Теңіз кен орны

Теңіздегі коронавирус: кен орны іркіліссіз жұмыс істеп жатыр

289
Коронавирус пандемиясы "Теңізшевройл" компаниясының өндірістік қызметіне әсер етпейді, деп мәлімдеді компания. Ол жерде қызметкерлердің денсаулығын қорғау үшін барлық шара қолданылады

АЛМАТЫ, 21 мамыр– Sputnik. "Теңізшевройл" ЖШС кен орнында жұмыс істейтін 935 адамның коронавирус жұқтырғанына қарамастан, кен орны өндірістік қызметін іркіліссіз жалғастырып келеді. Бұл туралы Sputnik Қазақстан ақпарат агенттігіне ТШО баспасөз қызметі хабарлады.

"Біз бұрынғыша өндірістік қызметтің қауіпсіздігі мен сенімділігін қамтамасыз етуге назар аударамыз. Болашақ кеңею жобасының орындалу барысы 77%-ті көрсетеді және ТШО жобаны іске асырудың негізгі жұмыстарын қауіпсіз орындауға әрекет жасайды", - делінген компанияның мәлімдемесінде.

ТШО COVID-19 пандемиясының өндірістік қызметке әсерін барынша азайтып, қызметкерлердің денсаулығын қорғау және қауіпсіздігін қамтамасыз ету үшін барлық шараны қабылдайтынын жеткізді.

Осылайша, Теңіз кен орнындағы барлық адамға оқшаулану, әлеуметтік арақашықтықты сақтау, маска тағу және жеке гигиенаны сақтау секілді міндетті қатаң шаралар енгізілген.

"ТШО компаниясы барлық мердігерлік компания осы талаптарды ұстанады",- деп атап өтті "Теңізшевройл".

Бұдан басқа, ТШО COVID-19-ға талдау жасау процесін үнемі жетілдіріп отырады. Осы шаралар компанияда коронавирусты жұқтырғандарды алдын ала анықтап, тиісті ем алуға мүмкіндік беретінін айтты.

Оқи отырыңыз: Теңіз кеніші жабылуы мүмкін – Атырау облысына үкіметтік комиссия аттанды 

"Теңіз кен орнының аумағында жұқпалы аурулар стационары ашылды. Ол жерде коронавирус инфекциясы жеңіл немесе ауру симптомдары жоқ науқастар мемлекеттік органдар бекіткен ережелерге сәйкес ем алып жатыр", - деп атап өтті компания.

ТШО-ның бірінші кезектегі міндеті – қызметкерлердің денсаулығын қорғау және қауіпсіздігін қамтамасыз ету болып саналады, деп хабарлады компания.

Теңіз кен орнындағы коронавирус індеті

20 мамырда "Теңізшевройлдың" 246 қызметкерінен коронавирус инфекциясы табылғаны анықталды, осылайша науқастардың саны 935 адамға жетті. Бұл уақытта Атырау облысында 816 адамның COVID-19 жұқтырғаны белгілі еді. Кейін аймақтың жедел штабы кен орнында инфекция жұқтырғандар саны облысқа қарағанда көп екенін хабарлады, өйткені оған бүкіл ел бойынша ТШО-ның ауырған жұмысшылары кірді.

Қазақстанның бас санитар дәрігері Айжан Есмағамбетова Атырау облысына үкіметтік комиссия жіберілгенін мәлімдеді, оның нәтижесінде Теңіздегі жұмыс жоспары мен жұмыс кестесі қабылданды.

"Бұл әрекет Теңіздегі ауру жұқтыруды төмендетуге бағытталған. Қазір осы жоспардың орындалуына бақылау жасау қажет. Әйтпесе, бұл науқастар санының артуына, оқшаулануына, өндірістің өз еркімен жабылуына немесе мәжбүрлі түрде жабылуына алып келуі мүмкін", - деді ол.

Сондай-ақ, Есмағамбетова коронавирус ауруымен ауырғандар санының өсуінің тағы бір себебі инфекцияға тестілеу көлемінің артуы екенін хабарлады. Тестілеу кезеңі басталғалы 559 мыңнан астам тест алынды.

289
Кілт сөздер:
мұнай кен орыны, коронавирус
Тақырып:
Коронавирус эпидемиясы (2034)
Тақырып бойынша
"Теңіз" кенішінде не болып жатыр: үкімет делегациясы Атырау облысына аттанды
Қазақстанда індетті жұқтырғандардың саны 7234 адамға жетті
Батыс Қазақстанда инфекцияны кімнен жұқтырғаны белгісіз науқас анықталды
Павлодар облысында сауда орталықтары ашылып жатыр – келушілер нені білуі керек
Денсаулық сақтау министрлігі коронавирусты жаппай жұқтыру оқиғаларын жариялады  
Отырыста отырған депутаттар

Мәжіліс елді шулатқан заң жобасын кері қайтарып алды

7
Заң жобасымен жұмыс істеп жатқан парламент депутаттары мен өзге де ұйымдар нормаларды тағы бір мәрте қарап шығады

НҰР-СҰЛТАН, 27 қаңтар – Sputnik. Парламент мәжілісінің әлеуметтік-мәдени даму комитеті қоғамда шу туғызған отбасылық-тұрмыстық зорлық-зомбылық туралы заң жобасын кері қайтарып алу жайлы шешім қабылдады, деп хабарлайды Sputnik Қазақстан.

Заң жобасын 2019 жылы президенттің жолдауынан кейін парламенттің бір топ депутаты әзірледі. Мемлекет басшысы елде отбасылық-тұрмыстық жанжалдың артып бара жатқанын мәлімдеген болатын.

Мәжіліс депутаты Ирина Смирнова Sputnik Қазақстан тілшісіне заң жобасы 10 айдан астам парламент қабырғасында талқыланып жатқанын  айтты.

"Жұмыс топтары заң жобасымен жұмысты тоқтатқан жоқ. Қазіргі заң – мүлде басқа құжат. Парламенттен бөлек, заң жобасымен тағы 55 ұйым жұмыс істейді. Қазір көбі депутаттарға жала жабуда, құжатта мүлде болмаған баптарды айтып жатыр", - дейді депутат.

Айтуынша, мәжілістің әлеуметтік-мәдени даму комитетінің төрағасы Жәмила Нұрманбетова заң жобасын кері қайтару және оның мазмұнын жетілдіру туралы шешім қабылдаған.

Тағы оқыңыз: Тоқаев қазақстандықтар қызу талқылап жатқан заң жобасына қатысты пікір білдірді

"Әлеуметтік-мәдени даму комитетінің басшысы нормаларды тағы бір мәрте қарау және заң жобасына тағы бір рет тәуелсіз бағалау жүргізу үшін заңды қайтарып алды. Заң жобасымен жұмыс қанша уақыт қажет болса, сонша жалғасады", - деп нақтылады депутат.

Айта кетсек, отбасылық-тұрмыстық зорлық-зомбылық туралы заң жобасын парламенттің сегіз депутаты әзірлеген. Құжат балалардың құқығын қорғайды және тұрмыстық зорлық-зомбылықты азайтуға септігін тигізеді.

Жазаны қатаңдатудан бөлек, зорлық-зомбылық жасайтындарға емделуге мүмкіндік беріледі.

Отбасылық-тұрмыстық зорлық-зомбылық туралы заң жобасы әлеуметтік желілерде қызу талқыға түсті. Құжатқа қарсы шыққандар көп. Десе де,  құқыққорғаушылар мен заңгерлер қазақстандықтарды отбасындағы зомбылықтан қорғауға мүмкіндік беретін заң жобасының қабылданғанын құптап отыр.

7
Кілт сөздер:
Ирина Смирнова, заң жобасы, Мәжіліс
Вакцина, коронавирус

Отандық вакцинаның құрамында не бар

7
Вакцинаның барлық құрамдас бөлігі басқа да вакциналарды әзірлеу кезінде пайдаланылады. Сондықтан сенімді компоненттерден тұрады, деді вирусолог

НҰР-СҰЛТАН, 27 қаңтар – Sputnik. Биологиялық қауіпсіздік ғылыми-зерттеу институтының жетекші ғалымы, вирусолог, профессор Леспек Кұтымбетов отандық QazCovid-in вакцинасының құрамы туралы айтып берді, деп хабарлайды Sputnik Қазақстан білім және ғылым министрлігінің ресми сайтына сілтеме жасап.

"Инактивті вакцинаны дайындау технологиясы қарапайым. Ол басқа вакциналарға қарағанда қауіпсіз әрі тиімді әсер етеді. Вакцинаны егу нәтижесінде мықты иммунитет қалыптасады. Мысалы, ауырып, кейін сауыққан адамда пайда болатын иммунитетпен салыстыруға болады. Инактивті вакцинаны дайындау үшін пайдаланылған компоненттердің басым бөлігі ондаған жылдар бойы ғылыми тұрғыда пайдаланылып келеді. Олардың зияны болмаған. Сондықтан біз QazCovid-in әзірлеу үшін вакцинаның инактивті түрін таңдадық", – дейді Кұтымбетов.

Оның айтуынша, вакцинаның барлық құрамдас бөлігі басқа да вакциналарды әзірлеу кезінде пайдаланылады. Сондықтан сенімді компоненттерден тұрады.

"Инактивті вакцинаның платформасы қауіпсіз. Халықтың көпшілігі вакцинаның құрамындағы компоненттерді басқа да вакциналар арқылы бұған дейін де қабылдаған. QazCovid-in препаратын әзірлеу барысында пайдаланылған жалғыз жаңа компонент – белсенді емес вирус", - деп атап көрсетті ғалым.

Айта кетейік, бұған дейін білім және ғылым министрі Асхат Аймағамбетов, президенттің көмекшісі Ерлан Карин, Жамбыл облысының әкімі Бердібек Сапарбаев және Асфендияров атындағы Қазақ ұлттық медицина университетінің ректоры Талғат Нұрғожин клиникалық зерттеулерден тыс ерікті түрде отандық вакцинаны салдырған болатын.

7
Кілт сөздер:
коронавирус, вакцина
Тақырып бойынша
COVID-19-ке қарсы вакцинаны 5 жағдайда салдыруға болмайды – маман кеңесі
"Шешім қабылдаған жоқпын": министрлер мен депутаттар қандай вакцина салдыратынын айтты
Тоқаев қазақстандық вакцина салдырады
Қытайда пандемияға қатысты жасырын ақпарат белгілі болды
Алматыда эпидемиологиялық жағдай күрт нашарлады – Бекшин
Алматылықтар, архивтегі сурет

Алматы коронавирустың "қызыл" аймағында: жағдайға қатысты түсініктеме

0
Бірінші ақпаннан бастап жүргізілетін вакцинацияға байланысты ресейлік Спутник V вакцинасы жеткізіледі

АЛМАТЫ, 27 қаңтар – Sputnik. Алматы қаласы қоғамдық денсаулық басқармасының басшысы Нариман Табынбаев қаладағы COVID-19 статистикасы алаңдаушылық тудырып отырғанын айтты, деп хабарлайды Sputnik Қазақстан тілшісі.

"Қаладағы эпидемиологиялық жағдай алаңдатуда. Алматы "қызыл" аймаққа енді. COVID-19 статистикасы сөзсіз алаңдаушылық тудыруда. Ауырғандардың күнделікті саны 130 адамнан төмен түспей тұр", - деді Табынбаев.

Қаланың бас дәрігері онлайн-брифинг барысында Алматыдағы инфекциялық стационарлардың 61%-і бос тұрғанын хабарлады. Сонымен қатар 5 145 төсек-орын резервте тұр.

"Қазір тәулігіне орташа есеппен 50-90 науқас емдеуге жатқызылып жатыр. Ал жансақтау бөлімінің 50%-інде науқастар жатыр, жалпы 120 реанимациялық төсек-орын бар", - деді ол.

Нариман Табынбаевтың айтуынша, бірінші ақпаннан бастап жүргізілетін вакцинацияға байланысты ресейлік Спутник V вакцинасы жеткізіледі.

"Қаңтардың соңында Алматыға вакцинаның 1 450 дозасы келіп түседі. Ақпанда алты мың доза және шілдеге дейін 150 мың доза алу жоспарланып отыр", - деді Табынбаев.

Ең алдымен коронавирус инфекциясын жұқтырған науқастармен жұмыс істейтін мамандарға вакцина салынады. Олар: жедел медициналық жәрдем қызметкерлері, инфекциялық аурухана мамандары, көпбейінді аурухананың қабылдау бөлімі қызметкерлері. Вакцина ерікті түрде салынады.

0
Кілт сөздер:
коронавирус, Алматы
Тақырып:
Коронавирус эпидемиясы (2034)
Тақырып бойынша
COVID-19-ке қарсы вакцинаны 5 жағдайда салдыруға болмайды – маман кеңесі
"Шешім қабылдаған жоқпын": министрлер мен депутаттар қандай вакцина салдыратынын айтты
Қытайда пандемияға қатысты жасырын ақпарат белгілі болды
Алматыда эпидемиологиялық жағдай күрт нашарлады – Бекшин
Отандық вакцинаның құрамында не бар