азық-түлік дүкені

Дәрігер індет кезінде қандай азық-түліктен бас тарту қажет екенін айтып берді

3029
Мамандар карантин кезінде ересектер мен балаларға арналған арнайы тамақтану бойынша ұсыныстар дайындаған

АЛМАТЫ, 1 мамыр – Sputnik. Коронавирус пандемиясы кезінде күнделікті мәзірден кондитерлік өнімдер, жоғары сұрыпты ұннан жасалған нан, шұжықтар, майға қуырылған картоп, фаст фудты алып тастау қажет. Сонымен қатар газдалған сусыннан да бас тартқан жөн.

Медицина ғылымдарының кандидаты, дәрігер-терапевт, диетолог Екатерина Бурляеваның айтуынша, ағза инфекцияға қарсы тұруы үшін дәрумендер мен минералдарды ішу қажет, деп жазады РИА Новости.

Тамақтану және биотехнология зерттеу орталығының мамандары өзін-өзі оқшаулау және карантин кезінде ересектер мен балаларға арналған арнайы тамақтану бойынша ұсыныстар дайындады. Оны әзірлеу кезінде адам ағзасындағы зат алмасу құбылысы мен нутрицитологияның негізгі заңдары басшылыққа алынды. Ас арқылы келген калорийдің жұмсалуы, әртүрлі асты пайдалану және ағзаға қажетті қоректік заттардың жеткілікті болуы ескерілді.

"Тұз, қант, қаныққан май қышқылдарын тұтынуды азайту керек немесе қанттан және ұннан жасалған кондитерлік өнімдер, жоғары сұрыпты ұннан жасалған нан және нан өнімдерін, тәтті газдалған сусындар, шұжықтар, майға қуырылған картоп, фаст фуд сияқты өнімдерді рационнан алып тастау қажет", - деді Бурляева.

Сонымен қатар маман рационаға қарабидай және бидай ұнынан жасалған немесе кебек қосылған нан, жарма, сүт және майлылығы төмен сүт өнімдері, ет, тауық еті, балық, жұмыртқа, өсімдік майы секілді дәстүрлі өнімдерді қосуды ұсынды. Бұдан бөлек, тәуілігіне 400 грамнан кем емес мөлшерде көкөніс пен жеміс жеу керек.

"Өзін-өзі оқшаулау режимі кезінде күйзеліс жағдайындағы ағзаның қорғаныс қызметін арттыру үшін D, A, E, C дәрумендері мен цинк және селен микроэлементтерін ішкен жөн", - деп атап өтті Бурляева.

Оқи отырыңыз: Сингапур ғалымдары Қазақстан індетті қашан жеңетінін болжады

3029
Кілт сөздер:
дәрігер, азық-түлік, коронавирус
Тақырып бойынша
Ғалым коронавирустан айыққан адам қандай қиындыққа тап болатынын айтып берді
Қытайлық ғалымдар коронавирусқа қатысты мәлімдеме жасады
Коронавирус тамақ арқылы қалай жұғуы мүмкін - маман жауабы
Коронавирус салдары қандай болады - мамандар болжам жасады
Ғалымдар коронавирустың белгілері неше күнде байқалатынын анықтады
Кресло ұстап тұрған ер адам, иллюстративті фото

Тоқаев жаңа агенттік басшысының орынбасарларын тағайындады

50
Жаңа лауазымға тағайындалған үш шенеуніктің екеуі қайта құрылымдаудан өткен ведомствода қызмет еткен

АЛМАТЫ, 21 қазан – Sputnik. Мемлекет басшысы Қасым-Жомарт Тоқаев жаңа агенттік басшысының орынбасарларын тағайындады, деп хабарлайды Ақорда.

"Президент өкімімен Рустам Ахметов бәсекелестікті қорғау және дамыту агенттігі төрағасының бірінші орынбасары қызметіне тағайындалды. Ал Марат Омаров пен Болат Сәмбетов Қазақстан Республикасының бәсекелестікті қорғау және дамыту агенттігі төрағасының орынбасары қызметін атқаратын болады", – делінген хабарламада.

Айта кетейік, Болат Сәмбетов бұған дейін ұлттық экономика министрлігі табиғи монополияларды реттеу және бәсекелестікті қорғау комитетінің Алматы қаласы бойынша департамент басшысы қызметін атқарған.

Рустам Ахметов кім?

Рустам Нұрланұлы Ахметов 1978 жылы Қарағанды облысының Теміртау қаласында дүниеге келген.

1999 жылы Қазақ мемлекеттік заң университетін бітірген. Еңбек жолын мемлекеттік кірістер министрлігінің кінәрат-қуыным жұмысы бөлімінің жетекші маманы болып бастады.

2001 жылы Қазақстан Республикасы президент әкімшілігіндегі мемлекеттік-құқықтық бөлімнің аға референті қызметіне қабылданды.

Әр жылдары президент әкімшілігіндегі мемлекеттік-құқықтық бөлімінің кеңесшісі, заңнама және құқықтық сараптама бөлімінің бас сарапшысы, сектор меңгерушісі болып жұмыс істеген.

2011 жылы табиғи монополияларды реттеу агенттігінің жауапты хатшысы қызметіне тағайындалды.

2014 жылдың тамыз айы мен 2017 жылдың сәуір айы аралығында ұлттық экономика министрлігі табиғи монополияларды реттеу және бәсекелестікті қорғау комитеті төрағасының орынбасары болды.

2017 жылы ұлттық экономика министрлігінің табиғи ресурстарды реттеу, бәсекелестікті және тұтынушылардың құқықтарын қорғау комитеті төрағасының орынбасары қызметіне тағайындалды.

2019 жылы ұлттық экономика министрлігі бәсекелестікті қорғау және дамыту комитетінің төрағасы болды.

Марат Омаров жайлы не білеміз

Марат Талғатұлы Омаров 1988 жылы дүниеге келген. Лондон экономика және саяси ғылымдар мектебін бітірген.

Еңбек жолын 2009 жылы Лондон қаласында "Digiet Limited" IT компаниясында бизнес-сарапшы болып бастаған.

2010-2012 жылдары "Digiet Limited" IT компаниясының коммерциялық директоры болды.

2012-2014 жылдары экономикалық даму және сауда, экономика және бюджеттік жоспарлау, ұлттық экономика министрінің кеңесшісі қызметін атқарды.

2014-2016 жылдары ұлттық экономика министрлігі тарифтік және институционалдық саясатты қалыптастыру департаменті директорының орынбасары болды.

2016-2017 жылдары "Қазақтелеком" АҚ басқарушы директоры болған.

2017 жылы технологиялық даму жөніндегі ұлттық агенттік басшысы болып тағайындалды.

2019 жылы "Бәйтерек" холдингінің басқарушы директоры – басқарма мүшесі болды.

Жаңа агенттік туралы

Мемлекет басшысы 1 қыркүйектегі Қазақстан халқына жолдауында бәсекелестікті қорғау мен дамыту бойынша мықты және тәуелсіз орган қажет екенін мәлімдеді. Ол президентке тікелей есеп беретін бәсекелестікті қорғау және дамыту агенттігін құруды тапсырды.

Оқи отырыңыз: Тоқаев бәсекелестікті қорғау және дамыту агенттігінің құрылымын бекітті

Жаңа ведомствоны бұған дейін Еуразиялық экономикалық комиссияның бәсекелестік және монополияға қарсы реттеу жөніндегі алқа мүшесі (министрі) болып қызмет еткен Серік Жұманғарин басқарады.

50
Кілт сөздер:
Ақорда, шенеуніктер, лауазым
Тақырып бойынша
Қазақстанда екі облыс әкімінің орынбасарлары тағайындалды
Григорий Марченко жаңа қызметке тағайындалды
Қазақстанның төтенше жағдайлар вице-министрлері тағайындалды
Қазақстанның бұрынғы бас санитар дәрігері жаңа қызметке тағайындалды
Қорғаныс министрінің екі орынбасары тағайындалды
Портфель ұстаған ер адам

Екі министрліктің жауапты хатшысы қызметінен босатылды

164
Әнуар Ахметжанов жауапты хатшы лауазымында 1 жыл 6 ай отырса, Әсем Нүсіпова бұл қызметті 2,5 айдан астам уақыт қана атқарды

АЛМАТЫ, 21 қазан – Sputnik. Мемлекет басшысы Қасым-Жомарт Тоқаевтың өкімімен екі министрліктің жауапты хатшысы қызметінен бостатылды, деп хабарлады Ақорда.

"Әнуар Ахметжанов цифрлық даму, инновациялар және аэроғарыш өнеркәсібі министрлігінің жауапты хатшысы қызметінен, Әсем Нүсіпова денсаулық сақтау министрлігінің жауапты хатшысы қызметінен босатылды", – делінген хабарламада.

Айта кетейік, Әнуар Ахметжанов бұл қызметке 2019 жылдың сәуірінде тағайындалған болатын. Ал Әсем Нүсіпова министрліктің жауапты хатшы қызметіне 2020 жылдың 30 шілдесінде кіріскен.

Оқи отырыңыз: Министрліктерде жауапты хатшылар болмайды – Тоқаев тапсырма берді

164
Кілт сөздер:
Ақорда, лауазым
Тақырып бойынша
Алматыда ағаштарды кесуге рұқсат берген шенеунік қызметтен кетті
Қазақстанда екі вице-министр қызметінен босатылды
Министр Асқар Жұмағалиев қызметінен босатылды
Алматы метрополитенінің директоры қызметтен кетті
Қазнетті шулатқан сарысулық полиция бастығы қызметінен босатылды