Қасым-Жомарт Тоқаев

Президент Тоқаев туған күнін қалай атап өтеді

3357
Тоқаевтың отбасында туған күнді атап өту дәстүрі болмағандықтан, ол бұл күні өз үйінде жұмыс істейді.  Аталған датаға орай ешқандай шара жоспарланбаған

НҰР-СҰЛТАН, 16 мамыр – Sputnik. Мемлекет басшысы Қасым-Жомарт Тоқаев туған күнін қалай атап өтетіні белгілі болды. Бұл жайында президенттің баспасөз хатшысы Берік Уәли Facebook парақшасында мәлімдеді, деп хабарлайды Sputnik Қазақстан.

Биылғы 17 мамыр, жексенбі күні президент Қасым-Жомарт Тоқаев 67 жасқа толады. Осыған орай, оның баспасөз хатшысына бірқатар ақпарат құралдары өкілдерінен мемлекет басшысы туған күнін қалай атап өтетіні туралы сауал жолданған.

"Қасым-Жомарт Кемелұлы үйінде жұмыс істейді. Аталған датаға орай ешқандай шара өтпейді. Тіпті, президент әкімшілігінің қызметкерлеріне туған күнімен құттықтамау, естелік сыйлықтар тарту етпеу туралы ескерту жасалды", – деп жазады Уәли Facebook парақшасында.

Сондай-ақ, Уәли президенттің бұл күнді тойлағанды ұнатпайтынын айтады. Өйткені ол кісінің отбасында балалардың да, ересектердің де туған күні тойланбайды. Ондай дәстүр қалыптаспаған.

"Дегенмен, ертең Қасым-Жомарт Кемелұлын туған күнімен көршілес мемлекеттердің басшылары телефон арқылы құттықтайды деп күтілуде", – деп толықтырды Тоқаевтың баспасөз хатшысы.

Оқи отырыңыз: Тоқаев президенттің өкілеттігін кеңейтетін заңға қол қойды

Оның айтуынша, қазірдің өзінде көптеген мемлекет және үкімет басшыларының, парламент төрағалары мен халықаралық ұйым жетекшілерінің құттықтаған жедел хаттары келіп жатыр.

3357
Кілт сөздер:
туған күн, президент, Қасым-Жомарт Тоқаев
Тақырып бойынша
Тоқаев Алматыдағы ботаникалық баққа барды
Тоқаев дезинфекция жасап жүрген жігітті таныды - видео
Тоқаев үкіметке берген тапсырмасын түсіндірді - видео
"Ержүрек аға буынның алдында мәңгі қарыздармыз": Тоқаев Жеңіс күнімен құттықтады
Көпбалалы отбасыларға арналған жәрдемақы: Тоқаев заңға қол қойды
COVID-19 анализі - иллюстративті фото

Қазақстанда індетке шалдыққан 400-ге тарта науқас анықталды  

303
(Жаңартылды 09:00 30.10.2020)
Бір тәулікте коронавирусты жұқтырғандардың саны 1,5 есе артты. Шығыс Қазақстан облысында 205 адам ауырып қалған

НҰР-СҰЛТАН, 30 қазан – Sputnik. Қазақстанда өткен тәулікте коронавирус індетін жұқтырған 392 науқас анықталды, деп хабарлады денсаулық сақтау министрлігі.

Бір күн бұрын инфекция 268 адамнан, ал алдыңғы күні 148 адамнан табылған болатын.

Оқи отырыңыз: Шығыс Қазақстан облысында блок бекеттер қойылады 

Науқастардың басым бөлігі Шығыс Қазақстан облысында тіркелді – мұнда 205 адам ауырып қалған. Өңірдің бас мемлекеттік санитар дәрігері карантинді күшейту туралы қаулы шығарды.

Өңірлер бойынша мәлімет:

  • Нұр-Сұлтан қаласы – 27,
  • Алматы қаласы – 18,
  • Шымкент қаласы – 1,
  • Ақмола облысы – 20,
  • Ақтөбе облысы – 12,
  • Алматы облысы – 19,
  • Атырау облысы – 12,
  • Шығыс Қазақстан облысы – 205,
  • Жамбыл облысы – 3,
  • Батыс Қазақстан облысы – 8,
  • Қарағанды облысы – 10,
  • Қостанай облысы – 8,
  • Қызылорда облысы – 3,
  • Маңғыстау облысы – 1,
  • Павлодар облысы – 23,
  • Солтүстік Қазақстан облысы – 17,
  • Түркістан облысы – 5.

Жалпы ел бойынша ауырғандар саны – 111 492.

303
Кілт сөздер:
Қазақстан, коронавирус
Тақырып:
Коронавирус эпидемиясы
Тақырып бойынша
Коронавирусқа қарсы вакцина салдырған еріктілер вирус жұқтырды
Семейде зертхананың әрбір екінші COVID анализі қате болып шықты
Анықтама қажет: Қазақстанда жиналысқа қатысатындар үшін жаңа ереже күшіне енді
Депутаттар вирус жұқтырған дәрігерлерге өтемақы төлеуді жалғастыруды талап етті
Францияда жалпыұлттық карантин қайта енгізілетін болды
Евстафий Пехлеваниди

Президент "Қайраттың" аты аңызға айналған шабуылшысын марапаттады

37
(Жаңартылды 09:44 30.10.2020)
Қазақстандық футболшы киевтік "Динамоның" қақпасына КСРО чемпионаты тарихындағы ең жылдам голды соққан

НҰР-СҰЛТАН, 30 қазан – Sputnik. Мемлекет басшысы Қасым-Жомарт Тоқаев Евстафий Пехлеваниди "Достық" орденімен марапатталғанын хабарлады.

"60 жылдық мерейтойын атап өтіп жатқан алматылық "Қайрат" футбол командасының аты аңызға айналған шабуылшысы  Евстафий Пехлеваниди қазақ футболын және Қазақстан мен Грекия арасындағы достықты дамытып, дәріптеуге орасан зор үлес қосқан үшін 2-дәрежелі "Достық" орденімен марапатталды", - деп жазды президент Twitter-де.

Оқи отырыңыз: Қазақстан чемпионатындағы ең қымбат футболшы кім 

Бұған дейін "Қайрат" футбол клубы қазақстандық футболдың аңызын 60 жылдық мерейтойымен құттықтаған болатын.

"Біздің клубтың бұл ардагері жайлы көп нәрсе айтуға болады. Жанкүйерлер "Пеха" деп атап кеткен Евстафий Пехлеванидидің маңызды ойындарда соққан голы аз емес, ал киевтік "Динамоның" қақпасына КСРО чемпионаты тарихындағы ең жылдам голды соқты!", - делінген футбол клубының хабарламасында.

37
Кілт сөздер:
Достық ордені, футболшылар
Тақырып бойынша
Қарсыласының әрекетіне көңілі толмаған Қуат алаңда төбелес шығара жаздады - видео
Қазақстандық футболшы отбасымен апатқа ұшырады: куәгерлер табылды – видео   
Белгілі қазақстандық футболшы әрі бапкер қайтыс болды
Үздік бестік: Қазақстандағы ең қымбат футболшылар
Әлемге әйгілі футболшы қамауға алынды
Қазақстан президенті Қасым-Жомарт Тоқаев

Тоқаев халықаралық форумда бейне үндеу жасады

0
(Жаңартылды 09:53 30.10.2020)
Қазақстан мен Оңтүстік Корея арасындағы стратегиялық ынтымақтастық ортақ құндылықтарға, өзара қолдау мен тығыз байланыстарға негізделген, деп атап өтті мемлекет басшысы

НҰР-СҰЛТАН, 30 қазан – Sputnik. Қазақстан президенті Қасым-Жомарт Тоқаев Солтүстік экономикалық ынтымақтастық – 2020 халықаралық форумында бейне үндеу жасады, деп хабарлады Ақорда.

"COVID-19-дан кейінгі жаһандық өзгерістер және солтүстік экономикалық ынтымақтастықтың келешегі" тақырыбындағы шара бүгін Сеул қаласында басталды.  

Мемлекет басшысы Қасым-Жомарт Тоқаев президент Мун Чжэ Ин бастамашы болған және соңғы үш жылдың ішінде өзінің өзектілігі мен өміршеңдігін дәлелдеген "Жаңа Солтүстік саясат" стратегиясын жоғары бағалап, Оңтүстік Корея басшысының өркендеген, өзара байланысы мығым және тұрақты Еуразия құру көреген идеясын құптады.

Қазақстан президентінің пікірінше, қазіргідей әлем коронавирус пандемиясының теңдессіз тегеуріндеріне тап болған кезде саяси жігер мен экономикалық сана синергиясы ерекше мәнге ие.

Қасым-Жомарт Тоқаев Қазақстан мен Оңтүстік Корея арасындағы стратегиялық ынтымақтастықтың ортақ құндылықтарға, өзара қолдау мен тығыз байланыстарға негізделгенін айта келе, елімізде өмір сүріп жатқан, достықтың "алтын көпірі" саналатын жүз мың корей қауымдастығының екі ел арасындағы қарым-қатынасқа қосқан үлесін атап өтті.

"Кореяның Қазақстан экономикасына жасаған инвестициясы 7 миллиард доллардан асты. Жаһандық тұрақсыздыққа қарамастан, екіжақты тауар айналымы артты. Орталық Азияның барлық бес елінің ортақ жалпы ішкі өнімнің 70 пайызы Қазақстанның үлесіне тиесілі. Корей мемлекеті жетекші инвесторлардың арасындағы 10-орынға ие. Бұл ретте, өзара тиімді ынтымақтастықты одан ары жалғастырудың әлі де пайдаланылмаған үлкен әлеуеті бар", – деді мемлекет басшысы.

Қазақстан президенті 2019 жылдың сәуір айында Мун Чжэ Иннің елімізге жасаған тарихи сапары екіжақты өзара іс-қимылдың жаңа белесін ашты деп санайды. Сапар аясында қол қойылған "Самал жел" бағдарламасы қазақ-корей экономикалық, сауда және мәдени жан-жақты байланыстарды жандандыруға бағытталған.

Сонымен қатар Қасым-Жомарт Тоқаев "Самал жел" бағдарламасы мен "Жаңа Солтүстік саясат" стратегиясы "Цифрлы Қазақстан", "Нұрлы жол" секілді ұлттық бағдарламаларда белгіленген стратегиялық міндеттерге сәйкес келетінін айтты.

Оқи отырыңыз: Оңтүстік Кореядан Қазақстанға айына 5 миллиард теңге аударылады 

Мемлекет басшысы әлемдегі ұзаққа созылған мұнай дәуірінің аяқталып келе жатқанын айтып, Қазақстан үшін әртараптандырылған және тұрақты экономика құрудың ерекше маңызды екенін атап өтті.

"Осыған байланысты мен Жаңа экономикалық бағыттың бастамашысы болдым. Бұл бағыт құрылымдық реформалармен ғана емес, сондай-ақ барынша қарқынды әрі мықты мемлекет құрумен байланысты. Қазақстан корей инвесторлары үшін арнайы әзірленген құралдарды ұсынуға әзір. Бұл ретте, салық және кеден артықшылықтары, жобаларды қоса қаржыландыру, экспортты қолдаудың ішінара кепілдіктері мен тетіктерін айтуға болады", –  деді президент.

Мемлекет басшысы ағылшын құқығы бойынша қызмет көрсететін "Астана" халықаралық қаржы орталығының әлеуетін де сөз етті. Президент бұл орталықтың шетелдік бизнеске арналған экожүйесінің бірегейлігін ерекше атап өтті.

Сөз соңында Қасым-Жомарт Тоқаев форум қатысушыларына жұмыстың табысты, ал Оңтүстік Корея президенті мен үкіметінің игі бастамаларының сәтті болуына тілектестік білдірді.

0
Кілт сөздер:
үндеу, Қасым-Жомарт Тоқаев