіпті екенін айтты
КамАЗ аударылды

Шымкентте КамАЗ 11 автокөлікті соқты видео

0
Жүк көлігінің жүргізушісі зардап шекті, алайда алғашқы көмек көрсетілгеннен кейін амбулаторлық емге жіберілді

НҰР-СҰЛТАН, 5 желтоқсан – Sputnik. Шымкентте Тәуке хан даңғылында ірі жол апаты болды. Алдын ала мәліметке сүйенсек, арматура тиелген жүк көлігінің тежегіші істен шыққан.

Жол-көлік оқиғасы 4 желтоқсан күні кешке болды. Арматура тиелген жүк көлігі 11 автокөлікті соқты. Оған тежегіштің істен шығуы себеп болған.

Апат салдарынан төрт адам зардап шекті, арасында жүк көлігінің жүргізушісі де бар. Дәрігерлер олардың жағдайы қанағаттанарлық екенін айтты, ауруханаға жатқызылған жоқ.

Посмотреть эту публикацию в Instagram

Публикация от ОТЫРАР Новости Шымкент (@otyrarkz)

Құқыққорғау органдарының қызметкерлері оқиғаның мән-жайын анықтап жатыр.

Еске салсақ, бұған дейін Алматы облысында жантүршігерлік апаттан екі адамның көз жұмғаны хабарланды. Бетон тиелген көлік жеңіл машина мен бензовозға құлаған.

Жол апаты салдарынан Lexus көлігінің жүргізушісі мен жолаушысы қаза болды. Олардың денесін құтқарушылар алып шықты.

0
Кілт сөздер:
КамАЗ, жол апаты, Шымкент
Тақырып бойынша
Щучинсктегі жол апаты: министр қаза тапқан полицейлердің отбасына көңіл айтты
Нұр-Сұлтанда жаппай жол апаты болып, бір адам жарақат алды – видео
Түйе көліктің ішіне кіріп кеткен: Маңғыстауда жантүршігерлік жол апаты болды
Алматы облысында жол апаты болып, екі адам көз жұмды – видео