Ұшақ бортындағы жолаушылар

Енді ұшақ жолаушыларынан коронавирус анықтамасы талап етілмейді

624
Он бірінші мамырдан бастап әуе жолаушылары коронавирусқа ПТР тест тапсырмайды, бірақ маска режимі сақталады

НҰР-СҰЛТАН, 11 мамыр – Sputnik. 11 мамырдан бастап Қазақстанда ұшақ жолаушыларынан коронавирус табылмағаны туралы анықтама талап етілмейді. Бұл туралы көліктегі бас мемлекеттік санитар дәрігер Сәдуақас Байғабылов мәлімдеді, деп хабарлайды Sputnik Қазақстан.

1 мен 10 мамыр аралығында әуежайларға қонған ұшақ жолаушылары, әуежай қызметкерлері мен әуе кемелерінің экипажы арасында жүргізілген мониторинг нәтижесі бойынша коронавирус инфекциясын жұқтырғандар тіркелген жоқ, деп мәлімдеді Байғабылов.

"Осыған байланысты 11 мамырдан бастап жолаушылар, әуежай қызметтерінің өкілдері мен экипаж үшін Covid-19 инфекциясына ПТР тесттен міндетті түрде өту талабы алынып тасталды", - деді көліктегі бас санитар дәрігер.

Дегенмен, әуежайларда әлеуметтік ара қашықтық пен маска режимін сақтау қажет. Жолаушылардың дене қызуы тексеріледі, ал шығарып салушылар терминал ғимаратына кіргізілмейді.

Егер жолаушының, әуежай немесе әуе компаниясы қызметкерінің температурасы, жөтелі немесе демікпесі бары анықталса, олар әуежай ғимаратына және ұшақ бортына кіргізілмейді.

Тағы оқыңыз: Қазақстанда төтенше жағдай режимі алынып тасталды

4 мамырда Қазақстанның авиация әкімшілігі ұшаққа отырар алдында коронавирусқа ПТР анализін тапсырғаны туралы міндетті анықтаманы алып тастауды ұсынды.

Бас санитар дәрігер Айжан Есмағамбетова бұл ұсынысты қарастыруға уәде берді, бірақ жабық кеңістікте инфекцияны жұқтыру қаупі жоғары екенін атап өтті.

Денсаулық сақтау министрі Елжан Біртанов 8 мамыр күні "Хабар 24" телеарнасының эфирінде ұшар алдында COVID-19-ға тест тапсырған он қазақстандықтан коронавирус табылғанын мәлімдеген еді.

624
Кілт сөздер:
анықтама, жолаушылар, ұшақ, коронавирус
Тақырып:
Коронавирус эпидемиясы (2555)
Тақырып бойынша
Эпидемиологтар Қазақстанда коронавирустың екінші толқыны қашан басталатынын болжады
Көптеген дәрігер коронавирустың жоғары жұққыштығын жете бағаламады – вице-министр  
Нұр-Сұлтанда коронавирус жұқтырған әйел дені сау сәби босанды
Игорь Сон

Олимпиада жүлдегері Игорь Сон мемлекет беретін қаржыны інісінің еміне жұмсайтынын айтты

712
Игорь Сон мүгедек бауырын аяққа тұрғызу үшін қолындағы қаржысын аямайтынын жеткізді

АЛМАТЫ, 30 шілде – Sputnik. Токиодағы XXXII жазғы Олимпиада ойындарының "қола" жүлдегері Игорь Сон мемлекет тарапынан берілетін қаржыны қайда жұмсайтынын айтты, деп хабарлайды Sputnik Қазақстан.

"Менің інім церебралды сал ауруымен ауырады, мүгедек. Отбасым Оңтүстік Кореяға емделу үшін кетті. Қазір әкем мен анам, ағам мен інім – барлығы Кореяда", - деді Игорь Сон Орталық коммуникациялар қызметінде өткен брифинг кезінде.

Олимпиада жүлдегері мемлекет тарапынан берілетін қаржыны сол інісінің еміне жұмсайтынын айтты.

"Менің міндетім – алдымен бауырымды аяққа тұрғызу. Інімнің емінен қалған қаржыға өмір сүремін", - деді ауыр атлетші.

Қазақстанда Олимпиада чемпионына 250 мың доллар, күміс жүлдегерге 150 мың доллар, қола жүлдегерге 75 мың доллар беріледі.

Айта кетейік, Игорь Сон Токио Олимпиадасында 61 килограмға дейінгі салмақ дәрежесінде қола медаль ұтып алды. Ол жарыс кезінде барлығы 294 (131+163) килограмм көтерді.

712
Алия Назарбаева

Назарбаевтың кенже қызы алғашқы кітабында не туралы жазғанын айтты

2359
(Жаңартылды 19:57 30.07.2021)
Әлия Назарбаева кітапта өзінің өмірлік ұстаздарының аты-жөнін атап, отбасы туралы әңгімелеуге уәде берді

НҰР-СҰЛТАН, 30 шілде – Sputnik. Қазақстанның тұңғыш президенті Нұрсұлтан Назарбаевтың кенже қызы Әлия Назарбаева өзінің алғашқы кітабын жазып бітірді.

Посмотреть эту публикацию в Instagram

Публикация от Aliya Nazarbayeva (@aliya_nazarbayeva_official)

"Қарапайым тілмен және жақсы ниетпен жазылған алғашқы кітабымды аяқтадым. Мен бір кездері бағалаған, жақсы көрген және осы күнге дейін жақсы көретін нәрселерді оқиғалар мен баяндау арқылы жеткізуге тырысып бақтым. Кітапта балалық шағым туралы, әпкем Динараның қалай менімен әлек болғанын, әкеммен не жайлы ұзақ сөйлескеніміз туралы, анамның кеңестері қалай көмектесіп, күш бергенін айтамын", - деп жазды Әлия Назарбаева өзінің Instagram парақшасында.

Ол "Место Силы" кітабынан оқырмандар оның ұстаздары туралы, достықта нені жоғары бағалайтынын, нені кешіріп, не үшін кешірім сұрай алатыны жөнінде білетінін атап өтті.

"Мен балаларымды қатты жақсы көремін және олардың кез келген таңдауын қолдаймын, бұл туралы кітапта жаздым және оны бұрын еш жерде жарияланбаған фотосуреттер арқылы білдірдім", - деді ол.

Назарбаева "Место Силы" кітабы қазір баспада басылып жатқанын хабарлады.

2359
Кілт сөздер:
Әлия Назарбаева, кітап, Назарбаев
Инфекциялық стационар

Алматы "күңгірт қызыл" аймаққа кірді: әскери госпитальде инфекциялық стационар ашылды

0
150 науқасқа арналған ауруханада орташа ауыр деңгейдегі және ауыр жағдайдағы науқастарды емдейді

НҰР-СҰЛТАН, 30 шілде — Sputnik. Алматы әскерилері коронавирус жұқтырған науқастарды қабылдау үшін инфекциялық стационар жасақтады, деп хабарлады қорғаныс министрлігінің баспасөз қызметі.

"Коронавирус жұқтырғандар санының артуына байланысты жергілікті атқарушы органның өтініші бойынша Алматыдағы қорғаныс министрлігінің әскери клиникалық госпиталі инфекциялық стационар жасақтады", - деп хабарлады қорғаныс ведомствосы.

Палата в инфекционном стационаре
© Photo : Минобороны РК
Инфекциялық стационардағы палата

Стационар 150 науқасқа арналған. Сонымен қатар медициналық мекемеде 50 орын соматикалық патологиясы бар әскери қызметкерлерді емдеу үшін және әскери-дәрігерлік және әскери-ұшқыштар сараптамасын жүргізу үшін бөлінеді.

"Біздің әскери госпиталь екінші эшелонға жатады. Сондықтан инфекциялық стационарға орташа ауыр және ауыр дәрежедегі науқастар жатқызылады. Жеке құрам мұндай жағдайға дайын", - деді Алматыдағы әскери клиникалық госпитальдің басшысы міндетін атқарушы Әбдіуәли Палтушев.

Кислородный баллон в инфекционном стационаре
© Photo : Минобороны РК
Инфекциялық стационардағы оттегі баллоны

Оның айтуынша, госпиталь мамандарының коронавирус жұқтырғандарды емдеу тәжірибесі бар. Медициналық мекемеде жасанды тыныс алдырту және гемодиализ аппаратымен жабдықталған реанимация бөлімі жұмыс істейді.

Еске сала кетейік, 2020 жылдың сәуірінен бастап әскери госпиталь дәрігерлері халыққа медициналық көмек көрсету жұмыстарына екі рет жұмылдырылды. Нәтижесінде 1 430 адам емделіп шықты, оның шамамен 30%-і – ауыр және асқынған деңгейдегі науқастар.

2021 жылдың шіддесінен бастап Нұр-Сұлтандағы Бас әскери клиникалық госпиталь коронавирус жұқтырғандарды емдеу үшін қайта іске қосылды.

Сондай-ақ Алматы, Талдықорған және Үшаралдағы үш әскери-емдеу мекемесі азаматтарды қабылдауға дайын. Аягөз, Талдықорған, Сарыөзек және Семей әскери госпитальдарында қосымша төрт инфекциялық бөлім жұмыс істеп тұр. ПТР-тестілеу жүргізу үшін Нұр-Сұлтанда және Алматыда екі стационарлық зертхана, сондай-ақ Ақтау мен Семейде мобильді зертханалық кешендер ашылған.

0
Тақырып:
Коронавирус эпидемиясы (2555)