Қадір түніндегі мешіт көрінісі

Қадір түнін үйде қалай өткізу керек бас имамдар кеңес берді

2759
(Жаңартылды 17:25 19.05.2020)
Қадір түнінде арнайы құлшылық жоқ. Адам Құран немесе намаз оқи ма, дұға тілей ме, өзі біледі. Ең бастысы, Алладан көбірек кешірім сұрау керек

НҰР-СҰЛТАН, 19 мамыр - Sputnik, Арман Асқар. Қазақстанда мешіттер ашыла бастады. Алайда жамағатпен бірге намаз оқуға рұқсат жоқ. Мешіттердің жұмыс уақыты да шектеулі. Сондықтан Қадір түнінде кіруге болмайды. Ал мүфтият "мың айдан да қайырлы түнді" үйде өткізуге кеңес берді. Sputnik Қазақстан тілшісі бас имамдарға хабарласып, Қадір түнін үйде қалай өткізу керектігін сұрады.

"Ұйықтамасақ болды" деген ой болмау керек

Шыны керек, осы аптада мешіттер ашылады деген кезде мұсылман қауым елең ете қалды. Қадір түніне орай жасалып жатқан игі шара деп ойлады. Алайда мүфтият арнайы үндеу таратып, мешіттердің тек күндіз ғана жұмыс істейтінін мәлімдеді. Сөйтіп, Қадір түнін үйде өткізуге шақырды.

"Нұр-Астана" мешітінің бас имамы Нұрлан Рамазанов өз қызметінде алғаш рет Қадір түнін үйде өткізейін деп отыр. Оның айтуынша, осы түнде, ең бастысы, Алладан тілек тілеу керек. Себебі Қадір түнінде адамның бір жылдық тағдыры жазылады. 

"Негізі, Қадір түнін мешітте өткізу шарт емес. Осы түннің мәні мен мақсаты – дұғаны көбірек жасау. Адамның Құранды оқуға мүмкіндігі болса аудармасыз, болмаса мағынасына қарап та оқуға болады. Намаз оқи алса, нәпіл намаздарды оқу қажет. Дұға жасау керек. Пайғамбарымыздың Қадір түнінде үйреткен дұғасы бар. Ол – "Алаһуммә иннәкә афуун, түхиббүл афуа, фағфу анни", аудармасы – "Алла Тағалам, Сен кешірімдісің, кешіруді жақсы көресің, менің күнәларымды кешіре гөр!". Осындай дұғалар бар", – деді Рамазанов Sputnik Қазақстан тілшісіне берген сұхбатында.

Бас имамның сөзіне қарағанда, "қадір" деген сөздің өзі араб тілінен "тағдыр" деген мағына береді. Сол себепті осы түнде адамның бір жылдық тағдыры ғана емес, ырыздық-несібесі де жазылады. Сондықтан бұл түнді барынша құлшылықпен өткізген жөн. Дұға жасап, тілек тілеу керек.

"Яғни, өзіміздің тағдырымызды жақсартатын құдайдың үлкен бір мүмкіндігі. Осыны жіберіп алмауымыз керек. Мысалы, кейбір адамдар әлеуметтік желілерде отырады, ұйықтамасақ болды деп ойлайды. Енді біреулерде "теледидардың алдында күзетіп шықсақ болды" деген түсініктер болуы мүмкін. Олай емес. Қадір түнін барынша құлшылықпен, дұғамен, намазбен, тілекпен өткізген жөн", – деп атап көрсетті Рамазанов.  

Имамдар Қадір түнін қалай өткізеді?

"Былтыр мешіттер ашық болды. Қадір түнін сонда өткіздік. Мешітте жамағаттың алдында тарауық намазы оқылды. Одан кейін хатым Құранның батасы жасалды. Сөйтіп, дұғаны да, намазды да көпшілікпен бірге жасадық. Енді, осы жолы үйде өткіземіз", – дейді Рамазанов.

Бас имам түнде Құранды жүзіне қарап оқуды, сондай-ақ хадистерде көрсетілген дұғаларды көбірек меңгеруді жоспарлап отыр.

"Тәһажжүд пен нәпіл намаздары бар. Жалпы, құлшылықпен өткіземін деген ниетім бар", – деді Рамазанов.

Оқи отырыңыз: Түндердің ішіндегі қайырлысы Қадір түні туралы не білеміз?

Ал "Әзірет Сұлтан" мешітінің бас имамы Ерболат Нұрылдаұлы Қадір түнін мешітте өткізбекші. Себебі мүфтияттың ұйымдастыруымен түнде тікелей эфирден арнайы хабарлар көрсетіледі.

"Бізде түнгі сағат 15:00-ге дейін тікелей эфир болады. Сондықтан мен мешітте боламын. Сөйтіп, таң намазын оқып қайтамын", – дейді Нұрылдаұлы.

Әр нәрсенің артында бір жақсылық бар

Ерболат Нұрылдаұлы Қадір түнін мешітте өткізудің мән-маңызын түсіндірді. Оның айтуынша, әрбір мұсылман баласы көпшілікпен бірге құлшылық жасап, бірге қол жайып, мінажат жасауға асығады. Өйткені пайғамбарымыз сол көпшіліктің арасында бір адамның күнәсі кешірілсе, я болмаса, дұғасы қабыл болса, Алла тағала сол жердегі барлық адамның дұғасын қабыл ететінін айтқан. Жамағатпен құлшылық жасаудың ерекшелігі сонда.

"Өкінішке қарай, қазір Қазақстанда ғана емес, бүкіл әлемде осындай бір сынақ болып жатыр. Биыл Қадір түнін үйде өткізуге мәжбүрміз. Бірақ әр нәрсенің артында бір жақсылық бар. Осыны ұмытпауымыз керек. Әрбір мұсылман үйде отырып-ақ, мешітке келген сауабын ала алады", – деді Нұрылдаұлы. 

Осы орайда ол "мешітте болмасақ, Қадір түні есептелмейді" деген жаңсақ пікірден арылу керек деп санайды. Мәселен, Құран хатым дұғасына тікелей эфир арқылы қатысып, қол жаюға болады. Қадір түнінде арнайы құлшылық жоқ. Адам құран оқи ма, намаз жасай ма, дұға тілей ме, өзі біледі. Ал, ең бастысы, Алладан көбірек кешірім сұрау керек. 

"Отбасының тыныштығы, еліміздің тыныштығы, сұрай беру керек. Бүкіл ізгі тілекті сұрай беру керек. Өйткені бұл түннің әрбір минуты, әрбір секунды маңызды. Алла тағала Құранда "Бұл түн мың айдан да қайырлы" деп айтты. Ал мың айыңыз, ол – 83 жыл 4 ай. Сонда алты сағаттық құлшылық 83 жыл 4 айдан да қайырлы. Сосын бұл түнде адамның өмірі жазылады, бүкіл жақсылықтардың бәрі бекітіледі. Сол үшін осы мүмкіндікті жіберіп алмау керек", – деді Нұрылдаұлы.

Мүфтияттың жоспары

Қазақстан мұсылмандары діни басқармасы түнгі сағат 00:30-дан 02:40-қа дейін "Мың айдан да қайырлы Қадір түні" атты онлайн бағдарламасын ұсынады. Оны "Хикмет" студиясы мен діни басқарманың youtube арнасы арқылы көрсетеді.

Тікелей эфир кезінде бас мүфти және тағы бірқатар қоғам қайраткерлері сөз сөйлейді. "Әзірет Сұлтан" мешітінде басталған "Рамазандағы Құран хатым" атты онлайн хатым оқу шарасы түйінделіп, Құран хатым дұғасы жасалады.

Бұдан бөлек, құлшылық жасау, зікір, салауат пен тасбих айтудың артықшылығы жайында айтылады. Дінге қатысты сұрақтарға жауап беріледі. Айта кетейік, "Qazaqstan" ұлттық телеарнасы да 22:00-ден бастап таңсәріге дейін тікелей хабар таратады. Ал Qazaq radiosy кешкі сағат 18:10-нан бастап арнайы шығарылым ұсынады.

Мешіттер қалай жұмыс істейді?

18 мамырда астанада мешіттер мен дәмханалар ашыла бастады. Бірақ жұмыс уақыты шектеулі. Мәселен, мешітке таңғы сағат 07:00-ден кешкі 20:00-ге дейін келуге болады. Құлшылықтың үш түріне рұқсат берілген. Олар:

  • Намаз оқу;
  • Неке қию;
  • Құран оқыту.

Жамағатпен бірге намаз оқуға болмайды. Жеке құлшылыққа ғана рұқсат берілген. Адам 15 минуттың ішінде намазды оқып шығуы керек. Ал құран оқитын бөлмелерге 10 адамнан ғана кіргізеді. Ол жерде орындықтардың арасын да ашып қойған. Бұл – санитарлық нормалардың талабы. Неке қиюға төрт адам ғана кіре алады. Мешітке бетпердесіз кіргізбейді.

2759
Кілт сөздер:
имамдар, рамазан айы, Қадір түні
Тақырып:
Рамазан айы - 2020 (36)
Тақырып бойынша
Бекшин Рамазан айында ауызашар бергісі келетіндерге кеңес берді
Түрікменстан президенті Қадір түні құрметіне 600 адамды түрмеден босатты
Рамазан айында әрбір 15 минут сайын онлайн режимде дұға оқылады
Өкінішке қарай, биылғы Рамазан айы төтенше жағдайға тұспа-тұс келді – Тоқаев
Нұр-Сұлтан, архивтегі фото

Индустрия министрі 5 жылда Қазақстанда қанша тұрғын үй салынатынын айтты

36
(Жаңартылды 16:13 26.11.2020)
Бейбіт Атамқұлов пандемияға қарамастан жыл басынан бері өнеркәсіп саласы 3,2 пайызға өскенін атап өтті. Айтуынша, 2025 жылға дейін барлығы 103 миллион шаршы метр баспана салынады

АЛМАТЫ, 26 қараша – Sputnik. Мемлекет басшысы Қасым-Жомарт Тоқаев индустрия және инфрақұрылымдық даму министрі Бейбіт Атамқұловты қабылдады, деп хабарлады Ақорда.

Министр 2020 жылдың 10 айында жүзеге асырылған мемлекеттік бағдарламалардың қорытындысы мен министрліктің басым бағыттары жайында есеп берді. Сондай-ақ, 2020-2025 жылдарға арналған индустриаландыру бағдарламасы бойынша атқарылған жұмыстарды баяндады.

Кездесу барысында Бейбіт Атамқұлов пандемияға қарамастан жыл басынан бері өнеркәсіп саласы 3,2 пайызға өскенін айтты. Сонымен қатар жыл соңына дейін инвестиция көлемі 995 миллиард теңгені құрайтын 200 жоба іске асады.

"Министр жыл басынан бері "Нұрлы жол" бағдарламасының шеңберінде жалпы ұзындығы 2,6 мың шақырым автомобиль жолы пайдалануға берілгенін атап өтті. Еларалық жүк тасымалы да өскен. Атап айтқанда, Қытай-Еуропа-Қытай бағытындағы тасымал 61,6 пайызға артқан", - делінген ақпаратта.

Сондай-ақ, "Нұрлы жер" бағдарламасы бойынша 14,1 миллион шаршы метр тұрғын үйді пайдалануға беру жоспарланған.

Министрдің айтуынша, жыл соңына дейін аталған көрсеткішті 15 миллион шаршы метрге жеткізу көзделіп отыр. Ал 2025 жылға дейін барлығы 103 миллион шаршы метр баспана салынады.

Оқи отырыңыз: "Әйелдер ипотекасына" қатысты тың ақпарат шықты 

Қасым-Жомарт Тоқаев Бейбіт Атамқұловқа жергілікті жерлердегі жолдарды жөндеу, арендалық баспана құрылысын арттыру, сондай-ақ, ведомствоның негізгі бағыттары бойынша бірқатар тапсырма берді.

36
Кілт сөздер:
баспана, тұрғындар
Тақырып бойынша
Нұр-Сұлтанда тұрғын үй орталығы ашылды: қандай қызметтер көрсетіледі
"5-10-20" бағдарламасының төртінші кезеңі басталды: өтінішті кімдер тапсыра алады
Тұрғын үй құрылыс жинақ банкі ипотека беру жүйесіне өзгеріс енгізеді
Үкімет басшысы астананың құрылыс алаңын аралады
Планшетпен отырған бала, қашықтан оқыту

Министрлік ата-аналардың чатында тараған қауіпті ойын туралы ақпаратқа түсініктеме берді

460
Ата-аналардың үрейін туғызған компьютерлік ойын туралы хабарлама ішкі істер және ақпарат министрліктеріне жолданды

НҰР-СҰЛТАН, 26 қараша – Sputnik. Ата-аналардың чатында балаларды суицидке итермелейтін танымал компьютерлік ойын туралы ақпарат тарап жатыр. Қазақстан білім министрлігінің балалардың құқықтарын қорғау комитеті осыған қатысты түсініктеме берді, деп хабарлайды Sputnik Қазақстан.

"Балалардың құқықтарын қорғау комитеті бұл ақпаратты бірден өкілетті органға – ақпарат және қоғамдық даму министрлігіне жолдады. Олар бұл контентті зерделеп, бұғаттау мәселесін шешеді. Сондай-ақ, контенттің қауіпсіздігін тексеру үшін "Киберқадағалау" ақпараттық жүйесіне орналастырдық, - делінген ресми мәлімдемеде.

Бұған қоса, шындыққа жанаспайтын хабарлама таратқандарға шара қабылдау үшін ақпарат ІІМ-ге жіберілді.

Балалардың құқықтарын қорғау комитеті жалған ақпарат таратпауды және, қажет болған жағдайда, сенім телефонына хабарласуды сұрайды: 8 (7172) 74-25-28 және +7 (778) 289-81-57.

Сонымен қатар, тәулік бойғы BALA QORGAU телеграм-чатына да жүгінуге болады.

Тағы оқыңыз: Зағипа Балиева әлеуметтік желілерде қауіпті топтар пайда болғанын ескертті

Бұған дейін әлеуметтік желілерде Among Us ("Біздің арамызда") ойыны туралы ақпарат пайда болды. Анонимді аудиохабарламада ойынның балаларды суицидке итермелейтіні айтылған.

Among Us – қолданушылары көп компьютерлік ойын. Оны америкалық InnerSloth компаниясы әзірлеген. Ойын 2018 жылы 15 маусымда шықты. Ғарыш кемесіне "жиналған" ойыншылар екі командаға – экипаж мүшелері және сатқындар деп бөлінеді.

2018 жылы ойын қатты танымал болмаған еді, бірақ биыл Twitch пен YouTube-тің арқасында кең таралды.

460
Кілт сөздер:
оқушылар, ата-аналар, қауіпті ойын, Білім және ғылым министрлігі
Маска таққан қыздар

Қазақстанда 27 қарашада қандай маңызды оқиғалар болады

0
(Жаңартылды 18:48 26.11.2020)
Sputnik Қазақстан 27 қараша мен 12 желтоқсан аралығында болатын негізгі іс-шаралар мен оқиғаларға шолу жасайды (ақпарат толықтырылып отырады)

Қазақстанда бұқаралық іс-шараларды өткізуге уақытша тыйым салынды. Мемлекеттік органдардың мәжілістері мен баспасөз конференциялары онлайн режимде ұйымдастырылады. Десе де, біз алдағы күндерге жоспарланған іс-шаралар туралы ақпарат беруді жалғастырамыз.

27 ҚАРАШАҒА ЖОСПАРЛАНҒАН ШАРАЛАР

10.00 – "Азап вагондарында" видеоэкскурсиясы (трансляция Сәкен Сейфуллин музейінің Instagram парақшасында жасалады)

11.00 - Жалпыұлттық социал-демократиялық партиясының XVI съезі, алдағы Қазақстан парламенті мәжілісі мен мәслихаттары сайлауына байланысты мәселелер талқыланады (Park Inn қонақ үйі, Сарыарқа даңғылы 8а. Аккредитация +7 701 190 00 18, +7 707 716 11 92 телефондары арқылы жасалады)

11.15 - Орталық коммуникациялар қызметі базасында "Junior Eurovision-2020 ("Балалар Евровидениесі") конкурсының финалы туралы" баспасөз конференциясы. Спикерлер: "Хабар" агенттігі " АҚ басқарма төрағасы Ерлан Бекхожин,"Хабар" агенттігі" АҚ басқарма төрағасының бірінші орынбасары Ринат Кертаев, Қазақстанның "Балалар Евровидениесі конкурсындағы өкілі Қарақат Башанова, Қ.Башанова әнінің авторы Хамит Шанғалиев. Трансляцияны Youtube пен Facebook-тен көруге болады.   

12.30 – "Мемлекет басшысының жолдауы аясындағы аумақтық даму туралы" баспасөз конференциясы. Спикер: Ақмола облысының әкімі Маржықпаев Ермек Боранбайұлы. Трансляцияны Youtube пен Facebook-тен көруге болады.

16.00 – "Бозайғыр" қобызшылар квинтетінің онлайн-концерті (трансляция Қазақстанның Мемлекеттік филармониясының Instagram парақшасында жасалады)

16.30 - Орталық коммуникациялар қызметінде "Елдегі эпидемиологиялық жағдай және коронавируспен күрес шаралары туралы" баспасөз конференциясы. Спикерлер: Қазақстан денсаулық сақтау министрі Алексей Цой, денсаулық сақтау вице-министрі Ажар Гиният, денсаулық сақтау министрлігі санитарлық-эпидемиологиялық бақылау комитетінің төрағасы Айжан Есмағамбетова. Трансляцияны Youtube пен Facebook-тен көруге болады.

28 ҚАРАШАҒА ЖОСПАРЛАНҒАН ШАРАЛАР

15.00 - European Film Festival-дің жабылу салтанаты. Фестиваль эстониялық режиссер және IT кәсіпкер Рейн Раннудың "Погоня за единорогами" фильмімен жабылады. Тікелей эфирде Рейн фильм туралы сұрақтарға жауап береді және жеке тәжірибесін бөліседі. ЕО-ның Қазақстандағы елшісі Свен Олов Карлсон мен Эстония елшісі Хейти Мяемеэс те фестивальдің жабылу салтанатында сөз сөйлейді (тікелей эфир фестивальдің Facebook және Youtube парақшаларында).

Нұр-Сұлтан

10.00 - Жергілікті брендтерді, жас суретшілер мен Arts, Design and Flears дизайнерлерін қолдау шарасы (Hydra арт-зауыты, Омаров көшесі, 111)

18.00 - Композитор Петр Чайковскийдің 180 жылдығына арналған "Жан мен музыка үндестігі" концерті. Солист – "Астана Опера" театрының жетекші солисі, Қазақстанның еңбек сіңірген әртісі, мемлекеттік сыйлықтың лауреаты Майра Мұхамедқызы ("Астана Опера" театры, Қонаев көшесі, 1).   

Алматы  

18.00 – "Корсар" балеті (Абай атындағы Қазақ мемлекеттік академиялық опера және балет театры)

19.00 (Алматы) – Қазақстан мемлекеттік академиялық симфониялық оркестрінің Go for Baroque концерті. Бағдарламаға барокко дәуірінің туындылары енген (Монтеверди, Люлли, Вивальди, Гендель, Перселл, Бах). (Жамбыл атындағы филармонияның үлкен залы, Қалдаяқов көшесі, 35)

19.00 – "Италиялық музыка кеші. Верди" концерті (Абай атындағы Мемлекеттік академиялық опера және балет театры)

29 ҚАРАШАҒА ЖОСПАРЛАНҒАН ШАРАЛАР

Нұр-Сұлтан

18.00 – "Людвиг ван Бетховеннің барлық сонаталары" топтамасы аясында концерт қойылады, Астана Опера театры (Қонаев көшесі, 1)

1 ЖЕЛТОҚСАНҒА ЖОСПАРЛАНҒАН ШАРАЛАР

Нұр-Сұлтан

17.00 – "Астана Опера" театрының опера солистері мен аспаптық музыканттарының қатысуымен "Ел тірегі - Елбасы!" мерекелік концерті өтеді (Қонаев көшесі, 1)

2 ЖЕЛТОҚСАНҒА ЖОСПАРЛАНҒАН ШАРАЛАР

Алматы

19.00 – "Париж аспаны астында" концерті: барлық уақыттағы француз музыкасының жауһарлары (Жамбыл атындағы филармонияның үлкен залы, Қалдаяқов көшесі, 35)

9 желтоқсанға жоспарланған іс-шаралар

Нұр-Сұлтан

19.00 - " Ғажайып сол сәт әлі есте..."концерті.  "Астана Опера" театры орыс және шетелдік композиторлардың вокалды миниатюралары шырқалатын "Романс тарихы" жаңа топтамасын ұсынады (Қонаева көшесі, 1)  

12 желтоқсанға жоспарланған іс-шаралар

Нұр-Сұлтан

18.00 – "Күлбике" балеті, "Астана Балет" театры (Ұлы Дала даңғылы, 9)  

Жоспарланған шаралар тізімі ашық дереккөзден алынды. Sputnik Қазақстан шаралардың уақыты мен күнінің өзгеруіне жауапты емес.

0