Архивтегі фото

Вице-министр күзде коронавирустың екінші толқыны басталуы мүмкін екенін айтты

2170
Күзде коронавирус қайта өршісе, карантиндік шаралар сол кездегі эпидемиологиялық жағдайға байланысты қолға алынады

НҰР-СҰЛТАН, 19 мамыр – Sputnik. Күзде коронавирустың екінші толқыны келсе, карантиндік шаралар эпидемиологиялық ахуалға байланысты қабылданады. Бұл туралы денсаулық сақтау вице-министрі Людмила Бюрабекова мәлімдеді, деп хабарлайды Sputnik Қазақстан тілшісі.

БАҚ өкілдері вице-министрден күзде коронавирус қайта өршісе, қандай карантиндік шаралар қолға алынатынын сұрады.

"Шын мәнінде, біз күзде коронавирустың екінші толқынын күтіп отырмыз. Бірақ қандай шаралар қабылданатыны сол кездегі эпидемиологиялық жағдайға байланысты шешіледі. Қандай да бір карантиндік шаралар қолға алынуы мүмкін, алайда ол індеттің таралуына байланысты болады", - деді Бюрабекова министрліктің әлеуметтік желідегі парақшасында өткен тікелей эфирде.

Қазақстанда төтенше жағдай 16 наурызда жарияланды. Режим екі айға жуық уақыт, 11 мамырға дейін созылды.

Төтенше жағдай аяқталғанмен, өңірлерде карантин әлі де сақталған. Облыстар мен қалаларда шектеу шараларының алынуы коронавирус жұқтыру өсіміне байланысты шешіледі.

Оқи отырыңыз: Қазақстанда 425 бала коронавирус жұқтырған

Соңғы деректерге сүйенсек, республикада барлығы 6751 адамда коронавирус анықталды. Ең көбі Алматы қаласында –  1872, Нұр-Сұлтанда – 1287, Атырау облысында 769 адам тіркеліп отыр.

Бүгінге дейін 3515 адам дертінен айықты, отыз бес науқас қайтыс болды.

2170
Кілт сөздер:
вице-министр, коронавирус
Тақырып:
Коронавирус эпидемиясы (1824)
Тақырып бойынша
"Қара бүркітте" коронавирус: өмір бойына сотталғандар қалай емделеді
Алматыда коронавирустан тағы бір адам көз жұмды
Қазақстанның екі қаласында қоғамдық моншалар іске қосылады  
Коронавирус жұқтырған бұрынғы вице-министр емделіп шықты
Алматыда білім саласына қатысты бірқатар шешім қабылданды
Орталық сайлау комиссиясының ғимараты

ОСК мәжіліс сайлауына "Nur Otan"партиясы кандидаттарының тізімін тіркеді

16
"Nur Otan" партиясының тізімінде 126 адам бар. ОСК кандидаттардың заң талаптарына сәйкестігіне тексеру жүргізді

НҰР-СҰЛТАН, 2 желтоқсан – Sputnik. Қазақстанның орталық сайлау комиссиясы мәжіліс сайлауына "Nur Otan"партиясы кандидаттарының тізімін тіркеді, деп хабарлайды Sputnik Қазақстан.  

"Nur Otan" партиясы парламент сайлауына кандидаттарды ұсыну туралы құжаттарды Орталық сайлау комиссиясына 2020 жылдың 26 қарашада ұсынды.

Оқи отырыңыз: "Ақ жол" партиясы мәжіліс депутаттығына кандидаттар тізімін жариялады 

"Nur Otan" партиясының тізімінде 126 адам бар. Оның 40-ы әйелдер мен жиырма тоғыз жасқа толмаған жастар, олар тізімге енгізілгендердің жалпы санының 31,7 процентін құрайды. Уәкілетті органдар ұсынған мәліметтер негізінде Орталық сайлау комиссиясы мәжіліс депутаты болып сайлану үшін партиялық тізімге енгізілген адамдардың Конституция мен "ҚР сайлау туралы заңы" талаптарына сәйкестігіне тексеру жүргізді", - деп атап өтті ОСК мүшесі Асылбек Смағұлов отырыс барысында.

Тексеріс нәтижесінде партиялық тізімге енгізілген барлық адам заң талаптарына сай келетіні белгілі болды.  

Осыған байланысты, Орталық сайлау комиссиясының мүшелері "2021 жылдың 10 қаңтарына белгіленген Қазақстан Республикасы парламенті мәжілісі депутаттарының кезекті сайлауында "Nur Otan" партиясының партиялық тізімін тіркеу туралы" қаулы қабылдады.

16
Кілт сөздер:
сайлау, Мәжіліс
Тақырып бойынша
Қазақстанда жаңа саяси партия құрылып жатыр – депутат Әлтаев
"Nur Otan" сайлау алдында берген уәделерінің басым бөлігін орындады – Назарбаев
Әлі талай құшақтасатын боламыз – Назарбаев
Дариға Назарбаева мәжіліс депутаттығына кандидат болды
Сайлауға бойкот жариялау ұсынылды – ЖСДП мүшелері қандай шешім қабылдады
Телефон, иллюстративті фото

Құпия деректерге қауіп төніп тұр: Жалған онлайн ойынның сілтемесі таралып жатыр

18
Қолданушылар бөлісіп жатқан сілтеме ойынның порталына емес, жеке деректерді иемдене алатын фишингтік сайтқа кіргізіп жібереді

НҰР-СҰЛТАН, 2 желтоқсан – Sputnik. Әлеуметтік желіде Amazon компаниясы жүргізіп отыр делінген онлайн ойын туралы ақпарат таралып жатыр.  

"Ойын" ережесіне сәйкес, қатысушылар қымбат гаджеттер, ұялы телефондар мен компьютерлік техника ұтып алуы мүмкін. Алайда қолданушылар таратып жатқан "ойынның" сілтемесі фишингтік сайтқа алып барады, деп хабарлады Stopfake порталы.

"Бағалы сыйлықтар ұтысы туралы жаңалықтың астында жағымды пікірлер көп жазылған. Оның бәрі фейк деп болжауға болады. Бұл туралы ойын сайтында да жазылған – сайтқа кірмек болғанда автоматты түрде фишинг туралы ескерту шығады, ал сервермен байланыс қорғалмаған", - делінген хабарламада.

Сарапшылардың мәліметінше, алаяқтар осындай интернет-платформалар арқылы сайтқа кірушілердің жеке деректерін –аккаунттардың логиндері мен парольдерін, төлем карталары мен банктік шоттар туралы ақпаратты ұрлайды, тіпті жәбірленушінің компьютеріне немесе мобильді құрылғысына толық қолжеткізе алады.

"ҚҚС төлемдерін қайтарып ал": Алаяқтықтың жаңа түрі пайда болды

Бұл соңғы уақытта Қазақстанда тіркелген алғашқы фишингтік сайт емес. Бүгінде алаяқтар белсенді әрекет етіп жатыр, адамдарды банктердің, танымал тұлғалардың, ірі брендтердің атынан алдауға тырысады.

Фишинг – интернет алаяқтығының бір түрі, оның мақсаты – қолданушының құпия деректеріне, атап айтқанда, логиндер мен парольдерге қол жеткізу.

18