Медицина қызметкері

Қазақстандағы екпе салу туралы шындық - денсаулық министрі жазба жариялады

4437
(Жаңартылды 15:02 06.06.2020)
Елжан Біртанов кез келген ата-ана балаға екпе салудан бас тарта алатынын жеткізді. Ол екпе салу туралы қазақстандықтарға түсініктеме жасады

АЛМАТЫ, 6 маусым — Sputnik. Денсаулық сақтау министрі Елжан Біртанов екпе салу туралы тағы да түсініктеме берді. Оның айтуынша, вакцинация тек адамның келісімімен немесе балаға қатысты болса, заңды өкілінің рұқсатымен ғана жасалады.

"Тағы бір рет вакцина туралы бар шындықты тыңдауды өтінемін. Адамға екпе салу - аурулардың алдын алуға арналған медициналық қызмет. Ол қолданыстағы Кодекс және жаңа Кодекс жобасы бойынша тек адамның келісімімен ғана жасалады. Кез келген адам (ата-ана) бас тарта алады", - деп жазды ол Facebook-тегі парақшасында

Министр вакцинация жасау халықты эпидемия мен инфекциялардан қорғаудың ғылыми негізделген және дәлелденген жалғыз тәсіл екенін еске салды.

"Сондықтан кез келген мемлекет үшін міндетті. Бұл мемлекеттік денсаулық сақтау жүйесінің міндетті шарасы. Егер вакцинация міндетті болмаса, перзентхана мен емхана дәрігерлері де екпе жасамайды", - деді Біртанов.

Оның айтуынша, мұның салдарынан жылына 4 миллионнан астам балаға гепатит, полиомиелит, туберкулез, пневмония сынды инфекцияларға қарсы мемлекет есебінен тегін екпе салынбайды.

Бұған дейін министр міндетті вакцинацияға қатысты әлеуметтік желідегі пікірталас туралы ойын айтқан болатын. Ол вакцинадан бас тартып жатқандардың саны көп екені жайлы ақпарат шындыққа жанаспайтынын жеткізді.

4437
Кілт сөздер:
министр, денсаулық сақтау, екпе, Қазақстан
Тақырып бойынша
"Құдай басқа бермесін": вирусқа қарсы вакцина әзірлеген қазақстандық ғалымның әңгімесі
Қазақстан ресми түрде коронавирусқа қарсы вакцина әзірлеушілердің қатарына енді
Балаларға екпе салу қашан басталады?
"Үкімет күшіне сенбей ме?": Бекболат Тілеухан екпе туралы заңға қарсы шықты
Баласына екпе салдырудан бас тартқан ата-ана жауапқа тартыла ма – министр жауабы
Кісен, архивтегі сурет

Солтүстік Қазақстанда ер адам бастығынан тірі анасын "жерлеуге" ақша сұраған

64
Аудан полицейлері тонау қылмысын ашу кезінде күдіктінің тұрғындарды алдап, алаяқтық жасағанын анықтады

НҰР-СҰЛТАН, 4 наурыз – Sputnik. Солтүстік Қазақстан облысында тірі туыстарын "жерлеу" үшін тұрғындардан ақша алған алаяқ ұсталды, деп хабарлайды Polisia.kz.

Шал ақын ауданының полицейлері тонау қылмысын ашу кезінде екі алаяқтық фактісін анықтады.

15 ақпанда Сергеевканың 29 жастағы тұрғыны дүкен тонады деген күдікпен тергеу изоляторына қамалды. Ер адам бұған дейін істі болған.  

"Тергеу барысында күдіктінің былтыр желтоқсанда жергілікті тұрғындардың бірінен апасын "жерлеуге" 50 мың теңге алғаны анықталды. Алайда оның  ешқашан апасы болмаған", - делінген хабарламада.

Қаңтар айында күдікті аудандағы шаруа қожалығына қара жұмысшы болып кіреді. Екі апта жұмыс істегеннен кейін бастығынан материалдық көмек сұрайды. Бұл жолы ақша анасын "жерлеуге" қажет болған.

Тағы оқыңыз: Дәретханаға сұранған: Алматыда ер адам тергеу изоляторынан қалай қашып кетті

Әйелдің тірі және аман-сау екенінен хабарсыз кәсіпкер қарамағындағы қызметкеріне 62 мың теңге берген. Осыдан кейін ер адам жұмысқа шықпаған.

Екі факті де Қылмыстық кодекстің 190-бабы "Алаяқтық" бойынша сотқа дейінгі тергеулердің бірыңғай реестріне енгізілді.

64
Кілт сөздер:
алаяқ, Солтүстік Қазақстан облысы
Жүкті әйел

Алматыда босанған әйел перзентханада көз жұмды

312
Кейбір мәліметтерге сүйенсек, әйел перзентханаға түскеннен кейін туыстарына ауруханадағы сыбайлас жемқорлыққа шағымданған

НҰР-СҰЛТАН, 4 наурыз – Sputnik. Алматыда перзентханалардың бірінде әйел көз жұмды. Бұл фактіні қаланың қоғамдық денсаулық сақтау басқармасы растады.

"Ана өлімі 2 наурызда тіркелді. Қазіргі таңда перзентханада тергеу шаралары жүріп жатыр. Сот-медициналық сараптама аяқталған соң, қорытынды аламыз", - деді қоғамдық денсаулық сақтау басқармасы басшысының орынбасары Лаура Мырзағалиева онлайн брифингте.

Босанған әйелдің өлімі туралы жекелеген БАҚ бейсенбі, 4 наурызда хабарлаған еді. Пациент өлерінің алдында туыстарына ведомстводағы сыбайлас жемқорлыққа шағымданған.

"Жемқорлық фактілері туралы ақпарат түскен жоқ. Бірақ, егер бұған қатысты тергеу жүріп, бәрі дәлелденсе, біз өз тарапымыздан шара қабылдаймыз", - деп мәлімдеді Мырзағалиева.

Денсаулық сақтау басқармасының баспасөз қызметі Sputnik Қазақстанға әйелдің сәбиі аман қалғанын нақтылады.

"Қазір оның жағдайы қанағаттанарлық", - деді ведомстводан.

Мырзағалиева босанған әйелдің өліміне аурухана басшылығы кінәлі екені анықталса, басқарма қатаң шара қабылдайтынын жеткізді.

312
Кілт сөздер:
жас босанған әйел, перзентхана, Алматы
Тақырып бойынша
"Дәрігерлер шарасыз еді": Жезқазғанда жас босанған әйел мен сәбиі көз жұмды
Астанада тағы бір жаңа босанған әйел көз жұмды
Қарағанды облысында жас босанған әйел мен сәбиі көз жұмды
Пойызда босанған әйел тосын шешім қабылдады – видео
Боран, тас жол

Қазақстанның бірқатар өңірінде жолдар жабылды

13
Бұрқасын, қар, тұман және желге байланысты республиканың барлық дерлік өңірінде дабылды ескерту жарияланды

НҰР-СҰЛТАН, 4 наурыз – Sputnik. Қазақстанның жеті облысы мен Нұр-Сұлтан қаласында республикалық және облыстық маңызы бар жолдарда қозғалыс шектелді, деп хабарлайды төтенше жағдайлар министрлігінің баспасөз қызметі.

"Ауа райының нашарлауына байланысты (көктайғақ, қар аралас жаңбыр, бұрқасын, жолдың көрінбеуі) еліміздің жеті өңірінде – Ақмола, Алматы, Шығыс Қазақстан, Қарағанды, Қостанай, Павлодар, Солтүстік Қазақстан облыстарында және Нұр-Сұлтан қаласында республикалық және облыстық маңызы бар автожолдарда қозғалыс жабылды", - деді министрліктің ресми өкілі Талғат Уәли.

Сонымен қатар, Қазгидромет ақпаратынша, алдағы күндері Нұр-Сұлтан қаласы, Ақмола, Ақтөбе, Атырау, Шығыс Қазақстан, Жамбыл, Батыс Қазақстан,  Қарағанды, Қостанай,  Қызылорда, Маңғыстау, Павлодар, Солтүстік Қазақстан, Түркістан облыстарының кей жерлерінде көктайғақ, бұрқасын, қар, тұман болады, желдің жылдамдығы секундына 15-20 метрге жетеді.

ТЖ министрлігі қазақстандықтарды алыс жолға шығарда ауа райы болжамын қарап, сақтық шараларын сақтауға шақырды.

Қандай жолдар жабылуы мүмкін екенін 1403 немесе құтқару қызметінің "112" нөмірі, сондай-ақ "Дәрмен" мобильді қосымшасы арқылы нақтылауға болады.

13
Кілт сөздер:
ауа райы болжамы, Қазгидромет