Жолаушылар пойызы

Пойыз жолаушыларына жолға тамақ алуға рұқсат етіледі Байғабылов

359
(Жаңартылды 18:10 14.05.2020)
Жолаушылар маска тағуға, ал жолсеріктер оған қоса қолғап киюге міндеттеледі. Бір вагоннан екінші вагонға өтуге болмайды

НҰР-СҰЛТАН, 14 мамыр – Sputnik. Пойызда жолаушыларды отырғызуға қатысты қосымша талаптар енгізілмейді. Адамдарға өзімен бірге тамақ алуға рұқсат етіледі. Бұл туралы көліктегі бас мемлекеттік санитар дәрігер Сәдуақас Байғабылов мәлімдеді, деп хабарлайды Sputnik Қазақстан тілшісі.

Ол жолаушылар билетте көрсетілген орындары бойынша отырғызылатынын атап өтті. Басқа қосымша талаптар көзделмеген.  

"Купе, плацкарт вагондарында, Тальго пойызында да тек билет бойынша отырады. Жолсеріктер жолаушылардың маска тағуын, жүріп-тұруын, топтаспауын қадағалайды", - деді Байғабылов орталық коммуникациялар қызметінде өткен онлайн брифингте.

Көліктегі бас санитар адамдарға жолға өзімен бірге тамақ алуға рұқсат етілетінін айтты.  

Пойыз жолаушылары маска тағуға, ал жолсеріктер оған қоса қолғап киюге міндеттеледі. Бір вагоннан екінші вагонға өтуге болмайды.

Пойыз жүргеннен кейін жолсеріктер жолаушыларға анкета таратып, сауалнама жүргізеді.

Вокзал ғимаратына кірер алдында барлық адамның дене қызуы тексеріледі.

Оқи отырыңыз: Қазақстанда пойыздар 1 және 10 маусымда іске қосылады

Бұған дейін жолаушылар пойыздары 1 маусымнан бастап жүретіні хабарланған еді. 15 мамырда Қазақстанның ішкі бағыттарына билет сатыла бастайды.

Республикаішілік пойыздар қозғалысын екі кезеңде: 2020 жылдың 1 және 10 маусымынан іске қосу жоспарланып отыр.

359
Кілт сөздер:
тамақ, жолаушылар, пойыз
Тақырып:
Төтенше жағдай және карантин (669)
Тақырып бойынша
Қазақстан алты жыл ішінде 600 жаңа вагон сатып алуды жоспарлап отыр 
"Пойызбен барған": Түркістан облысында коронавирус табылған науқас бірнеше қалада болған
Вокзалға тек билетпен кіргізеді: пойыз жолаушылары нені білуі тиіс
кеспе

Министрлік корей кеспесі қандай жағдайда қайта сатыла бастайтынын айтты

0
Сырттан әкелінген тауар кеден одағының талаптарына сәйкестендірілген кезде Қазақстанда қайтадан Корей кеспесін сатуға рұқсат беріледі

АЛМАТЫ, 26 қазан – Sputnik. Денсаулық сақтау министрлігінің санитарлық-эпидемиологиялық бақылау комитеті корей кеспесі Қазақстан нарығын қандай жағдайда қайтарылатынын айтты, деп хабарлайды Sputnik Қазақстан.

Қазақстан аумағына әкелінетін өнім кеден одағының тамақ өнімдерінің қауіпсіздігі туралы техникалық регламенттеріне сәйкес келуі тиіс. Сонымен қатар генетикалық түрлендірілген организмдердің (ГМО) болуы туралы таңбалау талаптары бұзылмауы керек.

"Корея Республикасының уәкілетті органдарын санитарлық-эпидемиологиялық іс-шаралар жүргізу туралы хабардар ету және өнім өндірушіге қатысты бақылауды күшейту, сондай-ақ өнімнің Кеден одағының техникалық регламентіне сәйкестігін бақылау зерттеулерінің нәтижелері корей кеспесін әкелуге және өткізуге тыйым салуды жоюға негіз болады", - деп хабарлады ведомство.

Сонымен қатар комитет қазір республика бойынша сауда желісінде талапқа сәйкес келмейтін өнімді сатудан алып тастау бойынша жұмыс жүргізіліп жатқанын хабарлады.

Тыйымды бұзып, корей кеспесін сатуды жалғастыратын кәсіпкерлерге әкімшілік құқық бұзушылық туралы кодекстің 425-бабы ("халықтың санитарлық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу") бойынша айыппұл салынады.

Айта кетейік, 14 қазаннан бастап Қазақстанда генетикалық түрлендірілген сояның көп болуына байланысты "Оттоги Рамен" компаниясының оңтүстік кореялық тез дайындалатын кеспесін әкелуге және сатуға тыйым салынды.

Сонымен қатар санитар дәрігерлер Қытайда шығарылған Better Cokies Danish Pride печеньесіне де тыйым салды.

0
Қандастар, архивтегі сурет

Биыл 11 мыңға жуық этникалық қазақ қандас мәртебесін алды

7
(Жаңартылды 12:44 26.10.2020)
1991 жылдан бері елге 1 миллионнан астам этникалық қазақ оралды. Қандастардың жартысынан көбі еңбекке қабілетті

НҰР-СҰЛТАН, 26 қазан – Sputnik. 2020 жылы 11 мыңға жуық этникалық қазақ тарихи отанына оралды. Оларға қандас мәртебесі берілді (бұған дейін оралман - Sputnik). Бұл туралы Еңбек және халықты әлеуметтік қорғау министрлігі хабарлады.

1 қазандағы жағдай бойынша 10,9 мың адам Қазақстанға оралды. Жалпы 1991 жылдан бері елге 1 миллион 68,3 мың этникалық қазақ оралды.

"Осы жылы Қазақстанға келген қандастардың жартысынан көбі Қытайдан, 27,7%-і – Өзбекстаннан, 9,1% – Түрікменстаннан, 3,4% – Моңғолиядан және 2,9% басқа елдерден", - делінген хабарламада.

Келген этникалық қазақтар, негізінен, Алматы және Маңғыстау облыстарына, сондай-ақ Нұр-Сұлтан және Шымкент қалаларына қоныстанды.

Қандастардың жартысынан көбі еңбекке қабілетті. 10,3%-і - зейнеткерлер.

Еске сала кетсек, енді этникалық қазақтар 1991 жылға дейін шет мемлекетте тұрғанын растамайды. Сондай-ақ, "оралман" сөзінің орнына қандас термині қолданылады.

7
Кілт сөздер:
этникалық қазақ
Тақырып бойынша
АҚШ Қытайда қысым көрген этникалық қазақтарға қатысты мәлімдеме жасады
Оралман емес, қандас: сенат этникалық қазақтарға қатысты заң қабылдады 
Назарбаева Қытай елшісімен кездесуінде этникалық қазақтар проблемасын көтерді
Қазақстан бүкіл әлемдегі этникалық қазақтарға арнайы куәліктер береді
Оралман ба, әлде қандас па - министр өзіне қай сөз жақын екенін айтты