Қазақстан Жоғарғы сотының ғимараты

Сенат Жоғарғы сот судьяларын қызметінен босатты

4661
(Жаңартылды 10:41 21.05.2020)
Қазақстан президенті Жоғарғы сот судьялары Бауыржан Жұмағұлов пен Асқар Смайыловты басқа қызметке тағайындады

НҰР-СҰЛТАН, 21 мамыр – Sputnik. Сенат президенттің Жоғарғы сот судьяларын қызметінен босату туралы ұсынымын қолдады, деп хабарлайды Sputnik Қазақстан тілшісі.

Мемлекет басшысы сенат қарауына Бауыржан Жұмағұлов пен Асқар Смайыловты басқа лауазымға тағайындалуына байланысты Жоғарғы сот судьясы қызметінен босату туралы ұсыным енгізді.

Президенттің жарлығымен жуырда Смайылов Алматы қалалық сотының төрағасы, ал Жұмағұлов Атырау облыстық сотының төрағасы қызметіне тағайындалған болатын.

Сенаторлар мемлекет басшысының ұсынымын бірауыздан қолдап дауыс берді.

Оқи отырыңыз: Ерұлан Жамаубаев қаржы министрі болып тағайындалды 

Сенат спикері Мәулен Әшімбаев Жоғарғы соттың бұрынғы судьяларына атқарған қызметі үшін алғыс білдіріп, жаңа жұмыстарына табыс тіледі.

Бауыржан Жұмағұлов туралы не білеміз

Бауыржан Жұмағұлов 1961 жылы Алматы облысында дүниеге келген.

Мамандығы – құқықтанушы, заңгер. Әр жылдары Алматы қаласы прокуратурасында, Ақмола облысы әділет басқармасында қызмет атқарды.

1999-2002 жылдары Астана қаласы соты, 2002-2006 жылдары Атырау қаласы мамандандырылған ауданаралық экономикалық сотының төрағасы болған.

2011-2012 жылдары Жоғарғы сот аппаратында, 2012 жылдан бастап бүгінгі күнге дейін Жоғарғы сотында жұмыс істеді.

Президенттің 2020 жылғы 13 сәуірдегі жарлығымен Бауыржан Жұмағұлов Атырау облыстық сотының төрағасы лауазымына тағайындалды.

Асқар Смайылов кім

Асқар Смайылов 1964 жылы туған. Қарағанды мемлекеттік университетін заңгер мамандығы бойынша тәмамдады.

Әр жылдары Жамбыл облыстық төрелік сотының судьясы, Жамбыл облыстық сотының судьясы, Жамбыл облыстық соты азаматтық істер жөніндегі алқасының төрағасы, Жамбыл облыстық соты кассациялық сот алқасының төрағасы қызметтерін атқарды.

2015-2020 жылдар аралығында Қазақстан Жоғарғы сотының судьясы болды.

Президенттің 2020 жылғы 13 сәуірдегі жарлығымен Алматы қалалық сотының төрағасы болып тағайындалды.

4661
Кілт сөздер:
судья, Жоғарғы сот
Тақырып бойынша
Сенат Жоғарғы сот судьяларын сайлады
Алматыда судьяның пара алып жатқан сәті видеоға түсіп қалды
Отыз жеті судья жұмыстан шығарылған: Тоқаев Жоғарғы сот төрағасын қабылдады
Судьялардың жұмысы өзгереді - мәжіліс заң жобасын бірінші оқылымда мақұлдады
Саунадағы атышулы видео: прокурор жұмыстан қуылды
Антисептик и отметки на партах в школьном классе для соблюдения социальной дистанции

Екінші тоқсанда 1,2 миллион оқушы мектепке барып оқиды

0
(Жаңартылды 17:41 27.10.2020)
Республикада барлығы 3,4 миллион оқушы бар, олардың басым бөлігі – 2,2 миллионы қашықтан оқуды жалғастырады

НҰР-СҰЛТАН, 27 қазан – Sputnik. Қазақстанда екінші тоқсанда мектепке барып оқитын оқушылардың саны артады, деп хабарлады білім және ғылым министрлігі.

Екінші тоқсанда екі формат бойынша білім алатын балалардың болжамды саны:

қашықтан оқыту форматында – 2,2 миллион;

дәстүрлі форматта – 1,2 миллион, оның ішінде:

- 800 мыңнан астам бала кезекші сыныптарда (1-5 сынып),

- шағын жинақты 4010 мектепте 434 мың оқушы,

-13 халықаралық мектепте 3 мыңға жуық бала (1-7 сынып) оқиды.

Қазіргі күні Қазақстанда 3,4 миллион бала білім алып жатыр: қашықтан оқыту форматында – 2,4 миллион; дәстүрлі форматта – 953 мың, оның ішінде 647 мың бала кезекші сыныптарға (1-4 сынып), шағын жинақты 3047 мектепке 306 мың оқушы барып жүр.

Еске сала кетейік, 26 қазанда премьер-министр Асқар Мамин коронавирус инфекциясының таралуына жол бермеу жөніндегі ведомствоаралық комиссияның селекторлық отырысын өткізді. 

Комиссия бірқатар шешім қабылдады: атап айтқанда екінші тоқсаннан бастап оқушылар саны 300-ге жетпейтін қала және ауыл мектептері дәстүрлі форматқа көшірілетін болды. Ата-аналардың өтініші бойынша 1-ден 5-сыныпқа дейін, халықаралық мектептерде 7-сыныпқа дейін кезекші сыныптарда оқуға рұқсат етілді.

0
Ұшақ бортындағы жолаушылар

ПТР тестке қатысты талап өзгерді: ұшақпен қатынайтын жолаушылар нені білуі тиіс

15
Анықтамасы жоқ жолаушыны ұшаққа отырғызбау жөніндегі талап, тек шетелдік азаматтарға ғана қатысты

НҰР-СҰЛТАН, 27 қазан – Sputnik. Енді шетелде жүрген Қазақстан азаматтарында ПТР тест анықтамасы болмаса да, ұшақпен елге келе алады, деп хабарлады үкіметтің баспасөз қызметі.

"Алайда, анықтамасыз Қазақстанға келген отандастарымыз ПТР тест нәтижесін алғанға дейін карантинге жатқызылатын болады", – делінген ведомствоаралық комиссия хабарламасында.

Сол сияқты Қазақстанның ішкі рейстерімен қатынау кезінде ПТР сынағының нәтижесі талап етілмейді.

"Анықтамасы жоқ жолаушыны ұшаққа отырғызбау жөніндегі талап, тек шетелдік азаматтарға ғана қатысты", – деп атап көрсетілген ақпаратта.

Айта кетейік, 26 қазаннан бастап ПТР сынағының нәтижесі жоқ жолаушыларды, оның ішінде қазақстандықтарды да ұшақ бортына отырғызуға тыйым салынғаны хабарланған.

Оқи отырыңыз: "Қашып кетпек болды": Шетелден оралған 22 жолаушы ПТР тест тапсырудан бас тартты

Сондай-ақ, бұған дейін көліктегі мемлекеттік бас санитар дәрігер Сәдуақас Байғабылов коронавирус жоқтығы туралы анықтамасыз жолаушыларды ұшаққа отырғызғаны үшін әуекомпанияларына әкімшілік жауапкершілік енгізу қажеттігі туралы айтқан болатын.

15
Кілт сөздер:
коронавирус, жолаушылар, ұшақ
Тақырып:
Коронавирус эпидемиясы
Тақырып бойынша
Ұшақ шұғыл қонды: жолаушы біртүрлі әрекетімен жұртты дүрліктірді - видео
Алматыға қонған ұшақтан коронавирус табылды: бортта 130 жолаушы болған
Қостанайда карантин режимін бұзған жолаушы полицейдің құлағын тістеп алды   
Нұр-Сұлтанға келген 100-ден астам жолаушы карантинге жіберілді
Нұр-Сұлтанға келген 170 жолаушы карантинге жатқызылды