Ұшақ кабинасы

Атамқұловтың көңілі толмады: Авиация академиясына түсуге іріктеу күшейтіледі

131
(Жаңартылды 11:06 24.04.2020)
Министр азаматтық авиация мамандарын даярлау деңгейінің төмендігін айтып, аталған салада елеулі өзгеріс енгізуді ұсынды

НҰР-СҰЛТАН, 24 сәуір – Sputnik. Индустрия және инфрақұрылымдық даму министрі Бейбіт Атамқұлов азаматтық авиация академиясына түсу балын жоғарылатып, іріктеуді күшейтуді тапсырды, деп хабарлайды Sputnik Қазақстан.

Бейнебайланыс арқылы ұйымдастырылған жиында министр академиядағы маман даярлау деңгейінің төмендігін атап өткен.

"Бұл ұшқыштарды оқыту бағдарламасының халықаралық стандарттарға сәйкес келмеуімен, сондай-ақ салалық оқу орнының түлектеріне отандық авиакомпаниялар тарапынан сұраныстың аздығына байланысты", – делінген хабарламада.

Мәселені шешу үшін министр Атамқұлов талапкерлерді іріктеу тетігін күшейтіп, академияға түсу балын жоғарылатуды, сондай-ақ авиацияның басқа да түрлеріне арнап кадрларды оқыту бағдарламаларын енгізуді тапсырды.

Сонымен қатар, Boeing корпорациясының бұрынғы бас ұшқышы, Қазақстан авиациялық әкімшілігінің ұшу қауіпсіздігі департаментінің жетекшісі Линда Орледи де аталған саланы сынға алды.

"Инспекторлық тексеріс нәтижесінде академияда бірқатар сәйкессіздіктер анықталды. Бұл жас авиаторларды даярлау тәсілдерін жүйелі түрде өзгертуді талап етеді және оқу орнын білім және ғылым министрлігінен бейіндік министрліктің қарамағына өткізуді ескере отырып іске асыру қажет", – деді Орледи.

Оқи отырыңыз: Қазақстанда азаматтық авиация оқу орталығы құрылмақ

Айта кетейік, осы кезге дейін ұшқыштар даярлайтын білім ордасын әлемдегі жетекші оқу орындарының біріне айналдыру мақсатында азаматтық авиация академиясы 2025 жылға дейінгі даму бағдарламасы қабылданған. Алайда, талқылау қорытындысы бойынша ол халықаралық сарапшылардың ұсыныстарын ескере отырып, жақын арада қайта қаралатын болды.

Азаматтық авиация академиясы туралы не білеміз

Академия 1995 жылы 6 шілдеде Алматы қаласында құрылды.

Ол азаматтық авиация саласына техникалық және қызмет көрсету мамандарын, инженерлер мен ұшқыш техниктерді дайындайды. Сондай-ақ азаматтық авиация кәсіпорындары үшін қызметкерлерді қайта даярлау мен олардың біліктілігін арттыруды қамтамасыз етеді.

Академия ректоры – Бекен Сейдахметов. Оқытушылар құрамы – 246 адам. Студенттер саны – 3 282, оның ішінде 1 148-і авиация колледжінде, 2 076-ы бакалавр, 52-і– магистратура, 6-ы докторантура бағыты бойынша білім алады.

2019 жылы академияға 797 студент қабылданды. Оның ішінде 269-ы авиациялық колледжге, 492 бакалавр, 35 магистрант, 1-і маман докторантураға түсті.

2014-2019 жыл аралығында жұмыспен қамтылған студенттер саны 1 209 немесе 64% құрайды.

131
Кілт сөздер:
академия, авиациялық кәсіпорындар, Бейбіт Атамқұлов
Тақырып бойынша
Әскери ұшақ құлады: ұшқыштардың аты-жөні белгілі болды
SMS-ті оқып қойған: Ұшақта ұшқыш пен стюардесса төбелесіп кетті – видео
"Жағамызды ұстадық" Қазақстандық стюардессаның ашық әңгімесі
Bek Air басшысы апат туралы: екінші ұшқыш бір қателік жасады - видео
Алматыдағы Азаматтық авиация академиясына қатысты екі іс қозғалды
Архивтегі фото

6 жарым мыңнан астам адамнан вирус табылды: эпидемиологиялық жағдай ушығып тұр

177
Нұр-Сұлтанда 1 522, Алматыда 1080, Қарағанды ​​облысында 750 адам коронавирус инфекциясын жұқтырған

НҰР-СҰЛТАН, 24 шілде – Sputnik. Қазақстанда өткен тәулікте 6521 адамнан коронавирус инфекциясы табылды, деп хабарлады COVID-19 таралуына жол бермеу жөніндегі ведомствоаралық комиссия.

Бұл пандемия басталғаннан бергі рекордтық көрсеткіш. Бір күн бұрын 6119 науқас тіркелген болатын.

Өткен тәуліктің статистикасы:

  • Нұр-Сұлтан қаласы - 1522,
  • Алматы қаласы - 1080,
  • Шымкент қаласы - 507,
  • Ақмола облысы - 193,
  • Ақтөбе облысы - 250,
  • Алматы облысы - 220,
  • Атырау облысы - 446,
  • Шығыс Қазақстан облысы - 101,
  • Жамбыл облысы - 108,
  • Батыс Қазақстан облысы - 309,
  • Қарағанды облысы - 750,
  • Қостанай облысы - 167,
  • Қызылорда облысы - 170,
  • Маңғыстау облысы - 255,
  • Павлодар облысы - 211,
  • Солтүстік Қазақстан облысы - 123,
  • Түркістан облысы - 109.

Жалпы ел бойынша ауырғандар саны – 522 638.
 

177
Кілт сөздер:
Қазақстан, коронавирус
Тақырып:
Коронавирус эпидемиясы
Қала тұрғындары

Төтенше жағдайлар министрлігі қазақстандықтарға ескерту жасады

9782
Министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет

НҰР-СҰЛТАН, 23 шілде – Sputnik. Төтенше жағдайлар министрлігі қажеттілік болмаған жағдайда далаға шықпауға кеңес берді. Себебі ертеңнен бастап қатты ыстық болады, деп хабарлайды Sputnik Қазақстан

Сондай-ақ, министрлік аптап ыстықта балаларды ерекше бақылауда ұстау қажеттігін ескертті. Өрт қауіпсіздігі ережелерін де сақтау қажет. Себебі қатты ыстықта өрт шығу қаупі жоғарылайды. 

"Азаматтарды дала және орман алқаптарында болған кезде қауіпсіздік ережелерін сақтауға шақырамыз. Табиғи өрттің негізгі себептері: халықтың отты абайсыз пайдалануы, сөндірілмеген темекі, алау, жанған сіріңке, майлы немесе тозығы жеткен шүберек, шыны бөтелке, көлік сөндіргішінің ұшқыны, құрғақ шөпті жағу және найзағай", - делінген ресми хабарламада. 

Төтенше жағдайлар министрлігі ыстықтан сақтану үшін азаматтарды аса қажеттілік болмаған жағдайда далаға шықпауға кеңес берді. Негізгі сақтық шараларын да ұмытпау қажет. Олар: 

  • күніне кемінде 1,5-3 литр сұйықтық ішу; 
  • аптап ыстықта кез-келген физикалық белсенділіктен бас тарту;
  • күндіз күн сәулесі бөлмеге кірмеуі үшін терезелерді ашық реңкті перделермен жабу;
  • күн өтпес үшін баскиім, ашық, ауа өткізетін киім (мақтадан жасалған) кию;

Қазгидрометтің мәліметі бойынша еліміздің бірқатар өңірлерінде қатты ыстық болады.

24 шілде күні күндіз Нұр-Сұлтан қаласында 35 градус, ал Ақмола облысында 35-37 градус қатты ыстық болады деген болжам бар. Ал облыстың батысында термометр бағанасы 40 градусқа дейін көтеріледі. 

24-25 шілде күндері Қарағанды облысының оңтүстігінде 40 градус. Кей жерлерде төтенше өрт қаупі сақталады.

24-26 шілдеде Жамбыл облысының кей жерлерінде плюс 44 градус. 

Алматы, Павлодар, Шығыс Қазақстан облыстарының кей жерлерінде 25 шілде күні 40-42 градус қатты ыстық болады. Ал Түркістан мен Қызылорда облыстарының кей жерлерінде 46 градус, ал Маңғыстау облысында 25-27 шілдеде күндіз +44 градус.

Оқи отырыңыз: Қазақстанда +46 градусқа дейін ыстық болады

 

9782
Серік Теміржанов

Қазақстандық боксшы Олимпиаданы жеңіспен бастады

0
Серік Теміржанов қарсыласын екі рет нокдаунға түсіріп, айқын басымдықпен жеңді. Есеп – 5:0

НҰР-СҰЛТАН, 24 шілде – Sputnik. Токио Олимпиадасында қазақстандық боксшылардың жекпе-жектері басталды, деп хабарлайды Sputnik Қазақстан тілшісі.

57 келі салмақ дәрежесінде Серік Теміржанов венгриялық Ролан Галосқа қарсы шықты. Жерлесіміз қарсыласын айқын басымдықпен жеңді. Есеп – 5:0. Оған қоса, венгриялық боксшы екі рет нокдаун алып қалды. Серік Теміржановтың келесі қарсыласы – америкалық Дьюк Раган.

Айта кетейік, Олимпиадада қазақстандық боксшылар барлық салмақ дәрежесінде өнер көрсетеді. Олар: Сәкен Бибосынов (52 келі), Серік Теміржанов (57 келі), Закир Сафиуллин (63 келі), Абылайхан Жүсіпов (69 келі), Әбілхан Аманқұл (75 келі), Бекзат Нұрдәулетов (81 келі), Василий Левит (91 келі) пен Қамшыбек Қоңқабаев (91 келіден жоғары).

0
Кілт сөздер:
боксшы, Токио Олимпиадасы
Тақырып:
Токио Олимпиадасы