Архивтегі фото

Елордадағы сауда орталықтарын ашу мүмкіндігі қарастырылып жатыр Жанна Пірәлиева

286
Жұмысты қалпына келтірудің басты шарты – бір апта бойы коронавирус індетінің таралу деңгейін 5% -тен асырмау

НҰР-СҰЛТАН, 15 мамыр – Sputnik. Нұр-Сұлтанда 18 мамырдан бастап сауда және ойын-сауық орталықтары мен дәмханалар жұмысын қайта бастауы мүмкін. Бұл туралы әкімдікте өткен брифингте елорданың бас санитар дәрігері Жанна Пірәлиева мәлімдеді, деп хабарлайды Sputnik Қазақстан тілшісі.

Оның айтуынша, сауда және ойын-сауық орталықтары мен басқа да нысандардың жұмысын қайта жандандыру туралы соңғы шешім апта қорытындысы бойынша қабылданады. Коронавирустың таралу деңгейі 5% -тен аспаған жағдайда нысандар ашылады.

Елорда әкімдігінің баспасөз қызметі сауда және ойын-сауық орталықтары 18 мамырдан бастап ашылмайтынын, мәселе шектеулерді алып тастаудың келесі кезеңінде қаралатынын хабарлады. Сауда орталықтары елордада 25 мамырдан бастап жұмыс істеуі мүмкін.

Оқи отырыңыз: Бас мүфти Қадір түнінде мешіттер жабық болатынын айтты

Бұған дейін 18 мамырда қоғамдық тамақтану орындары ашылатыны туралы хабарланған болатын. Бұл тізімге 50 орынға дейінгі дәмханалар мен мейрамханалар кіреді.

Сондай-ақ дүйсенбіден бастап балабақшалардағы кезекші топтардың, жеке сабақтарға арналған түзету кабинеттерінің жұмысы қайта жанданады.

"Ойын-сауық нысандарын, тамақтану орындарын, сұлулық салондарын іске қоспай, сауда және ойын-сауық орталықтарының жұмысын қалпына келтіру мүмкіндігі қарастырылып жатыр. Халыққа қызмет көрсету орталықтарын ашу жайы қарастырылуда", - деді Жанна Пірәлиева.

Елоданың бас санитар дәрігері қатты қажеттілікке байланысты кейбір халыққа қызмет көрсету орталықтары 4 мамырда жұмысын бастағанын еске салды. Індетке шалдыққандардың саны төмендеген жағдайда 18 мамырдан бастап ХҚКО толығымен жұмыс істей бастайды.    

286
Кілт сөздер:
карантин, дәмхана, сауда орталықтары
Тақырып:
Төтенше жағдай және карантин (704)
Тақырып бойынша
Нұр-Сұлтанда қоғамдық көліктің жүру кестесіне өзгеріс енгізілді
Қазақстанда пойыз билеттері сатыла бастады
Күн көзі коронавирусты өлтіре ме – қазақстандық инфекционист жауап берді
Алматыда мейрамхана, қонақ үй мен мешіттердің қашан ашылатыны белгілі болды
Нұр-Сұлтанда гипермаркет қызметкерінен коронавирус табылды
Сенат депутаты

Ағылшын саяхатшысын таңғалдырған жер: депутат Қапал ауылының жағдайына алаңдады

39
(Жаңартылды 12:48 26.11.2020)
Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген

НҰР-СҰЛТАН, 26 қараша – Sputnik. Сенат депутаттары Ұлы Жібек жолының бойында орналасқан өшпес тарихы бар Қапал ауылының қазіргі жағдайына алаңдап, оны үкіметтің қорғауындағы нысандар қатарына қосуды ұсынды, деп хабарлайды Sputnik Қазақстан тілшісі.

Сенатор Бақытжан Жұмағұловтың айтуынша, 1847 жылы бекініс ретінде, Ресей империясының мүддесіне сай бой көтерген елді мекеннің тарихын тану, оны ХІХ ғасырдағы сәулет өнерінің мәдени  ескерткіші ретінде ұрпақтан ұрпаққа қалдырудың рухани мәні зор.

"Бұл өлке сонау Түркі дәуірінен, Қимақ мемлекеті тұсынан бері танымал, белгілі тарихи жер. Қапал – ұлтымыздың ұлы тұлғасы Шоқан Уәлихановтың, Петр Семенов-Тяньшанскийдің ізі қалған жер. Қапал – ағылшын саяхатшысы Томас Аткинсонды таңғалдырған жер. Қапал – жоңғар шапқыншыларымен шайқаста ту көтерген Қапал батыр жатқан жер. Бұл туралы Уәлихановтың "Жоңғария очерктерінде" жазылған", - деді ол үкімет басшысына жолдаған депутаттық сауалында. 

Жұмағұлов жуырда Қапал, Ақсу елді мекендерінде болып қайтқанын айтты. Тұрғындармен кездесуде халық қасиетті Қапалдың жағдайын үкіметке жеткізуді өтінген. 

"Сан ғасырлық тарихы бар Қапал ауылының бүгінгі жағдайы кімді болса да алаңдатпай қоймайды. XIX ғасырдың ескерткіші болып саналатын қос қабатты үйлердің бет жағы ғана аман қалған. Ескі екі мешіт үйі де қараусыз қалып, құлаған. Көп үйлердің ағаштарын жергілікті тұрғындар бұзып алып, қора-қопсы салып алғаны да жасырын емес. Ауылдың рухани орталығы болған Қапалдағы ақын Сара мен Фатима Ғабитованың музей үйлерінің де ізі жоқ. Ондағы құнды экспонаттар да жоғалған", - деп қапаланды сенатор.

Депутаттың пікірінше, атақты Жібек жолының бір бекеті, Қапал ауылы қай жағынан алсаң да Жетісудың туристік мекеніне айнала алады. Ол Қапалдағы тарихи ескерткіштердің қорғалмай, ескерусіз қалатынына алаңдады. 
Осыған байланысты сенат депутаттары сәулетшілер, тарихшылар, әдебиетшілер, этнографтардан тұратын арнайы комиссия құрып, Қапал ауылының мәдени-тарихи ескерткіштерін қорғау үшін тиісті шаралар қабылдауды, оларды үкіметтің қорғауындағы объектілер қатарына қосуды ұсынды.

39
Кілт сөздер:
ауыл, депутат
Тақырып бойынша
Табысы 35 мың теңге: депутат кедейлердің көпшілігі ауылда тұрып жатқанын айтты
Депутат Бектаев әр балаға 18 жасқа дейін қаржы бөлуді ұсынды
Депутат тұрмысы төмен отбасылардың неге баспана ала алмай жүргенін айтты
"Үкіметтің ақылы неге соған жетпейді?!": депутат жаңа бағдарлама қабылдауды ұсынды
Қазақстанның сыртқы қарызы қанша – депутат сұрағына үкімет мүшелері жауап берді
Алматыдағы дезинфекторлар

Алматыда дезинфекция жасаушыларға жарты айдан бері жалақы төленбей жатыр

102
Жауаптылар атқарылған жұмыс үшін ақша екі күн бұрын аударылғанын айтты. Мердігерлер дезинфекция туралы барлық есепті ұсынғаннан кейін тағы да қаржы аудару жоспарланған

АЛМАТЫ, 26 қараша – Sputnik. Алматыда үйлердің кіреберісін зарарсыздандыратын мамандар екі аптадан бері атқарылған жұмыстың ақысын алмағанын айтып шағымданды. Олардың айтуынша, басшылық әрбір адамға кемінде 50 мың теңгеден қарыз. Пәтер иелерінің кооперативі атқарылған жұмыс туралы актілерді қабылдамаған.

Бұған дейін олар күн сайын бес мың теңгеден алып жүрген. Ал қазір қаланың коммуналдық қызметі атқарылған жұмыс туралы актілерді қабылдауды тоқтатқан, деп хабарлады КТК телеарнасы.

"Қазірдің өзінде біз инфекция ошағын дезинфекциялауды тоқтатқан жоқпыз. Өйткені жауапкершілік бар екенін түсінеміз. Бізде шамамен 100 үй бар. Қызметкерлер орта есеппен жұмысты кешкі сағат 10-да аяқтайды. Тұрғын үй-коммуналдық қызмет біздің жағдайымызды түсініп отырған жоқ. Қызметкерлер актілерді алып аязда жүреді, қағазды басып шығарады. Ал олар бізге актілерді қайтарып жібереді. "Жұмысты аяғына дейін істеу керек" деп айтады", - дейді дезинфекция жөніндегі менеджер Бабек Жұмақаев.

Жұмыс тобын әртүрлі нысанға тасымалдайтын жүргізушілер дизель отынын сатып алуға ақша жоқ екенін айтты. Оны мердігер ұйым төлеуі қажет. Алайда 10 күннен бері ер адам өз ақшасына жанармай құйып келеді. Айтуынша, оған шамамен 200 мың теңге қарыз.

"Күніне жанармайға шамамен алты мың теңге кетеді, тамақ бар, күніне маған 10 мың теңге керек. Бұл фирма. Оларға әкімдік ақша бермей отыр. Жазда бұлай қиын болған жоқ, себебі көліктің басым бөлігі дизель отынымен жүреді. Қазір ол қатып қалады. Таңертең көлік оталуы үшін оған түрлі қоспа қосамыз. Қыста шығын көп болады", - деді жүргізуші Сабыр Нұрматов.

Сонымен қатар мердігер ұйым дезинфекция жасаушылардың қаладағы сегіз ауданның бесеуінде жұмыс істейтінін айтты. Ал жұмыстың сапасын коммуналдық қызмет тексереді. Есеп әкімдікке жіберіледі. Сол себепті шенеуніктер тексергеннен кейін ғана ақша шотқа жіберіледі.

"Шамамен өткен екі аптада ақша төлеген жоқпыз. Қомақты сомаға толтырылған актілер жатыр. Бұл шамамен 200 миллион теңге. Біз төлем жасауға актілерді тапсырдық. Ішкі процестерге байланысты төлем жасалмады", - деді "Қала жарығы" ЖШС директоры Мейіржан Тоқтарақын.

Ал әкімдіктің айтуынша, бұл актілер тез тексеріледі, ақшаны да уақытында төлеуге дайын. Алайда тек сапалы атқарылған жұмыс үшін төлейтінін айтты. Көптеген қала тұрғыны кіреберіс пен көшелердегі тазарту жұмыстарына көңілі толмайды.

"Тұрғындар пәтер иелері коперативіне хабарласып, жұмыстың сапасыз жүргізілгенін айтатын жағдайлар кездеседі. Мұндай сәтте біз оларда қайтадан жібереміз. Біздің тарапымыздан орындалған жұмыстардың актілеріне қатысты мәселе жоқ, тексереміз, әрі қарай жұмысқа кетеді. Мердігер ұйым кешіктіретін сәттер де кездеседі. Яғни, олар бізге орындалған жұмыстардың актісін кеш әкеледі", - деп атап өтті Тұрғын үй инспекциясы бөлімінің басшысы Жандос Қайырханов.

Оның айтуынша, атқарылған жұмыстар үшін ақша екі күн бұрын аударылған. Мердігерлер дезинфекция туралы барлық есепті ұсынғаннан кейін тағы да ақша жіберіледі. Егер мәселе шешілмесе, дезинфекция жасаушылар еңбек инспекциясына жүгінеді.

 

102
Кілт сөздер:
жалақы, Алматы
Тақырып бойынша
Полиция Қуат "Найман" Хамитов ұсталғанын хабарлады
"Қара су сеуіп жүр": Министрлік дезинфекцияға қатысты шулы видеоға түсініктеме берді
Қуат Хамитов дау тудырған видеосына қатысты мәлімдеме жасады
Тоқаев дезинфекция жасап жүрген жігітті таныды - видео
Елордада дезинфекция шаралары қалай жасалды – видео